أبي الستر والعفاف يارحمن رحمتك

04-21-2011, 05:55 مساءً


السلام عليكم
كيفكم

بالاول اسال الله العظيم الكريم المنان الرحيم ان يجزي صاحبة فكرة مشكلتي خير الجزاء ويرزقها جنة عرضها السماوات والارض قولوا معي امين


ثانيا "" مشكلتي يابنات يمكن تشوفوها ماهي مشكلة بس تزعجني بسبب نظرة الناس اللي تكفي عن الكلام

مشكلتي اني [ بنت ] سمراء البشرة وممتلئة ماشاء الله عليّ والحمدلله انا راضية باللي ربي كاتبة لي والحمدلله انا احسن من غيري بس ليش في ذا الزمن البنت السمراء والسمينة ماهي مرغوبة لأن تكون أم وزوجة صالحة ؟؟؟

وربي اني على خلق ودين وأخاف ربي وملتزمة ولله الحمد ولااناظر افلام اومسلسلات ولااسمع أغاني او احضر مجالس فسق وهذا الشي اسويه لرضا رب العالمين ماهو عشاااااان يمدحون فيني الناس ٍٍٍٍ ٍ ٍ

لكن وللأسف في وقتنا الحاضر الناس تنظر وترغب بالبنت الرشيقة البيضاء حتى لو كانت اخلاقها صفر وتكون على العين والراس

بس البنت الطيبة اللي تخاف ربي محد يقرب بابها ولاحتى يفكر فيها !!! لييييييش ؟؟؟
عشانها سمراء وسمينة

ليش يعني هي ماعندها مشاعر واحاسيس ماهي تبي تكون زوجة صالحة ومربية أجيال ماتبي الستر والعفاف بالحلال في هذا الزمن اللي الوحدة تخاف على نفسها من الانزلاق في الهاوية والحرام

طيب اذا البنت السمراء والسمينة مهي مرغوبة منو يتزوجها ؟؟؟

انا دايم افكر في حالي وحال البنات اللي مثلي وانا مؤمنة بربي انه ماراح يخذلني

وانا ماكتبت تجربتي الا من تجربتين

التجربة الأولى : قبل كم سنة خطبني واحد ومشت الأمور تمام والخطيب كان من القرايب يوم قربت الملكة قال لأهلي ابي أشوفها النظرة الشرعية قالوا اهلي ليش غريبة يعني وهو خاطبني كان ماعنده نية يشوفني النظرة الشرعية قام يتلثعم ومدري ايش قال يمكن تكون سمينة وانا ماحب السمينة !!! طبعاً انا رفضت وهو من حقة يشوفني بس انا رفضت وبعدهاااااااااا كنسل الخطبة قال خلاص انا مابيها قالها بكل صراحة لأهلي والمشكلة انه سمين وأسمر !!!
وبعدها نفسيتي عدم وصرت ماحب اقابل الناس والله غصب بس بصراحة صرت أستحي من نفسي لما أشوف نفسي بالمراية وفقدت ثقتي بنفسي بشكل ماتتصورون

هذي السالفة مضى عليها سنوات لكن الجرح مامضى مني الا بعد فترة طويلة واستعدت جزء من ثقتي بنفسي الى ان جاء يوم وتقدم لخطبتي شاب اخر وجأوا أهل الخطيب عشان يشوفوني وجلست معهم بس مدري من اول مادخلت حسيت بهم انهم كشروا يوم شافوني قلت يمكن من ابليس وسكت وجلست وقدمت لهم الضيافة
وطلعوا من عندنا وقالوا الله يستر عليها ولدنا يبي وحدة رشيقة !!!

شفتوا كيف الفاجعة والصدمة النفسية يمكن مايتخيلها الا اللي عاشت مثل موقفي والله اني انطعنت وانجرحت جرح لايمكن يتصورة الا من جربت مثل اللي جربت

انتهت مشكلتي بس مابرأ جرحي والتعليقات الساخرة عليّ ماانتهت ،،،

اشكركم على طولت بالكم معاي وقرائتكم لمعاناتي والله يابنات جربت خلطات كثيرة عشان تبيضني وكنت ابيض خلال الفترة اللي استخدمها لكن اذا تركتها يرجع السمار
والرجيم كل ماسويته يفشل طيب وش اسوي ربي كاتب ذا الشي لي ولااعتراض على امر ربي

تكفون قولوا لي ماذا افعل ابي اتزوج ابي احصن نفسي ابي اطفال ابي أعيش عيشة سعيدة في كنف زوج محب وطفل بار

