صديقتي تبغى......

06-18-2010, 11:55 صباحاً

مرحبا اخواتي

عندي مشكله ومو عارفه كيف ابدا فيها وصدقوني لو فيه حل كان ماصارحتكم بليز ابي نصائحكم موعارفه آيش اسوي

اول شي انا بنت جميله الحمدالله وجمالي ملفت لدرجة اول مادخلت الثانوي وتعرفت على صديقات استغربوا بعدين يقولوا احنا اول ماشفناك شكينا ان جذورك مو عربيه ابدا
المهم بين صديقاتي كانت وحده هي اقرب وحده لي وترتاحلي وتقولي جميع اسرارها وضلت صداقتنا 3سنوات صارت اختي الي ماجابتها امي وقفت معاها في وفاة ابوها صارت تقولي اني كنز على هالدنيا وانا اعتبر انها اغلى من كنوز الدنيا
بعدين دخلنا الجامعه وبالقسم الي كنا نحلم فيه اما البقيه من صديقاتي توزعوا بكليات ثانيه بس مازعلت كثير المهم اني وتؤام روحي مع بعض
المهم تعرفون الفساد في الجامعات يعني عالم آخر غير عالمنا الصغير الثانويه
صار فيه بنات كثير يضايقوني وآغلبهم بويات سنه كامله عشت حالة رعب لدرجة اني اخاف امشي لوحدي وكانت صديقتي عون لي
بعد مده صديقتي تعرفت على وحده ماعجبتني بس سكت لاني شفت صديقتي تمدحها وماحبيت اتكلم
مره من المرات اتصلت بي صديقتي قالت تعالي فيه فيلم روعه
رحت عندها انا وامي لآن امها وامي صاروا يعرفون بعض ودايما يتزاورون
المهم شفت الفليم بس انصدمت مررره كان جنس بحت على طول سكرته وقلت وش فيك!
قالت عادي
انا قلت لها انه حرام ومايجوز
قالت لامو حرام انا آشوف مااسوي شي سكت ماقلت شي وصرت دايما آشوف معها سيديات بالشنطه بس ماتقولي ماتبيني اعصب
مع الوقت عرفت انو البنت الي تعرفت عليها هي اللي اعطتها
المهم صارت لي ظروف جعلتني اسافر واجلت كورس
وصرت اتواصل معها عالمسن والجوال فقط
بعد شهرين رجعت وكنت مره مشتاقه لها
وعالبداية الكورس الجديد داومت وشفتها متغيره 180درجه صايره نحيفه ودائما بالها مشغول غير كذا ماصارت تجلس معي كثير صارت اغلب وقتها مع البنت الي تعرفت عليها
زعلت كثير وهي موحاسه فيني
صارت دايما تسمع اغاني جالسه نايمه تأكل بكل الاوضاع السماعات في آذنها حتى في المحاضرات
نصحتها قلت عادي اسمعي بس مو لهادرجه صرخت بوجهي مالك دخل
كنت آقدر اصرخ عليها بس احترمت صداقتنا خصوصا انها على وشك آنهيار
تغيرت كثير حتى قبل كنا نصلي الضهر بمصلى الجامعه الحين بس انا اصلي لوحدي
كل هذا ومشكلتي للحين مابدت

مره قالت لي آنها تحب وحده وماحد يدري ولآني آقرب وحده لها قالت لي حاولت انصحها بس كالعاده تطنشني
طلعت مره من المحاضره واستغربت شفتها حاطه راسها على الطاوله وتبكي
رحت لها وعرفت منها ان حبيبتها تهاوشت معها وتركتها
جلست اهديها
استغربت لهادرجه متعلقه فيها

قالت لي تكفين عوضيني عنها
قلت انت صديقتي ومستحيل آخليك
بعد كذا لاحظت انها تقربت مني كثير وصارت تقولي كلام حلو وتمسح على شعري حتى لما نكون جالسين تبوسني تقول آحبك و لما نمشي تمسكني مع خصري كنت آقولها بعدي يدك بعدين البنات يفهموا غلط ابتسمت وقالت عادي انتي حبيبتي كنت آحسبها تمزح
مادريت ان صديقتي الي اعرفها ماتت قبل لآسافر
صرت لما آكون مشغوله في شي او اكون آقرا الاحظها تتأمل فيني بنظرات تخوف
بس كنت آلعب على نفسي اقول بيني وبينها عشره3سنين مستحيل تغير علي
حتى جاء اسوأ يوم في حياتي كنت انا وياها جالسين نلعب بجوالاتنا ارسلتلي بلوتوث استحي اصفه لكم انا تلعثمت وانشل لساني عن الكلام قربت مني وصارت تلمس صدري وتقول لاتبعدين عنني محتاجتك
وتقول كلام قوي حتى الزوجه تستحي تقوله حق زوجها كل هذا وانا تحت تأثير الصدمه قمت واعطيتها كففف طاحت على الارض وقامت تبكي
وانا طلعت من الجامعه بكبرها ونفسيتي زفت زفت زفت
صرت آكره الجامعه واكرههها
ارسلت رساله تقول ان الشيطان لعب في عقلها وتبيني آرجع لها
وش آسوي لاتقولون انتي سكتي عنها آنا شخصيتي قويه واقدر اوقفها واوقف عشره من آشكالها بس انا بأمور اعجاب البنات وحركاتهم اضعف وآخاف يمكن من الصدمه إيش اسوي موقادره آفكر

والله مابه شخص يسوى دموعي
الصورة الرمزية للحزن عنوان
06-18-2010, 12:16 مساءً
الله يعينك على ماجاك حبيبتي..

