أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى سيدتي الادبي > قصص و روايات > الروايات



رواية أسرار العيون


جديد مواضيع الروايات


إضافة رد

  • Facebook

  • Twitter


Sponsored Links
قديم 07-22-2012, 12:59 PM   رقم المشاركة : 89
:: سيدة رائعــة ::










افتراضي رد: رواية أسرار العيون

رد: رواية أسرار العيون






ام محمد : يمه سارا تعالي جنبي

سارا: ان شالله يمه وراحت جلست عندها

ام محمد بهدوء: ليش وجهك اصفر

سارا بتوتر: ها لا بس من كثر النوم ومو اكله شيء للحين

ام محمد : والله مادري متى تعقلين وتنتبهين لاكلك

سارا: بحاول يمه والله بحاول

زياد يضحك : حركات اشوف اليوم ههههههههههههههه

عبدالعزيز انتبه ان سارا والهيثم لابسين نفس الالوان وجلس يضحك : شكل لون الزيتوني لون

الموضة الكل انتبه وضحكوا سارا هنا خلاص ذابت ووجها صار نار وطماطم من الاحمرار والبنات جلسوا تعليقات

عبدالعزيز طالع ندى يريد يشوف لون لبسها ويكحل عيونه منها شافها لابسة عبايتها وباين من تحت

بنطلونها البني ابتسم لها ريم انتبهت له وجلست تضحك عليه وندى طالعت فيه شافاته يطالعها

بعدين نزل راسه اول ماطالعت فيه وريم جلست تعلق عليهم وانظموا لها البنات

سارا قامت من عند جدتها وراحت لهم تضحك تغير الموضوع : وش فيكم

ريم : هههههههههه ماشي بس اليوم مانقدر على العشاق

سارا: مين عاشق ها من وراي

رودنا : يؤ يؤ بريئة اولا انتي والهيثم اول العشاق وبعدين الخبل هذلا تاشر على ندى وعبدالعزيز

شيماء كانت ساكتة وسرحانة قربت سارا منها

سارا بهمس: ادري انه جلف ومايعطي وجه بس اصبري عليه اشوي امكن يذوب الثلج

شيماء بتوتر: ها ايش قصدك

سارا بابتسامة: ماتقدري تخبين علي بالسهرة نكمل مو ذلحين

شيماء هزت راسها

وجلسوا سوالف وضحك حتى جاء وقت العشاء والكل تفرق الحريم والبنات في الصالة الي برا

والرجال والشباب بالمجلس وبعد ماخلصوا البنات طلعو للحوش

جلسوا لعب وسوالف وبعدين جابت رودينا الاستوريو وشغلاته وطلعوا عليهم الحريم وجلسوا

معاهم ضحك وتصفيق الكل رقص مافي احد جلس شوي سمعوا صوت خالد وزياد الي جوء

عندهم سارا هاذ انتم تعالوا

خالد : ايش بتسون

ام خالد : بنرقص

زياد : يالله خلونا نتفرج نحن بحسبة اخوانكم

سارا : لاياشيخ

خالد : ويجلس وهو الصادق اقول سارا وين السويت

سارا: ياي نسيت شيمو تعالي نجابهم بعدين نكمل رقص

زياد: سويتي كيكة الفراولة

سارا: اكيــد يالله برجع وبرقص لكم

راحوا جابوا الحلا ووزعوه واللي جاء كل عندهم والي انتظر عند الرجال

وكملوا رقص واغاني

رجعت ريم وفتحت الباب عشان تطلع للجلسة الي بالحوش الي جالسين فيها وكانت سارا ترقص

بحماس مع ندى حطت ايدها على كيلو الباب "ممسك الباب "بهدوء وجلست تتفرج وتضحك شوي

انتبهت ان ايدها مو على الممسك حست بجلد وشعر جسمها كل ارتعش وماقدرت تطالع بالي

جنبها التفتت على خفيف وانصدمت على طول سحبت ايدها وطارت لداخل ودخلت الصالة وجلست

على اقرب كرسي ريم في نفسها : ياربي فشلة ايده احط ايدي على ايده ويييي يافشيلتي

ياقهري ياربي باموت يارب مايكون انتبه لي لا وهو ماسحب ايده ولاشيء

وكان ساكت ايش قصده ياربي فشلة والله فشلة وانا ما احس من اول عديمة احساس والله

رودينا الي كانت داخلة : ريم ايش فيش ليش وجهش احمر

ريم : ها ماشيء بس تعبت اشوي قلت اجلس

رودينا ومو مقتنعة : اوكي مع ان برا انواع الهبال لاتفوتش والله

ريم : اوكي باجي دقايق وجاية

رودينا : اوكي .

*******************************************
خلص البارت ان شالله عجبكم



Sponsored Links



قديم 07-22-2012, 12:59 PM   رقم المشاركة : 90
:: سيدة رائعــة ::










افتراضي رد: رواية أسرار العيون


تابــــع


بعد العشاء

في المزرعة

الرجال بالمجلس سوالف وضحك والحريم كانوا عندهم
البنات منتشرات كل ومجموعة بمكان والشباب يسبحون بالمسبح

واثنين راحوا للملحق يتفرجون على الصور

سارا: يالله وصل الكيبل بالشاشة

وصل الوليد الكيبل: سارا ايش رايش نأجل الصور مع اخوانش والحين تسولفيني عنش

سارا: لالا اريد اشوف الصور واكون اول وحدة تصدق زين الي سويته وماعطيتهم الكميرا والمموري

وليد: ههههههههه على بالش كفاية رجعوا قبلي ولا واحد جلس معي .

