أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > مطبخ لك > مائدة _ طبخ > أطباق منوعه



طريقة عمل الكبة السوريه على اصولها (روعه وشهيه)


جديد مواضيع أطباق منوعه


إضافة رد

  • Facebook

  • Twitter


Sponsored Links
قديم 08-19-2012, 11:48 PM   رقم المشاركة : 1
:: سيدة جـديـدة ::










افتراضي طريقة عمل الكبة السوريه على اصولها (روعه وشهيه)

طريقة عمل الكبة السوريه على اصولها (روعه وشهيه)



بسم الله الرحمن الرحيم

هلأ ان شاء الله لح بعطيكم طريقة الكبة يلي نحنا بنعملها
واغلب الناس بيعملوها بسورية
بس بدكم تركزوا منيح معي وتكونوا عيونكم مفتحين وذهنكم تمام اوكي
so
نبدأ بالمقادير
مقادير عجينة الكبة
- كيلو برغل ناعم
- نصف كيلو لحمة مفرومة ناعمة
- بصلة صغيرة
- ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الآن مقادير الحشوة
- كيلو لحمة ( إما ناعمة مفرومة أو ناعمة فقط على السيخ )
- صنوبر
- لوز
- جوز
- سمنة
- بصلة

=======================
نبدأ الآن بتحضير العجينة تبع الكبة
شوفوا
كل كيلو برغل ناعم بدو نصف كيلو لحمة ناعمة مفرومة على الماكينة
اوكي
هلأ بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعية البرغل )))
يعني مو تكتريلو مي
انتبهي يعني تتبيل
حتى فقط البرغلة تصير طرية ومو تبقى خشنة وصلبة

----------------------
هلأ بعد مو مضو الثلاث ساعات تبع البرغل
انتي لح بتلاقي انو البرغل صار طري
بتجيبي البصلة وبتفرميها ناعم جدا ( أو بتبرشيها )
وبعدين بتجيبي البرغل وبتخلطي البصلة معاه
وبتحطيه بالماكينة الخاصة للكبة
واللي هي مو موجودة عندي للاسف
وبتفرميه
بيطلع عندك متل العجينة طرية
هلأ
بتاخدي العجينة وبتضيفي عليهم التوابل المذكورة بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينة حتى مو تنشف
هيك خلصنا من العجينة وارتحنا

======================
هلأ بنعمل الحشوة
واكيد الحشوة لازم تكوني عاملتيها بالوقت يلي بيكون البرغل فيه منقوع
الحشوة
بتفرمي البصلة ناعم كتير
وبتهوسيها على الغاز حتى تحمر بسمنة
وبتضيفي عليها اللحمة وبتبقي عم تهوسي حتى تستوي اللحمة
هلأ صارت اللحمة جاهزة اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
أو اذا بتحبي هوسيه
بس نحنا بنخليه ناشف
هلأ ضيفي كل اللحمة فقط فقط فقط
وبتحطيها بداخل مصفاة
حتى فقط تصفي كل السمنة يلي فيها
لسبب ؟؟
واللي هو ( انو اذا بقت السمنة بقلب اللحمة لح تخلي الكبة تفلش وتخرب
)
هلأ بعد مو صفت اللحمة كل سمنتها
واكيد اكيد بتكون اللحمة سخنة مو باردة لما صفيتيها
صارت اللحمة جاهزة بدون سمنة بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمة حامضة )))
وعلى حسب مو بتحبي الحمض حطي
يعني 2 ملعقة او اكتر حسب االي بتحبيه
هلأ صارت الحشوة ولله الحمد جاهزة وتمام التمام
=====================



صار وقت الكبكبة
بتكوري القرص وبتحشه بالحشوة
ولازم كل فترة وفترة تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبة
ومن بعدها اقلي الكبات
بزيت يكون حار جدا جدافي البداية
بعد مو تحطي القرص بالزيت بعد بشوية نوصي الغاز
حتى مو تستوي الكبة من برا وتبقى من جوه نية
ولا تكتري بالمقلاة عدد كبير
يعني خليهم من اثنين الى ثلاث كبات
=========================
ملاحظة
1- لازم العجينة تكون كل فترة عمل الكبة مغطاية حتى مو تنشف
2- والكبات يلي كورتيهم حطيهم بصينية وغطيها بكيس نايلون من بداية الصينية
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلولة بماء نشاء عادي
وبيركز وحطيه بالزيت
==================================
أما الكبة المشوية
فقط الحشوة تبعها هي لية
وبتشويها على المنقل
واكيد طريقة تكويرها بتختلف
========================

تعبتوا مو هيكي
هي الكبة بدها شغل كتير
ومشهورين نحنا السوريين بمساواتها
على كل الف صحة وهنا
ويا رب تكونوا فهمتوا كويس عليي
--------------
واي سؤال جاهزة بالرد
لانو الطريقة هي طريقتنا ومو منقولة
وهيكي كلنا بنعملها
ويا رب الكل يستفيد
وادعولي
بالتيسير وتحقيق يلي في بالي بما يرضي الله
وهلا فيكم
لـ حفظ الموضوع والإستفاده منه إستخدمى هذا الرابط :
طريقة عمل الكبة السوريه على اصولها (روعه وشهيه)
http://forum.sedty.com/t641362.html




رد مع اقتباس

Sponsored Links




قديم 08-20-2012, 11:24 AM   رقم المشاركة : 3
:: سيدة رائعــة ::










افتراضي رد: طريقة عمل الكبة السوريه على اصولها (روعه وشهيه


عن جد اختى يسلمو ايدك انا بدى اياه الوصفة بهذا الشرح الله يوفقك وينولك يلى فى بالك مشكورة اختى

قديم 08-20-2012, 08:54 PM   رقم المشاركة : 4
:: سيدة جـديـدة ::










افتراضي رد: طريقة عمل الكبة السوريه على اصولها (روعه وشهيه


لله يوفقكم يا اخواتي على الردود اللي تشرح الصدر شكرا لكم يا احبتي

قديم 08-21-2012, 04:24 AM   رقم المشاركة : 6
:: VIP ::











شكر وتقدير 
افتراضي رد: طريقة عمل الكبة السوريه على اصولها (روعه وشهيه


رووووووووووووووووووووووووووعة حبيبتى
الله يعطيك العافية

قديم 08-21-2012, 04:25 AM   رقم المشاركة : 7
:: سيدة جـديـدة ::










افتراضي رد: طريقة عمل الكبة السوريه على اصولها (روعه وشهيه


شكرا احلام بهجت شكرا جزيلا يا رائعه


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




طريقة عمل الكبة السوريه على اصولها (روعه وشهيه)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
طريقة عمل الكبة بكل الانواع اميرة الثلج مقبلات - مشروبات 20 07-15-2012 07:03 PM
ام عبدو للكبة السوريه على اصولها ريحانه سيدتي عروض متنوعه 25 11-22-2010 03:08 PM
الامو ليت روعه وشهيه لاتفوتكم badydody أطباق منوعه 9 02-11-2010 12:42 AM
طريقة عمل الكبة المشويه اللمسة المغربية الحلويات 0 02-06-2010 03:55 PM
عطووووني طريقة ((الكبة)) ام لولة أطباق منوعه 0 08-20-2009 03:24 AM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter