الصورة الرمزية شجرة الصبار

حركات رومنسية روحنا فيها هههههههه

09-17-2010, 05:55 مساءً

حركات رمنسيه لاتفوتكم ههههههههههههههه


مرة كان عيد ميلاد زوجي وضبط كل شئ في المجلس وهو مايعرف عن جاجة
وحجزت الكيكة وجبتلة الهدية وكبرتلة صورة لية
وبس شوية سمعت الجوال حقة دق قلت خلية بعد مايرد وبس نديتة حسيت انة مستعجل بس ناديتة بالمجلس وشاف الاشياء والشموع والاضاءة
وشوية قلى اقولك انا رايح لابوية وراجع
والله قهرني حسيت اني ابغة اخنقة والله صرت ابكي واتزعلت معاة
ولما جاة اعتدر اتاري ابوة كان حاطط الرقم السري حق البنك خطئ
خخخخخخخخخخخخخخخخ وبس اعتدرلى وانا طاقة الزعلة وقلتلة روح قطع الكيكة لوحدك وحلفت اني مراح اسويلة شئ واخرتها
وقطعنة الكيكة وانبسطنة
بس في مواقف احيانا تقهرمن الرجال الله يعينا عليهم




هذي وحدة تقول مره وصلني زوجي للمدرسه اللي كنت
معلمه فيهاالصباح قلت له وانا نازله راح اشتاق لك ياحبي....
قال انزلي انزلي لا تروح عليك الحصه الاولى .. آآآآآآه بغيت
اصفعه بالمسطره عاد انا وش اقول والطويله اللي معاي


وحده ثانيه تقول:
زوجي موراعي هدايا ابد قلت ابشتري هدية جوال الي
يستخدمه قديم المهم غلفته وكاتبة في كرت شعر وكلااااااااااااااااااااام
حلو وعطيته الهدية وكنت بجنبة المهم فكه بشراسة وجهه فيه
علامات استغراب وتعجب وانا مبتسمة طلع وناضرقال لمين
هذا قلت لك حبيبي قال شاريتة بالفين وخمسمية يابنت الكلب
هو فرحان بس شوفوالتعبير قسم بالله ذبلت ابتسامتي وهو
يضحك يقول اول مرة احد يهديني بالمبلغ هذا بستصدقون رحمته
هههههههه هههههههه

وحده تبي تغير الروتين ومسويه كل شيء قالت خليني
ارقص عنده شوي يمكن يقووم معي وتحلى الجلسه عاد قامت الشيخه ترقص
وقال لها وش فيك انهبلتي اجلسي بلا خباااال هذي وش تسوي فيه
يمكن لو تذبحه ما تكفي الله يعيننا عليهم




وهذي وحدة ثانية تقول انها حطت شموع من عند الباب
الغرفة النوم والشموع طبعا على الارض وهي جلست
في غرفتها وكاشخة وتنتظر زوجها المهم دخل الطعس
ودعس الشموع برجلينهوقام يصارخ ويتألم وكفخ زوجته
وزعل عليها وتكلم عليها وماخلى شي ماسواه والمسكينة
انهبلت من اللي شافته المهم الزوج دخل الغرفة وقفل الباب
عليه ونام بلحاله والله هالحرمة مواقفها كثيرة وتضحك بس
للاسف الحين تطلقت (ماتنلام تطلب الطلاق

وحده من الحريم ملت من الروتين اليومي في حياتها وحبت
انها تسوي مفاجئه لزوجهابسهره رومنسيه ...المهم قامت
واطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها
وتزينت عشان تهيئ الجو لهم .....
.المهم جاء الزوج من الاستراحه وريحته تفاوح دخاخين
واستقبلته ودخلته للمجلس وقصت له من الكيكه
وصبت له من العصير...المهم يوم بلع وخلص قالها الحين
وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره...
قام وكمل ذا الماصل وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله
روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه......
.تدرون المفروض انها تحط له خبز وفول ويخب عليه هذا
مهب وجه تدليع(جعله الضربه ذا البخيل)


هذي وحده من البنات توها متزوجه وحابه تسوي
حركه لزوجها . قامت وتزينت وتجهزت من مجاميعه وحطت
الاضاءه هاديه وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه
مظلمه والدخاخين حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري
مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها
يحسبها انه مغمى عليها من الدخان
عشان كذا ماترد عليه(جاء بيكحلها عماها)....
بالله وش تتخيلون موقفها؟؟؟...
المفروض انها صبت على راسه موية نار.....