سارا: يؤيؤ والله كسرت خاطري خخخخ

الوليد: مالت عليش يالله قومي ماشي صور

سارا: لالالا ولوودي بليـــــز

الوليد: هههههه والله ولوودي ها يالمصلحجية

سارا تسبل بعيونها : افااااااااا انا مصلحجية

الوليد: لا ابد بنت الجيران .

سارا باستهبال : أي وحدة فيهم .

الوليد: ياسخفش

سارا: قول عادي مابقول لهم شيمو ولا ريم ولا ريماس

الوليد حب يعرف مين البنت الي مسكاته : ههههههههه حرام شيمو عاد الحين مصلحجية

سارا: يعني ريم وريماس اهم الي مصلحجيات

الوليد: يووووه والله لقديمة تصدقين اني ما اتذكر اشكالهم

سارا: يوه ماعليك بعدين اخبرك فيهم امكن نزوجك وحدة

وليد : حلفي بس اقول كاني عطيتش وجه

سارا: طيب ارويك

وليد: يمه خفت الحين انا

سارا: مابتكلم الحين بعدين بتشوف .

وليد: هههههههههههههههه انتي للحين ماتغيرتي

سارا: لالا شغل الكام واسكت

وليد : والله وتتشرطي

سارا: يحقلي والله

وليد : ينعل الغرور

سارا ناظراته ورافعة حجلها بغرور ممكن تاشر على الكام

شغل الكام بعد ماوصلها بشاشة التلفزيون وجلسوا يتفرجون

سارا: منو هذولا تأشر على ثلاث بنات واقفات معاهم وولد

وليد: هههههههه هذي احمد من الامارات عمه متزوج على وحدة من هنا من ال...

سارا: اهاا مزيون و شكله ولد ناس ورزة

وليد : يالي ماتستحين بس انتي صادقة ولد ناس ورزة ويعتمد عليه

سارا: ياهووو راعي فزعات ومزيون ياااي صراحة تحفة .

وليد : البنت جنت سكتي بس ماتستحين

سارا بنص عين : ايوة على الاقل انا اشوف مو اصور مع بنات

وليد : أي بنات هذول هذي لينا من لبنان ونوال سورية اخبل ثنتين وهذك سوزي المانية

سارا: لاوالله

وليد : يووووه نسيت اقول لشباب انهم يلمون عليهم هههههههههه

سارا: ليش تضحك

وليد : على خبالهم مساكين ينضحك عليهم خلينا منهم ونكمل البقية

وكملوا سارا وكل شوي تسال وتعلق


**************************

عند الشباب الي كانوا عند المسبح وضحك ووناسة

جالس على الكرسي يريح شوي ويفكر بحاله مو عارف ايش يسوي وجلس يضحك على حركات الشباب

طلع من المسبح جهاد وقرب منه اخذله عصير من الطاولة وجلس جنبه بالكرسي

جهاد: خير يابوسعود بتفكر بالحبايب

هيثم : هههههههه ضحكتني

جهاد : من جد شكلك مشغول بالتفكير

هيثم : خليها على ربك

جهاد: ماعلي الحين منك بس مابخليك الا وتكلمت بس ريحني وقولي بمين تفكر ببنت العم

هيثم : اااه صح هيا لها شوي من التفكير بس الي شاغلني عمة لي لي

جهاد: ليش هيا رجعت اتصلت عليك مرة ثانية

هيثم بابتسامة : هه لا في تطور هيا هنا موجودة

جهاد: هيثم ايش الي بتقوله

هيثم : والله هيا موجودة بالهيلتون جت مع وليد بنفس الطايرة

جهاد : لالا والله خطيرة

هيثم: الي قاهرني اهتمامها يوم عايشة ما اهتمت الحين اهتمت وباستهزاء مادرت ان الي بتفكر

فيه ماشي منه

جهاد: الله يعينك عليها وعلى الي تريده وتعرف مكاني اذا احتجت لي

هيثم : ماتقصر بس الموضوع بيني وبينها لاتشغل بالك

جهاد : انزين انت على ايش ناوي

وقطع كلامهم خالد الي ضرب الكره الي يلعبون فيها ببركة السباحة على جهاد وقام جهاد يضاربه

ويردها له بس على وين خالد اتفق مع فراس وريان انهم يطيرونة بالمسبح وهم ماقصروا ينفذون
الموضوع وجهاد بثواني طايح بالمسبح وجلس يسب فيهم وجلسوا يضحكون عليه وجاء خالد من وراهم وطيحهم وهم مصدومين منهم

جهاد : تساهلون ماحد قالكم تتفقون ضدي معاه

فراس : ارويك يالثور ان ماوريتك

خالد ميت ضحك : ههههههههههه والله انكم تحف ههههههه

عبدالعزيز: يعني ماتعرفونه هذا مايتأمن عليه

ليث : هههههههههههههههههه بس والله حلوة خالد لاتنسي اياد

خالد: هههههههههههههه ماعليك

اياد: وهذا وانت اخوي

ريان : ماعليك اياد مرجعينها لهم

الكل يضحك عليهم ويحاولن يسون شيء بخالد بس ماحد يقدر عليه يقلبها عليهم خخخخخ

جاء بوليث عندهم وهو شبابي معهم : ها شباب ماتعزموني اسبح معكم

ليث : افااا يبه تعال ماعاش يابوليث الي مايعزمك

اياد: يبه تعال وشوف بن اختك النذل

ابوليث الي عرف انه خالد : هههههههه ايش مسوي ياخالد

زياد: ههههههههههههههه على طول عرفك ياخي حسن سيرتك

خالد: والله مادري ايش فيكم علي اصلا انتم ماحد يضحك معاكم الا ويكون نذل حراااام والله مانتم
بوجيه

ابوليث : افااا زعل الولد علينا

عبدالعزيز: هههههههههه خليه يحس على دمه

احمد : عزوز على باله مصدقين انه زعلان

خالد: ليش ايش قالوا لكم ماعندي احساس

ابو ليث: ماعاش ياخالد الي يقول ماعندك احساس الا انت ملك الاحساس

الشباب تصفير : اوووووووووووووووووه ياقوي

خالد: احم احم تسلم ياخال هذا الكلام خخخخخ

فراس : هههههههههههه صدق عمره

خالد: غصبا عنك

مازن : بالله عليك ياخالد متى اخر مرة زعلت وليش

قديم 07-22-2012, 12:59 PM   رقم المشاركة : 91
:: سيدة رائعــة ::










افتراضي رد: رواية أسرار العيون


جهاد : والله جبتها ياخوي يالله جاوب

خالد: مالكم ذخل

مروان الي سكر من التيلفون : ههههههه ايش القصة وليش الحرب

ريان : خليك بتليفوناتك يالحبيب

الكل ضحكوا : هههههههههههه


*****************************************

في غرفة رودينا ورهف وريماس ولميس

رهف : بنات نريد نتسبح

ريماس: بقهرون والله كل ماقلنا نريد شيء سبقونا

رودينا وتطالع بلميس الي من يوم مادخلت عليها وهيا ماسكة التيلفون وماتشوف غير ابتساماتها وحركات دلع مقهورة منها : ماعليكم لاحقين الحين ايش رايكم نبدل ونجلس برا بالحوش نسولف والنادي على الباقي ونلعب العاب مثل بدون كلام جرأة وحقيقة

رهف : اوكي لميس تجين معانا

لميس الي تلعب بتلفونها : روحوا الحين وبالحقكم

البنات اوكي وكل وحدة راحت مكان تبدل لبسوا مثل بعض جلابيات قطنية على تصميم الفراشة الكل فصل كذا ومتفقين زي بعض وبعضهم تشابهوا بالالوان بعد مابدلوا راحوا ينادون البقية ويدورن على المختفين منهم


******


شيماء كانت تلاعب مع حلا وحمود وفيصل ومعاها منى عمتها

منى : فيصل حبيبي لاتضرب حلا

فيصل الي يضرب حلا : تستاهل غبية

حلا: ماهبك انا

شيماء: حشى زوجته هههههههه

محمد: اايد اثير ( اريد عصير)

شيماء: خدامينك نحن روح جاب لنفسك

فيصل ياشر بايده لشيماء : هي روحي جابي عصير

منى: هههههههههههه

شيماء: تضحكين على كلامه الي مايستحي

فيصل: ليس استحي انا مو حرمة انا رجال

محمد : انا ردال

شيماء : فديت الردال انا

حلا: تيما دربيه يدر سعالي الهمار

شيماء: هي انت خلي اختي وتطالع منى على مين طالع ولدش هذا المتوحش

منى : كله ولا ولدي شيخ الشباب هذا ههههههههه بس صراحة هو طالع على ولد عمش

شيماء: ههههههههههههه ومين هذا الي طالع عليه

منى: خالد

شيماء: حراااااااااااااام الحين خالد مثل هذا المدلع المزعج

منى فاتحة عيونها : احلاااااااااااااااااا

شيماء بخجل: على ايش ياحظي

منى بخبث : لا ولاشيء بس بعض الناس يدافعون

شيماء: وانا الصادقة ولدش داهية من الازعاج والدلع

منى : اها اا يعني خالد الي مادلعوه

فيصل : ياربي سكتوا مو محلينا نسمع زين

محمد : نييد نثوف

حلا معاهم تشارك : مدعجين انتوا

منى وشيماء يطالعون بعض منقهرات قبل شوي بتقاتلون والحين متفقين عليهم : هههههههههههه

منى : والله حاله

شيماء : شفتي خلينا نطلع ونخليهم هذولا القرود

محمد: انتي كردة

فيصل الايد على الخصر وبغرور : وحمارة

شيماء: ول ول والله ماتستحون اقول خلينا نطلع قبل ما اقوم عليهم هذولا

منى: ههههههههههه يالله وتكلمهم خليكم عاقلين انزين

فيصل : اوكي

محمد وحلا : اندين

شيماء: فديت الاندين انا

وطلعت وهيا تضحك على اشكالهم وخاصة فيصل الي حط ايده على خصره يريد يقاتلها ومنى معها الي كانت بتروح تنام لانها تعبت وهيا مو زين لها الحركة

*****


ندى : كانت ممتدة وتقري قصة بالتيلفون ومندمجة بالاحداث ماحست بالي دخل عليها
رودينا تأشر لهم بهدوء لانها تعرف ندى ماتحس اذا كانت مندمجة مع شيء
ريم تهز راسها بالموافقة وريماس ورهف معها
اشرت لهم رودينا كل وحدة تروح مكان بهدوء واشرت لهم انها بتقفل الاضاءة ويخوفونها والبنات ماسكات نفسهم بالقوة لايضحكون راحت رودينا وسكرت الاضاءة

