الصورة الرمزية sundy

ازالة شعر المنطقة الحساسة مهم لكل عروس

11-06-2008, 13:56

للعرايس خاصة وللبنات عامة:-

حبيت أشرح فية طريقة إزالة الشعر من (....) الي يعتبرها البعض منكم كابوس صعب

خاصة العرايس يشيلون هم الشيل بالحلاوة (كيف بنشلية.. يألم .. يتعب.. ياخذ وقت..طيب من بيشلية لنا.. صعبة نخلي وحدة شيالة تشيلة..حرام .. عيب .ياربييييية خلاص بحلقة ..شلون احلقة طيب بينبت بسرعة وبيطلع خشن. فشيلة!!!!) والكثير من التساؤولات؟؟؟؟؟؟؟

انا اقولكم الحل ترى الإزالة بالحلاوة سهلة وماتتعب ولا تألم كثير ولا تاخذ وقت المهم الإستعداد وعدم الخوف من هالشي . ولازم يابنات تتعودن تشيليون لآنفسكم من اللحين قبل الزواج علشان يدينكم تاخذ على هالشي ويصير سهل.. ولا تلجأون لآحد يشيل لكم ويشوف عورتكم..

قلت لكم أهم شي تتعودون وبعد كذا يصير سهل مرة..

أول خطوة لهذا الشي لازم الشعر مايكون طويل ولا كثيييير مرة يعني يكون قصير مقصوص ومخفف بمقص او يكون محلوق قبل كم اسبوع مايقل على 3 اسابيع يكون اخذ وقتة في النمو وصار سهل الإزالة ..
تعرفون ليش لازم يكون قصير ومو كثيف؟؟ علشان ما يألم بالشيل

ثاني شيء النظافة لازم المنطقة تكون مغسولة ونظيفة علشان البكتيريا ماتنتشر في المكان وتسبب حبوب.. واليدين لازم تكون مغسولة ونظيفة علشان ماتنقل الجراثيم للمنطقة..

نحتاج علشان تتم عملية النتف بنظافة وإتقان لـــ

1-الحلاوة تكون من النوع الجيد وأنا أرشح لكم حلاوة ممتازة مرررررررة تباع بالصيدليات والسوبرماركت إسمها (زهرة سويت مصنوعة من العسل ) هذي تجي بكرتون وفية 4 أكياس حلاوة مغلفة وسهلة الاستخدام حتى ماتحتاج تسخين .

2-سكر مخلوط مع موية بس السكر اكثر من الموية يذوب في الموية (يدهن على المنطقة لآنه بعد مايجف ونبدأ نشيل بالحلاوة بيتلصق بالشعرات والجلد الميت ويشيله مع الحلاوة)

3-ملقط للمسات النهائية او آلة براون(أنا أرشح الملقط لآنه اسهل من المكينة) علشان نشيل الشعيرات المتناثرة والي الحلاوة ماقدرت تشيلها .

4-نشاء ذرة+ليمون+ماء ورد .

5-مراية علشان تقدرون تشوفون المنطقة وتشيلون كل الأماكن.

6- كريم فيسودين الي بخط أحمر.)موجود بالصيدليات

طريقة النزع:-
أولا ندهن خليط السكر والموية ونتركة ينشف وبعد كذا

ناخذ كيس الحلاوة ونسخن الحلاوة بحرارة اليد ونمدها لحد ما تصير مرنة وسهلة الاستخدام.. نأخذ قطعة صغيرة من الحلاوة قد العلكة(اللبانة) ونبدأ أول شي بخط البيكيني (أطراف الـ.. ) بعد ماننتهي منه . نبدأ النتف من الأسفل للأعلى حتى .. ولا تنسون كل زاوية في ... حتى من الخلف .. المراية بتاسعدكم ..

بعد ماننتهي من النزع نمسح المنطقة بمناديل فيها زيت اطفال او مناديل ديتول المطهرة .. ونجيب الملقط وننزع الشعيرات القصيرة.. بعد كذا نجيب خليط النشاء والليمون وماء الورد .. وندهن المنطقة فية حتى يجف وبعدين نشطف المكان ونحط مرهم فيسودين ..
شوفوا كيف المنطقة بتصير ناااااااعمة زي الأطفال

ملاحظة استمروا بدهن المنطقة بمرهم فيسودين كل يوم لمدة ماتقل عن 4 ايام لضمان عدم التهاب المنطقة وظهور الحبوب والدمامل


نصيحة أخيرة لازم تشيليون الشعر قبل الزفاف بمدة لاتقل عن 3 او 4 ايام مع الاستمرار في دهن مرهم فيسودين

اتمنى يكون شرحي واضح

ازالة شعر المنطقة الحساسة مهم لكل عروس
الصورة الرمزية وردة دمشقية
11-06-2008, 18:52
طريقتك كتير حلوة و سهلة

و ان شاء الله البنات يطبقوها
لاانها افضل من الموس بكتير
يعطيكي الف عافية

11-06-2008, 19:57
كل شيء صعب في البدايه بس مع التعود يصير سهل ومشكوره على الوصفه

الصورة الرمزية همسه الم
الصورة الرمزية ocean7
11-06-2008, 21:58
طريقة واصحة و سهلة
معلومات مهمة
و فعلا الحلاوة احسن شي لان الشعر يطول
بس سمعت بيقولون انها تميت الاعصاب و تفقد الاحساس بالمنطقة مع الزمن

[SIGPIC][/SIGPIC]

رب لا تذرني فردا و انت خير الوارثين
11-06-2008, 22:07
هي اكيد بتوجع
بس عندي لكم طريقة شوي ما تحسين لما تشيلين الشعر
حطي خميرة العجين مخلوطة مع الماء و ضعيها قبل لا تشيلين الشعر وبعد ما تجف على المنطقة و بعدين شيلي بالحلاوة


الصورة الرمزية بائعة اللافندر
11-07-2008, 13:21
طيب انا اسمع من المستخدمات لحلاوة انها تزييييييييد ترهل الجسم؟؟؟؟

ازالة شعر المنطقة الحساسة مهم لكل عروس


ازالة شعر المنطقة الحساسة مهم لكل عروس
الصورة الرمزية sundy
11-07-2008, 14:04
مشكووورين حبيباتي على المرور الطيب
كلي انوثة مشكورة على المبادرة
حبيبتي بائعه ايه هي صحيح من سلبيات الحلاوة كذا بس انا عطيت طريقة تفيدك يوم العرس
بعدين انتي ورا العرس شوفي الشي اللي يسهل عليكي
مشكووورات


ازالة شعر المنطقة الحساسة مهم لكل عروس

أدوات الموضوع
انواع عرض الموضوع


المواضيع المتشابهه
الموضوع المنتدى
المنطقة الحساسة ............ الحياة الزوجية
\\\المنطقة الحساسة\\ أسئلة وإستفسارات الحمل والولادة
كل شيء عن المنطقة الحساسة صالون العنايه بالبشره
\\\المنطقة الحساسة\\ صالون العنايه بالبشره
المنطقة الحساسة صالون العنايه بالبشره

جميع الأوقات بتوقيت GMT +3. الوقت الآن 05:15.