ولدت ابكي كبرت ابكي بشيب ابكي على أيامي.!!

[فآآآقدة أبوهآآآ]

ولدت ابكي كبرت ابكي بشيب ابكي على أيامي.!!





.
.






وصح النوم ياطفله تربـت داخـل عظامـي
صباحك ليل ياأصـدق شعـور بقلـب كذّابـه

سطع في عين إغمائك شعاع الحب وأحلامـي
وفزّيتـي علـى قلبـي وعذبتيـه بحسـابـه

طلبتك بالذي حطك على جرح الهوى الدامـي
سبـب أخشـع لتعذيبـه وأستسلـم لإرهابـه

دخيلك لو على العشره ثواني أرجعـي نامـي
برجّع هالفرح وأبكي وداع اللـي لنـا جابـه

رجل لوّن فضاءاتي..قراحٍ يـروي الضامـي
وصاله هو طموحاتي وطعم المـوت بغيابـه

ابهديـه ابتساماتـي وبنطـق حكـم إعدامـي
وبرحـل وسـط تكذيبـه ولابشقيـه بعتابـه


صعب أنساه هالماضي واناظر بـس قدامـي
وأصدم بالغياب الصعب غوالي القلب وأحبابه

ياطفلة جرحي الكافر انـا طوّلـت بصيامـي
ترى صاب العقل فيني من الحرمان ماصابـه

شعوري بكتبه هالحين بعـد تبصيـم إبهامـي
"حياه وموت بعيونـي بعـد فرقـاه تتشابـه"

تعبت أخفيك بضلوعي وانتـي سبـة الآمـي
حملت الهم ولا أدري متى هو موعـد إنجابـه

ولدت ابكي كبرت ابكي بشيب ابكي على أيامي
غفيت مدللة أهلي وصحيت بوسـط هالغابـه


خذوا منـي كتاباتـي وإحساسـي وإلهامـي
و "ورده" كنت بهديها عطـر يستنشـق ثيابـه

ولكن للأسف خان الهدف تركيـز هالرامـي
بغى من كل تعذيبي صبر ماعرفت احظى بـه


وكيف أصبر على ذلي وتحطيمي وإرغامـي
من اللي كـان يتفانـى يبيّـن قـدر إعجابـه

ويالذكرى ترى النسيـان ينفعنـي ومادامـي
غصب عني بعيش العمر معَ أشخاص نصّابه


بحـاول أندمـج فيهـم وأطالبهـم بإلجامـي
وبنسى صدق إحساسي وأصيـر بجـد لعّابـه

ومدامك صاحيه فيني يالوعة فكـري السامـي
ابي اكتـب نهايتنـا وامـوت بداخـل كتابـه







مما راق لي

[مِــيلآف]

تعبت أخفيك بضلوعي وانتـي سبـة الآمـي
حملت الهم ولا أدري متى هو موعـد إنجابـه؟


تشبيه رائع
فاقدة لله در الذائقة، وعيني عليك بَارده

[فآآآقدة أبوهآآآ]

ميلاف الله لا يحرمنا طلتك

لك مني ارق تحيه

[حبيبة امها]

تسلمين حبيبتي

روعة كروعة حضورك

[زهور الشام]

وكيف أصبر على ذلي وتحطيمي وإرغامـي
من اللي كـان يتفانـى يبيّـن قـدر إعجابـه


مشكوره حبيبتي

الله يوفقك دنيا واخره

[فآآآقدة أبوهآآآ]

مشكورة حبيباتي لتواصلكم معي

لكم مني ارق تحيه

[بقايا روح]

شعوري بكتبه هالحين بعـد تبصيـم إبهامـي
"حياه وموت بعيونـي بعـد فرقـاه تتشابـه"

تعبت أخفيك بضلوعي وانتـي سبـة الآمـي
حملت الهم ولا أدري متى هو موعـد إنجابـه
-----------------------------------------

روعة يافاقدة أبوها تسلمين على التقل الرائع
يعطيك مليون عافية
بقايا روح

[فآآآقدة أبوهآآآ]

اسعدني وجودك اختي الغاليه

لك مني ارق واعذب تحيه