الصورة الرمزية ملآآآك

ساعدوني وفرجو كربتي الله يفرج كربكم ويوفقكم

10-23-2009, 02:52 مساءً

والله يا اخواتي مو عـآرفه من وين ابدأ

انا كنت احب شخص لمدة سنتين ونصف تقريبـآ
وكآن يخطبني واهلي دايمـآ يرفضون
بحجة انـي ليلحين صغيره وماكملت درآستي
وكنت اكلم بنت على المسنجر وكانت تقول لي
حبيبك يكلم صديقتي وتقول هالكلام كنت مصدومه
ويوم خطبني آخر مره اهلي وآفقوو !!
وانا رفضت وماعطيته اسبآبي مجرد اكتفيت
بقول : خلني في حالي والله يوفقك
كان مستغرب ومصدوم
اهله حاولو يكلموني وما اهتميت
امه كانت خايفه علييه جاته فتره مرض وايد وتعب
لدرجة ان اخته تتصل لي خايفه تقول لي
وربي امي من الخوف لما تصلي تروح تصلي في غرفته

ماهتميت واستمريت بعنـآدي
لين مآجآ يوم كرهت نفسي دخلت على المسنجر
الا جاتني نفس البنت تقول ودي اعترف لك بشي
انا كنت احب يعني هالشخص وكان دايما يصدني وانا احبه جد
ولكن ماكان حاس فيني ودايما يصدني ويوم عرفت انك حبيبته
حبيت احرق قلبك مثل ماحرق قلبي ومن هالكلام
وقالت لي انننها حييييييييل ندمانه واتصلت لي بعدها تبكي وانا سامحتها والله
ودقيت على حبيبي قلت له يعني كل شي وفوق كل هذا ماعاتبني قال لي الي راح راح
وانا الحين مخطوبه من كم شهـر خطبني ووافقت وملك علي ووان شـآء الله راح نتزوج بعد 9 شهور
مشكلتي انا دايما اغلط وايد وايد اجرحه
لدرجة ان مره اتصلت له قال لي حبيبتي انا مشغول بعدين راح ادق
ما ادري ليه عصبت عليه بدون اي سبب قلت له من قال اني احبك انا اكرهك واحب واحد ثاني وما ابيك بدون اي سبب
ودايما من يصير اي شي حتى لو بدون سبب اهوه يجلس من الصبح للدوام وانا اكلمه بالليل وساعات ينام وانا اكلمه لان يكون تعبان
وما ادري ليه اعصب وادز له مسجآت وايد تجرح
مابي اكتبهـآ لان كل مسج اقراه يخليني اشوف نفسي صغيره
وهو يحبني لدرجة ما احد يتصورها
كل فتاه تتمنى تلقى شآب يصلي وطيب ويدلعهـآ ويحترمها ومايرد لها طلب
وكل المواصفات تتوآفر فيه
احس بتأنيب الضمير حملته فوق طاقته صـآر انسان ثآني
تخيلو لدرجة ان ساعات يتصل لي يبكي
يقول لي عامليني بطريقه احسن
انا احبه موت بس انا عصبيه وبسرعه اتنرفز
وحتى لما نكون اوكي مع بعض ومابينا مشاكل
لما يدق علي ما اتكلم اسكت وهالشي يضآيقه وايد
المشكله ابي اعوضه
وصلني مسج منه من ساعات كاتب فيه : انا تعبت واييد صحيح ان الحب اهوه ان نضحي ونستحمل وكل هالاشياء انا سويتها شنو تنتظرين اكثر ؟
مابي يجي يوم تندمين فيه ولو ضليتي بهالطريقه رآح تخسريني
واذا تبيني اتغير وارجع لج مثل ماكنت انتي تغيري = )

المشكله حاولت اكثر من مره اتغير بس وربي ما اعرف كيف
الاشيـآء الي يبيها تتغير
ان اذا ادق عليه او اكلمه اتكلم معاه بمواضيع تخصنا يعني
انا دايما اتكلم عن صديقآتي فقط او اشياء سخيفه
وان اعامله معامله حلوه انا ماعرف كيف اتكلم معاه : (
احس بتأنيب الضميرر سآآعدوني لا ينهدم كل شي

الصورة الرمزية hanno
10-23-2009, 03:53 مساءً
السلام عليكم ورحمة الله وبركاتة ..

