الصورة الرمزية ..ღ أحـلام الـدنيـا ღ..

فيتامين وقف تساقط شعري في اسبوع الله يشهد علي..

01-27-2011, 06:08 مساءً



(تجــربة منقولــــه للفــائدة)
هذا اول موضوع لي في هذا المنتدى الاكثر من رائع
اولا بقولكم قصه شعري الحبيب
قبل سنه ياطويلات العمر ميشت شعري وطلع مو حلو وفوق هذا تقطع
واضطريت اصبغه اسود ثاني يوم وسبب لي تساقط لشعري
وبعدها بفتره استخدمت حبوب تنزل الدوره "كرم الله وجيهكم" لانها تأخرت عندي
وليتني ماأخذتها لانها زادت تساقط الشعر بشكل بشع..
وبعدها صار عندي ظروف صعبه وتعبت نفسيتي
وتعرفون ان النفسيه تأثر كثير في الشعر وزاااااااد التساااقط اكثر واكثر
يعني كلها في فتره وحده لعنت ابو حال شعري..
يابنات مهما وصفت لكم كيف كان شعري وكيف صار ماقدر اعبر
والله العظيم كانو البنات يمشون وراي ويشدونه عشان
يتأكدون انه مو باروكه من كثره ونعومته وحيويته يشهد الله..
وكيف صار بعدين اطالع فيه اقول والله ماهو شعري هذا
اصبح قليل بشكل لا يصدق فوق هذا تقصف وعليهم خشووونه
يابنات احذروو الصبغات اكثر شي دمر شعري اهي
لاتفكرونها بعد فتره يطلع شعر جديد كثر الصبغات
يأثر في فروة الرأس ويغير نوعية الشعر صح كنت اصبغ سنين طويله
وشعري يجنن والكل يمدحه لكن مع الوقت يتغير عليكم ولا عاد ينفع الندم
مشكلتي مع شعري كانت التساقط الفضيــــــــع
فراشي كله شعر ارضية غرفتي كلها شعر الحمام الله يكرمكم كله شعر
سنه كاااامله والله سنه وهو يتساقط الين اقسم بالله قربت اصلع
ونفسيتي تعبت جربت كل شي مانفع ..
اخر شي قبل شهر قريت عن حبوب "فيتامينات"
وهي حبوب الزنك وتحتوي الكثير من الفيتامينات..
وقريت عن فوايده في وقف تساقط الشعر وتصفحت قوقل الين شبعت
عشان اتأكد منها
وقلت اجرب واتوكل على الله
والله يابنات والله وهذا شي انا جربته لا هو منقول ولا احد قالي عليه
وقف تساقط شعري من اول اسبوع 90%
تتخيلون كيف 90% وقف التساقط واقسم بالله ماابالغ
ولا نزلت موضوعي الا لاني احس باللي مثلي تعاني وصرت انصح البنات اللي حولي
وكلهم استخدموه ..
اسم الحبوب ماتيرنا وهي اكثر شي يستخدمونها الحوامل لانها كلها فيتامينات
تعوضهم الفيتامينات اللي تنقص ..ماتشوفون كيف شعر الحامل دايما يجنن
لانها تستخدم فيتامينات طول فترة حملها..
وهاذي صوره الحبوب





فيها 100 حبه وبـ27 ريال بس تلقونها في اي صيدليه
وتاكلين حبه وحده باليوم واهتمي بالوقت خذيها بنفس الساعه


وبتقرون عليها كلها فيتامينات تنفعك ماتضرك..
يعلم الله اني قريت عنها في المنتديات قبل استخدمها وجربتها
وفررررررحت لما صرت اسحب شعري مايطلع شعر ولا يتساقط
واغسله بالشامبوو اقسم بالله بس كم شعره تنزل
وبعد مارتحت من التساقط قلت الحمد لله دامها انحلت المشكله هاذي
ببدا اعتني في شعري خارجيا واول شي استخدمته زيت سمسم+زيت جرجير +فص ثوم مبشور
على النار الين يدفى وافرك فيها شعري واحطه على كامل الشعر
بتلقين نعوووووومه فضيييييييييعه ولاتقولو ريحة الثوم ماتروح والله تروح يابنات اغسلوه زين وحطي فاشكول او بلسم ..
الثوم يابنات منبت للشعر ماتتخيلون فوايده
وبعد الحمام بخور وعوده والله مالها اثر الريحه
وانشاء الله ببدا في برنامج الاخت حور ..
ادررري طولت عليكم حيل بس للامانه اقول قصتي كامله مع شعري
والحمد لله شعري اكثر من اول وسااايح صح باقي في بداية تحسنه بس احسن بكثير من اول
والطول انا خلقه شعري يطول بسرعه ماعندي مشكله مع الطول
التساقط اللي كان متعبني والحمد لله لقيت له حل واتمنى الكل يستفيد..


ملاحظه: سمعت من البعض انو لو وقفتيها يرجع التساقط والله أعلم لكن ماني ناويه اوقفها انا
دامها فيتامينات مابتضرني ..


لكم ودي
لـ حفظ الموضوع والإستفاده منه إستخدمى هذا الرابط :
فيتامين وقف تساقط شعري في اسبوع الله يشهد علي..
http://forum.sedty.com/t380259.html



الصورة الرمزية ..ღ أحـلام الـدنيـا ღ..
الصورة الرمزية شعور طفله
01-27-2011, 07:16 مساءً
يشرفني اني اكون اول من يرد عليكي حبيبتي احلام مميزه دوما موضوعك رائع تقبلي مروري
ليس العيد لمن لبس الجديد....انما العيد لمن مات علي التوحيد




نعيب زماننا والعيب فينا ::: وليس لزماننا عيب سوانا
الصورة الرمزية ..ღ أحـلام الـدنيـا ღ..

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
الي حابه زيوت طبيعيه لتطويل وايقاف تساقط الشعر مع فيتامين e عروض متنوعه
حكايتي مع تساقط شعري مشاكل الشعر والإستفسارات
ساعدوووووووووووووني تساقط شعري مشاكل الشعر والإستفسارات

جميع الأوقات بتوقيت GMT +3. الوقت الآن 04:00 مساءً.