• 1
  • 2
الصورة الرمزية شوق 86

رسائل ليبية قوية

06-19-2009, 04:27 صباحاً

ماينقص غلاكم لو بالصوت ماسمعناكم
ويكفى العقل معاكم لوبالعين ماشفناكم

فيك مسكنا وامسك فينا راك اتدير غلا خاطينا

ماهي نسوى مازلت في عيني كبير او تسوى انكاني لهيت عليك ماهي نسوى

نفسي شبت..علي حب صافي مع عزيز تربت قبلتوا غلاها يا غوالي لبت جفيتوا جفت يا ناس هذي نفسي

أنت حبيـب الجلسـة
وضي المكان وشمسه
والغالي أصله غالـي
والحلو يفرض نفسـه

لي عين تسكب كما السيل
ولي قلب كاثر خيابـــه
والليل يا مطــول الليل
على اللي مفارق أحبابـه

أنتم غلاكـم بالقلب مالـه قيــــــاس
وأنتم ربيع الروح وانتم سماهـــــا
في حبكم مغرم من الساس للرأس
مثل البحور السبع واللي وراهــــا

يـا بعيد الدار واحشني كلامك .. صبري طال و ماجانـي سلامك
ما نرافقـوا غير زين ولد أجواد مرفوع شانه ..
يعرف دؤانا ودانــا ..
ولا تجيك منه خيانة !

وين ما نقول بننسى .. إيجي طيفهم يشغل حواسي الخمسة ..
ايجى طيفهم يشغلني ويهجر عيونى النوم ويسهرني ..
ويسيطر عليا إحساس ويحيرني ..
كيف ماسهرت الليل نصبح نمسى ..

* * *

مش كل من غاب نحسب له ويشغل الخاطر إغيابه ..
ولا كل منحــاز نتعب له ونقصد إدياره وبابــه ..
ولا كل ميعاد نرغــب له وتغريني جلسة أصحابه
مازال عنـدي يا عـزيز أسرارك
ومازلــت فــي تذكــــارك
ومازلت عاشق في سماع أخبـارك
ومازال طيفك في المنـام يشـارك
ومازال قدرك فوق مـن مقـدارك

* * *

لا تشيـل هـم السيئـه ..
ولا تقول دنيا ضاقت اليوم عليّ ..
بعد تنعقـد تنحل طيـه بـطيه ..
ويأتي الفرج في وقت ما تدريبـه
ساكـن خاطـري وإحساسـي
يا ما ورد عطشان قاصد كأسى
ومن بئر حبه بالحنين سقانـي
ومازال عطفه في الغرام أساسي
ومازلت غيره مـا نوالف ثانـي

* * *

يـ بدر وين تشوفـه ..
سلملي عليه وشوف كيف أظروفه ..
راهـى عليه اكبيدتي ملهوفــه
ومازال هو همي وبيت قصــدي ..
ويـابدر ناظرني وناظر حبيبــي
جديدفاقد غلاك وخاطري متضايق ..
بعد غيبتك كيف يمسى الخاطر رايق ..
دقيت هاتفك ما قصدي إزعاجك
فاقد غلاك والقلب داعيلك وين ما أتخطى الخير إيجيلك

* * *

لو كان مانك غالي لا اندورك ولا نحسبك فى بالي ..
ولو كان مانك زين .. ولو كان مانك من عرب زنيين ..
ولو كان مانك خير من الآخرين .. ما كانت عيونى بالدموع أتعاني

مازال مشتاق لكم .. مازال طول العمر ما نبدلكم ..
وين ما نحس القلب محتاج لكم .. نترك الدنيا كلها وانراسلكم

ماكل من يعشق يطول وده ولا كل من يأخد قليب يرده .. غلاك فى القلب فايت حده .. غلاي كابر له زمان ومده .. غلاى كامل محال تلقي نده .. غلاي صادق يصعب عليك تصده .. غلاي دايم للعزيز فى بعده .. غلاي وافي مازلت صاين عهده

لايم على غالي عزيز جفاني بعد الزها فى الصوب ليش نساني .. على قاسي اللي قبل ساكن خاطرى واحساسي يا ما ورد عطشان قاصد كاسى ومن بير حبه بالحنين سقاني .. ومازال عطفه فى الغرام اساسي .. ومازلت غيره مانوالف ثاني هات لي منه وخوذ جديـدي

يارب تعجبكم



اللهم انصر تورانا في بني وليد وسرت يارب العالمين الله اكبر ولله الحمد
الصورة الرمزية شوق 86
الصورة الرمزية ام مزن
الصورة الرمزية ‏&جواااهر الجنوووب&
05-10-2010, 03:40 مساءً
تسلمي رووعة

أدوات الموضوع
انواع عرض الموضوع


المواضيع المتشابهه
الموضوع المنتدى
رسائل حب..عشق وغرام....قوية رسائل sms _mms
لحبيب رحل خواطر وعذب الكلام
اكلات ليبية معجنات - سندويشات
امثال ليبية : نادي سيدتي
اكلات ليبية أطباق منوعه

جميع الأوقات بتوقيت GMT +3. الوقت الآن 05:21 مساءً.