• 1
  • 2
  • 3

كانيلونى لذييييييييييذ بالتفصيييل

02-20-2009, 03:01 صباحاً

السلام عليكم ورحمة الله و بركاته

دى اول مشاركة ليا فى منتداكم الجميل و اتمنى تعجبكم وتنال رضاكم جايبالكم طريقة سهلة و لذيييييييييييذة لعمل الكانيلونى المحشو باللحمة المفرومة

المقادير :

اولا : مقادير فطيرة الكانيلنى نفسها

- كوب و نصف دقيق
- كوبين ونصف لبن
- 2 معلقة زبد
- 4 بيضات
- ملح و فلفل
- شعرة ( قليل جدا ) من الفانليا


ثانيا : مقادير الحشوة
- نصف كيلو لحم معصج
- مشروم
- حبة فلفل رومى
- حبة طماطم
- جبنة رومى ( حوالى 150 جرام )

ثالثا : الصلصة و التزيين
- موتزاريلا
- صلصة البشاميل : ( كوب لبن + 1/2 كوب دقيق + 2 قطعة جبنة
كيرى " دى من اختراعى افتكاسة جديدة للبشاميل
"

- صلصة الطماطم : 3 حبات طماطم + 2 معلقة زيت ذرة + ملح + فلفل
+ بهارات


الطريقة :

لعمل فطيرة الكانيلونى :
فى الخلاط الكهربائى نضع اللبن مع الدقيق و نضرب حتى يمتزج جيدا و فى وعاء عميق نضرب البيض و نضيف له الملح و الفلفل و شعرة فانليا ( متزوديش الفانليا يادوب همسة بس عشان تضيع ريحة البيض ) و بعدين نضف الزبد و نستمر بالضرب و لما يتجانس نضيف البن و الدقيق اللى كانوا فى الخلاط و نضرب ولحد ما يبقى الخليط متجانس و مش مكلكع

نجيب بعد كدة طاسة تيفال نمسحها بالزيت و نسخنها و بعدين ناخد كبشة من الخليط و نحطها فيها و نحرك الطاسة لحد ما نحصل على فطيرة صغيرة مدورة من الكانيلونى و نقلبها عشان تبقى استوت من الناحيتين
و نطلعها و نكرر السابق لحد المقدار ما يخلص


بالنسبة للحشوة : نعصج اللحمة بالبصلة و نشوح المشروم فى معلقة زيت و نضيفة ليها و نقطع عليها الطماطم و الفلفل الرومى و نضيف الجبنة الرومى

الصلصات :
- البشاميل : انا عملته بطريقة مختلفة عن بتاع المكرونة جبت كوباية لبن حطيطها فى الخلاط على 1/2 كوب دقيق و حطيت عليهم 2 قطعة جبنة كيرى و ضربت لحد ما تجانس و بعدين رفعتهم على النار لحد ما تخن شوية و تجانس
- صلصة الطاطم طبعا سهلة جدا يادوب هنسبك الطماطم فى الزيت و نضيف لها الملح و الفلفل و البهارات


بعد كدة نجيب قالب البيركس و ندهنة زيت خفيف و نجيب كل فطيرة نضع فيها الحشو و نلفها على شكل اسطوانة و نضعها فى القالب حتى اكتمال القالب بعد كدة نصب البشاميل و بعدين صلصصة الطماطم و نحط الموتزاريلا على الوش و ندخلها الفرن حتى يحمر الوجة و تسيح الجبنة


و بالف مليون هنا و شفا

الصورة الرمزية نواعس دامعة
02-21-2009, 08:18 مساءً
متشكرة جدا ادعولى ربنا يرزقنى بالذريه الصالحة لانى كذا مرة بحمل و الجنين لا يكتمل دعواتكم معايا

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
بشاميل لذييييييييييذ معجنات - سندويشات
اجنحه الدجاج لذييييييييييذ أطباق منوعه
مربعات ..جاتوه الجبنة .. وجوز الهند ..][لذييييييييييذ][.. الحلويات
كانيلوني الدجاج يم يم طيبه أطباق منوعه

جميع الأوقات بتوقيت GMT +3. الوقت الآن 12:17 صباحاً.