أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى سيدتي الادبي > قصص و روايات > الروايات




احبك كثر ما دور العاشق كلام وخانه التعبير


جديد مواضيع الروايات


إضافة رد

  • Facebook

  • Twitter

Sponsored Links
قديم 07-29-2012, 07:11 PM   رقم المشاركة : 1
:: سيدة رائعــة ::








افتراضي احبك كثر ما دور العاشق كلام وخانه التعبير

احبك كثر ما دور العاشق كلام وخانه التعبير

احبك كثر ما دور العاشق كلام وخانه التعبير


آتعرف آلى آي حد آحببتَگ :
لـ حد آني زهدت بَ آلعآلم لـ آجلگ !
و جعلتگ عآلمي
بعيدآ عن آي آحد !
و قہَڕيب آليگ ..
ينجلي حزني تفتح مدينةة آلفرح !
بَ قہَڕبگ فقط ♡ ..

و ربگ وربي # !
لآ شي آگثہَڕ ﻣ̶ڻ آني آحبگ <3


الحيأأه شو معناأها غير انهاأ ايأأم تمر و في يوؤم توقف ؟!

السلام عليكم و الرحمه
اول روايه اكتبهاأ مع ربيعآتيهـ { عآشقة العين و البنفسجيهـ }

بصراأحه فيهآ أشياء صآرت ع أرض الؤأقع بس أكثرهآ من خيآليهـ

اتمنى يكوؤن في تفااعل وياأيهـ وان الروايه تعيبكم

بالنسبه للباارتاات انا ما بعطيكم وقت معين عقب ما انزل فيـه و اخسر ثقتكم اهم شي عنديهـ و الي اهم عن الروايه الثقه امبينا فعسب جي ان شاء الله يوؤم اكوؤن فاضيه ع الاقل في الاسبوؤع الواحد بارتين و للحين أنآ يآلسهـ أكتب الروآيهـ و إلي يبآ ينتقدنيهـ بطريقهـ أستفيد منهآ أنآ مآ عندي مآنع و لكم الحريهـ
..................................................
لـ حفظ الموضوع والإستفاده منه إستخدمى هذا الرابط :
احبك كثر ما دور العاشق كلام وخانه التعبير
http://forum.sedty.com/t631771.html


رد مع اقتباس

Sponsored Links



قديم 07-29-2012, 07:13 PM   رقم المشاركة : 2
:: سيدة رائعــة ::








افتراضي رد: احبك كثر ما دور العاشق كلام وخانه التعبير


بسم الله الرح‘ـمن الرح‘ـيم
قد تكون امنياتنا : `
حزينہ هَ !
و أحلامنا *
ملت طابور الانتظار '
#̲ لكنہُا !
تتشبث ب الإامل . .
فَ نفوسنا خُلقت ل تقول .̓
h± غداً اجمممَل ♥♡ ≈h

وسط ع‘ـآلم الضيآع و ع‘ـآلم لآ يع‘ـلم مصيرهـ سوى الرح‘ـمن بدأت أكتب روآيتي لعلي أوضح رسآلهـ من خلآل تلكـ الروآيهـ
مررنآ بأيآم شآقهـ و أحيآنآ تمنينآ الموت و لكننآ نعلم بأن إمكآننآ تغيير الوآقع و لكن لم نتقدم بأي خطوهـ لهذآ المسآر
فمآ الحيآهـ سوى أيآم نعشق و نحب و نبكي و نكرهـ و نحزن و نفرح و نفقد أحبآئنآ و لكن مجبورون أن نعيشهآ بكل تفآصيلهآ سوآء كآنت مؤلمهـ أم جميلهـ !
.............
البـــــــــــــــ الأول ـــــــــــــــــــآرت
........................
طبعا شرات كل روايه لازم شخصياأت طبعا شخصياأت روايتنا غيــــــر شوؤي اول عايله عندنا)
عوض (بو نهيان ) ريال كبير معروف له هيبته الكل يحترمه طيب في نفس الوقت عمره 52 سنه راعي سوالف وقت الجد جد و وقت اللعب لعب يحب عياله حيل ذكي داي(ن) نظرته مستقبليه و عنده الناس كلها سوا مع انه صاحب شركات و عقارات و مشهور في البلاد يحب عياله
متزوج بنت عمه عزه ( ام نهيان ) حنونه وايد و تحب تسمع عيالها شو يبون و من شو يشكون عندها كل شي اوكي الا الحرام ما ترضى فيه هيه دوم سند لريلها ( يا عيني ع روميو و جولييت )عمرها 50 سنه بس و الله انها ضحك خخخخخ
طبعا اكبر عيالهم نهيان عمره 37سنه مملوؤح شعره ناعم مسونه سبايكي حنطاوي طويل شوي عليه عضلات جون سينا ماشاء الله هع عاقل ويفكر بعدل هب متهور لكنه عصبي شوي لكنه يحب خوانه و خواته وايد متزوج بنت خاله (نوف) بس ماتت الله يرحمها بحادث قبل شهر و هذا الي خلا نهيان عصبي و دومه حزين يشتغل في الشركة ويا ابوه عنده خبره ماشاء الله و عنده عيال ( خالد 18 سنه و يموت في عماته روضه و مروه عمره18 سنه بس افعاله شرات الي عمارهم 25 سنه شكله يبين انه هو اكبر سيف - شوق 14 سنه - طيف 12 سنه - ناصر 8 سنوات -شهد 6 سنوات و التوأم حمد و محمد سنتين ) و طبعا ساكنين ويا اهل نهيان و الي يربونهم روضه و مروه و نورة و حمدان و سيف عسب يخفون ع اخوهم الكبير و يشلون همه
عقب نهيان يي راشد عاأد هذا وين و نهيان وين بس هم دوم مع بعض طال عماركم راشد عمره 34 سنه ابيض عيونه وساع خشمه شرات السيف عنده غمازه ع اليسار متزوج بنت عمه (ريم ) ريال راعي سوالف و ضحك من النوع الي يعيبكم بس متهور يموت في خوانه و خواته و عياله الي هم فيصل عمره 15 سنه ربيع خلود ولد نهيان الروح بالروح -عقب فهد 13 سنه عقب دانه 10 سنوات عقب منصور 5 سنوات و الحين ماشاء الله ع حرمته حامل في الشهر الثالث
عقب رشود و نهيان تي ميره 30 سنه متزوؤجه ولد عمها فارس عمره 32 سنه ربيع راشد يعني مصخرجي شراته المهم ميره طيبه و حبوبه بس خقاقه عليها جمال ماشاء الله بيضه فيها غمازات جسمها حلو عليها مخصر يعني اونه البنات حركاأت تحب خوانها وايد بس هب اجتماعيه وايد عندها عيال يغنونها عن الدنيا و مافيها اكبر عيالها عواش ربيعة طيف الروح بالروح عمرها 12 بعد _عقب يي مكتوم بو لسان فاسق عمره 9 سنوات - عقب تي ساره 5 سنوات دلوؤعه حيل و تقهر منصور ولد راشد دوم - و الحين بعد ماشاء الله مياري حامل و في الشهر الرابع
و الحين بدينا بأهل العشرينات عاأد الله يستر
عقب ميره عندنا مايد ريال و النعم فيه عمره 27 سنه يشتغل في شركة ابوه و عمامه ابيض عيونه زرق دوم يقولوله ولد التركيه خخخخخخ بس يطوفها معضل شعره لين رقبته بس طبقات حلوه عليه مسوي تقويم أونه عاد يذوب البنات ( خف علينا ) هب متزوؤج دوم يقول توني صغير و مافي وحده تقدر تضويني هو وايد يكون ويا عمومه و يموت في خواته الصغار مروه و روضه و ما يرد لهن طلب .. بس الاحوال بينه و بين مراوي خربانه بالحيل و من سنين ها الشيء و مراوي وايد وايد تخاف منه حتى ان عادي ترتجف اذا تشوفه بتسألون ليش ؟!ب نعرف عقب طبعا مايد دوؤم يحاأول يقترب من اخته بس مافي فايده
عقب مايد عندنا هزاع 25 سنه يشتغل محامي هو الوحيد الي يعرف سالفة مراوي و مايد يتصرف بالعقل راعي ضحك و هيك بس ما يغازل سيده اذا حب يحب من قلب و اذا كره يعوف الشخص صدق يطيح الطير من السما ابيض ضعيف هب معضل بس طويل عنده غمازات فيه ملامح من اخوه سيف و حمدان و دوم بتلقونه ويا شلته
عقب هزاع عندنا منى هاي عاد حد و لا حرج عمرها 24 سنه متزوجه من فراس ولد خالتها حلوه ماشاء الله حنطاويه عليها شعرها ناعم و طويل يوصل لين ظهرها جسمها مخصر شرات ميرة و خجوؤله وايد لكنها راعية سوالف عندها عيال اكبرهم فطامي 6 سنوات ملسوؤنه شرات الكل اليهال خخخ طبعا الملسون هاي مدح بالنسبه لهم هع -


