• 1
  • 2
الصورة الرمزية gehadsamnody

احلى بوفتيك من ايدى جميل جدا

11-15-2009, 08:37 مساءً

المقادير

لحمة بوفتيك قولى للجزار لحمة بوفتيك او ممكن تشتريها جاهزة
3 بصلة كبيرة مفرومة جدا وكام فص ثوم مفرومين
بقصماد مفتت جدا
دقيق 2 ليمونة كبيرة
زيت
3بيضة وبهارات


الطريقة


اولا جيبى اللحمة وقطعيها شرائح رفيعة لو كانت جاهزة هتكون مقطعة


ثانيا جيبى البصل المفروم والثوم ولازم البصل تفرمية كويس فى الكبة لحد ما ينزل مية واعصرى فية اليمون وحطى ملح وفلفل اسود واخلطيهم كويس


ثالثا ضعى اللحم فى البصل واخلطيهم ببعض بالراحة علشان اللحمة متتقطعش منك واتركيهم سبع ساعات فى الثلاجة وممكن تضعيهم فى الفريزر فى عبوة بس ترتبيهم يعنى تحطى الواحدة مفرودة وفوقيها واحدة تانية وهكذا وتطلعيهم فى الوقت اللى يناسبك يعنى بعد يومين اوحتى اسبوع بس متسيبهوش اكتر من كدة


رابعا بعد كدة تطلعى البوفتيك من الثلاجة وطلعى منة بواقى البصل على قد ماتقدرى لانة هيكون اتشرب كل ماء البصل

بعد كدة اخلطى البيض كويس يعنى روبية وحطيلة حبة ملح صغيرة وحبة فلفل اسود وراعى انك حاطة ملح وفلفل فى البوفتيك

بعد كدة ضعى قطعة اللحمة فى البيض وطلعيهابعد كدة وضعيها فى خليط الدقيق والبقصماد يعنى غطيها من فوق ومن تحت

خامسا اخر خطوة وهى حمريهم فى الزيت ويكون غزير والحرارة تكون متوسطة واوعى يتحرق منك وطلعية من الزيت وضعية على ورق حتى يتشرب الزيت

واعملى معاة سلطة طحينة ومكرونة ويارب يعجبكم

الصورة الرمزية ابتسام الدمع
11-16-2009, 02:49 صباحاً
يممممم شكله لذيذ بس وين الصوره علشان نطبق ونتاكد انه صح تسلم دياتك تقبلي مروري
الصورة الرمزية gehadsamnody
11-16-2009, 07:31 مساءً
ميرسى على ردكم لى بس انا بعتذر عن الصور لانى يدوب باتعلم اعمل مواضيع وهحاول اتعلم اضع الصورعلشان خاطركم بس يا ريت تجربوة لان طعمة حكاية واللة
الصورة الرمزية gehadsamnody
11-16-2009, 07:36 مساءً
ميرسى على ردكم لى بس انا بعتذر عن الصور لانى يدوب باتعلم اعمل مواضيع وهحاول اتعلم اضع الصورعلشان خاطركم بس يا ريت تجربوة لان طعمة حكاية واللة
  • 1
  • 2

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
اذا كانت احدى هذه العبارات خلف احدى صحونك الميلامين فتخلصي منها الان افكار وخبرات المطبخ
احلي رز افغاني من ايدي ماماشوكولاته الأطباق الرئيسية
للرومانسيين .. ورووود...الورد جميل ..جميل الورد نوادرالصور و فن الرسم
شوفي ايدج صالون العنايه بالبشره
احلى واسهل سمك من ايدي من مطبخي بالصور الأطباق الرئيسية

جميع الأوقات بتوقيت GMT +3. الوقت الآن 11:29 صباحاً.

 اتصل بنا - أعلن لدينا - سياسة الخصوصية -