أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى سيدتي الادبي > قصص و روايات > الروايات



رواية حب مره محزنه وفيها ابيات شعر تجنن


جديد مواضيع الروايات


إضافة رد

  • Facebook

  • Twitter


Sponsored Links
قديم 06-29-2012, 05:26 AM   رقم المشاركة : 1
:: سيدة نشيطـة ::










افتراضي رواية حب مره محزنه وفيها ابيات شعر تجنن

رواية حب مره محزنه وفيها ابيات شعر تجنن






حب مره محزنه وفيها ابيات شعر تجنن
اتمنى تردووون عليهاااااااا


**
قصة شقا ماهي سواليف ومزوح .. ليت القدر يومه كتبها محاها .. هذا النصيب وما كتبلي على اللوح .. قصة عذاب تبكي اللي قراها ..
**
ما أدري من وين أبدا قصتي أو مأساتي أو تجربة حبي الفاشل ، عالعموم أنا بنت عمري الحين 20 سنه ، لي عيال عم واجد ،لما كان عمري 16 كنت أنجذب لواحد منهم وإسمه جراح وكبرت وكبر حبي له ، شخصيته كانت حلوه يمكن ماكان فيه جمال الشكل بس جمال الروح و تكانته وعقله ال
** أقبـــــلت مثل اللي يبشر بمولود ،،، وأقفـــــيت مثل اللي يعزي بغالي ....**

كنت أتمشى وأناظر خيـــــاله ، كنت أنطر اليوم اللي أتمشى فيه معاه بوسط هالطبيعه ، كنت أظن إنه لـــــي لأني بنت عمه ومافي شي راح يوقف زواجنا ، وحبـــــي له .....

** من مغـــــيب الشمس لين إرتفـــــع صوت الآذان .. غربـــــتن تطوي ضلـــــوعي وليل يحتـــــدي .. أتنزح عن مـــــكاني وأجي نفس المـــــكان .. كني اللي ضاعت خطـــــاه و يخاف يغدي .. وإن بكـــــيت وصار للدمع في عيني بيـــــان .. الغلا شي من اللـــــه ولا
صار وقت رجعتنا للكويت ، بفقد صوته ، بفقد شوفته ....! بفـــــقدك يا جــــــــــراح ..
أنا بالكويت ما أشوفه إلا بالأعياد والمناسبات ، و رجعنا للكويت وبالطــريـــق .....؟

** أعترف لك ســـــالت البـــــارح عليك .. دمعـــــتن في مفـــــرق دروب الســـــفر **

مرت شـــــهور ماشفته وصرت برابعه ثانوي وطبعا" برابعه مع الدراسه لهيت عن حبه شوي ، ومره من المرات و انا قاعده مع اخواني جابوا طاريه وليتهم ما إذكـــــروه !
** كنت أتوقع حـــــب الأطفـــــال بيموت .. لين إكتشفت إنه لهالحـــــين ما مـــــات .. الحـــــب الأول يحيى بوسط تابـــــوت .. يحيى و يبقى حافظ كل مافات .. *
لـ حفظ الموضوع والإستفاده منه إستخدمى هذا الرابط :
رواية حب مره محزنه وفيها ابيات شعر تجنن
http://forum.sedty.com/t617611.html


رد مع اقتباس

Sponsored Links



قديم 06-29-2012, 05:27 AM   رقم المشاركة : 2
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن


(( ودي ما أكمل بس ودي تعرفون غلطة عمـــــري ))

إمتحانات رابعه ثانوي كانت تبدا بتاريخ 13 / 6 / 2005 والمفروض إني أتجهز لها ..
وبشهر4 وبالتحديد يوم 16 كنت قاعده مع أمي وخالاتي ، آه لو تدري أمي إنها بالخبر اللي قالته إهدمت حيـــــاتي وأنـــــهت مستقبلي وضيعت حلـــــمي ،... آه يا يمـــــه ليتج ما تكلمتي ، آه يا يـــــمه ليتج ما قلتي ،.. ليـــــتني مت قبل ما أسمع بــــــــــزواج
** جـــــاني الخبر يا صاحبي وأظـــــلم الكـــــون .. قدام عيـــــني ثم نطقت الشهـــــاده .. عالعموم أقـــــولها ألـــــف مليون .. مبــــــــــــــروك من قلبن شكـــــالك بعـــــاده .. مبــــــــــروك لا يهمك سوالــيـــف وظنون .. من عاشـــــق أهداك فرحــ
مبـــــروك يا حبـــــيبي .....
مبـــــروك إنتهى حلـــــمي .. مبـــــروك ذبحتوا قلبي ....
مبـــــــــــــــــــــــــروك ....
بصراحه بهاليوم إنشل تفكيري ، رحت لتيلفون اخوي الكبير و دورت إسمه وأخذت رقمه ، .... !
(( للعلم أنا بدويه والبدو عيب عندهم بنت العم تكلم ولد عمها ))
دقيت على رقمه من تيلفوني على إني غلطانه وسكرت الخط وبــــكـــــيـت بكـــــيت على حظـــــي ....!!!
و على فكره كان هاليوم السبت تاريخ 19 / 3 / 2005 ،
(( جراح كان شاعر و أنا عندي محاولات شعريه ))
وصارت بينه هالمسجات ..