ندى بخوف : بسم الله يمه

البنات ماسكين ضحكهم

رودينا بصوت مخيف مثل الي بفيلم ذا جرادش هم شافوه قبل يومين وكانوا مرة خايفين : اااااااا

ندى بخوف تقري المعوذات واية الكرسي بصوت عالي وتحاول تشوف من اضاء التيلفون بس

ماقدرت تشوف زين من الخوف صارت تتخيل اشياء ولمحت ظل او فيي اسود كانت ريماس الي

غطت وجهها هي والبنات يوم شافوا اضاءة التيلفون وكانت الشيلة وجلابيتها كحلي غامق وبالظلمة

لعبت دور وندى اول ماشافت ريماس طيرت التيلفون باتجاهها والبنات كتموا ضحكهم عشان يكملون

رهف وريم يسون اصوات مثل الدق وفتح الدرج والباب وهمهمات

وريماس مساعدة لهم ولرودينا وميته ضحك

وندى شوي وتموت من الخوف وجلست تسمي والبنات شوي ويموتوا ضحك عليها

ندى خلاص بتموت قامت بسرعة ركض باتجاه الباب والتوت رجلها وطاحت بس الخوف ماخلاها

تحس بشيء قامت على طول وفتحت الباب وطلعت برا وتركض مثل المجنونة

حتى صدمت بجسم كبير طيحها على طول وهيا انفجرت من البكاء

خاف عليها شكلها يخوف كأنها شايفة جني شعرها متناثر ولابسة بنطلون وتي شرت

: ندى فيش شيء ايش صاير

ندى : ضمت رجولها ودفنت راسها بين رجولها وجلست تبكي وتأشر على الغرفة

استغرب منها وركض للغرفة ودخلها وشاف البنات ميتات ضحك ومرميات بالارض

انقهر منهم البنت شوي وتموت وهم يضحكون قالهم بعصبية وصوت عالي : ايش الي سويتوه
يالمجانين هاا البنت شوي وتموت وانتم ماعندكم احساس تضحكون على ايش على موتها وكان شوي ويضربهم من العصبية بس خوفه عليها خلاه يتراجع مع انه يريد يشفي غليله فيهم بالي سوه : روحو هدوها وجابوا لها ماي


طلعوا ركض من الغرفة وشافوا لميس عندها وتصارخ عليهم

لميس الي طلعت على الاصوات وصوت عبدالعزيز طلعت وشافت ندى الي شوي وتموت من البكي والخوف صرخت اول ماشافت البنات

لميس بصوت عالي : أيـــــش سويتوا بالبنت

رودينا ركضت لعند ندى : ندى والله كنا نضحك ماكان قصدنا نخوفك لهذي الدرجة

رهف وريم كانوا يتكلمون مع ندى وريماس ساكته بس تناظرهم بهدوء ومتصنمة

قديم 07-22-2012, 01:00 PM   رقم المشاركة : 92
:: سيدة رائعــة ::










افتراضي رد: رواية أسرار العيون


طلع على صوت لميس وشافوا البنات الي مجتمعين وشاف اشكالهم ايوة تسون مقالب مجنونة وتقولون مو قصدنا . ولما شاف حالة ندى قلب وجهه لانها مو متغطية وقال بخوف وعصبية وخوف : ودوها للغرفة عطوها ماي خليها تهدي اشوي واقري عليها وشغلوا لها قرأن

سمعوا الكلام البنات وشالوها للفراش على طول وهو يسب فيهم وعلى حركاتهم السخيفة شاف في وجهه منى وشيماء الي كانوا طالعين لعندهم

منى : خير عبدالعزيز ليش صوتك عالي ومعصب

عبدالعزيز بعصبية : روحي شوفي الي سوه بالبنت الخبل الي مايعرفون للمقالب

شيماء : مين

عبدالعزيز: انتي بعد معاهم سمعي لو تسون شيء مرة ثانية والله مايجيكم خير العصر سارا
والحين ندى وراح من عندهم معصب

شيماء عرفت قصده بسارا ومقالبهم البايخة بس ايش صار وايش فيها ندى طالعت بمنى الي

مستغربة: خلينا ندخل ونشوف ايش صار

منى : يالله


************************

وليد : يابنت والله هذول الصور الي الحين موجودة

سارا: لا في ناس ماشفتهم

وليد باستغراب : مين

سارا بتوتر مافي احد معين بس مو شافة الا نفس الاشخاص وبعدين ايش علاقتكم بالثلاث البنات
هذول الي لهم صور كثير لو مجرد زمالة كنت شفت اشكال ثانية معهم

وليد: وليــــه بدأ المحقق كونان لا هذولا كانوا من الجروب مالنا

سارا: اها الحين هذول كل الصور

وليد: اكيد لا بس هذول لاخر خمس شهور البقية في الشنطة الكبيرة لاني مو مسخدمهم من
زمان وهم معبيات

