الصورة الرمزية مرهفه المحبه
11-03-2011, 04:40 مساءً

سارة:وش تسوون..
نورة:بيض وجبن و...و....
غادة:بس.. وش رايك تسوين لهم حمص..
سارة بنت متعب:انا معرف..
نورة:ولا انا..ساعدينا سارة بليز..
سارة:انا اسفة يوم انتهى وابي استانس كلا متنقعى في المطبخ وبس..
غادة:وش السالفة..
سارة:حنا مخططين ان اليوم الاول لي مع ام فيصل مع امي وخالتي منيرة واليوم الثاني بنات خالتي منيرة مع اخواني ومرت عمي عائشه..
غادة:احسن يلا سووا بل حالكم..انعبوكم التيوس صارت تركض مو تمشي في زنودكم..<<ههههههه
سارة بنت متعب:ولا منعررف وش نسوي..
وإلا بدخله حنان ووجهها كلا نوم:وين الفطور..
سارة:جات المنقذه..
نورة:أي والله تعرف تسوي..
سارة:أي مو زيكم انتي مع اختك..اختي تعرف.."مسكت يد غادة" وانا ادلع:يلا حبيبتي خلينا نستانس..
غادة"وهي تمرر شعرها باصابعها":أي والله صادقة مرت اخوي..
نورة:مرت اخوك طير
غادة:يطرك..
سارة"تفاجئت من هذه الكلمة":مر..رت اخوك
غادة:أي وش فيكم"وهي تاشر بالسبابه"كيفي اسميها الي ابيه
سارة"ومن الكلمة ذي عرفت انها قالتها كذا":يلا خلينا نروح..
ورحنا وحنا حاطين الشيلة فوق راسنا وحنا نمشي،هي كانت لابسه بجامة ناعمة ومريحة.. ورحنى عند الحيوانات عند الفروخ ناخذ البيض منهم ونطعم الخرفان والبقر والله وناسة الا اشوف احد ياشر بيده وراحت غادة له..قلت يمكن اخوها..
وجات غادة سارة:من هذا اخوك؟؟
غادة:هههه لا هذا زوجي فهد..
سارة:زوجك..وش يبي؟؟
غاده:لا بس يقول خلي حد ينظف المجلس..
ونزلت الشيلة ورحت وياها مشان ننظف المجلس مجلس الرجال بعد متأكد ان المجلس مافيه حد والكل نايم..ورفعت الكنب ونظفته ومسحت الاثاث.. والمرايا الي في الحمام"وانتوا بكرامه"
غادة:وللل تعبت..انا بجيب المكنسة وجيك..
سارة:اوكي....وماحسيت ان احد دخل في المجلس، وشافها..ويتأمل في جمالها ألي ماله مثيل..
سارة"اتنهد":ااااه ظهري…
):في خاطره سلامتك من الاه)...وهو يطالع فيها بأعجاب..
سارة"وانا ارفع يدي فوق ورجع ظهري لورى":غادة...غادة مصارت مكنسة..
غادة:أي جايه المكنسة ثقيلة..تعالي ساعديني..
سارة"اقتربت منها مشان اشيل المكنسة":أي والله ثقيل حشى..اوووف
غادة "انتبهت"":فيصل!!
سارة"وانا متلفتة":من فيصل!!
وطاحت عيني عليه....


.................

الصورة الرمزية مرهفه المحبه
11-03-2011, 04:42 مساءً
البـــــارت الــرابــع:
سارة"اقتربت منها مشان اشيل المكنسة":أي والله ثقيل حشى..اوووف
غادة "انتبهت"":فيصل!!
سارة"وانا متلفتة":من فيصل!!
وطاحت عيني عليه... هذه الي شفته في المطبخ...من شفت عيونه احس اني..اني...
فيصل"وهو يصد":كنت اظن ان مافيه حد..غادة تعالي شوي..
غادة:انزين..
وراحت غادة مع المدعوا فيصل
فيصل"وهو يخفض صوته":مخلصتوا يمكن حد يشوفكم..
غادة:لا مخلصنا
فيصل:مافي بنات ثانين يسعدونكم غيرك انتي وهي..
غادة:إلا في بس بعضهم يسون الفطور والبعض الثاني ينظفون ويغسلون..
فيصل:ماشاء الله..ومتى يخلص الفطور إن شاء الله...
غادة"وهي حاطة يدها على خصرها ":يسلاام ياسيد فيصل..
فيصل"علا صوته شوي": اقول قولي للحريم يعجلون شوي..وراح
غادة:طرار ويتشرط بعد..امحق بس
سارة:من هذه...
غادة:اخوي..فصيل خخخخخ
سارة"مستغربة":اخوك مافي شبه..
غادة:هههههه الكل يقول كذا هو يشبه ابوي بس انا اشبه امي"وهي تقرب مني وتحرك حواجبها"عجبك صح..
سارة"وانا مرتبكة ووجهي احمر":هه..لا لااا من قال
غادة:ههههههه اجل ليه احمر وجهك..
سارة:من قال ان وجهي صار احمر..
غادة:انا اقول..ولا تنكرين ترى هو جميل والكل يقول كذا..
