• 1
  • 2
الصورة الرمزية حنكوشة

نصايح"رانيا موسى" تخص الشعر..مع اهم الاسئله واجابتها عليها..اتفضلى

07-21-2010, 11:33 مساءً

بسم الله الرحمن الرحيم
هذا اول موضوع لي واتمنى ينال اعجابكم وتستفيدون


تساقط وتقصيف الشعر
لعلاج المشاكل دي، نصحت "رانيا" بعمل حمام زيت للشعر عبارة عن خليط من زيت الثوم وزيت الجرجير وزيت جوز الهند، وبنسيب الخليط ده على شعرنا لمدة 3 ساعات، وبعد كده نغسل الشعر الشامبو المناسب، وبنكرر حمام الزيت 3 مرات في الأسبوع.

أما بقى بالنسبة للناس اللي عندها تقصيف في شعرها من الأمام من عند الجبهة، فبتنصحهم "رانيا" بضرورة تدليك فروة الرأس بزيت حبة البركة المعصورة على البارد، وبنكرر الموضوع ده يوم ويوم، مع عمل حمام الزيت السابق، وكمان أكّدت "رانيا" على ضرورة قص الشعر بشكل دوري للتخلّص من مشكلة التقصيف.

وأضافت "رانيا" إن القهوة كمان مفيدة جداً لعلاج مشكلة تساقط الشعر؛ بسبب مادة الكافيين اللي موجودة فيها، وإن فيه شركات عالمية دلوقتي بتتجه إنها تعمل شامبوهات بمادة الكافيين.

هيشان الشعر
لو كنت بتعاني من هيشان شعرك، فعليكِ بعمل حمامات الزيت أو الكريم اللي بتحتوي على عسل النحل، وبعد غسيل الشعر ندلكه بنقطة أو نقطتين من أي زيت للشعر.

قشرة الشعر
للتخلّص من مشكلة قشرة الشعر ممكن تجيبي زهرة الكاموميل "الشيح"، وتغليها في شوية مية مع زعتر وروزماري، وبعد كده تصفيهم وتاخدي الميه وتدلكِ بها فروة راسك كويس وتسيبيه على شعرك لمدة ساعة، وبعد كده اشطفي شعرك بالمية الباردة.

الشعر الأبيض بسبب الصبغات
الحنة هي أكتر الحاجات الطبيعية اللي ممكن تساعدنا على التخلّص من مشكلة ظهور الشعر الأبيض؛ ولكن علشان الحنة تعمل نتيجة كويسة وتدينا لون كويس لازم نضيف عليها وسط حمضي زي الخل الأبيض أو الليمون، وبنضيف عليها كمان زهرة كاموميل أو قرنفل مطحون أو مغلي، وبنحط الخليط ده على شعر نضيف جداً، وبنسيبه لمدة طويلة على الشعر وبعد كده نغسل الشعر كويس جداً من آثار الحنة.

فرد الشعر المجعّد
نصحت "رانيا" بعمل حمامات بزيت الحلبة أو زيت جوز الهند لفرد تموجات الشعر، لكن مع ضرورة المواظبة عليها


دى كانت بعض واهم اسئله الينات وردردها عليهم

س" السلام عليكم كنت عاوزة استفسر عن حاجة أنا بعمل لشعرى خلطة عشان تطوله وهى (علبة زبادى ومعلقة حبة البركة ومعلقة زيت زيتون) فهل الخلطة دي فعلا صح ومفيدة ولا لاْ بس وأنا بقرأ العدد لقيتك كاتبه أن فى خلطة بطول الشعر وهى عبارة نعمل حمام الزيت للشعر عبارة عن خليط من زيت الثوم وزيت الجرجير وزيت جوز الهند، وبنسيب الخليط ده على شعرنا لمدة 3 ساعات، وبعد كده نغسل الشعر الشامبو المناسب، وبنكرر حمام الزيت 3 مرات في الأسبوع فاْنهى خلطة الافضل والاسرع فى تطويل الشعر ومعلش أنا اكتشفت أن الخلطة الاولانية اللى بعملها فتحت لون شعرى ولونه اتغير فهل ده سببه ايه بالظبط ياريت تفيدينى وشكرا ليكى جدا.

ج"صديقتى العزيزة بصى تغيير لون الشعر ده ملوش أى علاقه بالخلطه اللى إستخدمتيها لأنها وصفه طبيعيه وتغير لون شعرك ده ممكن يكون بسبب استخدام أنواع شامبو مش كويسة، والوصفتين كويسين وممكن تجربى الوصفه التانيه وإن شاء الله هتلاقى نتيجه هايلة مع المواظبة


س"ايه هو السيرم وهل ده فعلا بيتحط للشعر قبل ما يتعمل بالاستشوار عشان يقلل ضرر الاستشوار وبيتحط علي شعر مبلول ولا جاف؟؟

ج" السيرم ممكن تحطيه على شعرك وهو مبلول قبل ما تعمليه بالسيشوار علشان يحميه من السيشوار ويدي له لمعة، ويداري التقصيف، لكنه مش بيعالج أي مشكلة في الشعر هو بس بيحسن شكله.


س"ولو سمحتى كنت عايز اسال حضرتك فى حاجة انا بعمل استشوار كتير حوالى مرتين فى الاسبوع ومن كتر الاستشوار ده شعرى وقع وخف جدا هل فى علاج خصوصا ان انا سالت واتقلى ان الشعر اللى وقع ماينفعهش يطلع تانى الا بالزرع

ج"عمل الشعر بالسيشوار بكثرة بيضر الشعر جداً، علشان كده حاول على أد ما تقدر إنك ماتعملش شعرك بالسيشوار في الفترة دي، واعمل حمامات كريم مغذية للشعر مرة كل أسبوع، وممكن تعمل لشعرك حمام زيت عبارة عن خليط من زيت الجرجير وزيت جوز الهند وزيت الثوم وبتسيبه على شعرك لمدة 3 ساعات وبعد كده كده تغسل شعرك كويس، وبتكرر الموضوع ده 3 مرات في الأسبوع
لـ حفظ الموضوع والإستفاده منه إستخدمى هذا الرابط :
نصايح"رانيا موسى" تخص الشعر..مع اهم الاسئله واجابتها عليها..اتفضلى
http://forum.sedty.com/t306219.html



08-02-2010, 12:36 صباحاً
مشكورة على الموضوع المفيد

جزاك الله كل خير
الصورة الرمزية ..ღ أحـلام الـدنيـا ღ..
الصورة الرمزية شووكليت
الصورة الرمزية fatma55

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
مجلة كروشية رائعة بالباترون""""""""""""""""" كروشية - تريكو
ملك الموضه """""""" الجنز"""""""""" تفضلو بدخول ازياء وأناقه
"""""""تفضلي شوفي كل ماهو جديد بديكور"""""""""" سيدتي ديكور فن وتصميم الديكور
فقط للرشيقات عفواً ممنوع اصحاب الاوزان الكبيره المواضيع المكررة والمخالفه
""خلطة رووووعه لتنعيم وترطيب الشعر اللحقوا عليها "" صالون العنايه بالشعر

جميع الأوقات بتوقيت GMT +3. الوقت الآن 11:51 صباحاً.