سارا: ياغبزك بس اول مانرجع باشوفهم

وليد بصدمة : بتشوفي كل الصور بيوم واحد

سارا: يب وبعدين انا شايفة نص الصور لما كنت اجي عندكم

وليد: ايوة صح اوكي يصير خير لما نرجع ويدخل عليهم عبدالعزيز المعصب

عبدالعزيز: انتم هنا وانا ادور عليكم ومخلين المجانين فوق

وليد: اف اف هدي ليش العصبية

سارا: عزوز ايش صاير

عبدالعزيز بعصبية : الخبل شوي ويقتلون البنت عشان ايش يسون فيها مقلب

سارا: مين

عبدالعزيز : ندى روحي شوفيها كانت بتموت من الخوف

وليد : نـــدى

عبدالعزيز الحين يستوعب انها اخته بس الشيء ماكان قصده وعادي : ايوة جلسوا يخوفونها بالغرفة ماعرف كيف بس طلعت وشوية وتموت من الخوف

سارا طلعت ركض تشوف ندى

وليد: اكيد رودينا ماحد غيرها متهور ارويها

عبدالعزيز : مثل بنت عمتها ماشيء جديد

وليد: على قولك خليني اشوف ايش صار عليها وطلع بسرعة لفوق ونادا سارا عشان يدخل الي قالت للبنات يتغطون

اول مادخل وقرب منها وليد : ايش سوا فيش المجانين

ندى بدون مقدمات ضمت اخوها بقوة من الخوف البنات حسوا بالذنب وماقدروا يشوفنها وطلعوا برا الا سارا وردينا وراحوا يجلسون بالصالة الي فوق الا منى الي مو قادرة توقف من الحمل قالوا لها تروح ترتاح وندى مافيها شيء وراحت للغرفتها عشان تنام .

رودينا : خالي والله مو قصدي

سارا: تسون الي تسونه وتقولوا مو قصدي تذكرت شيماء .

وليد : والله الي يسمعك يقول مظلومة من مقالبهم مو كأنش انتي الي علمتيهم المقالب

سارا ببراءة : انا

رودينا : ايوة والله صدقة

ندى الي هدت شوي ساكته وتطالع فيهم .

وليد: ها ندى ايش تريدي نسوي فيهم

ندى : مادرت بس دموعها نزلت

سارا: ياقلبي خلاص هدي الحين كان مقلب ثقيل من غبيات يسون مقالب ومايعرفون لها

وليد: خلولك المعرفة

سارا: والله من صدقي المقالب الي يسونها من دوني تطلع بمتضررين

وليد : خلاص ماتخليهم يسون شيء من دونش

رودينا : لا والله الحين من الصبح بتحاكمونا على المقالب الباريخة والحين عادي ممسموح وهذي

الشيطونة معانا

وليد: وليييه الغيرة بديت

ابتسمت ندى عليهم

رودينا : واخيرا مابغيتي

سارا: ياحلاتك والله

وليد: ايوة لعبوا عليها بس بما اني عارف ان اختي حلوة علي فبنعديها الحين

رودينا : والله مصدق عمره

سارا: عسى البنات ماخلونة من جماله بكل صورة

وليد: فهم قصدها وجلس يضحك

رودينا تطالع فيهم ومقهورة : ضحكونا معاكم

وليد: لا مشفر

رودينا : احلف

سارا: والله

ندى : انتم جاين تهدوني وتراضوني ولا تزعجوني

رودينا: مادام الحلو راضي يامر امر والله

ندى مبوزة : مو راضية للحين بعديها الحين عشان مزاجي متعكر منكم

سارا ووليد: هههههههههههههههه

رودينا قامت منهم لبرا تطمن البنات وقامت سارا وندى وراها ووليد راح لعند عبدالعزيز ولقاه عند الشباب

نهاية البارت وان شالله يعجبكم البارت

قديم 07-22-2012, 01:00 PM   رقم المشاركة : 93
:: سيدة رائعــة ::










افتراضي رد: رواية أسرار العيون


( الجــــــــ الحادي عشر ـــزء )




البنات اول ماشافوا ندى صرخوا تصفيق وتصفير وترحيب فيها بقوة

سارا : ههههههههه ايوة لعبوا عليها يالبقر

ريم : لاتسبين يالزرافة ( قصدها الفرق بينها وبين الزرافة بالطول عشان تقتهر)

سارا: سخيفة وبعدين حلو القصر مو لازم اكون زرافة يانعامة

رهف : هههههههههه والله تشبيهات

شيماء : خخخخخ اقول الحين صافي لبن

رودينا بابتسامة : حليب يا أشطة هههه

ريم : هههههههه والله كأنها هيا الي زعلانة مو هيا الي مزعلة

لميس: تقتل القتيل وتمشي بجنازته ههههههههه

رودينا: الله كل هذا

ندى : سكتي بس فجرتي راسي اكثر ماهو منفجر روحي جابيلي حبوب

رودينا : ان شالله

ندى وتطالع رهف : وانتي جابيلي عصير وتطالع بريم وريماس امممم انتم خليكم لبعدين

سارا: اوووووووووو ياقوي انته والله صادقة ليش مافكرت فيها من قبل : شيمو روحي جابيلي عصير

شماء بصدمة : روحي زين

سارا: ماراح اسامحش

شيماء: على ايش , وهيا فاهمة القصد

سارا: على الي سويتيه فيني

شيماء : لاقد سامحتيني وانتي قلتي وبابتسامة خبث : وبعدين الحبيب كفى ووفا ماقصر فيني

سارا بابتسمة كالعادة ماتنتبه : فديته

البنات صرخوا : اووووووووووووووه

سارا فهمت الحين وفي نفسها غبية ماتفهمين كل مرة يسونها فيش : غبيات قصدي زيود

البنات بوقت واحد : علينا وضحكوا هههههههههههه

سارا حمر وجهها من العصبية وسكتت

ندى رحمتها : اقول بنات خلوان نطلع لبرا اشوي

رودينا : ايوة نحن كنا بنقول لكم نجلس برا ونلعب بدون كلام اوجراءة وحقيقة او لعبة الامر

البنات وافقوا طلعت سارا وندى يغيرون وبيلحقوهم وسارا قالت انها بتكلم ملاك ويتتأخر


*********************************

عند الشباب بعد ماشبعوا سباحة جلسوا يسولفون برا قريب من المسبح والرجال ناموا بسرعة هم والحريم

عبدالعزيز كانت النفس خايسة : والله ماعندكم سالفة خلونا نلعب شيء

هيثم : ايش فيك معصب انزين

وليد: ههههههههه معصب من البنات

عبدالعزيز : لاتذكرني

فراس : ايش سوا وانا بأدبهم

جهاد : لا انت خليك بعيد عنهم مو بايعين خواتنا نحن

خالد: خليه والله ليعلمونه الادب على بالك ملائكة خواتنا

عبدالعزيز: والله انك صادق ياهم يقهروون

مروان : ههههههه الحمدلله

ليث : ليش تتحمد انت ووجهك

احمد: خخخخ لانه ماعندنا خوات

عبدالعزيز : وعلى بالكم عايشين مساكيــن يؤيؤ

مروان : عشتوا الحين تسبون وشوي وتجنون منهم والحين نحن المساكين مالمساكين غيركم

احمد: ماينعرف لهم

الشباب : هههههههههههه

مازن : صح هم يرفعون الضغط شوي ومزعجين وكثيرات التوصية ووو

جهاد: ههههههههه مازن والله الي يسمعك يقول منفذ لاوامرهم مو تقفي وانت الي توصيهم

الشباب : اووووه

احمد : هههه وييدلع بعد هذا وانت صغير

مازن : أي صغير عمري 14 سنة

زياد: ياكبير انت

مروان : المهم نحن مرتاحين بدونهم

وليد: لا والله والله البنات مسوين حركة بالبيت والله ونحن مسافرين كنا نشتاقلهم لان الشقة دايما
هادية

ريان : ماسمعت المثل الي يقول الحياة بلا بنات سلطة

الشباب: هههههههههههههههههه

ليث : عاد نحن قلنا خواتنا مو البنات الي نكلمهم

اياد: كله واحد

فراس : لالا مو كله واحد هذولا يعقدون الواحد بالحياة وهذولك يحببون الواحد بالحياة

صرخوا الشباب

خالد: هههههههههه والله منت بهين يافراسوه

زياد: حكم مطلع

فراس: احم احم عارف والله عارف

ليث : صدق عمره وين رودينا تشوفك

فراس تغير وجهه: ايش جاب الحين اسمها

ضحكوا الشباب عليه

عبدالعزيز : احمد دق لنا بالعود

احمد: والله لقديم انت

هيثم : ليش والله من زمان عن دقك

ليث: الناس صارت بالجيتار

جهاد: هذا خالد ندري حتى نحن نعزف جيتار

زياد: اوكي بنقلب الجلسة سوبر ستار ونغني وفراس عليه بالطبلة

الشباب وافقوا وراحوا يجابون الالات الموسيقية

وفلوها

قديم 07-22-2012, 01:01 PM   رقم المشاركة : 94
:: سيدة رائعــة ::










افتراضي رد: رواية أسرار العيون


البنات اول ماطلعوا كان الجوء بارد وحلو وجلسوا ساكتين يعيشون الجوء

لميس: بنات تسمعون

رهف: ايوة

رودينا : غناء مو

ريم بصراخ: بيعزفون وبيغنوا

البنات ضحكوا على حماسها وتحمسوا يراقبوهم وانتظروا ندى وسارا الي جوء بعد عشر دقايق
وسمعوا الشباب وتحمسوا يروحون عندهم يسمعوهم بس مالهم اساس يروحون واستحوا وجلسوا يسمعون من بعيد

شيماء : خلونا نلعب بدون كلام بدال الجلوس البايخ

البنات اوكي

وقسموا الفرق مثل الغرف >>> مسويات احزاب خخخخخ

وجلسوا يختارون الافلام ويلعبون وكل شوي صراخ بغشاشة او خلص الوقت وحركات يضيعون تركيز

الفريق الثاني وميتين من الضحك

ريم : بس خلاص تعبت

لميس : نلعب اغاني

رودينا : فكرة يالله مين تبدأ

سارا : انا

البنات يالله

سارا بصوتها :

اســـافر عنك وتســـافر معـــايـا ترافقنــي في حلــي وارتحالي
اغيـب واتــــرك العــالم ورايــا ولااحــمل غيرطيفك في خيالي
وجــوه النــاس في الغربه مرايا تصــور صورتك دايم في بالي
وانسى غربتـي وانســى عنـــايا واحس انك معي ماهوب لحالي
مثـــل مـــالك في هالدنيا ســوايا انا مـــــالي سواك انسان غالي
لانـــــك اول واخــــر منـــايــــا واول حب لـــــي واخر وتالي
حبيبـــي عدت لك شايل وفــــايا وشوقي وفرحتي ولهفة سؤالي
هل انت اشتقت لي وشاقك هوايا كثـــــر شوقـــي بذيك الليـــالي
تصفيق البنات على صوت سارا ودخولها بالاغنية بقوة

سارا : يالله ي

رودينا :