سارة:إلا انا...وبعدين يلا خلينا نخلص.. وحذفت الممسحة عليها وهي تضحك...ساره(هالرجال شبع مني..كلا يشوفني..كلا ألقاه في وجهي)
وفي المطبخ..عائشه مرت خالي:يانورة حركي بسرعة شوي..
رغد:يلا سارة "بنت متعب" جهزي الصحون..وبعد كذا حطوا الفطور عبارة عن بيض وزيتون وجام وفول سوداني وخبز وحمص.. بس كان حلو لان فيه لما وجمعه...
الساعة1:06 كبوا الغداء


وكلنا تغدينا واليوم راح علينا بسرعة كسرعة البرق سبحانة..
وفي الغرفة..سارة بنت مبارك:عفير انتي صاحية ولا..
عفراء:أي مافيني النوم..
سارة بنت مبارك:آآآه شفتي ذاك الرجال الوسيم..يهبل
عفراء:امممم"تفكر"أي ذكرته جرح يهبل..
سارة بنت مبارك:آآآه فديته...
عفراء"وهي تتلفت لاختها":ليكون ههههه تحبينه انتي ووجهك..
سارة بنت مبارك"وهي تحط يدها ع قلبها":امووووت فيه مو احبه..
عفراء:بس انتي مشفتيه إلا مرة او مرتين..
سارة بنت مبارك:حب من اول نظرة...
عفراء:ماشاء الله...اقول استفيقي من النوم الي انتي فيه..
سارة بنت مبارك:اسكتي احسن لك..
وعم الهدوء لمده 4دقايق عفراء:سوير تبين ماي.."وهي تشوه في يده"هي هي انتي..
سارة بنت مبارك:هه يوووه وخري عني.
عفراء: الشره موعليك الشره علي.. يوم اني كلمتك..
ونزلت عفراء للمطبخ وشربت مويا ولا تسمع صوت في الصاله راح تبي تثبت وشافت ام فيصل مع غادة.. ام فيصل:إلا وش رايك فيها..
غادة:والله..متنعاب تهبل مشاء الله عليها...
ام فيصل:خلاص راح اكلم امها..وبخطبها لفيصل..
غادة:أي والله جميلة حتى بأخلاقها وطيبتها..ملكة جمال جسم وطول..هاذي السارة تحفة..اسم الله عليها..
عفراء اسمعت هذه الكلام وراحت عند اختها بسرررعة..
عفراء:وش اسم الي تحبينه؟؟
سارة بنت مبارك:عفير ويهد..
عفراء:فاضيه انتي..يلا قولي وش اسمه...
سارة بنت مبارك:ليه؟؟؟
عفراء:يلا عاد قولي عندي لك خبر بمليون ريال..
سارة بنت مبارك:اسمه فيصل..طب ليه؟؟
عفراء:امه تبي تخطبه لك..
سارة بنت مبارك"فزت من مكانه":كييييف؟؟؟ مافهمت..عفير ان كنتي تكذبين ياويلك مني..
عفراء:أي والله وانا نازله سمعت ام فيصل وبنته تتكلم عنك وتقول انها بتفاتح الموضوع لامي وتشوف رايك..
سارة بنت مبارك:كذااابة..من صدقك"وهي تضحك"..
عفراء:أي والله..مكذب وحسب شوفي شكلها مصرره عليك انتي وبس..
سارة بنت مبارك استجنت شوي وقامت تنطط فوق السرير..
وفي الصبح الساعة8:33 روشت جسمي بس وغيرت تسريحة شعري ولبست تنورة ميدي جنز زيتية مع بلوزة بنية وحزام بني عريض..وحطيت مكياج اوفر..وبوت لنصف الساق بني جلد..

ورفصت كم خصل من شعري وحطيت عظاظ صغير وتعطرت... ونزلت في الطالة مشفت حد ورحت المطبخ،وشفت غادة تطبخ رحت لها..
سارة:صباح الخيرر...
غادة:بسم الله الرحمن الرحيم... خوفتيني..."بنظرات كلها اعجاب".وش ذه الزين يابخت الي بياخذك بس..
سارة"استحيت شوي":انتي كلا تجاملين وبس..
غادة:والله مجامل الله يهديك بس..
سارة:قولي لي انتي شتسوين..
غادة"وهي تتنهد":فهد يعوراء بطنه فديته...
سارة:ميشوف شر ان شاء الله سوي له ينسون..
غادة:ان شاء الله..
سارة:انتي روحي له وانا بسويها وادق عليك مشان تخذينها مني اوك...
غادة:بس..
قاطعتها:انا مثل اختك انتي روحي وقعدي يمه هو بحاجه لك...
غادة:بيعتلك الهناء..ياررررب
سارة:هههههه قلبتي سوريه يلاا روحي لا تضيعين وقت...
وراحت غادة عند زوجها وأنا قعدت اسوي الينوس..
في غرفة فهد...
غادة:حبيبي إلى الآن بطنك يعورك..
فهد"وهو حاط يده على بطنه": أي ياقلبي..
غادة"وهي تقرب منه اكثر":ياجعله فيني ولا فيك...


يتبع....