قديم 07-29-2012, 07:14 PM   رقم المشاركة : 3
:: سيدة رائعــة ::








افتراضي رد: احبك كثر ما دور العاشق كلام وخانه التعبير


عوض اربع سنوات رقيــــــــــق وايد عقوؤلة اهله فطامي ماخذه مريلته هع هع - و في الاخير تي ميثاني فديتها توها سنه
عقب منى يي حمدان 22 سنه طيب راعي مغازل و سوالف شرات مايد عبارته الشهيره مافي وحده تقدر تضويني مهبل في كل بنات العايله خخخخ مسوي تقويم يبرز جماله اكثر عنده غمازات و شعره لين رقبته ناعم هب معضل ضعيف وايد شكله عصا و دوم ويا شلته بنعرفها عقب و ويا العايله اكثر شي ويا مياري و مايد
عقب حمدان تي نواري 20 سنه مخطوؤبه حق اخو ريم عبدالله 2 سنه جامعه دوم ويا مراوي و رواضي حلوه ماشاء الله فيها ملامح من خلوف و شوي تاخذ من ميره و منى بيضه طويله شوي رقيــــــقه من الخاأطر حتى دوم مراوي و رواضي يزقرونها نواري بولند و دلوؤعـــه يوها وايد خطاب و رفضتهم و وايد متعلقه في ربيعتها عفراء و كل اسرارها عندها الله يستر بس
و الحين عاأد ينا صوب سيـــف هذا لا تعليق بصراحه عمره 19 سنه دلوؤع امه مغازلجي دوم يحوط برع ويا شلته اول سنه جامعه متخصص في الطب يحب بسرعه و يكره بسرعه دوم له موؤد بس كل همومه عند خواته التوأم مراوي و راضي يحبهن حيـــــل و متعلق فيهن اكثر من باجي خوانه مع ها الا انه دوم ضرايب وياهن ( احسسكم عاأد الاخو المثالي
اخر شي الـتوأم مروة و روضه ( هب طبق الأصل ) برمس عن كل وحده بروؤحها
مراوي .... شعرها ناعم ماشاء الله و بيضه ضعيفونه وايد شفايفها صغار ورديه من الخاطر و طبعا مراوي فيها شوي من المستحى بس لسانها طويل و الرد دوؤم زاهب تحب كل خوانها وشرات ما قلت تخاف من مايد وايد وايد اقرب شخص عندها شلتها و رواضي .. الكل يحب يفض فضلها مع ان عمرها 17 بس قلبها كبير و تساعد الناس دوم .. و يوميا تسوي مقالب و حركاأت للكل (باستثناء مايد
) عقولة سيف مروان طبعا هيه ثالث ثانوي علمي . و نسيت اقول لكم ترا خوفها من مايد الكل مستغرب منه حتى رواضي يوم تسألها تلاحظ تغير كبير في نفسيتها يا ترى شو السبب بنعرفه في البارتات اليايه
رواضي .... ملامحها شرات مراوي بس الفرق ان رواضي شوي اطول و و عيونها اوسع و هيك لسانها كوبي بيست من مراوي كل قصة حياتها عند مراوي و دوم ويا بعض و مستحيل تسوي شي دون مراوي و دوم تطفر في عيال خوانها عقولتها سكان الصين بس هي وايد حنونه و تحب اليهال و حساسه شوي و طبعا رواضي علمي لأن اعتمادها دوم ع اختها خخخ
.................................................. .................................................. .......
ع الصبح محد كاأن ناش الا حمــدان و لأول مره في التأاريخ يا ترى شو السر؟! ( عن اللقافه الولد يشوؤف مسلسل عن التفكير الوصخ هههههههه
دقايق و تنزل عليه مراوي اول ما نزلت جان تصارخ : ياخي قوؤم عطني طراق حمدانوؤه ناش من وقت لا قويه بصراحه طحت طيحه في هواهم شو ؟!ما نروم عليك روح ما فيك حيله يا ولد عوض !! بصراحه انته ويا كشتك عاأد شكلك حبتين متواعد شو ؟!

