الصورة الرمزية وينك ضناي عني

عضوة جديدة ولكني كنت متابعة (مشكلة تاخر حملي)

04-15-2010, 06:10 مساءً

انا متزوجة منذ تاريخ 24-4-2007 ميلادي طبعا ً


ولليوم انا لم ارزق بطفل اضمه لصدري

وارضعه من حليب صدري

والاعبه ويعذبني كما يصفونه الاخريات من حباهم الله بالاطفال

ودي اتعذب مع طفلي

من يوم انا بالاعدادي (المتوسطة) وانا احلم بطفلي واتكلم عنه
وكانه موجود

اقول لاخواتي انا ولدي او بنتي بسوي له جذي
وبسميه كذا

والله والله والله

اني مجمعة كل العابي اللي كنت العب فيهم وانا طفلة
اقول مخليهم لبنتي بفرحهم فيها
واني من كنت بالمتوسطة اشتري اغراض اليهال
والعاب اليهال
وثياب اليهال وخصوصا البنوتات
واجمعهم عندي

بس الحين من يوم تاخر الحمل عندي

وزوجي يمنعني اشتري هالاشياء

اكيد مو بخل

بس ما يبي يزيد اللي فيني


ما ابي اطول معاكم

انا الدورة عندي مب منتظمة

يعني تنتظم كم شهر من غير ما اسوي لها شي

وترجع ما تنتظم

وانا هالشهر ياتني 29 يوم بعد الدورة

والاشهر ال3 اللي طافت ياتني 34 يوم بعد الدورة

حتى يوم التبويض عندي حسبته على اساس 34 يوم

احترت ويا هذا هاليوم

احس ان بيني وبين اليأس شعره

تعبت

والله اني طلع لي شعر ابيض بشعري من التفكير

ادري راح تقولون لا تفكرين

انا ما افكر في هالشي بس من تشرف الدورة يخترب مزاجي
واكره نفسي
حتى اني ابكي وابكي وابكي

ولكني ابقى ادعو ربي في كل لحظة

رحت الدكتورة وعملت تحاليل

قالت لي الدكتورة عندي بداية تكيس

لان شهر فبراير كان التبويض عندي ( البروجسترون) نازل 4،9 كان

وسويت بشهر مارس وكان عندي 46،9 ارتفع

وقلت يمكن انا حامل وتوهمت بالفعل بس كاهي شرفت امس
بتاريخ 14-4-2010

وعندي هرمونات lh & fsh اعتقد جذي اسمهم
الاول اوكي بس الثاني وايد مرتفع ولازم يوم نصف الاول

يعني انا كان 5،8 والثاني 5،6
لازم يكون 2وشوي

فقالت هذا بداية تكيس

سويت سونار ع البطن ما بان شي

وبالمهبل وقالت كل شي سليم ما كو شي

بس سالت زوجي جم سؤال

واكتشفنا انا عنده الحيوانات المنوية قليلة جدا 3 وشوي مليون بـــس
وانه عنده لزوجة كبيرة تمنع الحيوانات المنوية انها تسبح في المهبل عشان توصل وتتلقح
اهو عنده كثيرا ً ما يرتخي الذكر من غير سبب فقالت يمكن الدم اللي المفروض يتجمع ويخليه يصير قوي يتسرب ويرجع
وكذلك عنده الحيوانات المنوية حين خروجها لا تخرج بالكامل يعني القذف ما يصير كامل والسبب نفسه تسرب
ولكن يخرج مع البول

المهم كل شي طلع بزوجي

انا من يوم اكتشفت ان عندي البروجسترون نازل قمت اشرب مرتين باليوم حليب وزنجبيل وعسل بالصبح قبل ما اكل وبالليل قبل ما انام
حاولت اخليه يشرب بس يمنع وايد ومب راضي
احاول اخليه ياكل عسل
وياكل الاشياء اللي تساعده
بس يمانع لانه ما يحبها