صدقوني يابنات انا ماني صغيرة انا جاوزت الثلاثين وانا انتظر وفرج ربي قريب ودايما ادعي ربي يحفظني من الحرام ويرحمني بزوج صالح محب يخاف الله فيني

يارب اتوسل اليك بكل عرق ينبض فيني وبكل شريان يتحرك في جسدي بقدرتك ياعليّ ياكريم يارحيم ان ترحمني برحمتك وان ترزقني زوجا صالح محبا مخموم القلب يخافك فيني وان تستر علي وتحفظ علي ديني وعفافي
يارب استجب دعائي وحقق امنيتي وارزقني بطفل بالحلال اضمة بين جوانحي واشم ريحته واداعبه مداعبة حب وحنان ياربي استجب لأمتك التي سكبت دموعها لك وشوقاً وطمعاً في رحمتك لها بزوج يحبها وطفل تحمله بين ذراعيها يارب امين وجميع بنات المسلمين يارب

أختكم /// المشتاقة لزوج صالح محب وضمة طفل معافى

الصورة الرمزية D L O 3 T K
04-22-2011, 01:10 صباحاً
لي بـآكَ بإذن لله

رفففع
كلّ مَآعَليناَ هو : أنْ نتنفسَ بِ هدوءْ وَنرضى بكلّ أحوالنآ أفليست أقدارنا مكتوبه , منْذُ زمن /
زوروآ مدونتي خوآطري
04-22-2011, 03:09 صباحاً
أسأل الله العظيم رب العرش الكريم ان يرزقك زوج يخاف الله يتقيه ويحبك حبآ لايرئ بعدك أحد
كم وحده أعرفهآ بمواصفاتك وتزوجتك وسعيدددده
ثقي
أن نصيبك ماجا بآقي وأكيد
مالك في الي راحوا خير
إلزمي الإستغفآر
الصورة الرمزية بعثرة فكر .. !!
04-22-2011, 03:30 صباحاً
عزيزتي ..

لا البشره ولا السمنه ولا اي شي بالدنيا يوقف قدام النصيب
هذي بالبدايه حطيها قدام عيونك ..!
ثاني شي كل اللي انصرفوا عنك .. هذا بأمر الله
وصدقيني بماإنك تخافي الله .. وصاينه نفسك
ومبعدهـ عن المعاصي .. فهذي نعمة وبشارة خير لك
وبإذن الله بكذا كسبتي الدنيا والأخرهـ ..
ويمكن ربنا صارفهم عنكم .. لحكمه يريدها..
ويمكن ماراح يسعدونك .. او هما ماهم تمام
وربنا رايد لك الأفضل

..

صدقيني نصيبك الين الان ماجاء ..
ويمكن ربنا موكاتب لك نصيب بالدنيا ..
وبيعوضك بشي بالاخرهـ ..
أنا حاسه والله بإحساسك وحاسه باللي تبينه ..
بس مابغى هالشي يكون كل تفكيرك
ابغاك تعيشي يومك .. وتروحي وتجي ..
وتتبسطي بحياتك ..
لاتخلي الهدف الأول بحياتك الزواج ..
وإنه هالشي هو اللي راح يسعدك ويفرحك ويغير حياتك
خليه شي اذا جاء جاء واذا ماجاء فهذا نصيب من الله
والاخرهـ بتكون آحلي .. بإذن الله ..

..

أسسسال الله وبهذي الساعه .. بإن الله يبشرك
بالزوج الحلال اللي يسعدك بالدنيا ..
وبالذريه الصالحه اللي تتمنيها ..
ولكل بنت من بنات المسلمين ..

..

دعواتك ..

موفقه يارب

:/



يقول ابن القيم
(( إذا دعوت الله فأنت رابح إما أن يجيب الله دعوتك أو يصرف
عنك من الشر بقدرها او يدخرها لك ثوابها يوم القيامه))
وحشتوووني حيل
04-22-2011, 07:57 صباحاً
نصيبك ما جاء لا تخافي ياقلبي والله اعرف بنات تزوج واعمارهم تعدت 30 بكثير الله يرزقك الزوج الصالح ويرزقني الفرج القريب في مصيبتي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
اللهم إني أسألك الهدى والتقى , والعفاف والغنى منتدى البيت الإسلامي
ارجو رضاك يارحمن الحمل والولادة
أمحو يارحمن وزري الـتصميم والجرافـيكس
يا بنت الطهر والعفاف مهلا فانك في خطر ... منتدى البيت الإسلامي

جميع الأوقات بتوقيت GMT +3. الوقت الآن 06:14 صباحاً.

 اتصل بنا - أعلن لدينا - سياسة الخصوصية -