حمدان ( تزيغ حليله شاف اخته نازله و سيده ترمس كان وده يضحك عليها بس اونه خله عمره ثقيل ) : اييه خيبه كليتيني شو هالحركاأت مالت اليهاأل عقلي عيب ... ادري ناأش من وقت بس انا ياخي انساان سيده ما عندي هالخرابيط قصدي شريف ياي اشوف مسلسل و بيني و بينج ما فيني ارقد (ويقلد صوتها ): شكلك حبتين متواعد شو ؟!..... عنللاتج هذاك مايد الي تقوليله جي هب انا

مراوي ( وهيه ماسكه ضحكتها ) :ياخي الحين بتطيح انته ع مايد اقول ويت ويت
( و تأشر ع التيفي و حطت ايدها ع عيونها اونه ما تشوف )استغفر الله شو هالمسلسل الفاسق اشوف ( قربت حذال التيفي و خوزت ايدينها ) اوب اوب ما اروم عليه هالبطل الغرشوب و لا بلاش يباني فدوه و الله اخ عذاب حبتين و الله ( تبا ترفع ضغط حمدان لان يوم شافته حست فيه شي بس تبا تغير جو و هيك يعني

حمدان : لا بعد قومي عفدي عليه و الله يبالج طراق انتي ايه مروانو اصطلبي عنللاتج حشمي وجودي خيبتج بس و الله تنفعين رمستج بنقلها في مشروع المغازل اليديد ههههههه عيبتني حركة ايدينج انتي مطوعه مع احترامي الشديد خربانه يعني الاغاني ما تسمعين اونه و كل يوم هزاب ع رواضي و الحين ع هالثور طايحه مغازل خخخخخخخ و الله اني احلى منه

مراوي بغت تسكت عنه تدرون يوم الاولاد يرمسون عن المغازل رحنا فيها ههههه ) : اقول بلا خقه لا ييك طراق و الله اني ازين منك ( و اونها تمسح ع شعرها )ما علينا حمداني و الله ظلم رواضي و سواف راقدين ياخي انته ممل ما تعرف شو يعني الاخوه و لا اقول امممممم هيه حمدان فديتك فديت راسك ( و بالدلع ) اموت فيك شيخ الشباب بعد فارس احلامي و الله شحالك عسااك بخير يعلني اخدم حرمتك ان شاء الله

حمدان ( ياخي و الله افهم ع المصالح ) : تفدتج ينيه خلصي نعم شو تبين ( اونه حزين و حالته حاله عااد )توج تسبين و تجرحين مشاعري زولي ويا راسج خلي رواضي و سيف ينفعونج
مراوي : اوف ياخي مقبوله منك الغالي و لا تزعل في سيافي و لا فيك

حمدان : شو بغيتي اكسكيوزمي بسرعه ( و يالس يبتسم ابتسامة خبث و اخيرا يروم يذلها ههه ) " ما اروم ع الشخصيه ارحمنا يا الاخ المثالي هع "

الا و شوي تنزل روضه و تسمع حشرتهم و هيه ع الدري عاد : ايه ايه جب انته وياها خيبه ما خليتوني ارقد عنبو بلاكم انتوا اوؤف حشره حمدوه و مروانو بلاكم شو هالفلم الي مسوينه ع الصبح ؟!
حمدان و مروه يناظرون بعض عقب قالت مروه : هب جنه اهانه هاي
لا قويه حمدو و مروانو ياخي محد يسكت عن حقه حمدو مقبوله بس مروانو فيها جبايل هاي و انا بنت عوض
حمدان قال : ايه ايه شو مقبوله انتي الثانيه قصدج مروان مقبوله انتي و عديلتج تتفامهن بس حمدو هاي قويه بحق البشر ( عفكره حمدان يقول حق التوأم عدايل اونه

مروه : اقول حمدان شو رايك ناخذ حقنا عقب نتفاهم ع المفاهيم اللغويه الفاشله مالتك ؟!
حمدان ( فهم حركة اخته ) : افا عليج مراوي انا بفزعج يلا ضدها هاي خرابة البيوت

رواضي ( تزيغت تدري خوانها نذاله ) : ياخي زززززز ززلة للل لساان و الله توبه احبكم احلى ثنائي

(طبعا ما سوولها سالفه و راحوا المطبخ و خذوا غراش ماي بارده ( نذاله ع اصولها هههههههه )

قديم 07-29-2012, 07:14 PM   رقم المشاركة : 4
:: سيدة رائعــة ::








افتراضي رد: احبك كثر ما دور العاشق كلام وخانه التعبير


و قعدوا يهددون رواضي لين ما ظهروا ع الحديقه برع و تموا يركضون يرشون بعض بالماي )

داخل الفله


عوض : عزوؤه بلاهم عياالج مخبل ؟!

عزه : و الله ياعوض ما يندرابهم بس شكلهم مستانسين خلهم عساه دوم

عوض : امين بس هب جي من صباح الله خير لا شرات هاييلا ( و يأشر من الدريشه ع قوؤم حمدان ) و لا مثل الي راقدين و لا يدرون عن الدنيا

عزه : عيل يلا الغالي بروح ازقرهم و بي

عوض : تسلمين الغاليه بس روحي خبري وحده من الخدم انتي ما تتحركين كم عزه عندي انا
"عزه عاد اونها استحت يوم اقوللكم جولييت "

.......دقايق و يدخلوؤن مراوي و راضي و حمدان عاأد طاح الشيبه فيهم هزاب يوم شاف
ملابسهم بالماي

بو نهيان : كبار طول و عرض ع صباح الله خير جي متى بتعقلون ؟!

حمدان ( قرب من عند ابوه و حبه ع راسه ) : و الله السموؤحه منك الغالي بس يعني ملل و جي قلنا نغير جو يعني الوالد انته طيب ياخي طوفها سوالف و الله

بو نهيان : هههههههه حق المصالح حمدانوه نمبر 1 الله يرضى عليك و يهديك بس

مروه و روضه ( حبن راس ابوهن و امهن و قعدن يسولفن عقب استأذنت مروه بتروح توعي عيال نهيان اما حمدان و راضي ف ساروا يبدلون بس اول ما قامت مروه تروح .....