وحتى المرقدوش مع الماء انا اشربه بدل الماي
وحاولت معاه ومنع مب راضي

شسوي معاه ساعدوني
ادري طولت عليكم


الحين زوجي عنده تحاليل وفحص سريري بتاريخ 25-4-2010

ادعوا لي انه يكون كل شي سليم

ويسوون لي تلقيح صناعي

لاني تعبت بالحيل

ودي بولد اضمه وابوسه
والبسه
وانظفه
وارعاه

ادعوا لي عسى الله يرزق كل محرومة مثلي

وللعلم انا جديدة بس متابعة للمنتدى من زمان

كنت حالفة ما اسجل الا عشان ابشركم بحملي

بس الله ما كتب قلت اسجل

قلت لكم بيني وبين اليأس شعره

لو ما الله ثم زوجي اللي يهونها عليّ
كنت من زمان يأست

الحمدلله


ادري طولت السمووووووووووووووووووووووحة

الصورة الرمزية غادة ياغادة
04-15-2010, 08:01 مساءً
اخيتي الغالية الله يرزقني ويرزققك المسلمات ويرزق اخواتنا الذرية الصالحة ....يارب والله اني دعيت لي ولك بين الاذان والاقامة..... بس الافضل ان زوجك ياخذ علاج لزيادة الحيوانات المنويه وانتي انشالله مشكلتك بسيطة وسو طفل انابيب افضل..... حتي انا زوجي عندة ضعف في الحركة ...5 فقط .....يارب ارزقنا بالحمل عجلا غير اجلا ياحي ياقيوم
اللهم صلي علي نبينا محمد
الصورة الرمزية بنت طيوبه
04-15-2010, 08:10 مساءً
اختي لاتياسي صح موووبيدنا وانا حاااسه فيك بس تفااالي اشغلي نفسك باي شي ادخلي المندى دردشي معنا واذا تبين نتراسل ع الخاااص ماعندي مانع اصلن حتى ايميلك مااايظهرر والي رزق مريم بنت عمرااان من غيررر زوووج قاادر يرزقك بس زوووجك لازم يتعاااالج ع الاقللل حبوووب من الدكتوووور يعني نتكل ع الله وندعووه ونرجوووه ونبذل السبب واذ ارافض خذي 5اواكثرر زمزم واشربيه وخليه يشربه بنيت الشفاء اظن مافي اسهل من كذا وماء زمزم لماشرب له وهوو مستحيل يعدي يووم مايشرب ماء ولاتنسيني من خااااااااالص دعااائك ربي لاتذرني فردا وانت خير الووارثين
الصورة الرمزية وينك ضناي عني
04-15-2010, 08:56 مساءً
مشكورين خواتي حبيباتي


انا بجد كنت تعبانة

واليوم لما فضفضت حسيت اني ارتحت شوي


كنت حاسة بخنقة

امي احسها تسوي اشياء وايد عشان تبيني احمل

مثل اتييب لي ماي مقري عليه

او تقول لي سوي وسوي وافعلي

وهذا جارحني ومعور قلبي

عشاني اول بنت تتزوج عندها

وتبي تشوف احفادها حالها حال اي ام تتزوج بنتها ما الومها

ولكن هالشي يعور قلبي

الحين الدكتورة عطتني انا فوليك اسيد وجلوكوز وقالت واحد للصبح والليل

وزوجي عطته زنك لليل

بس الين ما يسوي تحليل وفحص سريري

ما قصرتوا خواتي

ابي اعرف احد مر عليه موقف مثل موقفي مع زوجي

وانصحوني شلون اقنعه ياكل اللي ينفعه او يشربه


ماي زمزم يشربه من غير ما يدري انه ماي زمزم

اخاف اقول له ويمنع

والله اني صرت احط له الشي بالخش
دون مايدري
عشان ما يسوي لي قصه

معقد زوجي في الاكل
الصورة الرمزية عروسة الجنة
04-16-2010, 12:17 صباحاً
حبيبتي ولا تقنتو من رحمة الله

لو اقلك قصتك مثل قصتي بالزبط يعني انتي تتكلمين عني

بس مشكلة زوجي انو مو مقتنع انه منه الوضع تعبان وانا امشي معه لانه يعصب

بس اتوكلي ع الله وربنا يرزقني ويااكي الذرية الصالحة وللعلم انا مزوجة سنة 2006

بس الحمدلله على كل شي

((( رٍبي لا تذرٍني فرٍدا وانت خير الوٍارٍثين ))))

يا رب يا حي يا قيوم ان ترزقني عاجلا وليس اجلا الذرية الصالحة ياا رب

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
احبائي انا عضوة جديدة اتمني ان اكون عضوة لها اهميتها في المنتدي ملتقى الضيافة والاهداءات
تاخر حملي 28سنه (قصه) الحمل والولادة
حملي تاخر ماذا افعل؟ الحمل والولادة
تكفون ابى خبرتكم في تاخر حملي الحمل والولادة
مشكلة في حملي الحمل والولادة

جميع الأوقات بتوقيت GMT +3. الوقت الآن 03:10 صباحاً.

 اتصل بنا - أعلن لدينا - سياسة الخصوصية -