زوجي مايفكر الا في راحته

04-02-2011, 06:02

السلام عليكم..

كيف حالكم؟؟

أنا عمري 21 سنه متزوجه صار لي 3 سنوات ونص ساكنه عند اهل زوجي في شقه في الدور الثاني

في منطقة بعيده عن اهلي..

المشكله ان اهله بعد ماتزوجت تغيروا معايه كثير صاروا مايطيقون وجهي

وعمتي مع بناتها في كل شي

احيان انزل تكون معاي عادي واحيان تعطيني ظهرها وبالقووه تكلمني !!!

مع اني وربي في حااااالي وماعمري اذيتهم في شي ..

احس حياتي ماشيه على كيفهم اول ماتزوجت كانوا دايم يطلعوا يتمشو معايه انا وازوجي

وكنت اتضايق واحاول اني ماابين بس غصب عني احيان يظهر علي..

ودي اجلس مع زوجي براحتنا وهذا من حقي وهم موصغار عشان اقول مايفهمون

كلهم متوظفات واكبر مني..

وكان زوجي يقهرني انه يعدي من الباب اللي عندهم يعني ندخل بيتهم بعدين نطلع عالشارع اذا كنا بنطلع محل

وبكذا لازم يعرفو وين طالعه ومن وين راجعه

وكنت المح له واقول له احيان واحسه يزعل ..

زوجي طيب ويحبببهم اكثر مني وشخصيته ضعيفه

هو دوامه من الصباح الين العصر واحيان يجي المغرب

يرجع يتغدا وينام ساعتين وبعدها ينزل لأهله اللي طلباتهم ماتخلص

بالرغم من ان عندهم اخ غيره مومتزوج وفاضي لهم بس مااايبغو الا زوجي يوديهم ويجيب لهم

حتى اختهم المتزوجه!! وبعد كذا يطلع مع اصحابه الين الساعه 1

ويرجع ينام..
متفقين انا وهو ان يوم الاربعاء والخميس هذي لي انا بس لاننا مايمدينا نجلس مع بعض كثير

ومايقصر يطلعني.. احيان يطلعوا معانا واكثر الاحيان يروحوا يسيروا

وانا طبعا مااروح معاهم لاني ابجلس مع زوجي ولان مساييرهم ماتعجبني

عشان يتجمعوا امة لااله الا الله كلللهم ويحرجو صاحبة البيت لاتكفيهم كاسات ولاصحون ولاملاعق وغير كذا يجلسو من بعد صلاة العشا

الين الساعه 1 او 2 يطلعو من عند الادميه وهي تعبااانه تجلس سادحه عالفراش يومين ماتقدر تقوم من ظهرها <<هذا مسيار والا انتقام؟

لا وكل وحده تبغى تسير وماتبغى احد يجيها.. المهم..

.. ترجع عمتي معصبه مني وتمسك ولدها

تقول له الحريم يسألون عن زوجتك وانا منحرجه مدري ايش اقول لهم

وقالو.. وقالوا .. وقالوا .. هي من جهه وبناتها من جهه وكلام من عندهم

يجي هو معصصب ووجهه متغير

دايم اقوله ليش مايقولون لي انا ؟؟ هذا شي يخصني انا ليش يقولون لك انت؟؟؟ يقوللي قالولك ورفضتي تروحين معاهم

وبعد مايعبون راسه مايكتفون.. يروحون لعمي
ويعبون راسه..

لا ويقولون له ماتجي عندنا ولانشوفها(طبعا عمي اغلب الاوقات يكون مسافر او مشغول برا البيت)

وانا والله مااجلس عن بيتهم 3 او 4 ايام وانزل

ولما انزل يهزئني قدامهم كلهم وهم يضحكون عاد شوفو موقفي وقتها

دااايم كذا ولما اقوله انا دايم انزل مايصدقني..

فقررت بعد ماخلصت دراستي اني انزل عند عمتي كل يوم الصباح

وربي كنت انزل عندها كل يوم ولما امرض ماانزل يقولون مدلعه مافيها شي ماتنزل عندنا ولانشوفها و .. ووو ...