دزيت لجراح : قلت أنا آمنت بالله خالق كل البرايا .. والبلا إني بنت بدو العشم فيها وفيه ..

جراح : الله يا عالم كل الخفايا .. اعلم ترى النيه عليها هديه ..

نوف : آه يا شعري ويادمعي وياكثر الخطايا .. وآه يا ناس وجودي بينهم لي منقديه ..

جراح : يا رب إنك تغفر لنا كل الخطايا .. وترزقنا الجنه مع الناس البريه ..

نوف : آه من يوم نجي قدام وجه الله عرايا .. مانشيل إلا الذنوب ولا نشيل إلا الخطيه ..

جراح : تصبح على خير يا زين الحلايا .. الله يغفر ذنوبك و يشيل عنك الخطيه ..

نوف : ماني من اللي تنزل راسها من الصبايا .. ولاني من اللي يذلون العمايم في بلاط المكرميه ..

جراح : وراك يا اريش العين تقسي عليه .. حكمن حكمته لاتسنده ليه ..

///////////


قديم 06-29-2012, 05:27 AM   رقم المشاركة : 3
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن


وصار يوم الأحد 20 /3 /2005
كان جراح يراسلني من غير مايدري أنا منو ؟!!

جراح : آه ياحلو الخطا من يوم جتني هالرساله .. وأنا ماني من رجالن الخطا يمشي عليه ..

نوف : روح دور غيرنا واحدن مرتاح باله .. وش اللي يجبرك يابن الحلال عليه ..

جراح : جبرني عليك الغلا والعشق لا تقطع وصاله .. والقلب لامنه عشق لاهو بيديك ولا بديه ..

نوف : عزتي والله نهتني عن عشقن هذا حاله .. ماني من اللي تنخدع في كلامن رديا ..
{ وجنب عن دربي أحسن لك }
جراح : بدون تهديد أنا بس ودي أعرف منو إنتي يابنت الحلال أنا قايلج أنا ماني راعي هالسوالف والمصخره والله يشهد علي .

نوف : أنا بنت لو تجيب لي هارون وكل ماله .. ما أرضى إني أسير في دروب كلها خطيه .. بنت شيخ في مكانه ولا مثاله .. اخت رجالن جنبوا عن دروب المنقديه ..

جراح : مات الرشيد ومات قدام ماله .. أصلي (.....) ما امشي بدروب الخطيه ..

نوف : يابن الحلال آسفه أنا بس كنت غلطانه والسموحه .

جراح : ردي على هالبيتين لمحمد الخس و أخلص ،،
(( ذبحتني ياسيد كل الرعابيب .. وفجيت قلبي يا أريش العين فجي .. فج مثل مضراب شلفا تراحيب .. شلفا تخلي الدم الأحمر يكجي .. ))

نوف : ترى وصلني منك حلو المكاتيب .. وعقلي من التفكير قام ينوح ويلجي .. ترى حياتي كلها بيد عالم الغيب .. وترى هوى الهموم بالليل يعجي ..

جراح : والله ما ادري شقول أقسم بالله إنج صج عذبتيني أنا صج يبي يصير فيني شي مدري ضغط سكري والسبه إنتي .
\\\\\\\\\
نطرت أيام و بدون تفكير الساعه 3 الفجر وكان جراح بدوانيتنا يلعب ورقه ..
دزيت له مسج : ممكن أقولك شغله ؟
جراح : ممكن شنو هي ؟
نوف : إنت جراح وأنا أحبك من 4 سنين وأعرف كل شي عنك
(( الظاهر انصدم وظل يدق يدق يدق وأنا ما أرد بس قلبي تقطع شلون أشوف حبيبي يدق وما أرد ؟!! ))
رديت و ليتني ما رديت والله بس اسمع صوته تنزل دموعي وسولفت معاه كانت أحلى لحظات حياتي
وكتبت هالأبيات لك ياجراح
{{ لا تجرح اللي بعمره حبك سنين .. وكافي جروح الناس وسهوم الأيام .. ولا تكثر بالحكي وتزيد ذاك الحنين .. ترى شوقي على شوفك مخلي حالتي تنضام .. لا تنشدني عن نفسي أنا داخلي شخصين .. واحد عايش لأجلك والثاني لأجل الأحلام .. سمعت انك تبي تعرس وصار الحمل داخلي
تفاجأت بمسج الساعه 5 الفجر
جراح : تمنيتك البارح على هجعة العربان .. أسهر معك في ضو نور القمر ساعه .. لعلك ترد الروح للعاشق الولهان .. قليل العزا نفسه مع الهم ملتاعه ..

نوف : لا تمنى شوفتي ولا عدة ثوان .. والقلب مايقوى على جرحك ولاهو بإستطاعه .. عيش ياجراح وشيلني من الحسبان .. ولا تفكر في بنت عاشت سنين ملتاعه ..

