أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > خصوصية سيدتي > مشكلتي



انتهى حبي و مضطره اكمل


جديد مواضيع مشكلتي


إضافة رد

  • Facebook

  • Twitter


Sponsored Links
قديم 09-04-2013, 10:44 AM   رقم المشاركة : 1
العضوية ملك للجميع الكل يستطيع إستخدامهآ لطرح مشاكلهم الخاصه بسريه تامه










افتراضي انتهى حبي و مضطره اكمل

انتهى حبي و مضطره اكمل



مرحبا بنات ..
مشكلتي ان حبي لريلي انتهى تماما تماما ..
بقولكم قصتي من البداية :
انا خذت زوجي بعد ما تحديت وهو تحده اهله عشان نتزوج .. عايلته ممنوع فيها الزواج من برا بحكم انهم من قبيله معينه .. تحداهم واجبرهم علي ..
انا تحملت نغزات اهله و كلام خالاتي السم عشان حسيت ان هو الي انا اباه صدق ..
هو يمتكلك صفات حلوه وايد مثل الطيبه حب الاهل خدوم اجتماعي مو راعي مشاكل و يوجب الناس ..
بس حبي له انتهى و الي خلاني اتاكد من هالشي انه مسافر قبل اسبوعين اول مره يبعد جي بس مو مشتاقتله و لا اتصل فيه و يطرشلي ع الوتسب اخر الليل اشوفه وارد بكلمه نايس وناسه حلو بسس .. ما احس بحماس انه اليوم بيوصل اليوم الفجر .. و لا مفكره اني اتم سهرانه عشان استقبله .. بالنسبالي صار واحد انا مجبره اعيش معاه واكمل لان هو اختياري ..
بتقولون مافي شي من غير سبب .. بقولكم الاسباب :
1- بعد 3 شهور من زواجنا اكتشفت انه يحب يكلم بنات ع المسن و البي بي ؟؟ مع ان قبل كان البي بي عندي طول الوقت بس بعدين حطله باس و يقفله ع الدوام وتكرر اكتشافي له الشي حتى بعد ولادتي في بنتي وكنا نضارب ويا بعض دووم بسبه هالشي ..
2- اكتشفت عنده حساب لمتابعة البنات الرخيصات ع توتر و يحط صور جنسيه .. مع انه يسوي عمره جدام الكل الرجل المحترم الي يصلي ويروح المسيد .. ما حبيت تناقض الي فيه ..
3- همه يتصور و يحط صوره بالانستقرام عشان يحصل كومنتس من البنات .. كلمته انه يصكر الانستقرام او انه يحط صور عاديه مثل اخوه الكبير الي عشان مرته ما ينزل صوره .. هو ما سوا هالشي بعده ذابح عمره صور .. و في تعليقات كثيره من البنات و غزل له و هو اكيد متانس ..
4- في بيت ابوه يتحول الى طيف .. ما يي الا اخر الليل بحجه انه ما شايف اخوانه طول الاسبوع .. بس بعد انا اداوم طول الاسبوع ابا ويك اند عشان اطلع و استانس بس هو همه السوني و اخوانه و حتى يسوي عمره ما يجوفني اذا مر عشان ما ازقره او اقوله شي .. الحمدالله ان سكني بعيد عن بيت ابوه ..و لا جان ما يبت عيال حتى ههههه
5- كل الوقت عينه بالفون اكلمه يقولي ها ها .. وهاي حياته ..

انا ما احبه طلع عن خاطري وايد و متندمه كثر شعر راسي اني حامل الحينا كنت لازم اشيل فكره الانجاب للمره ثانيه من بالي ..
انا مو قادره احبه مثل قبل .. دوم اتخيل اني ارمله .. و بعيش حياه حلوه من غيره ..
وساعات اتخيل اني ما خذه اخوه الثاني الي يحب مرته .. احس اني سعيده يوم اتخيل هالشي

قمت بسرعه انجذب حق الشباب الي معاي بالدوام ؟؟ متندمه ع زواجي منه .. مع ان كان يولي خطاطيب كل فتره لفتره .. بس رفضتهم عشان حبي الاخرق الي خسرني بغبائه ..

بتقولون اطلبي الطلاق .. ابا ومن خاطري اتطلق بس ما اقدر ارد اعيش بيتنا .. ما بسلم من كلامهم و غير جي بيتنا وايد يقيد حريتي .. انا مع ريلي لي حريه اكثر بوايد و هالشي الي ما ابا اخسره ..

بتقولون كلميه بالحسنا . . كلمته .. زعلت منه .. شليت اغراضي ورحت بيت بابا بس بعد يرد ع عوايده الكريهة .. صار ما يهمني لو اجوفه مع حرمه ثانيه .. احس ابا اعيش حياتي بسسسسسسس لان لو اهتميت و استغميت محد بيتعب غيري بخسر جمالي و حياتي وعيالي ..

انا عمري 26 سنه و عندي ميول للجنس الاخر بشكل فضيع !!!! ابا واحد غير ريلي .. ابا اكلم حد ويسمعلي .. ابا يهتملي و يخاف علي .. ريلي لو امثل اني تعبانه جدامه بس يتصل يسال مره بس حتى ما في مشاعر او احاسيس ..
يوم حملت بالبيبي الثاني ما يابلي لا هديه و لا حتى دلعني او سالني ع شو متوحمه ؟؟؟
انا مو مهتمه بهالنونو ابدا .. ما اهتم بزيارة الدكتوره .. كنت اتمنى بنت طلع ولد .. احس بكره اتجاهه .. مع ان ماله ذنب .. ربيعتي تقول لا تفكرين جي بعدين ب تكرهينه صج .. مول مو متحمسه اني لا ارضع و لا اجابل بيبي يديد و السبب ريلي الكريهه .. اخاف ان الله يعاقبني ع هالمشاعر السلبيه لهالبيبي البريئ بس والله مو متقبلتنه ابدا ابدا ؟؟ اخاف اكررره بسبه ابوه استغفر الله يارب بس هالافكار مراوتني يوميا يوميا .. امشي عشان جسمي ما يخترب مو عشان اوصل الدم حق البيبي .. اكل فواكهه عشان ما امتن مو عشان اغذي البيبي يعني انا انانييه واااايد واااايد مستويه




بتقولون انتي مقصره فيه .. بقولكم انا منظمة جدا و متغيره في طلتي نعم عقب ما ربيت اشوي كنت روتينيه عشان كان عندي بنوته وكل دقيقه تبا تشرب حليب و ماكان عندي خدامه و الشقه تقلب فوق تحت و ما كنت انام عدل بس بعدين ترتب جسمي و قمت ارد مثل قبل اتجمل و اروح الصالون اعتني بنفسي .. حتى محد يصدق ان عندي بنوته كلهم عبالهم انا سنجل ..
و اعرف عمري اني حلوه ..
بس بعد يمكن في نقص بس انا مو كامله و هو بعد مو كامل ..

شو اسوي .. عادي اتهور و احب رجل ثاني بسبه ان ما اشوف ريلي محتويني و حبي له ضاع .. ما عرف كيف اتحكم بمشاعري
لـ حفظ الموضوع والإستفاده منه إستخدمى هذا الرابط :
انتهى حبي و مضطره اكمل
http://forum.sedty.com/t785633.html




رد مع اقتباس

Sponsored Links




قديم 09-04-2013, 01:25 PM   رقم المشاركة : 2
:: VIP ::











افتراضي رد: انتهى حبي و مضطره اكمل


حبيبتي اتعوذي من الشيطان هوالي بجمل الرجال بعنيكي

زوجك مثل اي شب بحب انه البنت تتغزل فيه وهذا بدل على عدم الثقة

زوجك تحداك على شان تكوني من نصيبه بالغم كان ممكن يرتبط بغيرك لما اهله رفضوه


لا تخسري زوجك فكري كويس قبل ما تخطي اي خطوة وتخربي حياتك

كل بني ادم عنيهم لبرى اغلب المشاكل المكتوبة بالهقسم عن خيانة الرجل لزوجته

اكثري من الاستغفار ودعي بالصلاة ان يصلح حالة

الله يوفقكم ويختارلكم الاحسن


قديم 09-04-2013, 01:45 PM   رقم المشاركة : 3
:: سيدة رائعــة ::