يا أه يا أأأأ
يا اييه
يا أأأ

وقامت ترقص وتسوي حركات والبنات تصفيق وتشجيع وضحك

يا أه يا أأأأ
كل مرة اشوفك فيها ببا نفسي أأأأ
اجيلك أأولك انك كلك عندي بالحياة طب أأ أأ
كل لانا وياك تسبني لالالااااا
تيرا رارا هي هي
كل لا انا



رودينا : أ

رهف : مممم

أبي حبك معي يكبر
وأبي اهواك أنا اكثر
وأبي اهديك أنا دنياي
وكل اللي عليه اقدر

حبيبي إنت احساسي
ونبض القلب وانفاسي
ولو صار الزمن قـاسي
عشان عيونك اتصبّــر

غرامك كل يوم يزود
ولا يعرف مدى وحدود
عيوني في هواك شهود
يارب مايوم نتغيّـر


وجلسوا يغنون كل وحدة تختار اغنية وتصفيق وتشجيع وضحك على خبالهم وهم يرقصون
لا وانضم لهم مازن وتبعه فراس ومعاه الطبلة هو وريان واياد لان باقي الشباب الي نام والي جلس يسولف وهم سمعوا ضحك البنات وراحوا والبنات مايستحون منهم ابد موليا

تعبوا من الغناء وجلسوا يتسولفون
الشباب ماخلوا شيء عن سوالفهم مع الشباب ورحلاتهم
والبنات مشاركين معاهم بالسوالف وكل شوي تقوم وحدة تنام اول كانت لميس وبعدها رهف وريماس


*******************

في الغرفة هيا قالت انها بتنام بس مانامت كانت تتصل بهشام الي رد عليها على طول بلهفة وأول مادخلت عليها اختها وبنت خالها سوت نفسها نايمة وسكرت التيلفون بسرعة وبعد دقايق طلعت برا تتكلم براحتها وطلعت للبلكونة واتصلت

هشام الي رد : وينش ليش سكرتي خوفتيني عليش

لميس: ههههههه لاتخاف ماصار شيء بس من صدقك خفت

هشام : لو ماخفت عليش اخاف على مين ياقلبي

لميس سكتت استحت منه

هشام: ما اقدر انا سارا

لميس : مين وتذكرت انها سارا : هلا

هشام : اريد اسألش سؤال

قديم 07-22-2012, 01:01 PM   رقم المشاركة : 95
:: سيدة رائعــة ::










افتراضي رد: رواية أسرار العيون


لميس : تفضل

هشام : ليش خليتي الكلية

لميس : يووووه مو قلتلك ان التخصصات ماعجبتني

هشام : متأكدة يعني ماحد تعرضلك

سكتت لميس هسا كأنها سمعت من امها مثل هذي الكلام والحين شبه تأكدت : ها ايش قصدك

هشام: ما ادري انتي طلعتي فجاة من الكلية وهذك الوقت كان في مشاكل وركبوا بالكلية كلها كميرات وفي اشاعة طلعت انهم ركبوها بسبة شيء صاير مو زين فهمتي يعني هم مسكوا اثنين شبه مدري واحد تعرض لوحدة وكثير كلام طلع

لميس بلعت ريقها : لالا انا طلعت كذا وامكن الصدف لعبت دور , ايوة كمل ايش القصة

هشام : والله ما ادري كل احد يقول كلام ماعلينا مادام مو انتي خليهم يولون

لميس : على قولك

هشام : ايش مسوية بالمزرعة

لميس: فرحانة كثير الجوء يجنن وعدنا كل وسائل الترفيه

هشام : اااااااااه وانا المتعذب

لميس: من ايش

هشام : من الشوق انتي يالله تكلميني

لميس : والله غصبا عني انت تعرف جالسة مع البنات ما اقدر افترق عنهم والحين قلت لهم بانام وطلعت اكلمك

هشام : اريد اشوفك

لميس : انت شارب شيء

هشام : افاااا ايش الكلام

لميس : ههههههه من كلامك يالخبل كيف تشوفني

هشام : رسليلي صورتش

لميس : لا مو قدر رسلتها من قبل

هشام : لالا مسحتها كنت طالع مع الباب ومسحتها تعرفين عاد اغار عليش

لميس: يافضيحة لو احد شافها زين الي سويته

هشام: عشان تعرفين معزتش والحين بترسليلي شيء اريد صروة بشكلك الي الحين

لميس: لا شكلي مبهذل

هشام : أي مبهذل انتي قمر باي شيء يالله انتظر

لميس : اوكي دقايق وارسلك

هشام : اوكي وسكر

طالعت تحت من البلكون وشافاتهم جالسين يسولفون ويضحكون سوت زوم لسارا وصورت صورتين

: ايش بتسوين

طيحت التيلفون من الخوف : يمه خوفتني

: ايش بتسوين

لميس: فراس انت ايش شايف

فراس : شايفك ماسكة التيلفون نص الليل لوحدك تتكلمين وفجأة سكرتي وفتحتي الكام على تحت ايش ناوية عليه

لميس: شكلك خرفت وتقول كلام ماله داعي انا كنت اكلم منال بنت عمي ويوم سكرت قلت اسوي زوم عليكم اشوف مين الجالس للحين تحت

فراس: زوم ها ومنال بعديها هذي المرة بس خليني اشوف عليش شيء

لميس : هي انت انا مو مثل بعض الناس بالوجه البراءة ومن وراهم الفضايح

فراس : عدلي لسانش

لميس : شوف نفسك بتراقبني انا وبعض الناس هايتين وهم الي المفروض ينكسروا روسهم

فراس : أيش الي بتقوليه انتي وبعدين انا ما اراقبش انا جيت باخذلي جاكيت لان الجوء بارد
وسمعت صوتش وقربت وشفتك بس

