ياتري ضميرك بيوجعك ولا.....؟؟؟؟

[○mΐήỠ82○]

ياتري ضميرك بيوجعك ولا.....؟؟؟؟

ياتري الواحدة ضميرها لما بيوجعاش تبقي طبيعية ولا لأ؟،يعني الواحدة وهي قاعدة كده مع نفسها ومبسوطة وحاسة بالراحة مش بتحس في وسط الهوجة الانبساطية دي ببصيص من ظلام وجع الضمير
يعني حاجة كده كأنك بتاكلي قطعة جاتوه وتلاقي في وسطها قطعة ملح كبيرة وتأبي أن تكمل فرصتك واستمتاعك بقطعة الجاتوه،حسيتي بالاحساس ده قبل كده... ؟
طيب لو انت قاعد ة برضه مع نفسك ومبسوطة برضه وتكملي يومك ونهارك وليلك ويمر كل ده وبرضه ماحستيش بوجع ضمير ،ده معناه ايه؟؟
يعني هي الواحدة لما ضميرها مش بيوجعها وعمرها ماوجعها ،معناه انها ماعندهاش ضمير أساسا ولا معناه انها ماعملتش حاجة غلط ووحشة تخلي ضميرها يوجعها علشانها؟ "سؤال سألته لواحدة صاحبتي؟"
طيب امتي الواحدة تحس بوجع الضمير؟يعني ايه الحاجات اللي تخلي الضمير يتوجع؟،ولما بنحس اننا متضايقيين ومكتئبيين من حاجة ومش عارفينها ممكن يكون ده هو وجع الضمير، طيب ايه اللي يخلينا نتأكد انه وجع ضمير
لكن الحال ايه لو ماحستش الواحدة بوجع الضمير؟، ده احساس كويس،ولا حاجة مش طبيعية ،يعني ممكن تكون ضميرها معدوم ومابتحسش أساسا،ولا معقولة تكون مش عاملة حاجة وحشة في حياتها تخلي ضميرها مرتاح كده
أصل الواحدة لما تفرح قوي قوي،أعماق نفسها يعني اللاوعي بيحضر الحاجة الوحشة اللي في حياتها اللي عملتها واللي اتعملت فيها وبيقارنها بالحاجة الحلوة اللي معاها دلوقت،ومش معقولة مافيش حاجة وحشة في حياتها
طيب لو ضميرنا وجعنا نعمل ايه بعد كده؟،يعني لما ضمير الواحدة يوجعها وأفتكرت الحاجة الوحشة دي تقوم وتروح فين وايه هي الخطوات بالضبط؟؟؟؟
يعني مثلا واحدة سرقت أو واحدة قتلت ولا واحدة...وفجأة ضميرها وجعها تعمل ايه؟؟؟،تخرج من بيتها وتذهب لأقرب قسم شرطة ولا الي أقرب جريدة ولا الي التليفزيون وتعلن أمام الشاشات بكذا وكذا وكذا،ياتري ممكن الواحدة تعمل كده؟؟؟
طيب ياتري دلوقت أنا ماعنديش ضمير أساسا زلا ماعملتش أي حاجة وحشة ولا أي حاجة غلط في حياتي؟،أصل ضميري مابيوجعنيش
معقولة ضميري منعدم خالص ولا ايه؟،وازاي يكون منعدم وأنا بأفكر في الكلام ده؟
أكو ن فعلا ماعملتش حاجة وحشة،ولا أكون عملت وبأحاول أداري وأخبي عليكم؟،ولو خبيت عليكم هأعرف أخبي علي نفسي ،مش معقول ساعتها أكون ايه مريضة نفسية؟
كده مشكلتي ومشكلة كل واحدة زي عويصة،مين اللي هيعرف اني مريضة؟،طيب امتي؟،وازاي هتعالج علشان أرجع ضميري تاني ويوجعني لو هيوجعني؟
وليه كل ده ؟،هو أنا عاوزة ليه ضميري يوجعني، ماأنا كويسة كده ولا لازم الواحدة تدور علي الوجع والنكد ولا ايه؟
طيب انتم بقي ضميركم بيوجعكم ؟

[الغامـــــــــــــــضة]

اختي الفاضلة

سبحان من وضع في الانسان قسم للخير وقسم للشر

فالانسان منا اذا عمل خير يفرح ويسعد ويكون مرتاح في الخارج والداخل

واذا عمل شر ندم لان القسم الخير بدا يعمل مفعوله

لان الانسان خلق طيب وعلى فطرة الخير

اما اذا غلب على الانسان شهوته وهواك وشيطانه وكان طريقه للشر داما

فاعلمي ان قسمه للخير يعمل على امل ان يرجع الى الصواب

[خيبة امل]

غاليتي...................
كل انسان صالح وتقي مرتاح وهذه لذة التقرب من الله . ولا يشعر بتأ نيب الضمير لا عند فعل كل ما يبعده عن ربه.

كلنا لنا ضمائر لكننا مرتاحين لاننا نعمل باخلاص وجد ونيتنا صافيه

وتقبلي تحياتي

[شوق 86]

والله لو لخطئت فعلا رح يوجعني ضميري واكيد ضمائرنا لسه موجودة

[..{ الـــم ~●•]

انا اذا زعلت احد او ظلمته او ظنيت فيه مستحيل يمر اليوم ولا صارحته اهم شي تكون واضحه مع نفسي

اول ويعدين مع الناس اكيد ضميري يألمني

على العموم الحمدلله ان عمري ماجرحت احد اوظلمت وظنيت بـأحد


شعاري في الحياه انام مظلومه ولا ظالمه

[diamond]

كل انسان عنده ضمير..

ودائماً .. كل شخص مخطيء.. أو غير مخطيء... ضميره دائماً يذكره...

بما كان يجب أن يفعل.. وما يجب أن لا يفعل...

وليس معنى أنكِ لا تشعرين بتأنيب الضمير.. أنكِ لا تحسين..!!

أو أنكِ بلا أخطاء...

ربما تكون حالة تسامح مع الذات...

إحساس بالرضى عن نفسك..

يجب أن تحمدي الله عليه.............

[blue]

اكيد في ناس لها ضمير صاحي وتحس في الناس

يسلموااااااااااا حبيبتي
يوفقك الله يارب

[○mΐήỠ82○]

تشكروا علي كلماتكم اللي بتشاركوني بيها ،وفعلا كل واحد فينا ممكن ضميره يوجعه ولكن اللي بيصفي ذهنه دائما وبتصالح مع نفسه أكيد ضميره هيرتاح تسلموا ليا