الصورة الرمزية wishes-life

علاج الثعلبه وان شاء الله العلاج النهائي

11-01-2009, 11:57 مساءً

احلى مساء لاحلى سيدات
السلام عليكم ورحمه الله وبركاته
صراحه هذا اول موضوع لي وحبيت انه ما يكون منقول
عشان كذا حبيت انقل لكم تجربتي مع مرض الثعلبه
الذي دام 8 سنوات
وقد غزى ها المرض شعر الرأس فأختفى شي اسمه شعر
عالجت عند اكبر المستشفيات بالرياض وجده والمدينه
سويت حجامه
جربت الطب البديل من ثوم وغيره
اتصلت بعطارين بمصر واشتريت منهم زيوت تبلغ قيمتها 700 ريال
ومافيه فايده
بس الحمدلله كان املي بالله كبير وما قنطت من رحمته
وانا متأكده ان الله لم يحرمني الا ليعطيني
ولم يمرضني الا ليشفيني
والحمدلله على هالقناعه
لكن لاحظت ان اشهر الاطباء كانت ادويتهم لي حاااره
يعني يوم احطها على راسي تحرق
وفيه تركيبه الله لا يعيدها كنت اخذها من عيادات مشهوره بالرياض والمتخصصه بالجلديه والبشره
كانت تحرق فروه الراس وتسبب حكه فضيعه وكان يطلع براسي زي النفيخه الصغيره فيها مويه من شده الحراره
اهم شي ما فاد
فقلت بنفسي خلي اجرب شي من الطب البديل وبنفس الوقت حار
وان شاء الله مافيها مضره
فجلست اتصفح بالمواقع وحصلت الخل الاسود او روح الخل
فبحثت بالنت عن الثعلبه والخل الاسود
فوجدت انو فيه ناس كثير تعالجوا بالخل
وهذي طريقته ياحلوات
تحطين خل اسود بقطن وتدعكين المكان المصاب
طبعا بتحسين بحراره فضيعه
بس تحملوا
وللامانه اللي بالنت قالوا انهم جربوه بس 6 ايام متواصله وكل يوم يستخدمونه 6 مرات
انا والله جربته لحد ما طلع الشعر واختفت البقع
وكنت كل يوم استخدمه قد ما اقدر
يعني ممكن مره باليوم او مرتين او ممكن ما استخدمه
وصار لي سنه الحين كل ما احس ان فروه راسي فيها حكه او حسيت انو تساقط شعري بداء يزيد
استخدمت الخل
وللامانه بعد
بنفس الفتره اللي بديت اتعالج بالخل
اخذت موعد بالمستشفى السعودي الالماني بجده عند الدكتوره عايده الله يحفضها ويوفقها ياااارب ويحرم وجهها من النار
قالت لي يابنتي ما راح اصرف لك علاجات واقول لك هذا وهذا وهذا
انتي تقريبا اخذتي كل علاج تقريبا ممكن اصرفه لك وما راح اعذبك واقول لك عندي علاج
لكن فيه بروفيسور الماني جاي بعد اسبوع
وراح اخذ لك موعد معه
وفعلا رحت للبروفيسور وصرف لي حبوب كنت اخذ منها 20 حبه باليوم
وبديت انقص لحد ما وصلت الحين لحبتين
والحمدلله انا الحين شعري زين بس اتوقع ان الخل اعطى نتيجه مع العلاج
ونتيجه ممتازه بعد
لانو الحبوب هذا انا اخذتها قبل كم سنه لكن يوم يوصلت لحبتين بداء التساقط
لكن الحين الحمدلله فأتوقع انو الخل هو السبب الرئيسي بعد الله سبحانه
وبالنسبه للعلاج اللي اعطانياه الدكتور اسمه بردنيزولون نسبه 5 بالمئه
طبعا العلاج هذا لازم تحت اشراف طبي لانه يأثر على الكلى
ولازم تحاليل كل شهر لوظائف الكبد والكلى
واسم الدكتور اللي انا تحت اشرافه الحين بعد ما راح البروفيسور الالمانئ
هو الدكتور جمال هاشم استشاري جلديه بالمستشفى السعودي الالماني بجده
ممكن لو فيه احد يعاني من الثعلبه يسأل هالدكتور عن طريقه العلاج بالحبوب هذي
بس ارجع واقول

الخل الاسووود او روح الخل انتاج شركه رنا والظاهر انه بريال
افضل علاج للثعلبه

والحين بعد صرت اتفنن لاني عندي خبره (( احم احم))
فيوم كنت اتصفح النت عشان احصل علاج شعبي حااار
حصلت الخردل والعسل وغيره

فصرت الحين اسوي لي خلطه وهي خردل مطحول احط ملعقتين تقريبا
وعسل طبيعي ملعقتين
وخل اسود ملعقه
واخليهم ينقعون بماء مغلي (بس نقع) لحد ما يصير الماء دافي
واجيب قطن واحط عليها من هالخلطه وادعك بشعري
بعدها كنت احس بحراره براسي لمده ربع ساعه بعدها يبرد
واغسله بعد ساعتين
والله انو مو بس يقل التساقط
الا بعد يصير شعري ناعم بس ريحته الله يعينكم عليها
بس لا تخافون الريحه تروح بعد يومين
طبعا هالخلطه احطها كل اسبوع مره او كل اسبوعين
واوقف استخدامه لما احس انو شعري صار ما يتساقط

........................................
اتمنى هالموضوع يفيدكم
بس ابي منكم تدعون لي ان الله ما يحرمني من نعمه
ويبعد عني شر الحساد يارب
ويبعد الهم والنكد من حياتي ويفرج همي قولوا امين
وجزاكم الله خير وعذرا للاطاله ^_^
واللي عندها ثعلبه او تعرف احد عنده ثعلبه خل يستخدمون الخل الاسود
ويقولون لنا عن النتائج


لـ حفظ الموضوع والإستفاده منه إستخدمى هذا الرابط :
علاج الثعلبه وان شاء الله العلاج النهائي
http://forum.sedty.com/t206663.html



الصورة الرمزية wishes-life
11-02-2009, 12:04 صباحاً
وطبعا لا تنسون
الدعاء
الاستغفار
قراءه القران ( سوره البقره يوميا)
والحرص على الاذكار
سبب رئيسي لعلاج كل مرض بأذن الله
الله يشفي كل مريض يارب
الصورة الرمزية sa_ma
11-04-2009, 06:07 مساءً
موضوع ممتاز جزاكى الله خيرا

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
العلاج الهرموني التعويضي ، العلاج بالهرمونات البديلة صحتك
العلاج النهائي لاحماض والتهاب المعده دون ادويه‎ صحتك
حنة العلاج والتكثيف والتطويل بالأعشاب الطبيعية علاج مكثف لمشاكل الشعرالخفيف والمتساقط منتجات بشرة _تجميل _ عطور
العلاج بأسماء الله الحسنى ( القول على الله بغير علم ) أحاديث ضعيفة ودعوات خاطئة
العلاج بالعنب احدث وسائل علاج البشرة صالون العنايه بالبشره

جميع الأوقات بتوقيت GMT +3. الوقت الآن 11:39 مساءً.

 اتصل بنا - أعلن لدينا - سياسة الخصوصية -