الصورة الرمزية مرهفه المحبه
11-03-2011, 04:44 مساءً
فهد"وهو يمسك يدها":لا تقوولين كذا ترى والله ازعل..وباس يدها..
غادة"وهي تبكي":ياقلبي ودنيتي انت والهع ميهون علي اشوفك كذا..
فهد"ونظرته حاده":تحبيني..
غادة"استحت":لا محبك.. وجات بتقوم سحبها عنده ولمها في صدره..
فهد"وهو لازال يحضنها":احبك ياقلبي..
غادة:..............
فهد"وهو حاط يده في خدها":تحبيني ولا..
غادة:..............
فهد بحده:تحبيني ولا..
غادة"وهي مستحية":أي احبك..
وقامت بسررعة من الغرفة وهو يطالع فيها ويضحك..
فهد:يااا ناااااس احبها وامووت فيها...
فيصل وهو طالع من الحمام"كرمكم الله":وش فيك تصرخ..انهبلت..
فهد:انت مالك دخل خلك في شؤؤنك الخاصة..
فيصل:الحمد لله والشكر بس... فهيد تبي تروح المسبح ولا..
فهد:شنوا فهيد اصغر عيالك انا...
فيصل:اخلص تبي تروح ولا..
فهد"وهو يقووم":بجيب ملابسي لسباحة..اسبقني انت اول..
فيصل:حصل يلااا..
وفي المطبخ...
دخلت غادة ووجها احمر..سارة"وأنا اقترب منها":غادة وش فيك؟؟وش فيه وجهك احمر صار شيء؟؟
غادة:هه لا ولاشيء..
سارة"لفيته ع وجهي":فهد صار له شيء..وش صار..
غادة:لا لا مصار له شيء بس هو..هو مو تعبان..
سارة"وهي تأخذ مني الينسون":اجل وش السالفة؟؟
غادة"ووجه قلب طماطم":لا هو بس يدلع علي..
سارة:هههههههه والله ان زوجك ذه فله...
غادة"وانا اضحك عليها":اقوول سكتي احسن لك..بنشووف بعدين لخذتي فيصل وش بتسوين..
سارة"وقفت من الضحك":نعم..وش قصدك..
غادة:لا ولا شيء حبيبتي"ابتسمت"...
وجمعت الاغراض وحطيتهم في كيس وأنا افكر بكلام وتلميحات غادة وام فيصل..وحملت الاغراض وكلمت كريمة عشان تشيل معي الاغراض وتحطها في السيارة..وحسيت ان احد يطالع فيني بس محبيت اتلفت لاني عرفت من هو الي يطالع فيني..بس قررت اني ألتفت وشفت..شفت ولد خالي جاسم يطالع فيني واقتربت منه..
جاسم"قلبي بيطيح من مكانه يوم شفت حبيبة قلبي جايه لي قاصدني أنا أي قاصدتني انا"
سارة:هلا جاسم..
جاسم"وهو ميت من الفرحة":هلا سارة..
سارة:جاسم..وين حمد وعبيد..ادق عليهم مايردون..
جاسم خق:هه....اي بكلمهم وخليهم يجونك..
سارة:اوك..اسلمت..
ورحت عنه بسرعة محبيت يفكر أني مهتمه فيه..
وفي الصالة.. ام عبدالله"وهي تلبس عبايته":يلا اسماء يلا سارة يلا عفراء بسررعة..ابوكم يهاوش..
سارة بنت مبارك"بدلع متقصد":يلا اشوفك بعدين ياخالتي..والله القعدة معاكم ماتنمل..راحة نشتاق لكم..عاد زوروانا مرة ثانية...
ام فيصل:واحنا...راح نشتاق لكم بعد..بحفظ الله يأم عبدالله..
ام عبدالله:بحفظ الكريم..عاد سورينا يأم فيصل..
ام فيصل:إن شاء الله..
وسلمت على مرت خالي عواطف وعائشه وخالتي منيرة وبناتهم..لبست عباتي..وطلعت...
بيت ابو جمعان...
ابوجمعان"وهو يتقوة": هه استانسوا ولا..
ام جمعان:أي حيل..
ابوجمعان:اطلعوا هيوت ولا..
ام جمعان مستغربة:هيوت!! من أي ناحية قصدك..
ابوجمعان"وهو يعدل جلسته":يعني عاونوك ولا.. قاعدين مكانهم..
ام جمعان:لا مشاء الله عليهم وبذاث عيال اختي الهنوف..
ابوجمعان:ماشاء الله عليهم..
ودخلت نورة وسارة عليهم..
نورة وسارة:السلام عليكم..
الكل:وعليكم السلام..
ابو متعب"وهو يطالع نورة":نورة ليه ماتلبسين مثل بنات الناس..
نورة:وش قصدك..يعني انا ملبس مثل الناس..
ابوجمعان:تبين الصراح لا تلبسين ملابس حق وحده يشتغل ابوها مزارع.. مكن ابوك يشتغل في شركة..
نورة"وهي مستغربه من كلامه":ملاااابس مزارع..
ام جمعان:أي والله يابنتي وابوك صادق..انتي متشوفين ملابس عيال خالتك وخالك يهبلون..
نورة"وهي منكسرة":انا والله حرة بملابسي..
ابوجمعان:يابنتي انا ابي لك..الناس قامت تطالع وتشوف حتى الشباب يعرفون كانت البنت ذي حلوة ولا شينة كشخة ولا مو كشخة..
ام جمعان"تتنهد":ماتسمع الكلام ياابوجمعان..تعبت وانا اقول لها...ماتطيع ربعي عيالهم كلهم تزوجوا إلا بناتي ولا وحده..
نورة معصبة:من قال لكم اني ابي اتزوج..أنا ماابي..
سارة:وش ماتبين احين بعدين راح تغيرين رايك وتشوفين بس مو احين بعدين..
ابوجمعان:يعني تبين تصيرين عانس لا محزرتي حبيبتي...والله وعالي سماء أول واحد يجيك وهو زين والله لزوجك اياه..حتى لو كنتي ماتبينه..
نورة وهي تبكي:انا مابي اتزوج..
ام جمعان:اصلنا في حد طق بابك عشان تقولين ماابي..
سارة:عليه العووض..لجى تكلمي يانورة..
نورة:انا اقصد لو جاء راحـ....
قاطعتها ام جمعان:لو وأنا اشك لانك مو كشه ولا حلوة ولا تهتمي بشكلك حتى شعرك مدري وين طولة كان صغير ولا طويل..كلا رابطته وبس..
ابوجمعان:اجل كيف تقولين انك ما تبين تتزوجين..هذه إذا تزوجتي انتي ووجهك..
نورة وهي بتروح:اطلع احسن لي..
سارة تعلي صوتها:هذه لصالحك..يانورة..
ابوجمعان يتنهد":ااي..تصدقين أن عبدالله بيخطب نوف بنت اخوك..
ام جمعان استغربت:متى!!
ابو جمعان: هم تكلموا في الموضوع في المجلس..
سارة:من تكلموا يبه..
ابو جمعان وهو يتقهوة":خالك مبارك وخالك محمد..
ام جمعان:وليه مقلت لي..
ابوجمعان:والله نسيت..وتوني متذكر..
ام جمعان:اجل بكلم الهنوف وابلغها.. لازم العلوم تنتشر بين الناس..
وفي بيت ابو حمد...
ام حمد في التلفون":من صدقك..متى!!
ام جمعان:يقول متعب انهم تكلموا في المجلس ابو عبدالله وابو جاسم..
ام جمد:لا تستاهل نوف مشاء الله عليها..
ام جمعان:الله يوفقهم يارب"وهي تتنهد"
ام حمد توطي صوتها":جاوا خطاب لريم..
ام جمعان:صدق..
ام حمد:أي والله.
ام جمعان:من متى!!
ام حمد:والله من خمسة ايام تقريبا..
ام جمعان:ليه مقلتي لي..
ام حمد:والله وش اسوي مع سعد يقول خلينا نسال عنا وان كان زين نقول..
ام جمعان:الله يهديه..هاه بشري ناس زيون ولا..
ام حمد:مدري والله"وجات حنان ورغد في الصاله" منيرة اكلمك بعدين زي..
ام جمعان:يلا..
ام حمد"وهي تسكر التلفون":استعدوا..بكرة بنروح لبيت خالكم محمد..
رغد:ليه!!!
ام حمد:عشان تبركون لها..
حنان:نبارك لها..في وش..
ام حمد:ولد خالكم عبدالله تقدم لها..
حنان:.....................
رغد"ابتسمت":الله يوفقها يارب..هي وافقت ولا..
ام حمد:اكيييد..في احد يرد عبدالله مشاء الله عليه جمال واخلاق وبعدين الرجال ميعيبه شيء...
رغد:أي والله...الكل راح يتزوج إلا حنا.."وهي تكش في وجهها"مالت علينا..
ام حمد لقتها فرصة مشان تفتح موضوع الرجال ألي تقدم لريم":لا من قال لك..اختك ريم تقدم لها واحد..
رغد وحنان:كييف؟؟؟
ام حمد:وش علامكم مستغربين..اي جاها واحد وابوكم يسأل عنا احين.. وان كان زين..زوجناها اياه..
رغد:تدري ريم ولا..
ام حمد:لا ماقلنا لها إلى الان..وهأنا وش اقول لك حنا بنسأل عنا الاول..وإن كان زين قلنا لها...
حنان:وهي قايمه":أنا بروح انام"وهي تتثائب"يلاا.. تصبحون ع خير..
ام حمد ورغد:وانتي من اهله..
رغد:إلا تعالي يمه..........إلخ
وراحت حنان فوق وسكرت الغرفة وقعدت تبكي بصوت واطي مشان محد يسمعها.. ودخلت في الغرفة..سارة"اقتربت منها":وش فيك ياحنان.."وأنا اطالع فيها" تبكي ليه..يوجعك شيء..قوولي وش فيك ساكتة..
حنان"وهي تمسح دموعها":لا لا مافيني شيء..
سارة"مسكت ذراعها وخليتها تقابلني":كذاابة قولي وش فيك..
حنان"وهي تحضني بقووة":تعبانه ياسارة..تعبانه حيل..
سارة"وانا اخضنها":وش الي متعبك قولي..
حنان:اهى..اهى ريم جاوا لها خطاب..
سارة:انزين..
حنان:اهى..وأنا ولا واحد صك عمري 25 ولاتزوجت بعد..وهي الي عمرها 22 وبتتزوج..
سارة"وانا ماسكه يدها":حنان ياقلبي انتي..معليه ان شاء الله بيجي نصيبك..
حنان:متى بس ياسارة متى؟؟
سارة:وعسى ان تكرهوا شيئا وهو خيرا..يمكن ذي خيره انك ماتتزوجي احين..صح ولا
حنان"وهي تمسح دموعها":أي صح..
سارة"وانا امسح شعرها":اجل خلاص امسحي دموعك وصلي ركعتين وطلبي من الله..يلاا
حنان:سارة..
سارة:عيونها..
حنان"ابتسمت لي":انتي احسن اخت لي..
سارة"ابتسمت لها":وانتيي بعد..يلااا روحي بسرعة..
ونزلت تحت وشفت امي...
ام حمد"وهي تنادي":ريم ياريم..
سارة:ريم تسبح..وش تبين فيها..
ام حمد:ابيها تسوي كيك ولا حلى..
سارة بمزح:ليه مشتهيه..ليكون حامل بس..
ام حمد باندفاع:لا..الله يقطع بليسك..
سارة:وي ليه يمه انا خاطري في اخو ثالث..
ام حمد:والله انتي بايعتها "وهي تطقني من كتفي"اعقلي يابنت..
سارة:هههههه..اجل ليه؟؟
ام حمد: بوديه لبيت خالك محمد..
سارة:هم قالوا يبون من يدها..ههههه
ام حمد:لا..بس تعرفين لازم نودي شيء معانا عشان نبارك لنوف..
سارة:في وش تباركي لها؟؟
ام حمد: وي متدرين؟؟
سارة:لا والله وش؟؟
ام حمد:غريبة.. رغيد مقالت لك..
سارة:يمه تكلمي.. وش فيك تتكلمي بالقطار..
ام حمد:بنت خالك نوف تقدم لها عبدالله ولد خالك مبارك..
سارة"ابتسمت":صحيح الله يسعدها يارب...
ام حمد: وتوني مسكره من خالتك تقول ان الملكة بكرة..
سارة:بكرررة؟؟ بدري يمه..
ام حمد:مراح يسون حفلة وديجيه..
سارة:ليه؟؟؟
ام حمد:بيسون بس مو في يوم الملكة..
سارة:متى يمه؟؟
ام حمد:والله مدري بس تقول خالتك يمكن يوم الاثنين ذه..
سارة:صحيح..مابقى إلا 4ايام بس..مايمدي اشتري لي فستان..
ام حمد:إلا يمدي بس انتي ذوقك صعب الله يهديك..إلا وش كنت بقوول لك..ابيك تسوين كيك ولا حلى لهم..
سارة:ابشري ولا تزعلين يالغالية..
ام حمد:والله ودي اسويه بس يدي تعورني من المبيض
سارة:انتي يمه الله يهديك ماتبين تستخدمين قفاز..يلا انا بروح اسويه..
ام حمد:تبين تخلين رغد تساعدك..
سارة:لا يمه مايحتاج انا بخلي كريمة تساعدني...
ورحت المطبخ اسوي حلى الباونتي..وحلى مالتيزرز..
حلى مالتيزرز ع شكل عنقود عنب<<<طعمها يشهي نصيحه مني سووها..
وحطيتهم في البراد..
وفي بيت ابو عبدالله..
عفراء:صحيح..واخيرا..
اسماء:أي والله عبيد كلا يحن علي سلمي عليها..ومدري وش ويابختك انك تشوفين القمر..
سارة:أي والله مبغينا يمه..
ام عبدالله:هههههه استحوا في حد يقول عن اخوه كذا غيركم..
اسماء:وانا صادقة يمه..
سارة:إلا يمه متى راح تسوون الملكة وين وفي أي يوم؟؟
ام عبدالله:يقول ابوكم يوم الاثنين وفي الصاله..
عفراء:وي يمه مايكفي..
سارة:أي والله يمه..
ام عبدالله:لا يمدي بس انتوا تحبون تبطون في السووق..
ودخل عبدالله..عبدالله:السلام عليكم..
الكل:وعليكم السلام..
سارة واسماء:مبرووك ياعريس..
عفراء:مبرووك مابغينا..
عبدالله مستانس":الله يبارك فيكم..عقبالكم..
اسماء:إن شاء الله..
سارة"وهي مستانسه وبتمووت من الفرحة":إن شاء الله..
ام عبدالله:أي صح تبارك لك عمتك الهنوف وبناتها..
عبدالله:الله يبارك فيهم..
سارة:يمه بتعزمين ام فيصل وغادة على الملكة..
ام عبدالله:أكيييد هذا مايبي لها حكي..بكلمها احين..
سارة"وهي تقوم اختها عفراء مشان تقعد يم امها مشان تسمع الكلام زين"


........................


البـــارت الخـــامس:
بيت غادة وفهد..