حبيبتي انتي من جد لازم تتغيري عشان خاطر خطيبك عشان لاتندمي بعدين انتي اذا ماتغيرتي معاه ولا سمح الله سار شي وانفصلتو انتي الي رح تتعبي وتحسي بتانيب الضمير لانو صراحة انتي الغلطانة بعدين ليش تتكلمي معاه عن صحباتك بالعكس لمن تكلمية اتكلمي عن نفسك اتكلمي عنو هوا يعني حاولي تحسسيه انك معجبة فية وبشخصيتة حاولي تصيطري على اعصابك وانتي تتكلمي معاه عشان لايزعل منك واذا انتي من النوع الي تنسي بسرعة انا رح اقولك طريقة صراحة انا عن نفسي استفد منها كثير انتي قبل ماتكلمي اجلسي مع نفسك وحاولي تفكري في اشياء تتكلمي فيها واكتبيها في ورقة مو كل الكلام الي تبغي تقولية تكتبية لا يعني رؤوس اقلام يعني المواضيع الي تبغي تتناقشي فيها معاه واكتبي كمان في الورقة انك لازم تهدي اعصابك وماتعصبي وكل ماحسيتي انك معصبة اقرائي كلامك وحاولي تصيطري على نفسك وافتكري انك بعصبيتك هادي انتي بتخربي حياتك حاولي وان شاءالله رح تتغيري ورح تكوني افضل من كدة وتحافظي على خطيبك وتخلية يتعلق فيكي اكتر واكتر وماتخلية يروح من بين يدينك اتمنى تفكري في كلامي وتحاولي تنفذية والله اني بنصحك كاني بانصح اختي والله يعينك يارب واي شي تبغية انا موجودة ..تحياتي لكي ..



اللهم لك الحمد ولك الشكر كما ينبغي لجلال وجهك وعظيم سلطانك
الصورة الرمزية ملآآآك
10-23-2009, 06:49 مساءً
hanno

شكرآآ
اعلم ان كلمة شكرآ لن تفيكـٍ حقكـً
وان شـآء الله رآح اعمل بجميع نصآيحكـ = )
لرٍوحكـً بسآآتينٍ وورودً
وان شآء الله لن تفقدي اخلآآص دعوتي في ظهـر الغيب اليكـٍ
10-23-2009, 07:01 مساءً
الظاهر انك صغيره بسن


المهم

مممنوع منع باتاً الحديث مع خطيبك في امور ماتتعلق فيكم

لا تسمعي كلام البنات زوجك فعل كذا وفعل كذا لاتنسى (نساء يخطفنا الرجال من ازواجهم ) اكسري مابين القوسين واحرصي ع من احبك
وعيشي له

عندما تتكلمي معاه تحدثي عن شوقك له حبك له متلهفه له البيت الاثاث خصوصياتكم لاتتحدثي عن صاحبتك امك اختك ابوك امه اختك تحدثي فيما يخصكم

جددي من حديثك كل يوم فكري بكره بماذا تتكلموا


ابتعدي عن النرفزه والعصبيه تملك اعصابك

الظاهر انك مزاجيه متقلبة الاوضاع
يارب برحمتك استغيث وبفضلك ورحمتك وعطفك نرجوا ونطلب ان ترزق البنت اللى متزوجه من 6سنوات بذرية وان تقر عينها برؤية اولادها عاجلا غير آجل اللهم آمين
قوولوا آمين يارب العالمين
الصورة الرمزية أحلام ميتة
10-23-2009, 07:03 مساءً
الظاهر إنك فعلا
لساتك صغيره
مشان هيك
بتتصرفي معاه
غير شكل
لازم تعرفين إن الحياة
تعطيك فرصه واحده
إذا ما عرفتين
تحافظين عليها لا قدر الله
ما راح تحظين بواحده ثانيه
سامحي صراحتي
و لكني
أقولها لمصلحتك


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
الله يفرج كروبكم ساعدونى ولو بكلمه.... مشكلتي
ساعدوني الله يفرج همومكم مشاكل الكمبيوتر والاستفسارات
ساعدوني الله يفرج همكم مشكلتي
الفزعه يابنات تبوك الله ويوفقكم ويسعدكم صالون العنايه بالشعر

جميع الأوقات بتوقيت GMT +3. الوقت الآن 05:26 صباحاً.