ظليت أسولف معاه كل يوم من غير مايدري أنا منو ؟ وإني بنت عمــــــــــــه وحاول يقنعني أقوله بس ما رضيت كنت أسولف له عن حبه عن كل شي بحياته استغــــــــــــرب إني من وين عرفت عنه كل هذا ..

29 / 4 / 2005
نوف : اليوم فالجلسه انذكر طاريك .. وهلت الدمعه و لا أحدن فهمني .. ياللي ذكرته قوم ربي يجازيك .. جرحت قلبي وفيه شي طعني .. محدن درى أني أحبك وأغليك .. ولا احدن عرف وش اللي متعبن جفني ..

ومرت الأيام وطبعا" عاتبنــــــــــــي ليش مادقيت قبل لايتزوج
جراح : يازيـن ويــن أنت قبل أربــع شهـــــــوري .. قبل الكـــتاب اللي ربطني عــــليـــــه..

نوف : مــــــــــــات الأمل في داخـــــــلي وإلا شعـــــوري .. هو هو ما تغـــــير في يديـــــــه ..

/////////

يا نــــــــــــاس أحبــــــــــــه أحبــــــــــــه ليش يادنـــــيا .. وينك يا جـــــــراح .. إنت اللي كنت مصبرني على الدنيــــــــــــا ..
تخيلوا إني كنت أكلمه يوميا" وأنا بآخر شهرين من رابعه ثانوي ، وماشلت هم الإمتحانات كثر ماشلت هم قلبــــي بعد حبـيـــبي مو متـــوقعـه جـــراح يكــون لغــــيـــري ..

كنت أدرس بداري للإمتحانات و داري كانت تطل عالحوش ، المهم صليت العشا و لما خلصت قمت بروح الصاله وقبل لا أفتح الباب سمعت صــــــــــــوته صــــوت جــــــــراح ،" معقوله جراح موجود " لا ما أظن ، كنت بطلع لكن سمعت ضحكتــه اهنــي تأكـــدت و رحت للدريشه و شف
(( اليوم عقب ما أذن العشا وصليت .. كتب لي الله أشوف من يريح البالي .. سمعت حسه ولا صدقت وأقفيت .. لكن رجعت ومدري وش اللي طرالي .. شفته ولا صدقت وشلون ياليت .. يدري عن احساسي وجروح الليالي .. كل شي بحياتي له وحده عطيت .. ليت كل ما أمشي أشوفه قبالي ..))


شفته شفت جراح قاعد بالحوش مع إخواني وركضت للتيلفون وبـــــدون تردد دزيت له مسج وشـــــفته شـــــفت حبيبي يقـــــرا المسج ...
آه يا جــــــــــراح لو تدري إني نـــــوف بنت عمك "شراح تسوي "


***%%%%%%%%%***

قديم 06-29-2012, 05:27 AM   رقم المشاركة : 4
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن


***%%%%%%%%%***

في 18 / 5 / 2005
أصر علي حيل إنه يعرف منـــــو أنـــــا ؟
،
،،
،،،
أنـــــا قــــــــــررت أقـــــول لجـــــراح الحقيقـــــه !!!

نوف : جراح أنا راح أقولك منو أنا بس بشـــــرط !

جراح : أنفذه بس تقولـــــين الـــــصج .

نوف : راح اسكر الخط وأدز لك مسج بإسمي و منو أنا بس و بعدها ماراح أكلمك بس أبيك تعرف إني أحـــــبك مو بـــــس أحبــــــــــك إلا أمــــــــــوت بالتراب اللي تمـــــشي عليــــــــــه .
،
،،
،،،
تتوقـــــعون شــــــــــنو قـــــــــــــــال ؟ ! !


جراح : بس أبيج توعديني ماتسوين هالسوالف و ما تدقين على أحد وتبتعدين عن هالطريق .

( آه ياجـــــراح أنا ماعصيت ربي إلا لأني حبـــــيتك ، شلون اللي أحبه يتوقع إني من هالبنات ، ياجراح إذا كنت تقرا أنا سويت إللي سويته لأني أحـــــبــــــــــك .
وأنا ماكلمت أحد غريب كلمت ولد عمي .
ما أظنك تستاهل اللي سويته لك ياجراح .
و قررت إني ما أقوله أنا منو ؟ بعد ظنه فيني
***%%%%%%%%%***

عجزت أستوعب اللي صار لي بحياتي ..
عجز عقلي يفسر ماصار وجنيـــــته ..
عجزت أنسى جروح من عنا ذكـــــرياتي ..
عجزت أعيش من دون اللي هـــــويته ..
إن مت يا جـــــراح إقـــــرا وصـــــاتي ..
عساك تهنـــــى في حياتك مع من بغيته ..
ولا تسأل عن قلبي ولا تحـــــاتي ..
قلبي معك من سنيـــــن وإنت اللي رميته ..
اتركني أعـــــيش ليوم الوفـــــاتي ..
وبشوف عند الله مـــــاصار وجنـــــيته ..


