عندي عزومه كمان يومين يابنات نفسي تقترحوا علي اعمل ايه؟؟
انا عن نفسيبفكر في كباب حله مصري وفراخ محمره ومحشي ورق عنب وكوسه بالبشاميل وجلاش باللحمه ...........دي الاصناف اللي متاح اني اعملها تقترحوا ايه؟لان جوزي قالي متعمليش جلاش لان مفيش حد بياكله مع الصيام..............يلا ردوا علي بعد اذنكم وادعولي الاكل يطلع حلو بالله عليكم لان اخر عزومه الاكل كله كان غير مظبوط بالمرررررره

السلام عليكم اختي
انا بقترح تعملي فراخ محشيه, رز, شوربة لبن بالثوم وعين جراده, كفته في صلصة بندوره او بطاطا محشيه بصلصة البندوره, محشي ورق عنب وسلطات ( سلطة خضار, سلطة لبن مع ذره وخيار مخلل, سلطة مايونيز, وسلطه روسيه)
لو حبيتي اي مساعده انا حاضره

والله بشكرك جدا يااختي(جوزه الطيب )انك شاركتيني عموما انا الحمد لله عملبت العزومه وطلعت ممتازه وزودت علي الاصناف اللي قلتها رز وطبعا سلطه ...بس اظنك سوريهوالحقيقه عندي عزومه لاصحاب سوريين قريب كمان ومحتاااااااااره جدااااااااااااا فيهم وانا معرفش ايه عين الجراده دي؟؟؟وياريت تقوليلي اكلات سوريه سهله وتكون قريبه للمطبخ المصري لو سمحتي

الحمد لله انو غزومتك نجحت, في الحقيقه انا فلسطينيه وبكون سعيده جدا بمساعدتك, بس احكيلي كم صنف بدك تعملي وشو اللحوم الي بدك تستعمليها

شكرا جدااا علي ردك علي ..انا عاوزه اعمل فراخ ولحم وممكن لحم مفروم بس الحقيقه مش عارفه اعمل ايه ونظرا لاختلاف العادات والاكلات بحاول اعمل اكلات قريبه جداا من الاكل السوري ...والحقيقه انو قبل كده عزمتهم عملت فراخ فالفرن ولحمه ناشفه(مش مسلوقه يعني..بنسميها في مصر كباب حله)وجلاش باللحمه ومكرونه بشامميل ورز وشوربه....ومحتاره جدا المره دي. وقالوا ان الجلاش باللحمه قريب من اكله عندهم بس اعتقد محبوش المكرونهعموما لو سمحتي اقترحي علي اكلات بس تكون سههله عشان تتظبط معايا وشكرا جزيلااااا