ام نهيان : مراوي حياأتي و ع دربج الله يخليج وعي اخوج هزاع و مايد و سيف عنللاتهم راقدين و كملي معروفج و وعي نواري الله يرضى عليج

مروه ( من ما طروا مايد ارتبكت شوي و الكل لاحظ بس حاولت تضغط ع عمرها و بكل كلمات متقطعه : ااا ان شششاء الله امم ...امي الح ...الحين سايره تامممرين

ركبت مراوي الدري و تفكر كيف توعي خلوف كيف يعني هيه من كم سنه تخاف منه و ما تروم عليه حتى ابتسامتها يدامه تختفي كيف الحين بتروح غرفته فكانت تفكر و تقول : احسن لي اروح عند عيال نهيان عقب عند نواري عقب عند ميود عقب عند هزاع و سواف )

و تمت تفكر لين ما راحت عند غرفة خالد عسب تتطمن عليه فجت الباب و شافته يعرق من الخاطر و يصيح بصوت خفيف خافت عليه و تمت حاظنتنه لان شكله يبين انه زايغ: خلود حبيبي قولي بلاك جي زايغ فديتك يلا امسح العرق هب زين جي حرام عليك حياتي بلاك؟!

خالد (عفكره هو ما يقوللها عمو يقوللها مراوي و روضه 2 ) :ابا امي مراوي و الله اباها حرام ادري تقصون عليا و الله خواني يصيحون كل يوم حتى شواقي تصيح تقولي خلود ابا امي كل ربيعاتي امهاتهن يسوولهن جي و جي ...... طيف نفس الحاله و حتى نصور الياهل قام يكره يروح عند ربعه اونه كل سوالفهم عن امهاتهم و انا ما عندي ام .......و الله اني اشوف التعب في عيون شهود تصيح تقول ابا ماما خلود و الله هيه قالتلي بتشتريلي و بتسويلي ..حتى حمد و حمود توهم صغار منو بيداريهم توهم سنتين منو بيتحملهم ........مراوي و الله تعبت راحت و خلتنا تعبببت بس خلاص و الله اباها تي مراوي شو اسوي يوم انا حتى ما اروم اشوف ويوه خواني

مروه ( حست وايد ب خلود صعب فراق الام وايد صعب ف حبت تخليه يفض فض و تمسح ع شعره و خلت راسه ع ريولها .....لان خلود دوم يهدى ويا هالحركه ) : حبيبي خلود ادري تباها و ادري فراق الام صعب و الله ادري بس لين متى بتم جي يوم ؟ يومين ؟ حبيبي انته بتكمل حياتك وياها و بدونها انته ريالتعوضهم عن وفاة امك هب تزيدهم ..... تتذكر يوم كانت امك تقول انته الي الحين لازم تخلي شواقي و طيوف و شهود يشدون ظهرهم فيك لازم تخلي نصور و حمد و حمود يكبرون و هم رياييل يعتمدون عليهم صح ؟ لازم انته بترفع راسها و بتخلي ابوك يعتمد عليك و تكون قد الثقه و تعطي خوانك ع قد ما عندك صح ؟! يلا عاد بلا هالحركات خلود و الله هب جي كلنا بنمشي ع طريق الموت محد بيتم عايش .... هونها و تهون عسب خاطري ( و قالت بمياعه زايده ) و لا مالي خاطر عندك بخبر سوافي يضربك

خالد ( ارتاح شوي ع رمسة عمته و ابتسم و صدق حس ان عنده مسؤوليه لازم يرعاها )(قال و هو اونه معصب : ايه بلا مياعه شو هالحركات اصطلبي لا ييج طراق عنللات هالويه برع من غير مطرود
مروه ( فرحت وايد لان خلود نسى السالفه ) : افا افا تطردني ما عليه هيه نسيتني ترا ابوك في الشركه و ابوي مطرشني اوعيك هب ترقد و بعد تسوي خير لو تزقر خوانك و خواتك ينزلون بس اقولك خل حمد و حمود عند المربيه مالك خص فيهم هب ناقصين افلام رعب ع الصبح
خالد : يارباه مصالح من الصبح مقبوله العمه بوعيهم بس هيه هب بدون مقابل ابا فلاشج مال فلم سمارف عقب و يلا الحين جلبي فيسج

مروه اشرت ع عيونها و ظهرت عند غرفة سواف و عاد يلا بدت المهمه الصعبه بس الي ما كانت تعرفه انه سيف و هزاع و ميود راقدين في غرفه وحده امس و هزاع و سيف ظهروا يوم هي كانت في غرفة خلود و نزلوا يعني ميود راقد في الغرفة بس ......

قربت مروة من شبرية سواف و تمت ترمسه عسب ينش بس لا حياة لمن تنادي دقايق و شل ميود اللحاف عنه و شاف مروه و انصدم و هيه نفسه فحست بخوف فضيع و رمست بكلمات متقطعه شوي : اس اسفه ك كنت اتححسب ان س سيف ه هني اامي ت تباك تنزل ان انزين ب بس ما مابا ش شي ثاني و الله

قديم 07-29-2012, 07:14 PM   رقم المشاركة : 5
:: سيدة رائعــة ::








افتراضي رد: احبك كثر ما دور العاشق كلام وخانه التعبير


البــــــــــــــــ الثآني ـــــــــــــــــــآرت

قربت مروة من شبرية سواف و تمت ترمسه عسب ينش بس لا حياة لمن تنادي دقايق و شل ميود اللحاف عنه و شاف مروه و انصدم و هيه نفسه فحست بخوف فضيع و رمست بكلمات متقطعه شوي : اس اسفه ك كنت اتححسب ان س سيف ه هني اامي ت تباك تنزل ان انزين ب بس ما مابا ش شي ثاني و الله

