اليوم بقولكم أروع وأبسط طريقة لعمل الحمام المحشى عملته : لما كان زوجى راجع من السفر وعجبه جدا
أولا :تجيبى حمام من مكان موثوق منه وتنظفيه بالملح والخل والدقيق وبعدما تغسليه بالماء كويس تضعيه على المصفى ولا تنسى غسل الكبد والأوانص
ثانيا :تجيبى بصلة مبشورة وتدعكيها بالملح والفلفل والبهارات
ثم تضعى الخليط على الحمام وتدعكيه من داخله وخارجه
ثالثا:مقادير الأرز (لكل زوج حمام 1/2كوب أرز)
على حسب العدد نضع الكمية المطلوبة من الأرز
نضع ملعقة سمنة كبيرة على النار وعليها بصلة متوسطة مبشورة ناعم
ولمل تصفر نضع الكبد والأوانص والرز والملح والفلفل ونشوحه الى أن يصفر الأرز ثم نضع الماء على حسب كمية الرز ولا نسويه جيدا بس تحسى انه دخل فى السوا (ملدن)

رابعا :ضعى حلة بها ماء على النار الى أن يهدأ الأرز
نبدأ الحشو من الصدر(يكون أفضل) الى أن نصل بالرز لمنطقة الرقبة ولا تكبسى الرز لأن حجمه سيتضاعف وبعد ما تنتهى من الحشو ضعى أرجل الحمام ف القتحة السفلية (كتفيها زي الفراخ )أغلقى الحمام بالخلة الصغيرة بتاعة الأسنان كما بالصورة واربطى العنق بفتلة تمسكين بيها الجلد باللزور حتى لا يخرج الرز
لما تغلى الماء اسقطى حبيتين مستكة وحبهان وورق لورا وبصلة صغيرة وملح وفلفل أسود وأخيرا الحمام وخلى فتحة صدره لأعلى وفى النهاية بعد ما تستوى كويس نحمرها فى الفرن أو على النار ونقدمه مع رز مفلفل وملوخية أو بطاطس شيبسى زى ما تحبوا وبالهنا والشفا
وقولولي رأيكم

ايه يا بنات محدش عجبه الوصفة دا أنا حتى صورتها لكم علشان تبقى سهلة