غادة"وهي في التلفون":صدق يمه..خلاص بخلي فهد يودين...ان شاء الله يوصل..
فهد"وهو طالع من الحمام"وانتوا بكرمه""
غادة"وهي تقرب منه":فهد"وهي تحط يدها على اكتافه"عادي اروح بيت نوف..
فهد:من نوف هذه؟؟
غادة"وهي مازالت قريبة منه":هذه وحده من الي تعرفت عليهم في المزرعة..
فهد:........................
غادة:فهودي..
فهد"وهو يبلع ريقه":هه..
غادة بدلع عفوي:فهودي..اش فيك؟؟
فهد:بشرط..
غادة:وش هو الشرط"وهي ترمش بعيونها"؟؟
فهد خق:ابي بوسه..
غادةبحيا وتوتر: نعم..تـ..تـ..تـ..تبي بوسه..وهي توخر منه بس فهد شدها من خصرها..فهد:أي بوسه..ولا مافيه روحة..
غادة باسته على خده..فهد:لا ماابي في خدي..ابي"وهو يمد شفايفه لها"يلاا انتظر..
غادة وجه صار طماطم:هه
فهد:شنوا هه يلاا ولا مافيه روحه"وهو يمد شفايفه مرة ثانية".
غادة باسته بسرعة وراحت..
فهد:ههههههه صار لنا اكثر من سنتين من تزوجنا وانتي تستحين..
غادة"ووجه احمر":...................
فهد"اقترب منها وهم لها":احبك..احبك ياغادة..
غادة"وهي مستحية":يلا وش قلت بروحـ....
فهد قاطعة:بعدين............ وشالها وودها في الغرفة..
غادة:وش تسوي؟؟
فهد وهو يشيلها:بعدين..
.................................................. ..........
بيت ابوحمد...
وفي الصباح الساعة9:35 صحيت وصحيت خواتي لأن ذه اليوم يوم الجمعة ولا زم نساعد امي..استحميت ولبست بجامة دباج خضراء وسيحت شعري وخليته مفتوح..وحطيت غلوس وكحل بس....
أما اختي ريم ورغد لبسوا تنورة وبلوزة وحنان قميص عادي<<الله يهديها...
ام حمد"وهي تنادي من عند الدرج":حنان..رغد..سارة وينكم..
حنان"وهي نازلة":نعم يمه..
الهنوف:صحيتي حمد وعبدالله للجمعة ولا..
حنان:لا ماصحيتهم..
الهنوف: والله ان يعصب ابوكم وتشوفون..
راحت حنان تصحي عبيد وحمد.. حنان"وهي تطفي المكيف وتولع اللمبا":يلا قووموا يلاا..بسرررعة..
عبدالله"وهو يغطي راسه باللحف":يوووه..انتوا لازم تخربون نومي..
حنان:يلا قوم ترى اليوم يوم الجمعة..
عبدالله وحمد"وهم يفزون":يووم الجمعة...
حنان:اجل يلاا قوموا قبل مايجي ابوي ويعصب..
عبدالله"وهو بيدخل الحمام وانتوا بكرامه":كويتوا ثوبي ولا..
حنان:سارة احين هي تكويهم..هو مع الشماغ بس انت يلا..ترى هو مايعوق..
عبدالله:بشوف..
حمد:قولي لها خليها تعجل تكفين..
حنان:انزين بس انتوا يلا عجلوا استحموا وتلقون كل شيء جاهز...
ونزلت حنان وراحت المطبخ تساعد امي..
اما أنا اكوي ملابس اخواني ومتى مخلصت رحت الصالة ونظفتها انا مع رغد وبعد منخلص نروح المطبخ ونساعدهم...
كلم خال امي وقال انه راح يجي..وبعد نصف ساعة راحوا اخواني ونظفت الصالة ورحت انا ورغد نساعد امي وريم وحنان في المطبخ<<طبعا بتقولون كلكم في المطبخ تساعدون لان الخال راح يجي واخوها برضاعة واحنا كل من يجون نسوي مأدوبة رمضان خخخخخ
وراحت ريم وحنان يرتبون الطاولة قبل ميجون ابوي واخواني وخالي وخالي الثاني.. ودق ابوي وقال ان خالي ابراهيم وسعود جاوا معاه..
ورحت فتحت الباب لخال امي ابراهيم وسلمت عليه..وع ابوي وعلى اخو امي من الرضاعة سعود..
سعود:هلااا بالجمال..
سارة"استحيت":هلا بيك ياخالي حياكم..
وجات ريم وحنان ورغد سلموا عليهم..
سعود:هلا بحبايبي..
ابراهيم:ماشاء الله كل ذه اكل..ذي عزبة رمضان..
ريم:ههههه هذه مو قد المقام"وهي تأشر لهم لكي يجلسون"..
الهنوف"وهي تسلم ع خالها واخوها":هلااا.تواء منور البيت..
عبدالله:يلااا اكلوا..
ابوي:هههههه هذا الي همك بطنك وبس...
الكل:هههههه
وأكلنا وبعد الاكل.. تسامرنا كل العادة بعد الاكل.. سعود:إلا ياعبدالله كم سنه باقي لك في الكليه"كليه التقنية"..
عبدالله"وهو يأكل الليقمات":سنة وحده بس غير ذي..
سعود:الله يوفقك..إلا ياسارة كل هالزين ولا جاء عريس..وين الرجال عنك..
سارة"استحيت":هههههه
ريم بدلع:وأنا ياخالوا مو حلوة يعني ولا سارة تارسة عينك بس..
سعود:هههههه بدت الغيرة تشتغل..
الكل:هههههههه..
وطلع خالي وخال امي..وأنا غيرت ملابسي مشان خطبة نوف اليوم.. لبست بنطلون جنز بلاك وتوب بلاك فيها رسمات بسيطه وجكيت قصير قطني وحطيت ظل سموكي...
وسيحت شعري ورفعته بطريقة مبهدلة وكان شكله خيال..وحطيت مناكير بلاك زي لبسي..ولبست عدسات حليمة"محددة باسود"..خلا شكلي غير..
اما ريم وغادة غيرت غيروا مكياجهم بس..وأختي حنان غيرت ملابسها ومكياجها ان لبسها مكن لواحد جاء يبارك لملكة فغيرته..
وطبعا راح اخوي عبدالله وحمد معنا مشان يبركون لولد خالي عبدالله.. خليت كريمة تشيل الاغراض"الحلى"وعشان تساعدهم لانهم معندهم خدامة وراح يتعبون في التنظيف...
المهم دخلنا بيتهم بعد مكتبوا كتابهم..سلمت ع مرت خالي نورة وبناتها..
فاطمة"وهي تشيل الحلى":ليه تعذبون حالكم..
الهنوف:لاتعب ولاشيء..
حنان:وين نوف عشان نسلم عليها ولا مستحية..
صيته:هههههه هي في الحمام"الله لايهينكم"..
نورة:حياكم.. يا فاطمة قهويهم..
سارة:الله يصلحك محنا غرب..
ودخلت نوف وسلمنا عليها كان شكلها روعة يابخت عبدالله فيها لابسه فستان ع شكل تنورة وبلوزة لونهم احمر دمي وخصوصا انها بيضة فزاد بياضها..وحاطة مكياج ناعم مرة ويهبل عليها..
رغد وحنان:وااااااو...صايرة خيال اسم الله عليك..
سارة:بينجن عبدالله عليك.. مبروك ياعروسة..
نوف"استحت":عقبالكم يارب..
الهنوف:آآآآمين يارب..
رغد:تبين تفتكين منا..
الهنوف:ههههه وش دراك..
الكل:هههههه
مجلس الرجال..عبدالله ولد سعد:مبرووك يابن الخال..
حمد"وهو يبوس خشمه":مبروك مبروك ياعريس...
عبدالله ولد مبارك وهو ميت من الوناسة:الله يبارك فيكم..
سعد:مبروك يأبو عبدالله وعبدالله..
مبارك:ههههه الله يبارك فيك..يجعلني اشوف عرس عيالك يارب..
سعد:آآمين..
ودخل عليهم فيصل..فيصل:السلام عليكم..
الكل:وعليكم السلام...
فيصل وهو يسلم عليهم وويسلم ع العريس..
فيصل:مبرووك ياعريس..
عبدالله ولد مبارك:هههههه الله يبارك فيك..
فيصل:علامك مستانس..اركد يارجال..
حمد:أي والله لاتطير من الفرح..
عبدالله ولد سعد":شوفه كل وقت متبسم صاير من الفرحه..شووف صار له جناح..
الكل:ههههههههههه
عبدالله ولد مبارك:حتى في ليلة ملكتي لازم تغثوني..
فيصل:ايه اجل ولا وش رايك ياشيخ حمد..
حمد حط يده على ذقنه:أي رايي من رايك..
الكل"فطسوا من الضحك من لعوزه فيصل وحمد وعبيد":هههههههههههه..
وفي الصاله... دخلت ام فيصل وغادة..وفزت سارة بنت مبارك تحيي فيهم وترحب..
ام فيصل:هلا بيك يابنتي..
سارة بنت مبارك"بدلع: هلا خالتي..أخبارك؟؟
ام فيصل:زينه...
ام فيصل:...هلا بـأم عبدالله..مبرووك
عواطف:الله يبارك فيك..
غادة:مبروك يانوف..
نوف بحيا:الله يبارك فيك..
غادة:إلا وينها سارة..
صيته:هي في المطبخ...
غادة:وأنا كل مسئل عنها القاها في المطبخ..
صيته:ههههههه..
عواطف:واللله مقصرت..
نورة:أي والله كلا تغرقنا بجمايلها..
ام فيصل استانست حيل من سارة بنت سعد لانها فعلنا بنت ربه بيت وفوق كذا جميلة ومؤدبة غير عن حصة طليقة ولدها فيصل..
غادة:وين المطبخ ياصيته..
صيته"تاشر لها":امشي سيدا وتلقينه قدامك..
غادة:اسلمتي..
وراحت غادة للمطبخ.. غادة"وهي وراي":بووووه
سارة:يمه..بسم الله الرحمن الرحيم.."استدرت" ولميت غادة بقووة..هلا قلبي وحشتيني..