ولما اسافر ارجع من عند اهلي النفسيه تعبانه والقى استقبال تعبان

ماابغاهم يرحبو فيني ويجلسوني لا بس عالاقل الوحده تقوم زين تسلم عليه

الحين انا خلصت الدراسه قلت ابشرد عند اهلي اريح نفسيتي لاني من جد تعببببت

سافرت وعمتي تخاصم تقول ماقلنا لها اننا مسافرين!!
هوبيوصلني ويرجع

واحنا حجزنا متأخر بالليل اول ماحجز قال لها

وربي اني سلمت عليها وهي معطيتني ظهرها بعد ماقالت لي كلام يسم البدن

ولما سافرنا مافكروا يدقوا يتطمنوا علينا انا لايتطمنوا عليه شكككرا بس ولدها عالاقل تقول له وينك

وربي هو دق عليها وقالت له ماابغى اكلمك وقفلت السماعه بوجهه

وصلت عند اهلي ورجع زوجي لأهله وجلست كم يوم قالت امي اتصلي على عمتك عيب

وانا اتضايقت قلت لها ياامي بلييز مااقدر قالت

لازم تتصلين قلت طييب كلمتها وهي بالقوووه تكلمني

بعد ماقلت لها كيف حالك وكيف حال البنات قالت طيبين هاتي امك

يعني ماتبغى تكلمني وتقول لأبوي بنتك اعتبرها بنتي قبل ماتتزوج ولدي

عشان ابوي مايصدقني ان قلت عنهم شي وقبل يومين ابوي هزئني عشانها
وكمان دعا عليه والسبب هي

حسسسسبي الله

اتمنى اني انقل من عننندهم بأي طريقه بس زوجي راااافض

يقول اهلي مرتاح عندهم ووظيفتي ماراح القى راتب اعلى منها

قلت له ماتهمني فلوس الدنيا كلها اهم شي راحتي

ومولازم نسكن عند اهلي نروح المكان اللي تبغاه بس ننننقل

مااافيه فايده ولاعارفه كيف اقنعه..

تعببت مرررره تعبببت مستحيل اقدر ارجع لهم

مستحييييييييييل يكفييييني اللي جاني هذي الروايه كلها اللي قلتها مختصره جدا
كثير قالو لي جامليهم عالاقل قدام اهلك عشان مايثبت الحق معاهم

بس بصراحه مو من طبعي اجااامل وماني قادره اصلا..

سااعدووني ايش اسوي لاتقولون ارجعي عشان زوجك وربي نفسيتي مييييييح مااقدر ارجع لهم

وزوجي احس انه ماهمه لو يهمه كان نقلني من زمان..

ولاتقولون جاملي مااعرف اجامل ولااحب وخصوصا هم مااقدر اجاملهم نهاااائي.

انتظر الحلول

الصورة الرمزية « حـرgف من الرgحـ »
04-02-2011, 15:33
حبيبتي الحل الوحيييد تنقلين من عندهم صدقيييني عمرج ماراح ترتاحين وهذا حالج..وانتي بتعرفين قصدي اذا سافرتي بعيد انتي وزوجج شوفي شلون يصير معاج عسسسل...لان الاهل اللي كذا تاثيرهم جدا سيء على الولد وعلى طريقة معيشته ومعاملته لزوجته...خليج حاسمه انتي قدامج حياه اذا كانت بالطريقه هذي ودعي راحة البال..بترتاحين اخذي موقف..اي نعم اخذي موقف لمصلحتج ترى لاهو عيب ولاحرام..حتى ربي سبحانه حط انه للزوجه حق في بييت شرعي..حتى لو اهلج عارضوج شوووفي مصلحتج ولاتردين على احد..قوليله خليك بوظيفتك بس اجرلي بشقه حتى لو غرفه بعيد عن اهلك عشان المشاكل..لو صرتوا بعيد بتصيرون غاليين ساعتها تشوفين النفاق والغلا ومسايير اخر الاسبوع ويطلعون من عندج وانتي منتهيه مثل ماكانو يسوون مع الحريم الثانيات خخخخخخ..الدنيا معاج طالما مافيه شي يجبرج..صممي على انج تطلعين.انتي مقتنعه انه من مصلحتج لاتردين على غيرج...محد يستهال تتنازلين عشانه نفسي ومن بعدي الطوفااان...والله العمر واحد والرب واحد هي عيشه عيشه يا اعيشها صح ولا بلاها..موفقه فديتج..