لميس : ماعلي انا ايش كنت بتسوي المهم اني واثقة من نفسي

فراس: ونحن واثقين فيش بس انتي الله يهديش عليش حركات

لميس : انا ما اقدر امثل عليكم مثل بعض الناس طبيعية بكل تصرفاتي وهذا شيء مو بايدي

فراس: خلي عنش الكلام المجنون وروحي نامي او جلسي عندنا

لميس : لالا باروح انام احسن لي

فراس يتنهد : الله يهديش مو قادر افهمها بالمرة خاصة من غيرتها من سارا


لميس دخلت الغرفة ورسلت لهشام الصورة ومعاها صورة سارا على اللوك الغجري لانها صوراتها عشانه
وهو رسل لها رساله يمدح شكلها هيا ميته قهر انه يمدح سارا ما يمدحها بس لزوم الاخلاق لازم تسكت وخاصة عرفت سر خروج سارا من الكلية

هشام منخبل عليها وجلس لين الصبح يسولف معها

****************************يتبع................

قديم 07-22-2012, 01:01 PM   رقم المشاركة : 96
:: سيدة رائعــة ::










افتراضي رد: رواية أسرار العيون


تابع..............



ريم : يالله انا بنام

سارا : ياسخفكن كل شوي تروح وحدة تنام

ريم : والله تعب اليوم اول يوم وبذلنا كل طاقتنا

ندى : وانا معاش بعدين خلاص كفاية عليكم معانا اسبوعين بنمل

رودينا : لا والله مافي ملل الا في بيوتنا

فراس: ايوة والدليل البهارات والطباخ الزين

رودينا : هههههههههههههههه اعجبك

ريان : هههههههه والله مانساها للحين كل ماقلنا له تعال يقول عشان تأكلوني الاكل الهندي

البنات اليعرفون السالفة لان رودينا قالت لهم وجلسوا يضحكون

رودينا: والله هم السبب عصبوبي وانت كل يوم في بيتنا ارتحت منك اشوي

فراس: طيب ارويش انا ارتحتي مني ها والله تقولين جالس على راسش

ندى : ريم خلينا ننام لانهم مو مخلصين شيماء تجين

شيماء : وتتثاوب لالا انا بجلس

سارا : هذول الناس مو انتوا

ندى : شيماء قومي شوي وتموتي من التعاس لاحقة والله

رودينا : انتوا ايش عليكم منها

ريم : ماتشوفيها من اول وبتصارع النوم

الاولاد ضحكوا علها وقامت شيماء من عندهم معا ندى وريم

سارا : اقول نفسي نتسابق

مازن : والله فاضية ماتعبتي

فراس: هذي سارا عليها افكار

سارا: لا والله

ريان : والله وانا اشهد

رودينا : شهدوا على راحتكم وانتي أي سباق الحين رجولي متكسرة من الرقص

سارا: وايش دخل الرجول انا قصدي سباق دراجات او سيارات ها ايش رايكم

: في ايش

كلهم بسم الله

مازن : انتي مارحتي تنامين

شيماء: يوم دخلت الغرفة طار النوم وماقدرت اخليكم وافوت شيء

رودينا: هههههههه قولي كذا

سارا: اوكي جلسي وانتوا قولوا ايش رايكم

فراس: صراحة خطيرة الفكرة بس مو كأنوا بلليل الحين

سارا: عادي نشغل الكشافات وبعدين المزرعة معروفة وبعدين ياما تسابقت مع اخواني بهذا الوقت

ريان : اوكي عادي خلونا نسوي شيء خطير اخر الليل

شيماء: ايش ناوين عليه

اياد: نتسابق

شيماء: بايش

سارا: للحين ما اخترنا

فراس : عندي فكرة اليوم دراجات وبكرا سيارات اوكي

سارا: خخخخ وبعده خيول

الكل وافقوا

شيماء : لا انا خايفة

رودينا : يالخوافة روحي نامي

شيماء: لالا باكون معاكم بس ببسوق لوحدي اخاف اضيع لوحدي

سارا : اوكي انتي معي

شيماء : ياحبي لش

ريان: مصالح هههههه

فراس : اوكي مازن معي

مازن: لا والله انا لوحدي

ريان: اقول انت لامع احد ولا لوحدك انت الحكم والله لوصار فيك شيء ليذبحونا

مازن : لالا مو موافق والله لأخبربكم

رودينا: بدات الفتنة

فراس : مازن خليك الحكم وكن عاقل نحن الكبور وانت الصغير

مازن : امممممممم لا بركب معك


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




رواية أسرار العيون

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
أسرار العيون!!!!!!! مخملية ناعمة المواضيع المكررة 11 12-30-2011 04:35 PM
أسرار و لغة العيون أم ميدو صالون العنايه بالبشره 7 03-10-2011 11:06 PM
أسرار جمال العيون المحطمه صالون التسريحات والمكياج 7 06-07-2010 02:05 AM
ألوان العيون أسرار.. ما هو لون عينك ؟ فآآآقدة أبوهآآآ افتحي قلبك 71 12-15-2009 11:13 PM
أسرار العيون فرزاتشي غامد خواطر وعذب الكلام 1 04-17-2009 06:11 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter