أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحمل والولادة



قصة ولادتي .......... تعب >> صراخ >> ولادة


جديد مواضيع الحمل والولادة


إضافة رد

  • Facebook

  • Twitter

Sponsored Links
لتبييض البشرة بتقنية المانيه لتحصلي على 9 درجات بياض في 3 جلسات الشركة العربيه للجلديات اتصلي بنا 0112042840 / 0114384888
  #1  
قديم 05-15-2011, 16:36
:: سيدة مميـزه ::
الصورة الرمزية هبه الدلوعة
 
معلومات العضو
التسجيل: Mar 2010
العضوية: 165153
المشاركات: 3,868 [+]
بمعدل : 1.63 يوميا
اخر زياره : [+]
الدوله : الاردن . الزرقاء
نقاط التقييم: 4248
icon25 قصة ولادتي .......... تعب >> صراخ >> ولادة



بسم الله الرحمن الرحيم
السلام عليكم ورحمة الله وبركاته

مرحبا يا حلوين اليوم حبيت انقل لكم قصة ولادتي وبالبداية احب اشكر مشرفات قسم الحمل والولادة والعضوات المميزات فيه على المواضيع الرائع والمهمة والمفيدة الموجودة هنا في هذا القسم الذي احتضني من بداية حملي للولادة

في يوم 3\5\2011 ومن الصبح كان باين علي التعب ولاحظت انه صار تنزل علي افرازات بنية (الله يكرمكم) بعدها عرفت انه رح اولد اذا مش بهذا اليوم باليوم اللي بعده طبعا جهزت شنطة المستشفى وبديت ارتب بالبيت يعني على بالي اني رح اولد طبعاانا كنت داخلة بالاسبوع 39 من الحمل.
كانت الافرازات تروح وتيجي وفي المساء طلعت انا وابني الصغير عمره سنتين ونص لنتمشى وبعدها صار يبكي بدو يروح يلعب مع بنات عمه هم ساكنين جنبنا ورحت لعندهم وضليت لصلاة العشاء وبعدها روحت على البيت وتعشيت وعلى النوم على طول بس فجاءة وانا نايمة تقريبا بعد الساعة 1:30 حسيت انه نزل مني اشي دافي وصحيت وعلى طول عل الحمام ولانها مي الراس نزلت طبعا انا خفت كثير خصوصا اني مش حاسة باي طلق وفجاءة اجاني الوجع وصار كل 10 دقايق قمت جهزت حالي وتوضيت وقرأت سورة مريم ويس والانشراح والزلزلة وضليت ادعي انه الله يسهل ولادتي وييسرها وطبعا دعيت لاهلي ولزوجي ولخواتي ولحبايبي بالمنتدى وكلما اتذكر حدا وصاني ادعيلو ادعي
طبعا ضليت ماسكة حالي وصار الوجع يجي كل 5 دقايق استنيت لحد ما اذن الفجر وبعدها صحيت زوجي علشان يصلي وحكيتله على صار معي واني بدي اولد وخليته كمان يحكي لامه (حماتي) علشان تحضر حالها وتروح معي على المستشفى
طبعا وصلنا على المستشفى وانا طول الطريق هادية ولا حكيت ولاصرخت بس ادعي بقلبي
دخلت على الممرضات وكان في وحدة كثير كويسة خلتني اروح على الحمام وبعدها فحصتني فحص داخلي وحكت ما لازم اتحرك لان الرحم فاتح 4سم وشوي وباي لحضة اولد لكن للاسف الممرضة روحت واجت وحدة غيرها حسبي الله عليها من ممرضة طبعا كل الممرضات ينطبق عليها جملة (ملائكة الرحمة) الا هاذي الممرضة ضلت تفحصني داخلي وشو تقول راس البيبي رافع يا تساعدينا على شان ننزله يا نحولك على القيصرية والله طيرت عقلي من فحصها وكلامها وبعدها زاد الوجع كثير وحكت شوي وبحطلك مسكن يمكن ساعة وهي مسكرة على حالها الباب وتسولف مع صاحبتها وانا اتلوه من الوجع
لكن بعدها ما صبرت بدا الطلق يزيد وانا مش قادرة اتحمل بديت اصرخ وانادي وادعي ربي بصوت عالي والله من الوجع اللي سببتلي اياه الممرضة
وبعدها اجى الدكتور وقالي اطمني شوي وتولدي واعطوني مهدئ ومسكن بعدها حسيت حالي بعالم ثاني
ودخلوني على غرفة الولادة وحطوني على كرسي الولادة وبدات الممرضة تحط ايدها بالمنطقه اللي معاكو خبرها قال شو بدها تنزل راس البيبي وانا اطلق طبعا انا هون صابني حالة هستيرية ضليت اصرخ واصرخ وهي تحكي ما يصير تصرخي وضليت اصرخ ونزلت رجلي من على كرسي الولادة وقلتلها نادي الدكتور طبعا الدكتور واقف عند راسي ويحكي لي : انت ليه بتصرخي طبعا انا باعلى صوت عندي لدرجة انه حماتي وماما سمعو صوتي قلت للدكتور: انا حرة بدي اصرخ وهو يحكي لي: انت كيف ولدتي اول مرة طبعا انا باعلى صوت : مش هيك ولدت والله العظيم مش هيك
وما حسيت الا وانهم يعطوني ابرة منوم ومهدئ وصحيت والا الساعة 11 وشوي وكل الممرضات يحكولي الحمدلله على السلامة وانا طبعا صوتي رايح من الصراخ طبعا انا ما شفت الممرضة اللي عذبتني والا كنت بدي اردلها الواجب اللي عملته معي
وبعدها طلعت على غرفتي وشفت امي وحماتي واجى زوجي وتطمنو علي وانا ما الي صوت وحماتي تقول فضحتينا بصوتك كان ملي المستشفى
طبعا الممرضة طلعت حاطة الي طلق صناعي على شان عنق الرحم يتوسع والدكتور بهدلها لانه سبحان الله انا عندي عنق الرحم كثير ضيق يعني خلقة ربانية والدكتور كمان حكالها انه راس البيبي مش رافع وهي مصرة على كلامها مفكرة حالها انها تفهم اكثر من الدكاترة

