• 1
  • 2
الصورة الرمزية كل الحلا بحرينية

ثلاثـــة منتـــجــات جـــديــدة ومجــــربة و اكثـــر من رائــــعه..مع الصور

11-27-2006, 12:21 مساءً

المنتج الاول : قلوس رائع-ثابت و انا جربته ثبت معاي لمده 3 ساعات و اكيد يا بنات لاحظتوا انه بعد ما تحطون قلوس بفترة يطلع شي ابيض على اطراف الشفايف من داخل .. هالقلوس ما يسوي جذي
و رائع في تركيبته و ما يروح بسرعة و في منه الوان حلوة.. و انا جربت احط حمرة بعدين هالقلوس حده رووعة و ثابت لوول ادري مدحته وايد بس والله يستاهل مع انه ماركته مو وايد معروفة و لا وايد يستعملونها لكنها طاحت في ايدي و عجبتني وايد.. و سعرها اقل من 4 دنانير ..

قلوس من ماركة IsaDora و اسم القلوس ميتالك لب بوليش و هذي صورته و في منه الوان عديدة




المنتج الثاني: للبنات صاحبات البشرة الدهنية و اللي يعانون من الحبوب والدهون الزايدة
طرحت شركة هيميلايا منتج يديد اسمه Neem Face Pack
وفيها عشبة النيم اللي معروفة بفوايدها للبشرة و اقولكم لمحة عن عشبة النيم للبنات اللي ما يعرفون عنها
عرف النيم بخواصه المضادة بالبكتيريا
لذا يمنع انتشار حب الشباب و البثور و معاودة الاصابة بها
و هذي نبذة عن المنتج(تحتوي على النيم و مثل ما ذكرت فوايد النيم و تحتوي ايضا على الكركم و تحتوي على مادة التنظيف(السلسال)فتعمل على تبريد البشرة و تنظيفها
تجربتي: اول شي حصلت على هالمنتج سامبلز و السامبلز يحتوي على عبوة النيم+نيم لغسول الوجه
بصراحة المنتجين روووعة روووعة و بصراحة انا ماعرفت عبوة النيم شنو اهيه بالضبط يعني ماسك ولا شنو و اتوقع انه اهوه كريم علاج البثور و يعتبر ماسك
الغسول ما يخلي بشرتج جافة و انا بشرتي مو حيل دهنية و ما تطلع لي حبوب الا وقت الدورة بس هالغسول عندي احسن من نيتروجينا و نيفيا و كلين اند كلير ..ادري خربطتكم معاي لكن هذي الخلاصة ( عبوة نيم تكون مثل ماسك+غسول الوجه بالنيم ) للبنات اللي يعانون من حب الشباب

و اسمحوا لي ما لقيت صورة لغسول الوجه (اهوه صاير نفس شكل عبوة النيم اللي بحط صورتها لكنها شفافة و الغسول لونه اخضر فاتح و مكتوب عليه النيم لغسول الوجه)
سعر الغسول دينار و نص اتوقع و نفس الشي بالنسبة لعبوة النيم

هذي صورة عبوة النيم






المنتج الثالث: للبنات اللي يعانون من مشكلة اختيار العدسات الطبية الشفافة.. بنات كانت عندي عدسات فرش لوك طبية ملونة لكنها يعني اذية و الرؤية ما تكون واضحه لين ما طحت على عدسات شفافة طبية رووووووووووووووووووووووووووعة رووووووووووووووعة و لاجنه حاطة عدسات لدرجة اني نسيت اني لابسة عدسات و بغيت انام فيهم ..وايد مريحين و واضحين و حبيت انبه انه مافي الوان منه فقط الشفاف اوووكي
و ياريت البنات اللي نظرهم ضعيف يجربونه لانه عملي وايد

العلبة تأثي معاها 3 ازواج عدسات يعني 3 عدسات و انا خذيت الاسبوعية..سعره في منه 10 دنانير و في 12 طبعا بو 12 افضل ..وانا عندي بو 12
عدسات Acuvue
من جونسون اند جونسون


اكيد عرفتوها من كثر ما يحطون دعايتها لووول

واتمنى عجبكم موضوعي المتواضع و شجعوني بردودكم

الصورة الرمزية وحده فاضيه مررره
الصورة الرمزية كل الحلا بحرينية

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
سهــــــــــره رومانسيــــه رائــــعه,,لن تمحى من ذاكـــــرة زواجـــــك الحياة الزوجية
اكبـــر مول بالعالم............. السياحة والسفر
دمج الصور الكمبيوتر والبرامج
قصـــــه قصيــــــرهـ رائــــعه المواضيع المكررة والمخالفه

جميع الأوقات بتوقيت GMT +3. الوقت الآن 10:32 مساءً.

 اتصل بنا - أعلن لدينا - سياسة الخصوصية -