****%%%%%%%****


قبل امتحانات رابعه ثانوي توفـــــى عمي بوجراح ...
"تخيلوا كنت نايمه والساعه 5 الفجر و قعدت على صوت مسج
جراح : أنا متضايق حدي .
نوف : جراح خير انشالله شفيك ؟
جراح : ابوي مــــــــــات عزوتي مـــــات .

جراح مايدري إن اللي مات عمـــــي يا ناس أنا أول وحده دريت قعدت وبكـــــــيت على عمـــــــي وعلى حــزن جـــــراح ...

** الـــموت حـق وخـل نفسك قــويه .. يامــا بهالدنـــيا نشــــوف النكـــايــد **

قعدت الصبح طبعا امي وابوي دروا عن وفـــات عمــي بس ماقالـوا لـي شي علشان امتـحـانـي بــاقي عليه يومين (" مايدرون إني دريت من جـــــــراح ")


بعـــــــد اسبوع كلمـــــــني جـــــــراح ...
' على فكره جراح ماعرف للحين منو أنـــــــا '

جراح : ممكن سؤال تجاوبين بصراحه ؟
نوف : تفضل
جراح : انتي تقولين انج تحبيني !
نوف بإستغراب : أكيد
جراح : وأنا الحين مو لج أنا مــلك لوحــده غـــيرج .
نوف بكل ألم وحسره : أدري
جراح : انتي إذا تقدم لج أحد بتوافقين ؟
نوف : مستـــــــحيل أكون لغــيرك وبعــدك ياجـــراح مابي أحد .

** اكحـــــــيلتك رثما فلا يــوم تنــســـاك .. وتــحرم على غــيرك يلامـس بــدنها .. إن جيــتها كل المشــاعر تمنــاك .. وإن رحـت عنها يافتـى الجـود صنـها .. تــطرب لصــوتك وتمـنى حـلاياك .. إمـا معـك وإلا تـولم كفنــها ..**

نوف تكــون لغير جــراح مستــحيل ، كان حلـمها جــراح ، كان أمــلها بهالدنــيا جــراح .. لكن خـساره يا جـــراح من لي بهالدنيا غــيرك .

** انت وإلا الــموت ما تفــرق معـــاي .. يـعــتمد من يســبق الثــاني عــــلي **

مرت الأيـــام وخلصت امتـحاناتي وبصراحه بالـي كـان عند صوت جراح وعنــد روح جــراح ما كنـت مهتمــه لإمتــحاناتي مع إن درجاتي كل السنين الـلي طافت زيـنه ، وللأسف قرب مـــوعد اعـــلان النـتايج .

جراح : ممكن أنا خلاص عقـلي بدا يســتخف انتي منو ؟ انتي تعـــرفيـن عني اللي أمي ما تعرفه ، تكفين أحلفج بالله انتي منو ؟!
777{{ نوف متردده وخايفه }}
جراح : يا بنت الناس أنا مابي شي وصدقيني و رحـمة ابوي ودفــنـتـــه إن كل اللي صار راح يتم بينا .
نوف : بس أنا خايفه أنا اللي سويته غلط
جراح : أقولج ودفنة ابوي راح يكون بينا .
{{ نوف خلاص ما تحملت و هو حلف برحمة ابوه واستسلمت وقررت أنها تقوله}}
نوف: جراح بقولك شي ترى مو من طبعي أني أكلم شباب ولا هو من تربيتي بس إنت قريب مني و هذا اللي خلاني أكلمك و ثاني شي وأهم سبب إنك الانسان اللي حبيته و واثقه إنك ماراح تضرني علشان جذي بقولك أنا منو بس بمسج وتكون هذي آخر مكالمه بينا .
جراح : ليش آخر مكالمه ؟
نوف: جراح انت عرسك قريب وأنا أنتظر اعلان شي يهمني وبعده بسافر وببدا حياة جديده وبنسى الغلطه اللي سويتها .
جراح: أوكي بس بوصيج وصيه .
نوف : تفضل
جراح : أبيج توعديني ماتدقين على أحد غيري يعني لا تعيدين الغلط هذا ...

نوف منصدمه من كلام جراح بعد كل هذا يوصيني على شرفي ...
نوف : جراح كلمتك هذي اجرحتني لكن مو من تربيتي أكلم شباب وأنا عصيت ربي مره معاك ولا أبي أعصيه مع غيرك مع السلامه ياجراح وانتظر مني مسج .
جراح : يابنت لحظه .. لحظه لا تفهميني غلط ......

نوف سكرت الخط و دزت هالمسج ..

((أبكيتني وأنا أحسبك تكره بكاي .. أثرك تلذذ في دموعي وأنا أبكي .. ))
حسافه على كل شي سويته لك أقولك مــــنو أنــــا ...؟
أنا نـــــوف بنت عمـــــــك .

قديم 06-29-2012, 05:28 AM   رقم المشاركة : 5
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن


ودزيت له مسج ثاني
(( إعترفت لك بحبي و ليتني مافعلت .. اعترفت و ليت ربي ياخذ الروح و يفكني .. اعترفت وقسى قلبك و قلت .. اوعديني ماتفعلين الخطا واتهمني .. شلون تقوى تشكك في سواتي جهلت .. إني ما امشي فالدروب اللي تذمني ..))

رد جراح دزلي ...
(( لو ماأحبك ما فعلت اللي فعلت .. وادمح الغلطه يا زين و رد و حبني ))

جراح بعد ما انصدم بشخصيتي .. دزلي مسج يطلب فيه إني أرد عليه ، وفعلا إتصل وكان ودي اسمع ردة فعله و رديت عليه .

جراح : نوف حرام عليج كنتي تضيعين وقتج كله معاي وانتي بثانويه عامه .
نوف : ماهمتني الثانويه ولا مستقبلي اللي يهمني انت .
جراح : نوف انتي من صجج تحبيني أنا عمري ماتخيلت هالشي .
نوف : جراح أنا ما أحبك و ربي إني أمـــــــوت فــيـك .
جراح : سامحيني عالكلام اللي قبل شوي بس أنا خايف عليج .
نوف : جراح أنا عقلي براسي صدقني ما عندي هالسوالف بس لأني أحبك سويت هالشي .
جراح : اليوم بالليل راح تطلع النتايج انشالله مقدمه عدل .
نوف : وين عدل وعمي توفى بموعد الامتحانات .
جراح : لا انشالله النتيجه خير .
نوف : اوكي تبي شي أنا خلاص باجر مسافره .
جراح : ويـــــن ؟
نوف : مصر
جراح : وأنــــــــــا ؟!
نوف : إنت تزوجت والله يوفقك .
جراح : يعني ماراح تكلميني حتى إن رديتي .
نوف : لا ياجراح خلاص أنا حتى خطي هذا بكسره وأقولهم ضاع بالسفر .


انتـــــهت آخر مكالمه بينهم و بنفس اليوم اطلــعت نتايج الثانويه العامـه وكانت نسبــتي موزيـنه ماتدخلني أي قسم بالجامعه كل اللي فالبيت انصدموا مومعقوله نوف هذي نسبتها أكيــدفي شي .
نوف كانت أكثر وحده منصدمه هـي توقعت إن نسبتها نازله بس مولهالدرجـــــه ...

بـــاجر السـاعه 7 الصـــبح طيـــارتهم

جهزت نــوف أغـــراضها وهي يائسه والحـزن مالي وجهها ودزت آخــر مسج لجـــــراح .،،،
" جراح اقـرا نسبـتي باجر بالجـرايد وأكون أنا بالمطار وشوف اللي صار و ضياع مستقبلي كان كله علشـــــــــــانك .. مع الســـلامه ياجـــــراح "

وبعدها اكسرت خطها و ودعت الماضي اللي سوته وحطت راسها عالمخده هلـــت دمــوعها متـحسفه على جراح اللي راح منــها وعلى مســتقبلهـا اللي ضــــاع .



** اليوم ماتنــــــفع دموعه و رجــواي ..
اليـــــوم تفصـــل عن حياتي حيـاتـــــه ..
الــــيــوم يعطيني بقايا بقايــــــاي ..
وأعطيـه أنا ماشلــت من ذكــــــرياته ..
الـــيوم بابـــدل مشــاعر حنـــــايــاي ..
يصبـــح من اخــــوانـي وأنا من خـــواتـه ..
**


///////////

نوف قضت شهر و نص بمصر والسفره هذي غيرت نفسيتها وجددت شعورها بالأمل وبدت تفكر بعقل يعني كافي ضيعت رابعه ثانوي من ايدها وفكرت تدرس دبلوم بعدين تكمل البكالوريوس ..

** لــو ضــاع مستـقبلـي ماني بســامح لــــك .. يكـــفيني الـــماضي الـلي ضـــاع بأســــبابــــك .. **


نوف ارجعت للكويت وكلها أمل وتفاؤل ومرت الشهور وداومت بالكليه و نست ماضيها لـــــكن مانســـــت حبهـا الأبدي لجــــراح .

الشهور مرت و نوف كل ماطروا لها جراح وموعد عرسه تموت ألف مره ومحد حاس فيها وكانت تشوفه بالأعياد وبالمزرعه اللي يقضون فيها عطلة الربيع لكن ماينفع الغرقان مد الأيادي ، وجراح كانت نظراته لها غير <بدري ياجراح توك تحس بحب نوف لك >

وبعطلت الربيع قضت نوف وأهلها العطله بالمزرعه وعمامها كانوا هناك بس ماتوقعت جراح راح يكون هناك .
وفعلا" راحت نوف وقعدت يومين وكان ودها تشوف جراح لأن السنه هذي آخر سنه راح يقضيها جراح بدون زوجته ،،،،


الساعه 4 العصر نوف أخذت اختها و استأذنت من ابوها تتمشى بالسياره ، كانت نوف مشغله أغنية بونوره ......

(( كــــــل شــي حــولي يذكـــــرنـي بشـــي ..
حتــى صوتـي و ضــحكتـي لـك فيــها شــــي ..
لــو تغــيب الــدنيا عمــــــرك ماتغــيب ..شـــوف حـــالي آه من تــطـــري علــــــي ..
الأمـــــاكــن كـلها مشــــتاقـه لـــــــــك ..))
نوف تناظر المزرعه من بعيد وتتذكر كل خطوه مشى فيها جراح ، ومع هالذكـــريــات ذرفـــت نـوف دموعـــها ، منـــال اختها اندهشــــت من دموع نوف !!!