هذي وحده من البنات تزوجت وراحت للخارج مع زوجها
بعثه للدراسه له ولها.. المهم شافت ذا الحمران العطران
ورومنسيتهم قالت خل اسوي مثلهم. وخاصة انهم كلهم يدرسون
وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح
للمعهد قالت خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه
ومن ذا الحركات. قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك
السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون
انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان
يتأدب ذا الباصق......


وهذي وحده تعشق شئ اسمه رومنسيه و كانت دائما تعزم
زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا
الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد
وقالت انا اوريه عشان يتأدب ويعزمني بدال ما انا أعزمه...
قامت وعزمته زي كل مره ويوم خلصوا ماكلين قالت له
اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره
(تعب نفسه صراحه)......


وفي وحده لاهي ولازوجه يدلون الرومانسيه وكانت
بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون
شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت
وتكشخت وشغلت الشموع يوم جاء المحروس
شاف الدنياظلام يوم دخل على زوجته ولع النور وطفى
الشموع قالها الله يهداك الحين أنا شاريهن لاطفى الكهرب
قمة التحطيم

هذي وحده جنااااااااانها البلونات عااااااااد ذاك اليوم فكل
جدر حطت نفاخه ..وشك شك هذا طبعا صوت مفاتيح الباب
جاء رجالها ..ومن غير مقدمات يوم شاااف البالونات فقعها
وووهو معصب وقال لها لو يجونا ضيوووف وش يقولون..
هذولي لسع ما تخرجوا من الإبتدائي ..والله مسكين ووووبايخ حطم الحرررررررريمه..
ههههههههه


وحدة تقول أنا معلمه وعندي في البيت أوراق كثيره هنا
وهناك وإذا خلصت المدرسه ألمها وأجمعها في كرتون
وإذا ما أبغاها أحرقها>>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف
وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا
يوم وهو قاعد بالبيت قريت في الكتاب انه إذا سافر
زوجك أو تركتي البيت اكتبي بطاقات حلوه ملونه فيها
عبارات جميله للزوج وحطيها بين ملابسه عشان إذا
جا يلبس يقرا البطاقات ويتذكرك حتى وانتي
غايبه عن عينه واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على
طاولة الكمبيوتر حقي قمت ضحكت وأقول قراها بدون
ما يعلمني الظاهر عجبته الحركة>>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة لا عد ترمين أوراقك منا ومنا وأنا ألقط وراك
ليه شايفتني شغال عند أبوك تسنعي ياحرمه .
إيش رايكم فيه

وحدة تقول مره سويت لزوجي ليله رومانسيه على قولتكم
وقمنا نرقص هذيك الرقصه وش اسمها ايه سلو الي تحطين
يدك ورى ظهر زوجك وهو يحط ايده ورى خصري
وكنت منسجمه مع الجو تخيلوا وش قال قال تكفين تكفين
حكي ظهري فوق شوي لالا تحت شوي وانا ميته من القهر
لـ حفظ الموضوع والإستفاده منه إستخدمى هذا الرابط :
حركات رومنسية روحنا فيها هههههههه
http://forum.sedty.com/t324676.html



الصورة الرمزية شجرة الصبار
الصورة الرمزية 9atrat nada
09-17-2010, 06:13 مساءً
هههههههههههههه والله يا حبيبتي يا ما شفنا منهم انا مرة اشتريت بيجاما قلت اعملها مفاجآة لبستها وفرحلنة اسمع كلام حلو ومريت من قدامه لما رجعت قالي شفتي البهلوان اللي مر قدامي انقهررررررت ولكن كلشي بيتنسى الا الكلام الجارح اللي بيبقى محفور في القلب مشكوووووورة حبيبتي

الصورة الرمزية شجرة الصبار
09-17-2010, 06:22 مساءً
والله بهلوان مرة وحدة الله يعين
ياحبيبتى الوحدة اللى تفقع مرارة زوجها عارفة تاخد كل شئ بالمزح
والله اول ماتزوجت كل شئ كان حساس وحتى لوكلمة بالمزح
ابكى واتضايق
والحين سرت اراجع نفسي واشيل الكلمة واردها

زي الحين هو قلك بهلوان لما يلبس ويكون خارج رديلة الكلمة وخلية يحس فيها عشان مايتكلم
وقوليها بمزحة واضحكي
ههههههههههههههههههههههههه

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
حركات رومنسية منسية!! الحياة الزوجية
حركات رومنسية لزوجة ذكية الحياة الزوجية
حركات رومنسية بين الزوج والزوجة الحياة الزوجية
حركات رومنسية تجنن الحياة الزوجية
حركات رومنسية............. الحياة الزوجية

جميع الأوقات بتوقيت GMT +3. الوقت الآن 05:35 مساءً.

 اتصل بنا - أعلن لدينا - سياسة الخصوصية -