كفته الرز

[nany moon]

كفته الرز



كفته الرز عالطريقه المصريه
المقدير:
-نصف ك لحم هبره مفروم.
- نصف ك رز مصري مغسول ومصفى من الماء.
-بصله كبيره , معلقه ثوم مفري, ربطه بقدونس وشبت
- ملح فلفل وبهار.
-زيت للتحمير.
لعمل الصلصه:
_بصله, 4 طماطم-معلقه ثوم مفري-معلقه سمن-ملح
وبهار.
الطريقه:
-نقوم بفرم المكونات اللحم مع الرز مع البصل مع الخضره
مع الثوم.
-تفرم بالكبه اوبمفرمه اللحم حتى تصبح ناعمه.
-نضيف عليها الملح والفلفل والبهار ونمزجها مع بعضها.
_نبلل ايدينا بقليل من الزيت حتى لا تلتصق العجينه باليد
-نقوم ب" تصبيع" الكفته "عملها اصابع" بحجم الخنصر "اصبع
اليد الاصغر" او كور حسب الرغبه بس كور في حجم عين الجمل
- نواصل العمل حتى تنتهي الكميه
- توضع كميه مناسبه من الزيت في اناء تحمير على النار
-نقوم بقلي الكفته حتى يصبح لونها ذهبي
-ترفع من الزيت وتوضغ في مصفاه حتى نقوم بعمل الصلصه......طبعا لازم تذوقيها......
لعمل الصلصه:
توضع معلقه كبيره من السمن عالنار ونضيف اليها البصله
-بعد ماتذبل الصله نضيف الطماطم المعصوره وبعد ماتتسبك كويس نزودها بمعجون طماطم "اذا حبيتي"
-نضيف الملح والبهار و قليل من الماء "حوالي 2كوب"
-بعد ماتغلي نضيف الكفته المقليه وتترك على نار متوسطه لمده نصف ساعه.
-تقدم مع رز بشعريه وبالهنا والشفا

لـ حفظ الموضوع والإستفاده منه إستخدمى هذا الرابط :
كفته الرز
http://forum.sedty.com/t76177.html

[روما_84]

تسلم اديكى حبيبتى
والله انتى بتعمليها احسن من المصريين ونفسى راحت ليها وان شاء الله هعملها
بس انتى عارفة انا بذود عليها بطاطس فى الصلصة بتاعتها
بس شكلها جاااااااااااااامد
تسلم اديكى

[nany moon]

ازيك يا روما نورتيني انا مصريه ونفسي كل العضوات وانا وانت نركز على اكلاتناالعربيه لان الوطن العربي زي ما هو اصيل وعريق اكيد عندو لاصيد هايل من الاكلات اللي فيها طابعنا الشرقي .... على فكره انا كنت كاتبهعن الممبار برضو بس في قسم مطبخ العضوات و حرم فهد هي اللي قالتلي .... مره تانيه باشكرك قوي
"على فكره انا باحبها بالبطاطس " بس قولت اكتبها زي الوصفه الاصليه ... احنا شكلنا ملمسين على بعض ,يلا بقى نعمل مشروع المسمط......

[روما_84]

nany moon حبيبتى انا جاهزة لمشروع المسمط اوى اوى وعلى اتم استعداد انى اعمل مشروع الاكل معاكى
وانا سعيدة جدا ان انتى كمان مصرية زى
ومافيش شكر بينا حبيبة قلبى احنا اخوات ولا اية
ومرة تانية تسلم اديكى
ومنتظرة اكلات تانية منك حلوة زيك

[هلا هلا]

تسلم دياتك

[نُورِالْإيمَــاآن]

عزيزتي

يعطيك الف عافيه ع الطريقة الشهية جدا

دام لنا تميزك وحضورك الرائع

سلمت وننتظر منك الجديد والمزيد ووفقك الله

لك مني ارق المنى

وخالص التقدير والاحترام

نور الإيمان

[nany moon]

تسلمولي على ذوقكم ...بس جربوها وادعولي

[ثلوج الشتاء]

يعطيك الف عافيه