منال : نوف لهالدرجه الاغنيه مأثره عليج ؟
نوف : اي والله ذكرتني بمواقف واجد مرت علي .
" على فكره منال اصغر من نوف بسنتين وقريبه منها حيل "
منال : نوف شـــــوفي من جــا ؟!
نوف بدون اهتمـام : منـو ؟ منال : سيارة جـــراح هذا جيـبه الجديد حمود اخوي قالي عنه ، يبي يكـشخ الحبــيب عنــد زوجـته .
{{ نوف انزلت دمعتها اجرحتها كلمة منال بدون ماتقصد }}
نوف : خلاص منال أنا تعبت شرايج نرجع المزرعه .
منال : اوكي أحسن بعد خلينا نلحق نسلم على عمتي ام جراح .

وفعلا" وإحنا رادين بنصفط و إلا هذا جراح طالع من الدوانيه حسيت ان نظرات جراح تغيرت صوبي لكن بعد شنو ؟ !

<< منال كانت شخصيته شوي غير عن نوف ، كانت جريئه وملقوفه >>

منال أشرت لجراح وقرب صوبنا .

منال : جراح شلونك الحمدلله عالسلامه .
جراح : الله يسلمج
منال : جراح مبروك عالسياره كل هذا للعروس
جراح ابــتسـم ابتــسامة ألــم وهــو يشوف تأثير كلام منال على نوف ،
جراح : منال ماتجوزين عن هالسوالف
منال : هاهاها بروح اسلم على عمتي .

الساعه 8 الصبح قعدت نوف من النـوم و هي طالعه من الغرفه شافت جـــراح ، أشرلها على ورقه حطها وراح . ، نوف ترددت قبل ماتاخذ الورقه لـكنها أخذتها وكان مـكتوب
" نـوف أنا ولد عمج قبل ما اكون حبـــيبج ، وعندي طلب اليوم أهلنا معزومين على عشا ، لا تروحين وأنا بروح و أرجع مبجر ، بشوفج بكلم الانسانه اللي حبتني من دون ما ادري ، امنيتي اسمع كلامج منج بدون هالرسايل "

فكرت نوف وقررت تقعد معاها اختها منال واخوانها الصغار واهلها راحوا العشا بعد نص ساعه رجع جراح ودخل عليهم بالمجلس

قديم 06-29-2012, 05:28 AM   رقم المشاركة : 6
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن


جراح : السلام عليكم
منال و نوف : وعليكم السلام
جراح : منالـــوا غـــريبه مو رايحـه للعشا !
منال : والله ودي بس نوف تعبانه قلت اقعد معاها
جراح : منــال شريت أشرطه كاسيت تعجبج انقلعــي اخذيهم من سيارتي
منال : جراحوا صج
جراح : صجين بس شوي شوي على سيارتي
( منال كانت ماخذه على جراح حيل عادته نفس اخوها ماتستحي منه )
منال راحت للسـياره و هني جراح قـــــــرب من نـــوف ورفـع راسها بيده
نـوف منصــدمه من حركـة جـــراح

جراح : نوف شوفيــني أنا حبيبـــــج قدامج منتي قايله شـي ؟
نوف بإبتــســامة ألــــــم : قـلت لحبـــيبي إن كل شي انتهــــى خـــــلاص
جراح : نوف انا دايم كنت أشوفج بس شعوري هالمـره غيـــر عن كل مره شفتج فيها
نوف : هذي الدنـيا !
جراح : نوف ماودج تقوليـن شي ؟
نوف : الــله يوفقـــــك
جراح : بتحضرين عرسي ؟
نوف : إن ماحضرت عرسك ياجراح و رقصت فيه أحضر عرس منو اجل ،
جراح : نوف صج والله
نوف : اي والله وبفصل احلى بدله

جراح يطالع نوف باستغراب ، أما نوف انزلت دموعها غصبن عليها و ادخلت دارها و ارتمت عالسرير وظلــــت تبكــــي على حبـــــــــــها لين غفت عينها و نامت .
**
دخـــــــــــــــــــيلك تخلي ضايق الصدر في حاله ..
ترانـــــي على حد البكــــــى لا تبكينـــــــــي..
**

مرت أيام العطله بالمزرعه قاسيه على نوف لأنها كل ماشافت جراح يزيد الجرح بقلبها و كان عرس جراح حديث الأهل والحريم بالمزرعه ،

ارجعوا نوف وأهلها للكويت وقرب عرس جراح

تتوقعــــــون نــوف شــنو فصـــــــــلت ؟

نوف كانت تتخيل انه يوم عرسها للحين مو مقتنعه أو مو مستوعبه ان جراح بيتزوج غيرها ، فصلت بدله لونها أبــــيض كانت الـــبدله روعـــــه كانت تتخـيل انها هـي اللي بتقعد عالكوشه مع جراح موغيـــــرها .

** أنـــــا أول العالــم على العـــرس يلـفون ..
وأول معــــــــازيم الفـــرح والحــــــــــــداده ..
أبــــشر أنا بــرقص على العـــرس بلهــون ..
كـــلن يعبـــر فرحـــــتـه بإجتــــــــــــهاده ..
لـــو البـــلا رقصـــن يقولون مزيــــــــــون ..
الــمشكـله الــقـــلب يفضـــــح وداده ..
يــــوم العــــذارى في دخولــك يغنـون ..
وعــــــــروستك بأحلى ثوانـي السعــاده ..
وشلــــون أبكــتم صــرختي يــوم تمــــشون ..
تــكــفـون اخذونــي للعروسه قـــــــــــلاده ..
كـنت أتــمنى بدالـها ولــله الــــــكـــــون ..
وأحــط ايــــــدي تحت راســـك وســاده ..
وصـــيــتي لوجاتـــك بنت وأنا أمــــــــون ..
سمــيـــــتها لـــك 'نــــوف' قبــل الـــولاده .. **


العرس قرب وأبيكم تدعون لي يارب ما أبي أفضح نفسي قدام الناس ، إن ماحضرته بيحطون ألف سبب علشان جذي لازم احضر والله يستر ،
معقـــوله بشوف جراح مـــاسك يد عروســـته و يزفــونه للبــيت
معقـــــولـه جــــراح تـــــزوج غــيري
يـــارب صبــرنـي والله صــعبه شوفة حبيبي مع الغير

**
بحضر زفافــــــــك مثل باقي المعازيم....
لوكان في لـــــــيلة زفافك وفاتــــــــــي....
بحضر نهــــــــاية قصة الحب والضيــــــــم....
واكتب على جــــــرح الهواء ذكرياتــــــي....
**



بكـــــــــــل أســـــــــــى أنـــــــــــا "منـــــــــــال" بكــــمل لكم الــلي صار واللـه يصــــبرني ...


قبل عرس جراح بإسبوعين نوف راحت الخياط وقبل ماتروح كانت مستانسه وصار بينا هالحوار

نوف : منال أنا طالعه توصيني على شي ؟
منال : غريبه ليش كل هالوناسه شنو الظاهر بدلتج ضبطت
نوف : ما أدري بس يمكن لأن العرس قرب ومن زمان ماصار عندنا عرس
منال : مابي إلا سلامتج بس ترى زحمه وانتي سياقتج الله بالخير
نوف : اوكي اي صج مفتاح كبتي نسيته عالسرير خشيه عندج لين أجي .
(( هالكبت لنوف وكـــل أســـرارها فيـــــه ))
منال : لا تخافين محد بيفتح كاتــــم أســـــــرارج هاهاها
نوف بضحكه : بـــــــــــاي

وطلعت نوف وبدلتها كانت عند مشغل بحولي ، وصلت المشغل و لبست البدله كانت فضيعـــــــــــه
(( نوف كان جسمها حلو طويله و مليانه وشعـــــرها الأسود واصل لنــــــص ظهرها ))
لبست البدله وكانت قمه عليها ، أخذتها وطلعت من المشغل و هي راده البيت تذكـــرت جراح و نــاظرت البدلــه على يمــــينها

**
الثوب جـــهـــزته والقلـــب ضايق و مجروح ..
بلـبسه فــي لـيلة زفـــــافك حبــــــــــيبي ..
مسـموح لو تطعن القــــــلب مســــــــــموح ..
بــــــــعدك جروحي ما أظنها
تطـــــــــــيبي ..
**

ذرفـــــــــــت دموع نوف حــزن على فـــراق جــــــراح

قديم 06-29-2012, 05:29 AM   رقم المشاركة : 7
:: سيدة نشيطـة ::










افتراضي رد: رواية حب مره محزنه وفيها ابيات شعر تجنن



زادت ســــرعة الســـــياره
اصطدمت بحاجز الإسمنت و من زيادة السرعه انقلبت السياره مرتين ، انقلوا نوف المستشفى حالتها كانت خطيره بالعنايه المركزه ، وأول وثاني يوم ماتقدر تكلم أما ثالث يوم الساعه 1 الظهر قالت لأمي ناديلي منال أبيها ضروري ، أمي نادتني و أول مادخلت عليها غرقت عيوني ب
نوف : منال امسحي دموعج أنا بخير انشالله .
منال وهي تبكي : نوف والله نحبج الله يقومج لنا بالسلامه .
نوف : منال أبي اطلب منج طلب بس يكون بيني وبينج
منال : آمريني
نوف : إن صار فيني شي افتحي الكبت تلقين دفتر مذكراتي اقريه وشوفي الاسم الموجود فيه و عطيه دفتر الشعر وبلغيه إن كل حرف بالشعر كتبته له
منال بإستغراب : منو هالشخص بس انشالله انتي اللي بترجعين وتفتحين الكبت مره ثانيه و ...
تقاطعها نوف : منال سوي هالشي بس لحد يدري