افتراضي رد: انتهى حبي و مضطره اكمل


اللهيهديكى بس شو هاﻷفكار هادى استعيذى من الشيطان وما تخربى بيتك بأيدك لا اله الا الله

قديم 09-04-2013, 02:30 PM   رقم المشاركة : 5
:: سيدة مميـزه ::










افتراضي رد: انتهى حبي و مضطره اكمل


شوفي كلامك صح مقنع من ناحية زوجك بس أبدآ مو منطقي انك تحبين رجل ثاني وتخربين حياتك بنفسك مو حياتك مع زوجك لا حياتك مع ربك!!!؟؟
يعني كل شي تقدرين تسوينه ادري تقدرين تحبين رجل ثاني وتقدرين تطلعين مع اي واحد وتقدرين تسوين اللي تبين بس هذا متوقف على خوفك من الله وانا شايفه فيك خير هواللي مانعك من انك تسوين الحرام
زوجك غلطان واضح من كلامك انه غلطان بس خير الخطائين التوابين وبيدك انتي انك تغيريه لازم تجين له من باب النصيحه والخوف من الله وانه فيه جنه وفيه نار وان الله راح يعاقبه ببنته وولده لازم يحط خوف الله بين عيونه لازم تفهمينه انك أمانه عنده ولازم يحافظ عليك وعلى عيالك لازم تسألينه وش ناقصه وش مقصره فيه عليه عشان يحس بغلطه اذا انتي مو مقصره معاه لازم يفهم انه ابو وجهين بهالحركات اللي يسويها قدام الناس لازم تبينن له غلطه وساعتها لك حريه البقاء عنده او الطلاق وعمر الجلسه ببيت الأب ماكانت حبس للحريه ابوك هوسندك بعد الله وماراح يرضى لك بالغلط وش الفايده بكرى اذا خسرتي نفسك وبيتك وعيالك من منطلق انك تحبين الحريه !
حبيتي والله انا أبي لك الخير
تقربي من الله أدعي بكل صلاة وان شاء الله مالك الا السعاده
الله يجمع بينكم بخير
وحبيت أذكرك انك تحملين نفس بريئه بأحشائك أنتبهي للبيبي هوأمانه عندك ومسئوله عنه يوم القيامه
الله يتمم لك حملك بخيرويجعله ولد صالح بار فيك

قديم 09-04-2013, 05:27 PM   رقم المشاركة : 6
:: سيدة رائعــة ::










افتراضي رد: انتهى حبي و مضطره اكمل


والله صرت اتخيل كل الرجاجيل جذي
من برا شحلاتهم وبس تعاشرينهم
تطلع بلاويهم
يعني لاتتحسفين على احد كلهم مثل مثل
وصلت لقناعة ما افضل رجل على رجل
لانهم من عجينه وحده
كل الي انصحج فيه الحين اهتمي بعيالج
وربيهم واعتني فيهم
وطلعي من راسج جنس ادم ههههههه
موووفقه

قديم 09-04-2013, 08:34 PM   رقم المشاركة : 7
:: سيدة رائعــة ::











افتراضي رد: انتهى حبي و مضطره اكمل


الحل انك تتقربى من ربك هو يصلح لك امور كلها
مو تعصى ربك وتخونى الامانة انتى اذا تفكرى هيك ما الفرق بينك وبينة اذا لاعتب عليه هذه مراه وتقكر كذا مابلك الراجل

اتقى ربك واتقربى لربك هو بيده يغير زوجك
لكن اصدقى النية والعمل

قديم 09-04-2013, 09:19 PM   رقم المشاركة : 8
:: VIP ::











افتراضي رد: انتهى حبي و مضطره اكمل


شوفي ياختي انا ماراح اقعد انصح فيك

لان انتي ما تبين تغيرين وهذا واضح اذا انتي مو قادره تعيشين معه تطلقي منه احس من انك تخونينه وروحي عيشي حياتك مثل ما تبين


الله يهديكم ويسخر قلوبكم لبعض


برنامج تكسير الدهون وازالة السيلوليت بدون عمليات 6 جلسة 1000 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111/0554171121

إضافة رد




انتهى حبي و مضطره اكمل

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
تكفون مضطره لاتردوني misy نادي سيدتي 2 11-23-2010 08:51 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter