شوفو اية ال حصلى اثناء النظرة الشرعية

[روما_84]

شوفو اية ال حصلى اثناء النظرة الشرعية

السلام عليكم اخواتى فى الله جميع عضوات منتدى سيدتى
احكيلكم حكايتى اثناء النظرة الشرعية ليا
زميلة ماما فى الشغل جايبة ليا عريس يبقى ابن اختها وكلمت ماما عليا ف ماما وافقت وقالت يشوفوا بعض قبل ما تيجو البيت ونتعرف فى مكان عام الاول ولو حصل وفاق ما بينهم وقبول تشرفونا فى البيت المهم هو كمركز اجتماعى وعلمى كويس جدااااااااااااااااا
وكانت المقابلة النهاردة
ويارتنى ما روحت بجد حسيت باهانة منة ليا وحشة اوى
تخيلوا معايا المنظر
هما كلهم قاعدين هو ومامتة وخالتة ومامتى وبعدين انا دخلت عليهم سلمت على خالته الاول وبعدين مامتة وبعدين هو والله وانا بسلم علية شد ايدة منى اتكسفت من نفسى انى سلمت علية قولت فى نفسى هو اكيد متدين
قعدنا وخالتة مشيت وسابتنا انا وهو مامتى ومامتة وقالتنا اتعرفة على بعض
بالله عليكم مين ال يفتح الكلام الاول انا ولا هو
بعبطتى انا ال عرفت نفسى لية وبقيت اتكلم زى البغبغان وهو ساكت
راحت ماما قالتلة مش تعرف نفسك ليها
قالى سنة وهو خريج اية وبيشتغل اية بس
وسكت
روحت انا ساكتة انا كمان
طبعا مامتى ومامتة بيتكلموا مع بعض
واحنا انا وهو ساكتين
ماما راحت قايلالة اية طموحاطك قالها انا مش مقتنع ب الكلمة دى خالص انا مقتنع ب ال كاتبة لية ربنا
بينى وبنكم انا اتخضيت منة
اة نسيت اقول لكم فى عريس رايح يتقدم ل عروسة مش يبصلها خالص ويديها ضهرة كمان
شوفتة المنظر ال انا كنت فية والله روحت ناهية المقابلة
قولتلها يا ماما يالا نمشى وفرصة سعيدة اوى يا فلان ومعرفة الناس كنز وانا سعيدة بمعرفتى بيك
بس بينى وبينكم دمى محروق منة لانة هانى من غير ما يحس
وحمدت ربنا انة مش حصل فى بيتى الكلام دة
معلش طولت عليكم فى حكايتى بس تفسرو باية ال حصل معايا دة
بس انتم اخواتى وحبيت افضفض معاكم علشان نفسيتى ترتاح شوية
اسفة انى طولت عليكم مرة تانية

[ms music]

النهاردة حظي حلو اول الردود من حظي اولامتزعليش كلنا حصلت لنا مواقف من نفس النوع بتكوني مقدمة الذوق واللطف وتلاقي قلة الذوق والجليطة معلش دة حتلاقي اهله نفس الطريقةويمكن عنده مشكلة مشعارفاها انتي المهم انك تتعلمي من التجارب دي وتعرفي نوعيات الناس عشان لما ربنا يكرمك بابن الحلال تعرفي الحلو من الوحش وربنايسعدك ومتزعليش نفسك ياما
دقت على الراس طبول على راي نينا(جدتي)

[همس الخيال]

واحشتيني حبيبتي وياهلا فيكي في اي وقت تبي تفضفضي عااادي


بخصوص النظره الشرعيه غالباً ماترى الفتاة صورة المتقدم قبل النظرة

الشرعية وكذلك الرجل فعادة توصف الفتاة وصفاً دقيقاً له قبل النظرة

ولكن أعتقد أن النظرة الشرعية تؤثر في تقبل الشخص والشعور بالإرتياح

للآخر أكثر من موافقة على الشكل الخارجي .

لا أنكر أن الموقف صعب لكلا الطرفين ولكن إذا أستخار الطرفين قبل


النظرة وخاصة كون الوضع حساس للفتاة

لابد أن تثقي غاليتي أن التوتر كان له دور كبير عليكي





ينقل للقسم المناسب افتحي قلبك

[لؤلؤه الحياه]

اختى الغاليه ولا يهمك ياما حصل زى ما بيقولوا هههههههه
بس المهم انك تفضلى واثقه فى نفسك ممكن يكون هو من النوع
الخجول او النوع الغير اجتماعى المهم ولا يهمك كنت دايما
اسمع من جدتى قبل لما تخطب ان البنت بيجلها عرسان اد عدد شعر راسها
هههههههههههه المهم فى الموضوع كله ان النصيب لسه مجاش
بس ليه نصيحه ليكى اختى لما ميعجبكيش الموقف او العريس
بلاش انتى الى تنهى المقابله ممكن تبصى لمامتك وهى هتفهم وتنهيها من نفسها علشان ميبقاش فى احراج لاى حد وربنا يوفقك بالاحسن ان شاء الله

[ocean7]

يمكن هو يكون خجلااااااااااان قوي - او تكوني ما عجبتيه - و حيبان لما يرجعو مرة تانية او لاء.

[فآآآقدة أبوهآآآ]

همس الخيال ماقصرت قالت كل شي حلو


عزيزتي روما_84
اتوتر هو المتحكم في هذي الحظات

بس تاكدي انا راحه في اللقاء الاول هي مبدا التفاهم

ربي يسعدك واكيد عريسك خجول بالمرة

تقبلي مني ارق تحيه

فاقدة ابوها

[روما_84]

حبايب قلبى مس ميوزيك
همس الخيال
لؤلؤة الحياة
اوشن
فاقدة ابوها
متشكرة جدا ل ردودكم الحلوة اوى دى ال رفعت من معنوياتى كتير
على فكرة دى مش اول مرة اشوف فيها عريس اتقدم كذا واحد وكان بيترفض الموضوع من قبل ما يتم لسبب ما
بيكون بابا معارض فى الموضوع
ولما اتقدم دة ماما قالت ل بابا نشوفة كفاية رفض فى وش البنت لغاية كدة
وفعلا شوفتة وحصل ال حكيتة ليكم دة
والنهاردة ماما انهت الموضوع مع خالتة فى الشغل وقالت ليها الجواز قسمة ونصيب لان انا ال رفضتة من اسلوبة ومعاملتة
والله كل ما افتكر الموقف يتحرق دمى بس ارجع واقول هو مش يستاهلنى وربنا عاين لية ال احسن منة
وعلى راى اختى لؤلؤة الحياة بيتقدم للبنت عرسان بعدد شعر راسها
وكله قسمة ونصيب