منال اطلعت من غرفة العناية المركزه و هي حاسه إنها بتفقد عزها فالدنــيا إختـــها الـكبيره نـــوف

نوف بعد طول الســاعات وفي يـوم 14 / 8 / 2006 الساعه 8 بالليـل وافتهـــا الــمنيــــــه وإرحلت نـــــــوف إرحــلــت وجـــرحها بقــلبها بعده مابــــــــرى ، إرحــــلــت وإســـم جـــراح بـــقلبـها ، وينج يا نـــوف والــله البـــيت ما يســـــوى بــــدونج ،

**
نـــــــــوف ماتت وجـــرحـها بــعده ما بـــــرى ..
يــوم راحـــــت تستلــم ثوب عرسك ياجــــراح ..
محدن عرف في سرهـــا غيـري ولا أحدن درى ..
والـهم في وســط قـلبي من فراقــــها ذبـــــــــاح ..
راحـــت و وصيـــتها أشـوف وش اللي فيها جــرى .. راحــت و هي تدعــي عساك اليـوم مــــــرتاح ..
**

ويـــــنك ياجـــــــراح روح لـلتــراب اللي ضـم جــسد نــــــوف علها تســـامحك ، روح ضم كــل ذرة تــــراب فوقها عســاها تســـامحك نــــــــــوف مـــــــــــاتت و هــي رايــــحه تجيب بدلة عـــــــرسك يا جراح ....

بعد وفاة نوف الغاليه بأسبوع من غلاتها رحت يم الكبت ترددت قبل ما افتحه و خفت و ذكــــرت نــوف و هلــت دمــوع عيــــــــــــــني .

**
هذي دمـــوع العين تذرف على نـــــــوف ..
وهذي زوايــــا البيــــت تشــكي غيــــابها ..
من رحلــــتي والـهمــوم تحــوفنــا حـــوف ..
من رحــلتي والعين تشكي فراق أحـــــبابهـا ..
هذي أمـــي من غــيابج منهو في همها يــروف ..
هذي أمـــي عــــافت النــاس من ماصـــــابهـــا ..
شـــوفي إخــوانج يــبونج ينطقون اسمج بخوف ..
البــيت كـــلها اشكتـــى من سبة غــــــــيابها ..
**

فتحت الكبت و قريت مذكرات نوف و قريت كل شي كتبه لكم وعرفت سبة رحيلها و هي زعلانه ، عرفت سبب الحزن اللي بعيونها الفتره اللي راحت ، عرفت ليش اختارت اللون الأبيض لعرسك ياجراح .

**
اشهـد إنـــي فتحــته و انتحـــبت وبكــيت ..
وقــمت أمــسح دمـــوعي من يــسار ويميــــن ..
لا طـــرتــلي نـــوف بصـوت واطـي حكــــيت ..
إنـــاللــه و إنا لـلولــــي راجــــــــــــــعين ..
**

الله يرحمج يا نوف آه يانوف كان ودي تصارحيني بحزنج و همومج ، كان ودي أشاركج همومج نفس ما تشاركينا همومنا ، فقدج فقدت الإخت الكبيره فقدت سندي فالدنيا فقدت روحـــــي يا نـــــــــــــــــــوف ... ، أمي افقدتج افقدت سوالفج ، افقدت ضحكتج ، إخواني الصغار افق
هذي قصة اختي نوف اقروها وادعوا لها تسكن الجنه يا رب لأن مافي نفسها عمرها غلطت على أحد و لا ذلت أحد كانت تحب الناس ، كانت تحب ترسم البسمه على وجيهم ، الله يعطيج على قد نيتج يا نوف الــــــله يــــــــــــــــــرحمج ..

**
حيل الله اقوى يالعيون الشقيه *** وش في يدي غير السهر والقصايد
اشوف حبي ميت في يديه *** واصوغ له بأبيات شعري قلايد
قالوا توفت وافقتها المنيه *** واصحى ترى اللي مات ماهو بعايد
الموت حق وخل نفسك قويه *** يامها بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
ماتت وذكراها على البال حيه *** ودموع عيني لاطرتلي شدايد
وافراقها للقلب من غير نيه *** وانا اشهد ان فراق الاحباب كايد


*


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




رواية حب مره محزنه وفيها ابيات شعر تجنن

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
قصة حب روعة وفيها ابيات شعر حزينة مرة ماردين المواضيع المكررة 9 06-16-2012 05:22 AM
قصه حب رووووعه وفيها ابيات شعرر نجلاء الخالدي افتحي قلبك 9 02-24-2012 02:44 AM
ازيـــــــــاء فيها جديد وفيها جرأة وفيها روعه همسة قمر ازياء وأناقه 32 07-05-2011 08:33 PM
زفة الملكيه اوبريت ( ليله وفيها شمس ) بدون موسيقى باسماءالعروسين همسات العروس عروض متنوعه 23 06-21-2010 10:16 PM
زفة الملكيه اوبريت ( ليله وفيها شمس ) للشيخه حصه ال مكتوم بدون موسيقى باسم همسات العروس عروض متنوعه 6 04-25-2010 05:45 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter