06-01-2010, 03:12 مساءً

الأخت حلاوة ... جعل الله حياتك سعيدة في ظل حياتك الزوجية ..
تعرفين أحسن شيء في الدنيا إذا كان الزوج قريب من زوجته يحس بآلامها وأحلامها ، يشاركها همومها ويمشي معها في كل خطوتها مهما كلن مشغول يكون قلبه في أهله ،أهم شيء يدعي لك ويحس فيك الله يخلي لك زوجك ويزيدكم حب وتفاهم وسعادة ...الحمد لله اللي قدرك تشوفين حفلة بنتك وأهم شيء فقرتها والباقي بكيفه ، بس مو السعودين ما يدخلون مدارس أجنبية يعني مممنوع كيف دخلتي بنتك فيها ... الله يخليها لك وتشوفيها في حفلة زواجها وولادتها ...

الأخت الأمل ... زادك الله رفعة وسعادة ...
شكلك بديتي تحسين بالثقل على العموم في أي شهر أنتي ؟؟؟ أنا لسا ما حسيت فيها الحركات شكلهم يحبون النوم مثل أبوهم ...

اليوم أحس في الوحدة وضيقة الصدر ... ودي أبكي بس عجزت أصيح خانقتن العبرة وخاصة زوجي في العمل ، وهذي الأيام مشغول جدا بس ... ودي أبكي مرة ...

لا تنسونا من دعواتكم
أختكم في ظل العقيدة / شازل
اللهم يامن لا تضيع ودائعه اللهم إني استودعك مافي رحمي اللهم أحفظهم من كل شر وأجعلهم من عبادك الصالحين
06-01-2010, 06:29 مساءً
تسلمون اخواتي شازل -حلاوه لبنيه -الامل طبعي على الدعوات الله يهون عليكم ان شاء الله وتشوفونهم بين ايديكم سليمين يارب
اختي شازل ليش ضيقة الصدر هونيها وتهون انا مثلك احياناً بس اقول هذه الادعيه والحمد لله تروح الضيقه
(لا اله الا الله العظيم الحليم لا اله الا الله رب العرش العظيم لا اله الا الله رب السماوات ورب الارض ورب العرش الكريم)
(لا اله الا انت سبحانك اني كنت من الظالمين)-(اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال)وكثري استغفار وان شاء الله تشوفين كل خير
ابي اسألكم انا الوحيده في الشهور الاولى انا قريت الردود كلها ومابي اغثكم بأسئلتي بس غير الترجيع والغثيان ماتحسون بشي في الشهور الاولى البطن متى تكبر ؟؟؟؟؟
اللهم أعيذ ما في رحمي بكلماتك التامة من كل شيطان وهامه ومن كل عين لامه*
الصورة الرمزية الامل طبعي
06-01-2010, 10:10 مساءً
اختي الطائرة الله يبارك فيك ويتمم لك على خير بالنسبة للبطن تبدء تكبر في الرابع وعلى حسب جسمك ويختلف كبر البطن من وحدة للثانية بالنسبة لي انا بطني كبر من الثالث علشان كان عندي بطن من اول الله المستعان تصدقين وانا في بداية السادس شافتني وحدة وقالت الله يسهل عليك شكلك قربتي تفكرني بالتاسع الحمد لله الله يسهل علينا ونولد بالسلامه مع اطفال سليمين معافين من كل مرض
اختي شازل الله يفرجها عليك ويبعد عنك الهم والحزن ويسعدك حاولي تروحين عند اهلك فترةاوتخرجين من البيت لزيارة احد الاقارب لكي تتسلين وتنسين همومك وزي ما قالت اختنا الطائرة كلامها مرة حلو لان الرجوع لله والذكر كلها تزيل الهموم
انا الان امر بنفس حالتك احيانا ابكي من دون سبب وما ارتاح في نومي ولا كمان جلستي الله يهونها علينا
حلاوة الله يسعدك ويسهل ولادتك هانت ربي يتمم لك بخير ويفرحك واولادك وزوجك يارب
تصدقون ولدي الصغير يهدد ويقول لو تجيبين بنت ما اقعد عندكم يصير البيت كله بنات وانا لوحدي ولد انا باروح عند عمتي علشان عندها اولاد ما ابغى اقعد عندكم وصرنا نمهد له بانهم بنات وبيحبونه ويحبهم الله يهديه ويصلحهه
الصورة الرمزية حلاوه لبنيه
06-02-2010, 05:24 صباحاً
تسلمو حبيباتي والله فرحتوني بدعاكم الطيب ونفوسكم الحلوه الله لا يحرمني منكم ياااااارب وبالنسبه لضيقة الصدر ياعمري والله انها زي الزائر الثقيل تجي وتروح وصدقيني بس تتخيلي اطفالك بصحه وعافيه واهلك بخير تروح الضيقه انا صرت كل ما اتكدر استغفر وادخل اتروش( استحم ) والله وامسك الاب واطقطق في النت وانسى كل شئ واكل ايس كريم والله المستعان واكتر شئ شايله همه الوزن عشان مرره تخنت وزوجي يحب الرشاقه وشغله دائما مع البنات وتعرفوهم كيف يتلبسو ويتشيكو احس بنااااااار مولعه في قلبي خاصه اننا ما بنمارس العلاقه الحميميه بسبب ربط الرحم ولا كمان ورانا النفاس فخلاص زوجي ماشي يكلم نفسه وحاطط همه في الاكل والبزوره والافلام الاجنبيه الله يحفظه من بنات الحرام ويحفظه من المفاتن يارب وانا شكلي مررره صار عدم مع الكرشه والتقل صرت فيله% فيله ياااارب اهئ اهئ
حلاوه طعمه ولزيزززه
الصورة الرمزية حلاوه لبنيه
06-02-2010, 05:32 صباحاً
نسيت ارد عليكي ياقلبي شازل انا بنتي في مدرسه دوحة الجزيره وهيه مدرسة فتحت قسم انتر ناشونال قبل سنه تقريبا وكمان المدارس الانترناشونال في جده هادي السنه خلاص فتحو الدراسه للسعوديين وانا كنت حاسجل ولدي في مدارس تامر العالميه هادي السنه وقبلوه بس للاسف طلع الباص مكتفي العدد وما يقدرو يوصلوه وانا ماعندي سواق حاليا فسجلته في مدارس الاقصى بس مو عالميه للاسف كنت مشتهيه لولدي مدرسه عالميه بس يمكن ان شاء الله اسجله السنه الجايه وتسلمي حبيت اسالكم يابنات مين فيكم ساكنه في جده عشان بافكر اننا نتعرف على بعض اكتر ونزور بعض ايش رايكم في الفكررره ردو عليا وادوني رايكم
حلاوه طعمه ولزيزززه

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
تجمع الحوامل الجدد من أسبوع لاغاية الشهر التاسع تعالو نساعد بعضنا الحمل والولادة
تجمع الحوامل بالشهر الرابع...أرجوكم تفضلو و لكل من لها خبرة أهلا الحمل والولادة
تجمع الحوامل (تعالوا بسرعه) الحمل والولادة
تجمع حوامل التوأم الحمل والولادة
هذا تجمع للسيدات الحوامل الان اتفضلوا والف مبروك.............. الحمل والولادة

جميع الأوقات بتوقيت GMT +3. الوقت الآن 10:42 صباحاً.

 اتصل بنا - أعلن لدينا - سياسة الخصوصية -