الصورة الرمزية ميسون المغربي

اسبوع الاطباق الرئيسية~ طبخة محشي الكوسا وورق العنب ...ولحمة الكستليته...

01-12-2011, 02:59 صباحاً




اداريات المنتدى ..ومشرفاته ..وعضواته .....


اسعد الله اوقاتكم جميعا..واشكر مشرفاتنا الرائعات ....
طائر الوئام....وبيلسان ..عالمسابقه الرائعه.
وان شاءالله نقدم لكم اطباق تنال اعجابكم....



طبختي راح تكون كوسا محشي مع ورق العنب ..ولحمة الكستليته..


مكونات الطبخه....


طبعا كوسا ..وورق عنب مسلوق ..ولحمة كستليته..ولحمه مفرومه للحشي
وطبعا بهارات اكل..وملح ..وزيت ذره..وزيت زيتون..ورز..وبندوره..خل
..لعمل التتبيله..
5حبات توم مدقوق ناعم....وملعقة شطه كبيره..وليمونتين معصورات

..الطريقه..
طبعا نشيل قمع الكوسا ونغسلها جيدا..وننقع الرز ..بماء فاتر..
ونسلق ورق العنب ..طبعا انا مفرزته بالتلاجه ..لانه مش وقته هلاء.
ونحفر الكوسا ..وبعد ما يكون الرز نقع جيدا..نغسله جيدا..ونضيف
عليه اللحمه المفرومه..والملح والبهارات حسب الرغبه..
وزيت الذره ونخلطهم سوى ونجهز الحشوه ...


ونبدا بحشي الكوسا..كلكم اكيد بتعرفوا كيف تحشوها....
وبعد الحشي ..نلف ورق العنب بشكل مرتب طبعا ..
وبعد ان نجهز اجميع انا بنقع لحمة الكستليته بزيت زيتون مع الخل
والبهارات..والملح مدة ساعه تقريبا..وبقطع شرائح البندوره
وبصفهم بقاع الطنجره..وبصف فوقهم اللحمه..وبعدين الكوسا بصفها بشكل دائري..


ونفس الشيء بصف ورق العنب بشكل دائري ومرتب
حتى لما اقلبها بس تنضج يكون شكلها مرتب ..لانه العين اللي بتاكل.
وبعد ما اجهز الطنجره ...بضيف عليها الماء والملح حسب الرغبه..
وبس تغلي بضيف عليها عصير ليمونه وزيت زيتون ..
واتركها عنار هاديه حتى تنضج جيدا...وبعدما تنضج اقلب الطنجره بصدر..


بكون شكلها متل قالب الكيك....ههههههه.
وبعدين اجهز السفره ..وطبعا بتتقدم مع اللبن .واحيانا سلطه ..
وان شاءالله تكون عجبتكم طبختي ..عفكره طيبه كتير طلعت..
واشكركم عصبركم علي ...وان شاءالله تنال اعجابكم طبختي





































يارب ترحم ابني حمزه
وتجمعني فيه بجنات النعيم
ياالله ترحم طارق وتنور قبره يارب
وتصبر امه وتثبتها عالدين والايمان يارب
(استودعت الله ديني وامانتي وذريتي وزوجي وقلبي وقلب ذريتي وقلب زوجي وسمعهم وابصارهم وفروجهم وجميع جوارحهم )
الصورة الرمزية nfma
01-12-2011, 04:09 صباحاً
ياسلاااااااااااااااااااااام كيف زبطت تطلع قالب والله فنانه يا ميسون ماشاء الله عليكي وانا لهلا مابسترجي احط الكوسا تحت والدوالي فوق بخاف مايزبط بس كيف انتي زبطت معك ومانزلو وماصارلهم شي والله فنانه ماشاء الله عليكي تسلم الايادي ويعطيكي الف عافيه واحلى تقييم
اجعل كلام الناس كالتراب ان لم يطر به الهوآء فهو يدآس
الصورة الرمزية nfma
01-12-2011, 04:10 صباحاً
صحيح مين الي حفر كل هالكوسا هههههههههههههههههه والله بده جهد خصوصا انهم صغار
اجعل كلام الناس كالتراب ان لم يطر به الهوآء فهو يدآس
01-12-2011, 04:38 صباحاً
ماشاء الله
تسلم ايدك عمري ميسون
شكلها يشبه اكله عراقيه اسمها دولمه
بارك الله فيك

ودي وتحيتي
الصورة الرمزية طائرالوئام
01-12-2011, 05:52 صباحاً
تسلم ايدك حبيبتي ميسووووون

محاشي كتير حلوة

واهم شي انو مو متضحك فيها الكوسا ولا اليبرا {يعني فارط وطالع منو الرز}


بيتك عامر ياقمر
الله يوفقك يارب:)


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
محشي السلق وورق العنب بقدر واحد من مطبخي بالصور الأطباق الرئيسية
محشي الكوسا بصلصة الطحينة أطباق منوعه
تطبيق الكوسا محشي للاخت حواء الشام ولب الكوسا طريقتي تطبيقات العضوات
فيديوهات لعمل الاطباق الرئيسية جديد المواضيع المكررة والمخالفه
[ فهــرس ] المواضيع المميزة لقسم الاطباق الرئيسية أطباق منوعه

جميع الأوقات بتوقيت GMT +3. الوقت الآن 05:01 صباحاً.