طبعا الحمدلله على كل اشي ولدت الساعة 9:15 الصبح يوم الاربعاء 4\5\2011 وجبت بنوتة ما شاء الله عليها صحيح تغلبت بولادتها وكانت اصعب من ولادتي الاولى بس كل شي يهون على شان نشوفهم بين ايدينا

نصيح لكل الحوامل اللي على وجهه ولادة وخصوصا البكريات ما تقارني حالك باي وحدة حامل ولو سمعتي عن ولادة او قرأتي او وحدة حكتلك عن ولادتها لا تقارني اللي صار معاها انه يصير معاكي لان سبحان الله كل وحدة وجسمها وطبيعة رحمها وكل وحدة الله يبعثلها ساعة ولادة يمكن تكون اسهل من غيرها

وبالنهاية اللهم يسير ولادت اخواتي في لله في هذا المنتدى وسهل ولادتهن وارزق
اللهم المحرومات فيه عاجل غير آجل وارزق اختي قلبي مثل قبري بالذرية الصالحة عاجل غير اجل
آآآآآآآآآآآآآآآآآآمين يا رب العالمين






قصة ولادتي ..........  تعب >>  صراخ  >>   ولادة

التعديل الأخير تم بواسطة هبه الدلوعة ; 05-15-2011 الساعة 16:41
رد مع اقتباس

  #2  
قديم 05-15-2011, 17:06
:: سيدة مميـزه ::
الصورة الرمزية miraa
 
معلومات العضو
التسجيل: Mar 2011
العضوية: 266009
المشاركات: 2,522 [+]
بمعدل : 1.25 يوميا
اخر زياره : [+]
نقاط التقييم: 50
افتراضي رد: قصة ولادتي .......... تعب >> صراخ >> ولادة

ان شاء الف مبرووووووووووووك
وتتربى بعزكن ودلالكن
والله انا بكرية وكلما اسمع قصة ولادة او اقراها اموت من الخوف
الله يسهلها علينا وعلى الجميع
رد مع اقتباس
  #3  
قديم 05-15-2011, 18:56
:: VIP ::
الصورة الرمزية ..ღ أحـلام الـدنيـا ღ..
 
معلومات العضو
التسجيل: Sep 2009
العضوية: 111176
المشاركات: 20,927 [+]
بمعدل : 8.14 يوميا
اخر زياره : [+]
الدوله : ▪▪في ـأحلأمِـي■▪▪
نقاط التقييم: 640788
افتراضي رد: قصة ولادتي .......... تعب >> صراخ >> ولادة

الحمد لله ع سلامتك وسلامة العسولة
تربى بعزكم
وتشوفيها عرووس ان شاء الله

والله يرزق كل محرووم
رد مع اقتباس
  #4  
قديم 05-15-2011, 19:03
:: VIP ::
الصورة الرمزية شموخ انثى**
 
معلومات العضو
التسجيل: Jan 2011
العضوية: 247203
المشاركات: 5,801 [+]
بمعدل : 2.79 يوميا
اخر زياره : [+]
نقاط التقييم: 7112
افتراضي رد: قصة ولادتي .......... تعب >> صراخ >> ولادة

قصة ولادتي ..........  تعب >>  صراخ  >>   ولادة


وتعب منسي ان شاء الله وتتربى العرووووسه بعزكم ياااااارب


قصة ولادتي ..........  تعب >>  صراخ  >>   ولادة



رد مع اقتباس
  #5  
قديم 05-15-2011, 19:35
:: سيدة رائعــة ::
الصورة الرمزية cutey2010
 
معلومات العضو
التسجيل: Oct 2010
العضوية: 226697
المشاركات: 741 [+]
بمعدل : 0.34 يوميا
اخر زياره : [+]
نقاط التقييم: 50
افتراضي رد: قصة ولادتي .......... تعب >> صراخ >> ولادة

الحمدالله ع سلامتك حبيبتي و ع سلامة الامورة و تربى بعزك و عقبالي بتيسير الولادة و عقبال كل مشتهية امين يا رب العالمين


قصة ولادتي ..........  تعب >>  صراخ  >>   ولادة
قصة ولادتي ..........  تعب >>  صراخ  >>   ولادة

قصة ولادتي ..........  تعب >>  صراخ  >>   ولادة
رد مع اقتباس
  #6  
قديم 05-15-2011, 20:25
:: سيدة مميـزه ::
الصورة الرمزية مدللة ف حضن الهوى
 
معلومات العضو
التسجيل: Mar 2011
العضوية: 261877
المشاركات: 2,543 [+]
بمعدل : 1.26 يوميا
اخر زياره : [+]
الدوله : تَحًتَ زًخٌـــآإتَ الِمُطَــرٌ
نقاط التقييم: 31903
افتراضي رد: قصة ولادتي .......... تعب >> صراخ >> ولادة

قصة ولادتي ..........  تعب >>  صراخ  >>   ولادة

وعقبالنا يارب بطفل يفرح صدورنا


قصة ولادتي ..........  تعب >>  صراخ  >>   ولادة

قصة ولادتي ..........  تعب >>  صراخ  >>   ولادة قصة ولادتي ..........  تعب >>  صراخ  >>   ولادة
رد مع اقتباس
  #7  
قديم 05-15-2011, 20:26
:: سيدة مميـزه ::
الصورة الرمزية رها العويدي
 
معلومات العضو
التسجيل: Sep 2010
العضوية: 217665
المشاركات: 3,107 [+]
بمعدل : 1.41 يوميا
اخر زياره : [+]
الدوله : canada
نقاط التقييم: 47390
افتراضي رد: قصة ولادتي .......... تعب >> صراخ >> ولادة

الف الحمدالله على السلامة
وشكرا على الافادة والنصيحة يا زوق


قصة ولادتي ..........  تعب >>  صراخ  >>   ولادة

قصة ولادتي ..........  تعب >>  صراخ  >>   ولادة
رد مع اقتباس
  #8  
قديم 05-15-2011, 21:35
عضٌوة شٌرٍفـَ منتديـُآت سَيدتـيّ
الصورة الرمزية dr bouchra
 
معلومات العضو
التسجيل: Aug 2008
العضوية: 49176
المشاركات: 18,403 [+]
بمعدل : 6.20 يوميا
اخر زياره : [+]
الدوله : المغرب
نقاط التقييم: 297
افتراضي رد: قصة ولادتي .......... تعب >> صراخ >> ولادة

حمدا لله على سلامتك أختي هبة وعلى سلامة الأمورة ...جعلها الله من مواليد السعادة ورزقك برها.
وان شاء الله كل التعب والألم في ميزان حسناتك.


قصة ولادتي ..........  تعب >>  صراخ  >>   ولادة
رد مع اقتباس
Sponsored Links
لتبييض البشرة بتقنية المانيه لتحصلي على 9 درجات بياض في 3 جلسات الشركة العربيه للجلديات اتصلي بنا 0112042840 / 0114384888


إضافة رد




قصة ولادتي .......... تعب >> صراخ >> ولادة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
صراخ ربع ساعه صحة الطفل 5 04-11-2010 06:47
زراج عجيب !!!!! إيمان غير المواضيع المكررة 1 02-17-2010 17:14
صراخ الطفل عود معتق الاطفال 0 06-27-2009 16:02
ترجمة صراخ الاطفآآآآآآآآل ناثرة المسك الاطفال 6 06-01-2008 12:46






رسالة إدارية

لتصفح المنتدى بشكل اسرع الرجاء الضغط على السماح او Allow في الاعلى


Powered by vBulletin®, Copyright ©2000 - 2014, Jelsoft Enterprises Ltd
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter