اذا جا زوجك ياخذك من بيت اهلك

[حلوة بكيفي]

اذا جا زوجك ياخذك من بيت اهلك



حبيباتي انا شفت الموضوع عجبني قلت لازم نتشارك فيه



بنات موضوع مهم جدا بالنسبه للي
الموضوع هو
اتكلم عن المتزوجات اذا نامت عند اهلها وجا زوجها ياخذها من عندهم
يعني راحت اربعاء ورجعت بيتها جمعه او خميس

شفت كثير من قريباتي ومازلت مصدومه ان زوجها لما يجي ياخذها من اهلها

يكون حالتها حاله اي والله

لابسه قميص بيت الله يعلم به؟؟؟؟؟؟
وشعرها رافعته حتى بدون ماتمشطه؟؟؟

ولا ولاحتى مكياج مافيه ولا بخت عطر
واذا قلتي لها بتروحين لزوجك كذا شكلك تروشي تزيني قالت يوووووه مالي نفس اذا جيت عنده تروشت؟؟؟

لما جيتهم مره عندهم وكان زوجي راح يجي ياخذني وكنت لابسه لبس ناعم ومكياج خفيف ومسرحه شعري


قالت اختهم اللي مو متزوجه بس اكبر مني سن: انتي لما تروحين لزوجك ويجي ياخذك دايم تلبسين له؟؟؟؟ كانت مستغربه لانه تشوف خواتها وش يلبسون
قلت ايه اجل وش تبيني البس قالت لا بس احسبك مثل خواتي

قلت لها انتبهي تصيرين مثلهم اذا تزوجتي لك كم يوم عنه وتطلعين له بهالشكل؟؟؟؟؟
اذا كنتي في بيتك وعنده خذي راحتك ممكن تلبسين قميص بيت نظيف وترفعين شعرك
وممكن تحطين بس كحل مو لازم روج المهم ماتكونين مبهذله عنده
اما انه يجي ياخذك ومشتاق وتطلعين له بها الشكل انا لو محله ارجع مأخذك


وش رايكم بنات
عطونا اللي عندكم وخلو العجز عنكم







م ن







أحـــــبــــــــك يـــاأحـــــــلــــــى مــــنــــتدى

[شاهيندا]

انا عن نفسي ابدا مابيت خارج بيتي حتى في النفاس
لكن دائما احاول اكون مرتبه ركزي >>احاول بشكل عام مش شرط كنت عند اهلي او غيره
ولي عوده ياحلوة
وبالفعل الموضوع ماينسكت عليه

[ـصمتـ ـالليلـ]

لما امرح عند اهلي اصير على راحتي ولما اعود لزوجي
مستحيل ارجع بقميص و شعر مرفوع بشباصه
اقوم احط مكياج خفيف بس بسحلو
وستشور شعري والفه وازينه
والبس لبس ناعم بس حلو
شكرآ

[في قلبه للأبد]

ههههههههههههههه
ذكرتيني بسوالفي مع خواتي اذا جت تروح الوحده حايسه نفسها واهاوشها اقول كيف تروحيين كذا يقولون فاضيين اذا رجعنا تزينا ولما يجي ياخذني اكون لابسه ومشخصه حتى بدون ما انام اذا رحت لاهلي وجا الليل ياخذني ارتب نفسي من جديد وتعالوا شوفوا التعليقات يقولون لازم بتقبلني في جميع حالاتي اقول لهم ان الله جميل يحب الجمال فكيف بازواجنا بس لا حياة لمن تنادي
وانا اشوف لازم الوحده تترتب مهما كان الزوج يخزن في عقله الباطن ويقعد يقارن بينك وبين اللي يشوف ويسمع حتى من اصحابه لأنهم يحكون كل شي كل شي حتى الاشياء الخاصه زاحد يسأله زوجي ليش ما تروح بدري قال يارجال ابي اروح والقاها نايمه احسن من تقابلني بالقميص الخايس والشباصه اللي من الصبح ما حركتها قسم بالله اندهشت وشلون يحكي كذا مع انه مع زوجي مو العلاقه القويه اللي تخليه يفضفض فيها له بالعكس بينهم السلام فقط في الاستراحه

[كل الحلا بحرينية]

اي والله ناس وايد ما يهتمون ما يدرون ان الزوج عنده المظهر شي مهم
انا دايما احب اكون مرتبه جدامه وناعمه وخصوصا زوجي يحب الكشخه

[بنت مثل الحلم]

موضوعك حلووو
بالنسبه لي انا مانام برى البيت ابدااا
لكن دايما شكلي مرتب حتى لما اروح بيت اهلى الخميس مع خواتي مايجي زوجي ياخذني الا انا مرتبه
ماحب اتبهدل بصراحه

وذكرتيني على هالطاري اعرف وحده من صاحباتي فعلا من تحط هالشباصه الصبح والبيجامه ماتبدلهم الا اذا بتكشخ تلبس اشياء مو متناسقه مثلا بلوزة بيجامه مع بنطلون وشعرها ماتهتم انها تستشوره او حتى تخليه بطريقه حلوة بدون استشوار تقول ليش التكلف زوجي يعرفي وانا اعرفه من زمان (10 ) سنوات بس زوجها دايم مقضيها سهر برى البيت مايجي الا وقت النوم

وحتى اذا جا تقول مو دايم يطالعها يعني مايهتم !!!!!!!!!! ( واذا نصحنها قالت بدون تكلف عااادي !!)

[mot1000]

الحمدلله دايما احب اكون شياكه بس مع البزورة الحااااااااااااال خرااااااااااااااااب

[امونة العصفورة]

اوووووووووه حبيبتي انا لما اروح عند اهلي لو يوم واحد اذا جوزي كان جاي ياخذني كاني رايحه مناسبه من كثر الاهتمام الزايد وبعدين لحضات حلوة لما تروحي مشتاقين البعض وطول الوقت وهو يناضرك مو حلو لما ما تكونين مهتمه والشعر طاير بالعكس اخذها فرصه كمان واجلس اصلح جسمي بالحلاوه او استشور شعري او اروح السوق واشتري قمصان جديده من غير مايكون معايا واخليها مفاجئه له المهم لاااااااااااازم استفيد من جلستي عند اهلي باي شي لنفسي ويعجب زوجي