ميود "لهدرجه مراوي تخاف مني ؟! حرام و الله ما تستاهل الي صار و الله ما تستاهل ادري مالها ذنب اخ كيف قلبي يحترق ع الي سويته " : مراوي بلاج عادي ما صار شي انا اخوج شرات سيف و راشد و نهيان و هزاع و حمدان ليش هالخوف خلاص الي صار صار لا تخافين
و قرب منها شوي عسب يهديها لانها كانت خيفانه حيل فراح حظنها بس هيه بدورها : قوم ع عني ما ابا ما اباك قو قوم اصلا انت هب اخوي ان انت كنت تبا ........ما لحقت ترمس لان ميود حط ايده ع حلجها : خلاص قلتي كنت و الله كنت هب قاصد خلاص انا يدامج ضربيني ذبحيني بس لا تخافين مني انا اخوج و الله اخوج ......
فخافت مروه وايد منه لانه حاظننها بالقو و هيه تبا تبعد بس ما تروم لانه معضل و هيه ضعيفه وايد فحاولت وايد بس اخر شي انهارت صياح : قوم و الله قوم انا ما احبك انته خربت حياتي تعرف شو يعني انا اخاف منك وايد حرام عليك شو سويت لك انا و الله قمت احلم وايد و اتزيغ و السبه انت ليش انا ب شو غلطت وياك ليش الي صار صار ؟!( طبعا هني علت صوتها و سمعها هزاع و هو كان ياي الغرفه عسب ياخذ فونه فتم عند الباب يسمع ) ما تحس اونه اختك ماباك ماباك و الله اخاف منك قوم عني قوم قوم
ميود " انا جي سويت فيج انا !!! الله ياخذني ان شاء الله ضيعت اختي بدال ما احميها من الناس لازم احميها مني ": مراوي خلاص انسي انسي
...............
خلونا شوي نروح عند الي تحت من زمان ما رمست عنهم
طبعا الكل مجتمع بما انه اليوم الخميس فقرر عوض يسوي عزيمه للأهل كالعادة ويالس يشاور عياله ( طبعا الي في الصالة : عزة _حمدان _ نواري _ سيف _ روضة _ خالد _ شوق _ طيف _ ناصر _ شهد _ و حمد و محمد قاعدين ويا رواضي )
نوره : بابا انزين بس اهم شي خوالي و خالاتي ما اوصيكم ( هيه تقصد الشله و جي يعني يمعة بنات و خراب تايم ههههه
سيف : ايه ايه يلعن ابو الطفااسه قلنا خطيبج عبود بس هب تعزيمنه يدامي اشكرة
حمدان : هههههههههه و انا اشهد
اما نورة فأكتفت بخدود حمر و عصبيه خفيفه و قالت : قسم بالله مراوي ما غلطت يوم تقول فسق انزين يا الثيران اقصد البنات قوم ودوم و هيك هب ( و سكتت استحت )
روضة : ههههههههههههههه حمدان سيف و الله صح لسانكم ابداع ماشاء الله ينقط عسل اوب اوب نواري حتى من اسمه تستحين ها ؟! خخخخخخخ خلاص ايه بتزعل العروس
حمدان و سيف : هههههههههههههه
خالد : ايه ايه هب ع عمو و الله يبالكم طراقات الحين يعني انتوا ما بتعرسون يدي دافع عن بنتك
روضة : موؤلت طاع هذا انتوا اونه طراقات ياخي عمتك هاي ( تأشر ع نورة ) بتعرس خلنا نفرغ طاقتنا فيها قبل عرسها
الكل ضحك ع كلمة طاقتنا : ههههههههههههههههههه
سيف حس بنواري زعلت : ايه خلاص و الله يعني ما فيها شي البنت بتعرس هب بتكفر لا تغيرون السالفه ردو للعزيمه وايد ابرك
طيف : يدي انا ابا عواش و دانوه انزين و اذا ما يو و الله اطفر فيكم ظلم خلود الي يباه عنده و انا و شواقي عيال البطه السوده
عوض : انزين فديـــــــتج عاد كله و لا لساأنج تامرين امر بنت نهيان
عزه : عنبو طيوف شطولة اللسان هاي ؟عيب انزين
طيف : ان شاء الله يدوه بس رواضي قالت لي الي يطول لسانه يعرس بسرعه
روضه " بدينا عاد رواضي و رواضي رحت فيها انا " : غلطت لا طبعا شوفي نورو بتعرس الحين
نورو(حزت في خاطرها بس ما بينت )
حمدان و سيف حسوا فيها و قالوا : خلاص بل بل طيوف حياتي الي تبينه انتي و شواقي بيستوي انزين
شواقي قامت و حبت حمدان ع خده لأن هيه دلوعته يعني ماخذه راحتها : فديتك حمدانوه و الله
حمدان : افديـــــــــــج زوؤد قلب حمدان ياخي انتي متعلمه المصالح من مروة اليوم بغت مني ما ادري شو تمت تتفداني و الله انتوا الحريم قلة ادب
ناصر : ايه شواقي عيب شو تبوسينه و الله اخبر عليج باباه وصخه حتى شوفي قالج قليلة ادب
الكل : ههههههههههههههههههههههههههههههه
سيف : و الله محد وصخ غير تفكيرك ............ اقول رواضي اباج شوي
روضة : عونك ويت شوي
............................................

قديم 07-29-2012, 07:16 PM   رقم المشاركة : 6
:: سيدة رائعــة ::








افتراضي رد: احبك كثر ما دور العاشق كلام وخانه التعبير


نرد للطابق الثالث
ميود " انا جي سويت فيج انا !!! الله ياخذني ان شاء الله ضيعت اختيه بدال ما احميها من الناس لازم احميها مني ": مراوي خلاص انسي انسي كانت لحظة طيش و الله ما اقصد ( و خوزها عن حظنه ويلس ساكت و يطالعها
مروة " لا تصدقينه هذا قناع في ويهه الحين بيضرج لا لا و الله اخاف بيسوي فيني شي صح و الله بيسوي مابا مابا " و تمت دموعها تنزل بهدوء : كل كلهم ت تتتحت ا انزل بسرعه
و مشت بسرعه و اول ما ظهرت دعمت في هزاع الي سمع كل شي و بدون سابق انذار طاحت ع حظنه و و تمت تصيح و تصيح خذاها هزاع غرفته عسب محد يحس و تم يهديها بس شهقاتها تمنعها تهدا كانت تصيح شرات اليهال و تقول : هزاع و الله ما ما اروم اروح ع عنده اخ اخاف و الله اخاف و سكتت شوي حست بضيق و كملت : هزاع تعرف شو يعني اخويه يحاول يعتدي عليا تعرف !!!!!!!!!!!! و الله ابا انسى ما اروم اخاف منه وايد خرب طفولتيه دمرها شفته يسكر يدام عيونيه و ما كفاه بغى يحاول يكمل في شرفيه هزاع ما ابا اعيش وياه و الله مابا اخاف كلهم ينازعونية ما يعرفون ان خلوف ظلمنيه
هزاع " و الله اني متقطع عليج عبالي نسيتي بس ما ظهرليه جي لازم اعاونج و الله انج ياهل و ما تستاهلين ":خلاص حياتيه هدي انتي الحينه عفكره عندي مفاجأه
مروه مسحت دموعها بكفها ما تبا تضايق هزاع اكثر فأبتسمت : بتخطب صح ؟!
هزاع " فديت هالابتسامه ان شاء الله دوم " : لا شو اخطب ويا هالراس مافيني انتحر اقولج بما انه انتي في مدرسه خاصه و هيك بحيز تيكيت و بنروح مي اند يو اونلي تو يونايتد ستيت ها شو رايج ؟!
مروه : اولا موافجة فيها سفره ......... ثانيا ك انجليزيتك فاشله مع احترامي الشديد ............ ثالثا : ويت بزهب اغراضي
هزاع : يا الخبله هب الحين باجر ان شاء الله
مروة باسته ع خده و نزلوا ثنينتهم تحت
الصالة كانت فاضية الكل راح الحديقة الا مايد و حمدان كانوا في الصالة و نواري تلعب بالبيبي و شهد و ناصر يلعبون ايبود و حمد و محمد عند المربيه
مروة راحت للمربيه ( جانيت ) : جانيت فديتج عطيني محمد فديته بو جاسم
جانيت : لك تابريني خديه .... و عطت حمود حق مراوي الي بدولها خذته و يلست تلعب وياه عسب تشغل عمرها عن وجود ميود
مروه :اليوم ما شفتج وايد افا ويا هالشيفه فقدتج ...... قبل ما تعتذرين اقولج انواري غريبه ليوم بظهر بسير بوادي ويا الدرايفر بتين و لا لاني بسير ويا رواضي و منايه قالت بتي ويانا
نورة :امممممممممممممم هيه بسير شو اسمه قوم غدور و شواخ بيون
................خلوني اعرفكم ع باجي العوايل عسب نزيد اكشن و هيك في الروايه
طبعا عوض اكبر واحد من خوانه خلاف يي حامد
حامد (بوفارس ) ريال حشيـــــم 50 سنه متزوج حمدة 49 سنه يشتغل ويا عوض معروف عنه انه عصبي بس احيانا يغير المود يحب عياله وايد و ما يسكت عن الغلط و رمسته تمشي ع الكل دون نقاش
حمدة : طيبه و حبوبه بس مزاجية
فارس : رمست عنه قبل
ساره : و تشتغل دكتورة جراحه 30 سنه ربيعة مياري و دوم ويا بعض حبوبه متزوجه فيصل واحد يقرب لهم من بعيد عندها عندها عامر 12 سنه عقب حصه 11 سنه و بس الله ما رزقها بعد
مكتوم : و يشتغل في البلديه 27 سنه متزوج من امنه بتعرفونها عقب و ما عنده غير مبارك اول سنه روضه
خلود : 24 سنه حلوه شفايفها صغار ورديه دوم ويا منى هب معرسه مع ان وايدين يوها بس هيه كانت مخطوبه حق واحد اسمه عثمان و توفى الله يرحمه
ناصر 20 سنه دوم ويا الخريش حمدان و سيف و مآيدعضو من شلتهم و حنطاوي شوي عيونه وساع مغازلجي نمبر 1 عقب حمدان بس طيب يحب بسرعه توه في الجامعه 3 سنه شرطي
عقب تي عندنا غدير : قمر ماشاء الله عليها 17 سنه تقريبا ربيعة رواضي و مراوي الروح بالروح و عضوه من شلتهم بيضه و صابغه شعرها اشقر صدق يبين انها اجنبيه و عيونها سماويه دلوعه شوي و حساسه بس طبعا كل ها يروح اذا راحت صوب الشله
......................... عقب حامد و عياله عندنا عفراء 47 سنه ارمله كانت متزوجه ابراهيم واحد يقرب لهم من بعيد و عم فيصل ريل سارة شخصيتها قياديه وايد و الحين اخليكم ويا عيالها الله يحفظهم
عمر : 28 سنه متزوج من عليا بنعرفها عقب و عنده منها وضحى 7 سنوات و عامر 4 سنوات و عليا الحين حامل ماشاء الله في الشهر الخامس
عقب عندنا احمد : 25 غرشوب و الله كشيخ ابيض معضل عيونه سود من الخاطر مسوي تقويم شعره ناعم سنه و دوم ويا هزاع و مايد له عرق بشلة حمدان يشتغل مهندس ديكور هب متزوج بس يفكر يعني احسن عن هزاع و مايد
عقب تي ام لسان موزة 20 سنه ربيعة نواري الروح بالروح و ما يدسون عن بعض شي هب معرسه مه انها قمر ماشاء الله و فيها ملامح من احمدوه
عقب عندنا شيخه 17 سنه اكيد من الشله الفاسده قوم روضة ام لسان ملسونه دفشه بمعنى الكلمه ما تشل في خاطرها ع حد وايد حبوبه ضحك اكشن وياها وايد تشبه روضه في اللسان و مزيونه ماشاء الله عليها سمراء شوي بس خشمها شرات السيف و شعرها ناعم و كثيف و عيونها عسليه و جسمها مخصر
عقب عندنا غلا 15 سنه دوم ويا شواقي تموت في خالد ولد نهيان خخخخخ حبوبه رقيقه وايد بما انها اصغر بنت يعني الدلوعه
عقب يي سعيد 13 سنه ربيع فهد ولد راشد و في تكمله حق الشله و لا يهمكم
................................عقب عفراء عندنا زياد ريال ما عنده واحد اثنين ملتزم و يحب خوانه عمره 45 سنه متزوج من رانيا 43 سنه و عنده منها
عندنا انفال 25 سنه و بعدها هب معرسه حبوبه و راعية سوالف و حلوه بس ما ياها نصيبها
عقب عندنا توأم ذياب و شهاب 22 سنه قروب حمدان غراشيب ماشاء الله عليهم مقدمين بكالوريوس و عيونهم بنيه ذياب ينعرف بغمازاته الي تذوب و تقويمه و ضعفه اما شهاب ينعرف بعضلاته و شعره الي قاصنه طبقات
عقب عندنا لطيفه20 سنه ربيعة منايه الروح بالروح و هب معرسه عسب تكمل تخصصها الي هو طب العظام
عندنا عمار 18 سنه اول سنه في الجامعه متخصص في الاداره و اعمال من قروب سيف غاوي و البنات يتعافدن عليه خقاق و مغرور مع ذلك طيب طويل شوي و جسمه حلو عليه قاص شعره طبقات شرات شهاب

قديم 07-29-2012, 07:16 PM   رقم المشاركة : 7
:: سيدة رائعــة ::








افتراضي رد: احبك كثر ما دور العاشق كلام وخانه التعبير


عقب عندنا شمة : 17 سنه ام لسان و عضوا نشيط في شلة قوم رواضي طيوبة و حبوبة تعطي كاش دوم ضرايب
ويا الاولاد حلوه ماشاء الله عليها تشبه عمار اخوها وايد بس هي احلى
.......................

عقب اخر شي من عايلة عوض
سالم : 44 سنه متزوج ايمان متعرف عليها عنده منها
ريم : 32 سنه متزوجه راشد حساسه وايد بس طيبه و حنونه و دوم ويا مياري و ساره
عبدالله : 22 سنه خطيب نواري ويموت فيها و دوم مبركن عند حمدان ( اسميه حمدان هذا خراب بيوت ههههههههه
خلاف يي حمد : 20 سنه سوالف راعي مشاكل نمبر 1 بس اذا عصب يتهور وايد
عقب عندنا خولهـ : 19 سنه ربيعة نواري و تحبها حيل قمر ماشاء الله عليها و بنعرف عنها عقب
............................................
..................... خلونا نشوف الشباب شوي
هزاع يالس ع الغنفه و يتصل ع ذياب : الو ياخي جان ما رديت ... ههههههه .... اونه من زود الحب ترا ما عليه اتخبرك انا باجر بسافر ... جب جب و اتزوج اتخسي و الله ... حيوان عقب نتفاهم لا هب جي بودي مراوي اختي وياي امريكا .. ههههههههه هيه الله ياخذ ابليسك اصيعها شوا اسوي بعد ...... عنللاتك لا هب جي بس انته قلت بتروح باجر بعد ...... صدق عيل زين و الله زين بس هب تي جي اخاف اختي تهون ما اروم اسير بروحها ...اوكيك خل شهاب يوصلنا يلا باي
سيف : هزاأعوؤه وصمخ شو هالرمسه الي مافيها مذهب شو مروانو تسافر و ميوؤد و خربطان ارمس صح لاعطيك طراق يصلبك
حمدان : اونه ميود و مروانو مع بعض لا بالله ياخي اختك متعقده و السبه مايد قول روضه و الله حتى لو نواري بس مايد و مروه ابدا ابدا هب داشه مخي
هزاع "اوف انا الثور يوم ارمس يدامكم اوف اوف " : بخبركم بس هب تخبرون حد خصوصا مراوي ما اباها تعرف فاهمين عنللاتكم يا التيوس
حمدان : ايه ايه فهمنا و الله فهمنا يا التيس العود
سيف : صح لسانك اذا انتوا تيوس انا توني صخله ..... ما علينا شو السالفه
هزاع " ياخي شو اقول بس ": هيه شو اسمه انا ابا اخلي ميود و مروه شرات قبل و اعدل امبينهم هب تخبرون عسب جي يعني
سيف و حمدان : هيــــــــه عيل تطمن بنسكت
هزاع : عفيه ع الشطار .... اقول ما علينا شو اسمه اتخبركم احمدوه بيي اليوم و لا شو ؟!
حمدان : اظني بي اليوم ياخي ابا افضي طاقتي تواعدت ويا احمدوه و الشله الفاسده حفظهم الله و رعاهم ان شو اسمه نفذ خطتنا بنروح البر و نخيم بدال سوالف الحريم و خرابيطهن بس قبل بسلم ع مياري ياخي بلشه اختكم
سيف : ياخي هزاع انا سمعتك ترمس عن احمدوه الهرم صح ؟!
هزاع : هيه و الله بس اخوك لازم يقوللنا انه شاطر في كتابة التقارير ماشاء الله عليه عله بحرمه اخس عنه
حمدان : ياخي مافي جولييت تقدر تضويني اوكيك ( و فلع هزاع بالمخده
و هزاع نفس الحاله و شاركهم سيف و استوت الحرب العالميه
.............. نروح عند راشد و ريم شوي
راشد : ريماني ياخي بلشه و ابتلشت فيها عيالج بط الله و اكبر انا متعقد من اميه و ابويه و الحين ظهروا هالارانب
ريم : رشود هيه عيالي بروحي انته هب ابوهم صح ؟! سخيف واحد
راشد : سخيفتين ....... اقولج حياتي الحين انتي في أي شهر ؟!
ريم : الشهر الثالث ليش تسأل بينت الكرشه وايد يعني ؟!
راشد : هيه استويتي درام يا الدبوه
ريم " الحين انا درام ما عليه يا الهرم "( شوي و بتصيح شكلها ياخي البنات دلع ) : ثانكس وايد ع المدح بسير عند منصور احل واجبه ابرك لي

......................

قديم 07-29-2012, 07:17 PM   رقم المشاركة : 8
:: سيدة رائعــة ::








افتراضي رد: احبك كثر ما دور العاشق كلام وخانه التعبير


تعطيهم " نظر عينك "
‍ ‍ ‍ ‍ ‍ ‍ ‍ ‍ ‍ و . . تفكيرك ،
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ و . . ثواني مالها داعي !
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ ولها داعي . .
‍ ‍ ‍ ‍ ‍ ‍ ‍ ‍ ‍ وكلام(ن) ... غير ما ينقال :
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ لـ : أخوانك ~
‍ ‍ ‍ ‍ ‍ ‍ ‍‍ ‍ ‍ ‍ وتذبح لـ أجلهم » ثارك ،
‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ و » أحزانك ،
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ و » بعض الشوق لـ : الماضي ،
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ و . . هو راضي !
‍ ‍ ‍ ‍ ‍ ‍ ‍ ‍ ‍ و تخبي عنهم : جرحك ،
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ و . .رجا دمعك ،
‍ ‍ ‍ ‍ ‍ ‍و بقايا خووووف بـ " عيونك "
‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ و : ينسونك !
‍ ‍ ‍ ‍ ‍ ‍ ‍ ‍ ‍‍ ‍‍‍ ‍ ‍ ‍ ‍ ‍ ‍ ‍ ‍ ‍ ‍ ‍ ‍ ‍ ‍‍ ‍ ‍ ‍ ‍ ‍‍ ‍ ‍ ‍ ‍ ‍ ‍ ‍ ‍ و : ينسونك !

