• 1
  • 2
الصورة الرمزية شموخ الغامدي

ملذات الحياه...جديد حامد زيد وناصر القحطاني

11-23-2010, 17:59

قصيدة ملذات الحياه للثنائي الرائع جداً :
حامد زيد وناصر القحطاني




كلمات القصيده :


ناصر:


الله يا زين الليالي كل ما نرجع ورا
شان الزمن ياهل ترى .. والا يا عالم وش جرى
لا طعم للضحكه ولا اللقمه ولا حتى الكرى
والعمر ينقص مثل ما تنقص ملذات الحياة

ما فيه صدر الا وفاح ولا كلام الا انحكى
واللي شكا واللي بكا .. واللي على الحزن اتكا
واللي خذا له بندق و دور خويه و ارتكى
حتى افلس وضاقت عليه الأرض من كل الجهات

حامد:

كلن يجود بنيته ولكل مؤمن مانوى
الكره داء بلا دوى .. واصابعك ماهي سوى
العين تتبع ما هوت والقلب يتبع ما هوى
وان قوّم الله القيامه نسأل الله الله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراطٍ مستقيم
تعامله مثل الخوي ويعاملك مثل الخصيم
ان كانها من باب غيره ما يغار الا البنات

ناصر:


إلا على طاري النسا .. قل للنسا عل وعسى
تذكرون اللي نسى .. وتدلهون اللي قسى
وإلى تردى بعضنا .. تكفون يا جمع النسا
اخذوا الغتر والثوب واعطونا الغطاوي والعباة

يمارس الهاوي هواه من المهد لين اللحد
حتى اكثر العالم جحد .. واصبح مااحد فاضي لاحد
من قدم السبت احسب انه دايما يلقى الأحد
لاواحلالاه سنتين من العصور الماضيات

حامد:

صحيح لي قال المثل : ما كل حاجة بالفلوس
المال مايجمع نفوس .. ان عز روس يذل روس
من صار للدرهم قدر والناس تنداس وتدوس
جمع الرجال الاوفياء يغنيك عن جمع الفتات

اللي يحسب ان الرجوله فالشماغ وفي العقال
وبالضيق ماهو راس مال .. وما يعد من الرجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات

ناصر:

الفقر كرهنا بعضنا..والنبي منه استعاذ
وان ما لقى الطاير ملاذ .. العمر تاليه النفاذ
إلى اجدبت كف العزيز ولا غشاها الا الرذاذ
قل له عليك ان طعتني بالباقيات الصالحات

كن مبتسم واحذر يقال انه عبس والا بسر
حتى ولو جاك العسر.. تلقى مع العسر اليسر
اجبر خواطر وانتبه ينقال خاطرك انكسر
وارسم حلومك في البياض مربعات مربعات



حامد:

ياكثر ما عبنا الزمن واثر الزمن مافيه عيب
إن عشت ذيب ومت ذيب .. وكل فعلك فعل طيب
خذها نصيحه من مجرب قبل لا تسأل طبيب
اذا عيون الناس باتت عين ربك ما تبات

الله عطاك الموهبه والله كريم اليا وهب
لو حكيهم يشعل لهب .. واقلامهم توزن ذهب
ماتبت ايدين النبي تبت يدين ابو لهب
اللي جمع شتاتهم يقدر يرجعهم شتات

ناصر:


من هم بصعود الدرج .. لا يلتفت للي هرج
يصبر و لو حظه عرج .. والصبر مفتاح الفرج
وإن حس في صدره حرج .. والهم طول ما خرج
يجلس مع نفسه دقايق فوق سجادة صلاة

افتح عيونك للحياه أكثر وناظر في علو
لو عنك احبابك سلو .. و اعداك في كرهك غلو
والله لو تصنع من الليمون مشروبٍ حلو
كان اكتشفت الوجه الأجمل للمحن والنايبات

حامد:

ان صابك من النايبات المعضله خطبٍ جلل
واجتاحتك موجة ملل .. وإغرورقت عينك بلل
يا عل كتف الصاحب اللي ما يشيلك للشلل
ولا بارك الله بالرفيق اللي يسوي هالسوات

حتى ولو تقدر تبوق الكحل من فوق الرموش
وتجري مثل جري الوحوش .. سواة رزقك ماتحوش
يعني بلا توفيق ربك لا تهوش ولا تنوش
يالادمي ما فات مات و كل ما هو آت.. آت

ناصر:

الله على قدر النصيحة فى القديم من الزمن
كلٍّ إلى قالوا تمن .. قال أشري وصاه بثمن
واليوم الآباء قبل الابنا نصفهم ما ينضمن
وجدي على لقمان والا يا وجودي يا بْركات

تشكي مشاعرنا الجفاف وكل صدرٍ فيه خوف
أزمة ثقه وأزمة ظروف .. الكل منها ما يشوف
من كثر ما قل العدل ما عاد يرجون الضعوف
من بيت مال المسلمين ايّ صدقه وايّة زكاة

حامد:


من عزه الله في ذرانا ذي فراش وذي غطا
نعطي ولا نرجي العطا .. ولا يجي منا الخطا
نصبر على مر الليالي لو يطول ابنا البطا
بعض الاوادم لو يموت من الفقر ما قال هات

ما يجتمع كفٍ جواد ومدةٍ متباهيه
خل الاوادم لاهيه .. واعط العطايا راهيه
ياتكرم الناس بشرفها , يا تغور بداهيه
لو صدق لك نيه تجود تجود لكن من سكات -


[img][/img]
الصورة الرمزية أميره بدلعي
11-23-2010, 18:02
والله أتعب واناأقـــول رووووعه
وانصحكم تسمعونهااليمـــــــــــــــــــــــــــــــــه فوق ماتتصورووون
يسسسلمويالغلا


" أستغفر الله العظيم الذي لا إله إلا هو الحي القيوم وأتوب إليه " .

الصورة الرمزية اميرة دبي
11-24-2010, 06:56
الله عليكــ شموخ إنتقيتي من القــــصيد أعذبهــ ~


أبيات قمه فالروعــــهــ تحمل في طياتها الكثير من النصح والحكم ,,


وليست بغريبهــ علىأ عملاقي الشعر حامد زيد وناصر القحطاني ,,


شموخ دمتي ذويقه لهمس القوافي ,,


تقيم .


مودتي لـــكــٍ





و إني أقترِب ، وفي كُل إقترابًا أرى البُعد !

آذكروني بدعوه (سبحآنك اللهم وبحمدك آشهد آن لاإله إلا أنت آستغفرك وآتوب إليك)
الصورة الرمزية عشقت غامدية
11-24-2010, 18:35
بصــــــــــــــــراحة أبدعتــــــــــــي يا شمووخ
ماذا أقـــــــــــــول عن تلك الكلمات التى هي أمامــــــــــي أعجز في التعبير عند الوقوف في صفحتك أشكرك على الذووق
عشقت غمدية



يارب لطفـــك وعونـــك

أدوات الموضوع
انواع عرض الموضوع


المواضيع المتشابهه
الموضوع المنتدى
فستان جديد لأبنة بنت اختى هنوده جامد اوى قسم ابداعات منتدى سيدتي
=ملذات الحـــــــــــــــياة= خواطر وعذب الكلام
قصيدة حامد وناصر في مدح الرسول صلى الله عليه وسلم... همس القوافي
قصيده رائعة اتمنى تعجبكم وهي دويتوا بين حامد زيد وناصر القحطاني عن الرسول ص همس القوافي

جميع الأوقات بتوقيت GMT +3. الوقت الآن 05:08.