• 1
  • 2
الصورة الرمزية ام بدر123

نصائح غالية ليلة الزفاف

01-07-2011, 08:26 مساءً


نصيحة أب لابنته ليلة زفافها








حبيبتي بنتي .. ياللى في جوازك الكــون لفرحي مـا يكفنيش


اليوم زفافك لبيت عريسك عـــن جو طبعــه مـا تعرفيش



وعشان يحبك وتكوني زوجته وغاليـة عنده ما ترخصيش


حاقول نصيحة بس أسمعيها وحياة عنيكى ما تقاطعنيش


عشان يا بنتي من غير مشاكل في بيت راجلنا عايزين نعيش



خليكى دايما وياه قنوعة وكوني راضية ما تطمعيش


وشئ ما يقدر عليه بلاش وأي مرهق ما تطلبش



وقولي دايما نعم وحاضر وفى المطالب ما ترفضيش


وفى كل ساعة أوامره طاعة وعنه نفسك ما تفضليش



عشان يا بنتي من غير مشاكل في بيت راجلنا عايزين نعيش



وكوني دايما أجمـل جميله وفى الـمرايه ما تهمليش


وأن شوفتى شكلك ما يكونش رايق قـدام عيونـه ما تظهريش


وتخللي ريحتك ريحة جناين والعطر عــندك ما تكسليش


وأتزوقى له 00 وأتعطرى له مدام لجوزك ما يضركيش


عشان يا بنتي من غير مشاكل في بيت راجلنا عايزين نعيش



وأكلـــه دايما تجهـــزيه له وعن ميعاده متأخريش


أحسن يا بنتي الجوع ده مؤلم والبطن فاجرة ما بتختشيش



وأن نام شويه يرتاح له ساعة في وقت نومه ما تهيصيش


مش هو يبقى شقيان عشانك وفى وقت نومه ما تريحيش



عشان يا بنتي من غير مشاكل في بيت راجلنا عايزين نعيش


والبيت تحافظي عليه بعنيكى وفى كتر ماله ما تبعزقيش



وان جبتي منه عيال راعيهم وعـلميهـم ما تجهليش


وسره أوعى تقوليه لأبوكى عشان في عينه ما تصغريش



وبره بيته لأهم طارئ من قبل أذنه ما تخرجيش


عشان يا بنتي من غير مشاكل في بيت راجلنا عايزين نعيش


وان شوفتى جوزك زعلان شويه في هم وشه ما تفرحيش


وان كان مفرفش وجوه رايق فى صفو جوه ما تعكريش



بادليه تمللى ظروف حياته وكوني منه ما تفرقيش


وبين حماتك وأخت جوزك كوني محبه ما تكرهيش



عشان يا بنتي من غير مشاكل في بيت راجلنا عايزين نعيش


وان حد قالك كلام في حقه من غير عنيكى ما تصدقيش



وان غيرتي غيري عليه شويه مش غيرة نارها ما تنطفيش


ولو مشيتي في نور كلامي حاتعيشى طبعا وزعل مفيـش


والله يبارك ليكى في جوزك وتجينى زايره ما تغضبيش



وأنا تحت أمرك و أقول معاكى في بيت راجلنا عايزين نعيش


ولازم نعيش

من اختكم ام بدر
اتمنى اعرف رايكم

سبحان الله وبحمده ...سبحان الله العظيم
الصورة الرمزية سمادي الجفالي
الصورة الرمزية shyery
01-08-2011, 05:14 صباحاً
فعلا اكثر من روعة
تسلملنا يا حبيبة قلبى
الصورة الرمزية ام بدر123
01-08-2011, 06:15 صباحاً
رووووعه الله يعطيك الف عاااافيه
الرائع مرورك على صفحتى عزيزتى
سبحان الله وبحمده ...سبحان الله العظيم

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
نصائح غالية نادي سيدتي
نصائح غالية منتدى البيت الإسلامي
نصائح غالية لشعرك صالون العنايه بالشعر
نصائح للاسترخاء ليلة الزفاف عروس سيدتي
نصائح و إرشادات غالية منتدى البيت الإسلامي

جميع الأوقات بتوقيت GMT +3. الوقت الآن 01:09 مساءً.