البــــــــــ الثآلث ــــــــــــآرت

راشد " اونه زعلت ": ياخي ريماني حياتي و الله امزح بلاج انتي ينقطع لساني جان اقصد فديتج انتي الغاليه ام عيالي نور البيت و ليته و فاتورة الكهرباء اتعب عليها عسب عيونج و الله

ريم " ههههههههههه و الله احبه ع سخافته و كل شي فيه " : ههههههههههههههه سخيف واحد

راشد : عبالي راشد عوض تصدقين ؟!
دقايق و يي منصور يصيح .....قام له راشد
راشد : منصور باباتي بلاك تصيح ؟!
منصور : فيثل و فهد و دانه يقولولي قثير
راشد : و انا اشهد
ريم : ايه شو انا اشهد يا الهرم
راشد : عادي الهرم تراني ريلج ( و ظهر لسانه
ريم : خلاص حبيبي منصوري انته طويل و شيخ الشباب يلا قوم اليوم بنسير عند قوم يدي عوض انزين
منصور : الله بثير عند يديه و شهد الدبه و عمي ثيف و بثوف الي نفث الشي ( يقصد روضه و مروه هههههههه)
ريم : ههههههههههههه هيه حبيبي
......................... نرد عند البنات
مروه : نواري ياخي و الله ملل متى بنظهر ؟!
نورة : أي ثنك عقب ساعه هيك لان حمدان قال هو بيظهرنا و قال ان سرنا ويا الدرايفر بينحرنا
روضه : هيه فديتج طبعا بينحرنا ( و شددت ع الكلمه ) غديـــــــــــــر بتي ويانا
مروه : ههههههههههههههههههههههه هيه و انا اقول شو هالطواعه الي نزلت اسميه الاخو متصوب
نورة : خخخخخخخخخخخخ اتخيل غدير و حمدان بس بصراحه لايقين
روضة : ماي تويني اتخبرج اتصلتي ع قوم ودوم ؟!
مروة : لا ماي تويني عقب شوي بتصل ............ وي تويت شوي بدق حق موزوة مافيني اروح ويا هاي ( تأشر ع نواري ) و اتشرى حق الملجه و هيك حكي فاضي
روضة : ارحميني يا السوريه ما يركب لج اقوى شي ياع
مروه : يا الخبله اونه نحن توين يعني اذا ما يركب لي ما يركبلج
روضه : هيه صح عيل خذي راحتج و رمسي سوري و لبناني و تركي و امريكي و الي تبينه
نورة : ايه صدق ذكرتوني عسب الملجه باقي اربع اسابيع ( و احمرن خدودها خخخخخخ ياخي بلشه و الله
روضة : هههههههههههه خفي علينا يا الطماطه
مروة : صدق نواري و الله الوقت يمر بسرعه عيل يا الله عقبالي انا و رورو
روضة : اميــــــــــــن
نورة : عنبو ثالث ثانوي و هالتفكير انجلعن بس ........... مراوي اقولج باجر بتسافرين صح ؟!
روضه " مراوي تسافر شوه اي خرفت شو و ليش انا ما ادري" : ايه سفر شو و ليش باجر و ويا منو ؟!
مروة " الحين انا شو اقول اقول عسب انسى الي سواه فيني اخوكن ": ماشي بس تعرفين رورو بروجيكت الانجليزي مال البرسنتيشن الي اشتركت فيه انا قبل كم من يوم ؟!
روضه : هيه عرفته بلاه ؟!
مروه : ماشي خبرت عنه هزاع و قال بيروح امريكا عند محامي وياه عسب قضيه و هيك و بيوديني عسب احضر البروجيكت
روضة : و ان شاء الله ما بشوفج انا و تخليني بروحي ؟!
نورة : يلا عاد بدينا الحمدلله ان ما عندي توأم و خربطان
مروة و روضه : و الله تتمنين فديتنا بس
نورة : اللهم ثبت العقل و الدين
مروة : اقول ايه بروح ادق ع البنات عسب العزيمه و الظهره
روضة : اوكيك نترياج
مروه ( راحت خذت فونها و اول شي اتصلت في بيت عمها حامد
ناصر : الو
مروة : هاي
ناصر : منو ويايه ؟!
مروة : انا مراوي انته منو ؟!
ناصر : هيه انتي بنت عمي عوض صح ؟!
مروة : ليش في قمر غيري ؟!
ناصر : اقول مروانو بلا دعايات شو تبين فكيني
مروة : نصور ابا خلود و غدير بليز نصور
ناصر "": انزين ويت جب شوي ( و زقر خلود لان غدير في البارك
خلود : الو اهلين مراوي
مروة : اهلين خلودي اقولج اليوم باباتي مسوي عزيمه و الكل بي تعالي ما اوصيج و عفكره تراج هب مهمة بس بغيت اصفي النية قبل ما اسير
خلود: هههههههههههههه وي تويت وين تسيرين ؟!
مروة : بروح امريكا باجر ويا هزاعي ( عفكره مروة صوتها فيه نبرة دلع و طفوله طبيعي بس احيانا تزيد الجرعه شرات ما رمست خلود في كلمة هزاعي بالضبط يعني)
خلود " اونه هزاع بيسافر ": اها زين و الله تروحين و تردين بالسلامه
مروة : اقول بلا رسميات ترانا الحين بنظهر ع بوادي خبري غدور و عفكره منايه بتي فبتين و لا اذا هيه تعالي ويا درايفركم انتي و غدير و اذا لا استريحي في بقعتج و يلا باي ما فيني اهذرب زياده سي يا
خلود " الزفته و الله بندت في ويهي اراويج مروانو "
مروه ( نزلت عند قوم رواضي عسب تكمل المكالمات عقولتها )


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تجديد نضاره البشره ..التخلص من اثار حب الشباب واثار الجروح والحروق بجهاز الفراكشنال ليزر العجيب .. اتصلي بنا الرياض 0112499111 _0554171121

إضافة رد



احبك كثر ما دور العاشق كلام وخانه التعبير

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
انت اجمل حب واحساس وشعور علــى ـالذِكـــــرَى خواطر وعذب الكلام 6 09-23-2012 01:47 PM
قصيدة وصورة واحساس مرهفه المحبه المواضيع المكررة 1 04-30-2012 07:04 PM
بنات الامارات وخبرات الامارات ساعدوني saif&dania فساتين سهره 1 02-15-2012 07:24 PM
انفاس واحساس بنت البلد المواضيع المكررة 4 02-15-2012 06:13 AM
مر طعم البعد واحساس الغياب .. جروح مخنوقه الهواتف النقاله والذكية 7 10-20-2008 08:50 AM




Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى
Privacy Policy

Facebook Twitter Twitter