الخطبة على الطريقة الحمصية (ادخلوا وشوفوا عاداتنا)

[نيفين الشام]

زين


منور الموضوع حبيبة البي

 

 

[هلا هلا]

ـألـسَـلآمٍ عـَلـيـكُـمٍ و رحـمَـة ـألـلـَّـه و بـَركـآتـُـه

انا متشوقه

يلاااا بسرعه

 

 

[ஓ ياسـ الشام ـمين ஓ]

ولك يسلملي بلدي وأهل بلدي وعادات أهل بلدي وكلام أهل بلدي ما أحلاهون

يعطيكي العافية خيتو عالقصة الحلوة زكرتيني بخطبتي هههههههههه

وبانتظار التكملة على أحر من الجمر

 

 

[رناالشوق]

يسسسسسسسسسسسسلموا وبنتظااااااااااااااااااااااار الباقي

 

 

[نيفين الشام]

الجزء الرابع :


تابعوا معي ,,,,,,,,,,,,,,,,,,,,,
منرجع عن جديد منكمل قصة هالخطبة المشحرة


فبعد ما طلبوا الجماعة هالنقد الغلي وهالعلامي الغالية احتار العريس وأهلوا من وين بدون يجيبوا هيك مبلغ مشان يشتروا فيه الذهب
كانوا متوقعين انو يكون حق العلامة أقل من هيك بكتير
أثناء السهرة وأم فاروق أبو فاروق قاعدين عم يتفرجوا عالتلفزيزن وعم يفصفصوا بزر وفاروق قاعد عجنب متل القرد اللي قاتلو صاحبو وشايل هموم الدنيا فوق راسو
صار الحديث التالي:
أم فاروق : شبك لك أمي مانك على بعضك
فاروق : تركيني بهمي أمي الله يخليكي
أم فاروق : هلأ آخدي عقلك هاي السنكوحة ؟؟ما شفت أهلا شو طلبوا مننا شي بيكسر الضهر
أبو فاروق وهوي عم يزورا لأم فاروق: أم فارووووق.....سمعينا
أم فاروق : أي وشو حكينا
أبو فاروق :ابني انتي شو صار معك مشان البيت اللي استأجرتوا؟
فاروق : دفعنالوا للزلمي 48 ألف أجار البيت ل6 شهورواستلمت البيت وبدو تزبيط شوي
ابو فاروق : وأديش باقي معك ؟
فاروق : والله يا أبي بقيان 100 ألف
ابو فاروق :أي خلص لك أبي محلولة الشغلي
فاروق : شلون؟؟
ابو فاروق :خلص أبي أنتي بكرا نزلوا انتي وأمك واشتروا العلامي وتروك الباقي عليي
فاروق شلون يا أبي والله ما عم أفهم عليك
ابو فاروق : نحنا منتكفل بباقي المصاريف أنا وأمك واعتبرون نقوط مننا
فاروق : بس ياأبي أنا وعدتكون أنو ما آخد منكن ولا فرنك واني بدي اتزوج من حر مالي
ابو فاروق :خلص لك ابني ليش شو نحني وشو انتي ....اعتبرون دين وبعدين بتردلنا ياهون
فاروق عم ينفّخ : ماشي الحال ....الله يخليلي ياكون يارب

وهيك يا جماعة انحلت المشكلة المالية تبعت هالجازة ومشي الحال وقرر ابو فاروق انو يعطي ابنو من المصاري اللي محوشون لأيام العازي لأنو فاروق كان مواعد ابوه انو ما يخليه يدفع ولا شي من مصاريه مشان خطبتو وجازتو



المهم تاني يو م الساعة 11 قبل الظهر نزلت أم فاروق وأختا أم أحمد ومعون فاروق عسوق الصياغ مشان يشوفو ويتفرجوا عالذهب ويشتروا هالعلامة
وصار أم فاروق هيي وأختا يفوتو بمحل ويطلعو من محل وما يعجبهن شي وبما أنوأم فاروق الها خبرة بالبياعين والمعالجة والمشتراة فهيي اللي استلمت هالشغلي وقبل ما تفوت على أي محل بتقلوا لابنها : انتي بتسكت وما بتفتح تمك ولا بكلمة أنا وخالتك منعرف شلون نحكي مع الصياغ
وشوفو شو صار بأحد محلات الصاغة اللي بالسوق :

