• 1
  • 2
  • 3
الصورة الرمزية عاشقة القلب الطاهر

ابغى افضفض لكم ع اللي في قلبي يا اخواتي آهـ آهـ

11-12-2010, 03:22 صباحاً

السلام عليكم ورحمة الله وبركاته


اخواتي حبيت افضفض لكم عن اللي في قلبي همومي واوجاعي اتمنى ان القى عندكم كلمة تواسيني او مخرج لهمي

من اربع شهور من الله عليا ورزقني ولد زي القمر ماشاء الله تبارك الله بعد حرمان

ولكن من بعد ولادتي اشعر بتعب فظيع واكتئاب احس اني وحيده

وفي نفس الوقت ما اروح ولا اجي ولا اطلع من البيت بعدم رغبة مني واستسلام للوحدة

حياتي صارت روتين ممل وشغل االبيت متعبني وانا احس بضعف في جسمي ومارجعت زي لما كنت قبل الحمل

رجولي وركبي توجعني وظهري متعبني ومكان العملية احيانا يكون فيه نغزات وصداع يوميا مايشيله كرتون بندول ونومي متقطع عشان الولد يرضع

ما ابغى اشتكي لزوجي واحسسه اني صرت مكسره وحالتي حاله

واذا سكت انا تعبانه وما اقدر ع شغل البيت لحالي

اعطيت بيتي وزوجي وولدي كل طاقتي ونسيت نفسي وبدأت اذبل في داخلي

اتمنى ارجع زي اول , كنت نشيطة وخفيفة وما اتعب من شغل البيت ما اعرف ليش اتغيرت ووضعي متى بيرجع زي اول ؟

كيف اقدر اقسم وقتي واحظى بفترة راحه

لان زوجي يحب الهدوء ويتضايق من الولد اذا بكى فطولـ ماهو في البيت احاول ان ولدي مايبكي تعبت اسكت الولد ولا اخليه يبكي وتعبت اخلي زوجي ينعم بالهدوء ويلقى اكله جاهز وبيته نظيف وانا مرتبه ونظيفه

نفسي اصرخ واقول وانا مين يحس فيا


ماعندي احد يساعدني اهلي بعيد واخوات زوجي ما يحبوني ..

ماعندي غير الله , اتمنى ما اكون طولت عليكم

بس ماكتبت موضوعي الا لأني بجد تعبانه نفسيا وبدنيا

(( ملاحظه لا تقولوا لي جيبي شغاله )) الماده لا تسمح

اختكم ام حمودي

الصورة الرمزية روحي فداك يارسولي
11-12-2010, 03:54 صباحاً
ياروحي انتي الله يعطيك القوه والعافيه وترجعي زي ماكنتي واحسن ,,,

عليك بكثرة الاستغفار وقيام الليل والدعاء حتى وانتي تشتغلين والا ماسكه طفلك حاولي تخلين ذكر الله في لسانك في كل وقت ,,,

ادعيلي بالذرية ,,
الله يفرج همك وغمك يارب
الصورة الرمزية دلع الناس
11-12-2010, 04:41 صباحاً
حبيبتي لاتضايقي نفسك كل الي قلتيه طبيعي جدا انا واخواتي نمر بنفس الشي كل شي يتغير بعد الولاده حاولي بس تنظمي وقتك وتهتمي بنفسك وعلى الالم خذي حبوب بروفين مسكنه واهتمي بولدك الله يخليه لك وبكاء الطفل بيخف تدريجيا كل ماكبر وخلي زوجك يساعدك مثلا اذا كان موجود خليه يمسك البيبي وانتي سوي شغل البيت ولاتفكري كثير ومع الوقت راح تشوفي ان كل شي اتعدل
الله يسهل عليك ولاتنسيني من دعائك
دلـــع النـــاآاآس :rose:
الصورة الرمزية قمة الابداع
11-12-2010, 06:16 صباحاً
الله يعطيك الصحة والعافيه هذا طبيعي في البدايه يكون الضغط الي تحسيه لكن حبيبتي اولا اهتميى بنفسك وراجعي طبيبة نساء وولاده تكتبلك على فتامين وكالسيوم لان احتمال يكون ماتغذيتي زين اثناء الحمل او بعده وراح تتحسن صحتك ان شاء الله .حبيبتي والله ما حد نافعك اذا اهملتي نفسك وطحتي عن حيلك الله لا يقدر الا كل خير. ثانيا :حاولي ان يشاركك زوجك في حمل الطفل وعوديه يساعدك عليه باسلوب محبب وحذاري من اسلوب الامر. قبل ان تنامي طبقي وصية الرسول صلى الله عليه وسلم فقولي سبحان الله 33 والحمد لله 33مره والله اكبر 33مره فقال عليه السلام لابنته لما جاءت تشتكي هذا خير لك من خادم
الصورة الرمزية عاشقة القلب الطاهر
11-12-2010, 11:59 صباحاً
ياروحي انتي الله يعطيك القوه والعافيه وترجعي زي ماكنتي واحسن ,,,

عليك بكثرة الاستغفار وقيام الليل والدعاء حتى وانتي تشتغلين والا ماسكه طفلك حاولي تخلين ذكر الله في لسانك في كل وقت ,,,

ادعيلي بالذرية ,,
الله يفرج همك وغمك يارب

اللهم آمين الله يفرج الحالـ واسأل الله العظيم في هذا اليوم الفضيل

ان يرزقك الذريه الصالحه والحمل المعافى السليم ويقر عينك برؤيته عاجل غير آجل الله يجزاك الجنه ويحفظ لك من تحبين ,
  • 1
  • 2
  • 3

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
اه يا قلبي تعبت والله بناات ابغى مساعدكم بليييييز الهمه الهمه ابغى حل خلاص افتحي قلبك
اخواتي ابغى مشوراتكم عاجلا الحمل والولادة
رجعت للمنتدى الرائع.والغالي على قلبي ...اخواتي ملتقى الضيافة والاهداءات
اخواتي مين تعملي ايميل بدعيلها من كل قلبي الكمبيوتر والبرامج
ابغى فزعتكم يا والداتي ويا اخواتي وظائف نسائية

جميع الأوقات بتوقيت GMT +3. الوقت الآن 12:10 مساءً.

 اتصل بنا - أعلن لدينا - سياسة الخصوصية -