الفساد منتشر بكل مكان وخصوصا بالجامعات الله يستر منهم

اسمعيني شواطئ الانتضار صديقتك الفساد تغلغل داخلها وخصوصا من مقاطع الجنس الشاذه اللي تشوف تموت القلب ..

لكن انصحك بمساعدة صديقتك لاتتركينها هي الحين تعتبر مريضه مالها اي ذنب خصوصا انك تمدحينها ببداية قصتك

ارجوك تقربي منها وحاولي تفهمينها وتساعدينها وتدخلين احد فاهم وعاقل بينكم ويستر على الموضوع وتوقفين جنبها

انا ماالومك انك تركتيها لانك منصدمة والصدمة قويه عليك

اتمنى لك كل التوفيق ..

تحياتي ..

للحزن عنوان ..
(اللهم يا حنّان يا مّنان صلي على محمد وآل محمد وتحنن علي ومن علي برجل مؤمن يحفظني واحفظه إنك إذا تحننت ومننت على أحد رحمته يا رؤوف يا رحيم)
06-18-2010, 01:07 مساءً
اشكرك آختي
بس هي بجد تخوف مو مصدقه ان هذي صديقتي
فيه شي بعد نسيت آقوله
قبل حركتها الآخيره بأيام كنت بروح لدورة المياه اعزك الله جيت بسكر الباب لقيتها تدفع الباب كأنها بتدخل قلت وش فيك؟
ضحكت قالت آمزح معك
وطلعت بسرعه آذكر هذاك اليوم ماشفتها ابدا
عرفتي آختي آخاف انها تكذب علي تتأسف عشان ارجع لها وتسوي لي شي ثاني خصوصا ان صديقتها الي ماارتحت لها للحين تماشيها
وبعدين انت تقولين دخلي آحد بينكم طيب آنا مااعرف احد بالجامعه ممكن يتدخل
طيب لو تركتها كيف راح آكون صداقات اكيد ماراح آثق بأحد إذا صديقتي 3سنوات مافكرت فيها راحت وراء شهوات الدنيا
فما بالك بالبنات الآخريات
بليز بنات اللي ماعندها حل على الاقل تدعي على كل بنت ماشيه في هالطريق
حسبي الله ونعم الوكيل
والله مابه شخص يسوى دموعي
الصورة الرمزية نويت تغيب
06-18-2010, 02:26 مساءً
الله يكون بعونج اختي
حاولي تكلمينها وتنصحيها وذكريها بالايام الحلوه اللي كانت بينكم ايام الاخوه والصداقه الطاهره و وضحيلها عاقبة اللي جالسه تعمله واذا كل هذا مافاد قوليلها راح اخبر امج لان اذا ما تغيرت راااح تضيــــــــــــــــــــع نفسها واذا ماااافي اي حل انتي استعيني بالله وادعيلها الله يهديها ويصلح حالها وصدقيني في بنات وخوات حوالج لا تفقدين الثقه ابــــــــــــــدا وكل مكان فيه الزين والشين واهم شي دراااستج ومستقبلج
الـــــلــــه كـــــــــــــــــريـــــــــــــــم

الصورة الرمزية للحزن عنوان
06-18-2010, 03:17 مساءً
اجل اسمعيني اذا هي تماشي صديقتها فاتركيها
والله بيعوضك احسن منها وترى مب دليل السنين على الصداقه فيه بنات عشر سنوات صداقه وتركن بعض من سوء تفاهم صغير وفيه بنات مالهم يومين بس تلقينهن متفاهمات انا مثلا خمس سنوات صداقة تزوجت وولدت وتغيرت علي حتى ماكلمتن يوم ادق عليها ابي ابارك لها ببنتها كل يوم تصريفه وانتهى كل شي بيننا مع اني حاولت بكل الطرق اني اكلمها بس هي تبعد وتصدد ..

فعشان كذا اقولك اختي لاتندمين على شي ابد واهم شي مستقبلك وجامعتك حطي هالهدف قدامك ..

ولاتفقدين الثقه بالبنات حرام وش ذنبهم بسبب ذنب صديقتك تعاقبين كل بنات الجامعه؟؟ لاغلط حبيبتي بكل مجتمع فيه السيء والجيد ومثل مافي بنت خربت صديقتك ان شاء الله بتلقين بنت بتعينك وتعينينها على الدراسه والجامعه ..

لاحنا ماندعي عليهم حرام هذا مرض والله لايبلانا حنا ندعي لهم بالهداية وان الله يفتح على قلب كل بنت ضلت للطريق هذا

تحياتي ..

للحزن عنوان..
(اللهم يا حنّان يا مّنان صلي على محمد وآل محمد وتحنن علي ومن علي برجل مؤمن يحفظني واحفظه إنك إذا تحننت ومننت على أحد رحمته يا رؤوف يا رحيم)

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
صديقتي تبغى ترتاح ممكن تساعدوها مشكلتي
إلى صديقتي خواطر وعذب الكلام
اللي تبغى تنحف واللي تبغى تشيل الترهل من بعد الولادة بأسعار منافسة ومنتاجات عالمية عروض متنوعه
تبغي فستان سهرة مميزة ويجذب الانظار واسعارها روعه .. تبغي نصيحه لاتفوتيها ملابس _ فساتين _ اكسسوار
صديقتي الـتصميم والجرافـيكس

جميع الأوقات بتوقيت GMT +3. الوقت الآن 04:48 مساءً.

 اتصل بنا - أعلن لدينا - سياسة الخصوصية -