أم فاروق : السلام عليكم
فاروق : السلام عليكم
أم أحمد : يعطيك العفي يا خيو
الصايغ : وعليكم السلام .....أهلا وسهلا مدام
ام أحمد : دخيلك يا خيو شي كاسة مي طقطقت زلاعيمي ونحنا عم نفتل بالسواق
الصايغ : أي تكرم عينك................تعا يا ولد روح عبي ابريق المي من السبيل وتعا بسرعة
أم فاروق : بأديش الدهب اليوم خيو ؟
الصايغ : والله يا أختي متحسن شوي اليوم 805 ليرات الغرام
ام أحمد : يه مبارح كان ب 800 ورقة شو اللي غلاه اليوم؟
الصايغ :والله يا أختي هيك أجانا سعرو اليوم
ام فاروق : ممممممم طيب شوفي عندك فرجينا لنشوف
الصايغ : انتو شو طلبكون أختي؟.... ....يعني شو المناسبة؟
ام فاروق : والله خطبنالو لأبننا وبدنا نشتري علامة
الصايغ : أي ألف مبروك يا أختي ............ شوفي أختي عندي طقوم رولكس وعندي جنازير وعندي مباريم وعندي أساور سحب وفي طواق وفي خواتم مفردة وسناسل ورقّات وشي مألمس وشي لا ألماس وشو ما بدك ..شو بتحبي تشوفي؟
أم فاروق : فرجينا طقومة الدهب اللي عندك
فتح الصايغ الفيترينا اللي عندو وطالع هالطقومي و بلشت أم فاروق هيي وأم أحمد على هادا حلو وهادا ما حلو وهادا مشرشح وهادا بطلت موضتو .ويييييييييييييييييي....................هيك لحتى داقت خلاقوا لصاحب المحل وقال:
شو أختي ما عجبك شي لهلأ:
أم فاروق : لا والله يا خيو .......ما عندك غير هدول؟؟؟
الصايغ : لك أختي صرتي شايفي 15 طقم وما عجبك منون شي وعم تقوليلي ما عندك غير هدول !!!!!أي روحي دوري سوق الصاغة كلو بحمص ما بتلاقي متل طقومة الذهب اللي عندي
ام فاروق : اييه منشوف صايغ غيرك......خاطرك خيو
الصايغ وهو متنكرز : الله معكون مع السلامة شرفتو
وبعد ما طلعوا من عندو قال : تضربوا من بين الزباين ......لعما نكتولي المحل نكت .......شو هالنسوان هدول.........الله يعين هالكنة الجديدة على بيت هالأحما

وهيك بعد ما دارو السوق من اولوا لآخرو ونكتوه نكت مشي الحال واشتروا العلامة واستقر رأي أم فاروق على جنزير مترين وطقم أساور سحب ومعون حلق واشتروا المحابس ومشي الحال وانقضت الشغلي على خير

رجعت أم فاروق عالبيت ورفعت هالسماعة واتصلت بأم عبدو مشان يحددوا موعد الخطبة .............

والتتمة تأتي غدا ......




نيفين بنت الشام التي تحب رأيكم

 

 

[نيفين الشام]

المشاركة الأصلية كتبت بواسطة دلـ زوجــي ـوعة

ولك يسلملي بلدي وأهل بلدي وعادات أهل بلدي وكلام أهل بلدي ما أحلاهون

يعطيكي العافية خيتو عالقصة الحلوة زكرتيني بخطبتي هههههههههه

وبانتظار التكملة على أحر من الجمر

هلا وهلا ومئة هلا وغلا بالغالية

منورة الموضوع والخطبة الحمصية خيتوووووووو تفضلي ها

تحية معطرة بعطر الفل

 

 

[هلا هلا]

ـألـسَـلآمٍ عـَلـيـكُـمٍ و رحـمَـة ـألـلـَّـه و بـَركـآتـُـه

شو اللي عملوه مع هالصايغ

طلعوا عينه للمسكين




وانا هون بكل كلمه خيتي نيفين

الله يعطيكي العافيه

والله اني عم بستناكي اللي اكتر منساعه

قاعده على نار

دمتي بحفظ الرحمن ورعايته

 

 

[نيفين الشام]

المشاركة الأصلية كتبت بواسطة هلا هلا

ـألـسَـلآمٍ عـَلـيـكُـمٍ و رحـمَـة ـألـلـَّـه و بـَركـآتـُـه

شو اللي عملوه مع هالصايغ

طلعوا عينه للمسكين




وانا هون بكل كلمه خيتي نيفين

الله يعطيكي العافيه

والله اني عم بستناكي اللي اكتر منساعه

قاعده على نار

دمتي بحفظ الرحمن ورعايته

هلا وهلا وهلا توبريني خيتووووووووووووووووو


تسلمي على المرور الرائع والحضور الجميل

تقديري لكِ مع احترامي

 

 

[نيفين الشام]

رنا الشوق


شكرا لكِ على المرور الرائع

لا عدمناكِ

 

 

[هلا هلا]

ـألـسَـلآمٍ عـَلـيـكُـمٍ و رحـمَـة ـألـلـَّـه و بـَركـآتـُـه

وينك يا نفين

عم بستنى حلقه اليوم

شو متشوقه للحلقه