الصورة الرمزية ~ Asma ~

فقر الدم ( الأنيميا )

10-11-2008, 10:33 مساءً





كتير منا بيسمعوا عن فقر الدم... أو الأنيميا


وكتير ناس بكون معهم وما بكونو حاسين ع حالهم..


وكتير ناس كمان بفكروا معهم ... وما بيعرفوا شو يعني....


والحل ؟


زي ما بتعرفوا كريات الدم الحمراء فيها جزيء اسمه هيموغلوبين .. هادا

مسؤول عن حمل الأوكسجين من الرئتين لباقي أنسجة الجسم...


مش بنسمع بناس قوة دمها 10 وناس قوة دمها 12 ؟!


هادا هو مقياس تركيز الهيموغلوبين بالدم وبشكل عام ممكن نقول لازم

يكون فوق ال غرام\ديسيليتر 12 للنساء و فوق 13 للرجال وفوق ال 11

للأطفال..



أي نقص فيه شو ممكن يكون نتائجه؟؟


هادا هو فقر الدم أو Anemia .. نقصان للهيموغلوبين تحت حد معين ..



واله 3 أسباب رئيسية محتملة :

1-النزيف الحاد ( عشان هيك ممكن يصيب بعض النساء بسبب الدورة الشهرية )


2-تكسير أو تحلل كريات الدم الحمراء..( اشي طبيعي حيقل الهيموغلوبين ) وبتصير بسبب أمراض معينة متل التلاسميا والأنيميا المنجلية وغيرها ..


3- نقص في صناعة الهيموغلوبين ( ازا نقص اشي من المواد الضرورية لصناعته متل الحديد وال B12 وحمض الفوليك folic acid ) وهادا اللي معظم الناس بعرفوه !
وطبعاً ممكن تصير ازا صار في خلل بمصنع كريات الدم الحمراء الي هو في نخاع العظم ..


وكل نوع من هالتلاتة في أعراض معينة بتكشفه..



بس كيف الواحد ممكن يحس أنه عند اللي قدامه فقر دم ؟


الأعراض الشائعة لكل الأنواع انه بصير :


شحوووب ..وممكن تلاقي وجه باهت أو أصفر ..(زي سمايلات محجوب ..كلهم صفر )


تعب عام ..حتى من أقل جهد بتلاقيه مرخيييييي


بصير تركيزه مشتت ومش قادر يقدر يركز ... بتحسه هون ومش هون
ممكن ازا كانت قوية يبدا يحس بديق نفس لما يتعب ( مش بده يقل الأوكسجين الواصل للخلايا ؟ ) .. وممكن يصير قلبه يدق بسرعة لفترات وهادا الي بسموه ..خفقان ..
palpitation



بعدين كل نوع أنيميا ممكن يصاحبها عرض معين أو خاص..

النزيف..ممكن تلاقي دم مع البول أو البراز..


نقص الحديد في بعض الأحيان ممكن يصير يحب يحط بتمه شغلات ما الها علاقة بالأكل...متل انه ياكل ورق أو تراب!! واسمها بيكاpica .. ( عفكرة هادي مهمة بالصغار أكتر! )..
ومع نقص الحديد ممكن يصير في علامات عأضافره .


الــB12 .. بختص بإنه فيه علامات بنقصه بالأعصاب... يعني بحس أطراف أصابعه متخدرة .. ووببلش ينسى وما يقدر يركز ..وممكن يبطل يعرف ينام زي الناس!


والطبيب عبر فحوصات دم معينة بقدر يكشف نوع فقر الدم ..


عشااااااان ندير بالنا منها .. ونققللها ازا ما قدرنا نمنعها أهم اشي:


نراجع الطبيب ازا شفنا أي شي من الأعراض...
ما نطنش أي نزيف مش طبيعي...


ندير بالنا ع أكلنا.. خاصة الحديد وال B12...


ال B12 موجود بالبيض والحليب واللحوم والأسماك بشكل عام

الحديد موجود باللحوم والكبدة والسمك خاصة التونا بشكل رئيس وسهل المتصاص من قبل أجسمانا ( بتعرفوا انه بوباي بضحكو علينا! مش هالقد السبانخ سهل ناخد منه حديد لإنه صعب الامتصاص .. فعشان هيك الليمون اللي بنحطه عليه بخلي طعمه أزكى و بسهّل امتصاص الحديد منه .. ) وبرضه موجود بالخضروات الورقية الخضرا كتييير .. و بعض البقوليات

...

وسلامتكم
لـ حفظ الموضوع والإستفاده منه إستخدمى هذا الرابط :
فقر الدم ( الأنيميا )
http://forum.sedty.com/t111493.html



الصورة الرمزية جوسى
الصورة الرمزية خيالية
10-12-2008, 05:09 صباحاً
موضوع رائــــع
::
ومعلومات ممتازة
::
يعطيك العافيه
::

سبحان الله..ولاحول ولاقوة الا بالله العلي العظيم]::
[سبحان الله وبحمده سبحان الله العظيم استغفر الله واتوب اليه
[< اخوتي في الاسلام اعتذر لعدم الرد فانا غير متواجده ولا متابعه
فمن لديها استفسار تسئل الاخوات المشرافات
وصلى الله وبارك على سيدنا محمد صلى الله عليه وسلم
10-13-2008, 12:53 صباحاً
مشكووووره غلااتي عالموضوووع

ويعطيكي العافيــه

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
هل انت خفيف الدم ام ثقيل الدم؟؟؟؟؟؟؟؟؟؟؟ اكتشف نفسك؟ المواضيع المكررة والمخالفه
متى يبان الحمل في الدم وهل ممكن يكون هناك حمل ولايبان في الدم؟ الحمل والولادة
لدي مشكلة واطل الحل لمن لدية الحل افتحي قلبك
علاج الأنيميا بالطعام صحتك
فقر الدم صحتك

جميع الأوقات بتوقيت GMT +3. الوقت الآن 03:46 صباحاً.

 اتصل بنا - أعلن لدينا - سياسة الخصوصية -