زوجي مايفكر الا في راحته
زوجي مايفكر الا في راحته
الصورة الرمزية قلب امي؟
04-02-2011, 15:48
الحل الوحيد هو ان تقنعي زوجك بأن يجد لكم منزلا خاصا بكم لوحدكم وبهذا راحة جميع الاطراف

زوجي مايفكر الا في راحته
04-02-2011, 19:13


الحل اذا ماراح ينقل زوجك انك تكونين قوووويه وقد حالك

اللي يزعل بالطقاااق يزعل ويرضى بنفسه

واذا ماتبغين تروحين قولي ماابغى

وبالنسبه لزوجك اذا عندكم باب خارجي من غير مايمر من عندهم اذا طلعتوا

قولي له بلييييز استحي امر من عندهم ولا اي شي بالطيييب يعني

واذا رفض قولي ماابغى اروح ومره ع مررره راح يوافق

بس لاتتوقعين يوافق من اول مرررررره

والله يعينك



04-02-2011, 21:30
اساسا عمك ماله عليك حتى يهزائك

واحتسبي عن الله
والصبر وثم الصبر
وادعي الله
ان يلين قلب زوجك عليك

الصورة الرمزية القلب السكن
04-03-2011, 04:11
حبيبتي دهيد خليك دائما مع الله سبحانه وتعالى وعليك بادعاء

حاولي دائما ان تجعلي منه شخص قوي جدا أمام اهله يعني تزرعين الخوف في قلوبهم مثلا تقولين

انتبهو من فلان تروه يعصب لمن يشوف كذا وما يحب كذا ييعني خليله هيبه قدام اهله

حاولي انه ماينبسط الا بوجودك مهما كانت الجلسة مع اهله

اعطيه كل مايبغى من متطلبات الحياة الزوجية لا تخلينه ينقصه شئ من اكل من فراش خليه ماعاد يقدر يطلع

من الشقة يعني هيئ له وسائل الراحة اسقبليه بوجه بشوش وهيئ له غرفة النوم من حيث النظافة

والروائح الزكية والهدوء التام وإذا صحى من النوم يكون جهزتي له القهوه والحلى والبسي ملابس مغرية

ورتبي نفسك وخليك انيقة جدا واجلسي بجنبه ودلعيه ومع الكلام الحلو راح ينس الدنيا وما فيها

وحاجتين اذا وفرتها المراءة لزوجها كل شي يصير على ماتبغين

اشبعي بطنه--وفرجه واسالي مجرب ولاتسالي طبيب

بالنسبة لاهله خليك طيبه معاهم وفي نفس الوقت لاتخلين احد يدوسلك ع طرف ok

خليك في شقتك ولاتزورينهم الا يو م واحد في الاسبوع

ومثل ماوصيتك زوجك اهم من كل شي واهم شي الكلام الحلووووووووو

اتمنى لك ياختي العزيزة حياة سعيدة ادعيلي بالشفاء

الصورة الرمزية روح الأمل
04-03-2011, 04:34
مثل ما قالت الاخت الي قبلي حاولي تكسبيهم بالطيب

وبعد اقول لك مو كل تصرف يتصرفونه تدققي عليه وتحطي ببالك وتنقهرين طنشي
عامليهم بطيب لاني حسيت مشاكلكم مو المشاكل الي ما تقدرين تتحملينها احتسبي الاجر وان شاء الله كل شيء بيهون عندك
طيب اذا زوجك مايقدر ينقل بتركينه؟


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
زوجى زوجى زوجى زوجى بصراحه بموت في هالكلمه الحياة الزوجية
زوجي مايناظرني..زوجي ماينام معي زين..زوجي وزوجي... الحياة الزوجية
موضوعي يهم كل متزوجه تحب زوجها وتبغى راحته الحياة الزوجية
اغرب فيديو رايته للمواضيع الفكاهيه
لايفوتكم صور لمنزل عضوة اذا رايته قد تعرفينها المواضيع المكررة

جميع الأوقات بتوقيت GMT +3. الوقت الآن 11:25.