غادة:وانا اكثر...ولا تدقين بعد..
سارة"وانا اقطع الكيك":والله معندي رقمك..
غادة:أي والله نسيت معطيتك اياه..سجلي..
سارة"اشرت لها":انتي سجليه لان يدي شبة وسخه.."طولت صوتي"كريمة..كريمة..
كريمة:نعم ساره..
سارة:شيلي الكيك والحلى وحطيه عند الرجال..
كريمة:إن شاء الله..
غادة"وهي تسجل الرقم في جوالي":....خلصت..الله الكيكة حلووة مرةكيف سويتيه وهذه وش عنب..
سارة:هههههه انتي ذوقي الحلى الي ع قولتك انه عنب..
غادة"وهي تذوق":واااااو حلووو مرة..أنتي اطباقك من وين تجيبيهم..
سارة:هههههه بالعافية..
غادة:اخوي راح يستانس حيل في الحلى وتشوفين..
سارة:.................
غادة:هو يحب الحلى كثير بس مايمتن مدري ليه..
سرحت بفيصل في هذه الوقت وجاء ع بالي اني اشوفه مرةثالثة بس طردت هذه الافكار من راسي..سارة:إلا تعالي ياغادة اخوك متزوج ولا..
غادة:هو مطلق..
سارة:اها من متى..
غادة:امممم..يمكن من شهرين ولا زيادة مدري...ليش تسالين عجبك اخوي..
سارة احمر وجهي:هه..لا من قال انتي لا زم تفسرين الامور ع كيفك..
غادة بحده:اعترفي..
سارة"وانا ماسكه صحن الحلى والعصيرات":وش اعترف لك فيه اقوول ان قعد معاك دقيقة وحده اكييد راح يصير لي شيء..
ورحت للصاله وشافتني ام فيصل وقامت سلمت علي
سارة بنت سعد:والله متقومين"بست راسها ويدها"أخبارك يمه..عساك زينه..
ام فيصل: انا زينه طالما انتي زينه...
سارة بنت سعد:والله ولك وحشه يايمه..
ام فيصل:ماتشوفين وحشه يارب..
ريم"تساسر امها":يمه ملحظتي شيء في ام فيصل..
ام حمد:مثل شنهوا..
ريم"تساسرها":يعني تصرفاتها مع سارة كلامها..ليكون"اضحكت بصوت واطي"..
ام حمد:ضحكك من سرك بلا..وبعدين اسكتي ياوسيعه الوجه لاتسمعنا.. وتفضحينا..
ريم بهمس:وانا عند ربي صادقة...انتي متشوفين.."معطتها وجه امها"يمه متلاحظين..
ام حمد:ووجع أي لاحظت بس سكتي..
فاطمة:وش فيكم كنا الموضوع صار مساسر..
ام عبدالله بفضول:وش تقولون؟؟
ام حمد ابتسمت:كل خير ياوجه الخير..
صيته"وهي تنادي":سارة..سارة..
سارة بنت مبارك:هلااا
صيته:هلا بيك..أنا اقصد سارة بنت سعد..
الكل:ههههههه
سارة بنت سعد:جايه..
غادة:يوووه كلا تروحين"علت صوتها" اقول ياصيته غيري..
صيته بصوت عالي:لا انا ابي سارة بنت سعد يعني سارة..يلااا
سارة بنت سعد:ماني متأخره..دقايق..
ورحت اساعد صيته..صيته:لحظة بجيب ممسحة من المطبخ واجيك..
سارة:اوكي..يووه تراب مرة...وانا مدريت ان في واحد يطالع فيني..
:(يازينك والله بعد كم يوم راح اخطبك من ابوك):احم..احم<<وش بعده بعد مشبع ناظره لي..
سارة"التفت" ورحت ادور لي شيء اغطي وجهي له
جاسم:مو قصدي بس ع بالي انك انتي صيته..
سارة" شلاخ والله يدري اصلنا فرق بينها وبين سارة بواجد وفي كل شيء."..
:لا عادي..اصلن صيته كانت هنا بس راحت وبتجي بعد شوي"سكت معرفت وش اقول" مبروك ياجاسم..
جاسم:الله يبارك فيك..
سارة:عقبالك.. إن شاء الله اشوف عيالك..
جاسم:إن شاء الله.(انتي اصلنا راح تكونين ام عيالي بأذن الله وغيرك ماابي..يابعد قلبي)يلاا سلام..
سارة:.....(ليشت تاخرت صيته كذا..) وراح وبعد دقيقة جات صيته..صيته:تاخرت عليك..
سارة:أي وكثيرا بعد..
صيته:وش أسوي في أمي تبيني أجيب تمر ثاني للحريم..
سارة:اها..
ونادى احمد اخته نوف عشان تدخل لعبدالله وهي مرعوبه مره..حاولنا التخفيف عنها..
وأذن العشاء وطلعنا..وسارة بنت خالي مبارك مغير تتلصق بأم فيصل وبنتها..
وفي سيارة فيصل...
فيصل:اقول غادة من الي سوت الحلى اليوم.. شكل الي سوت الحلى يوم هي نفسها الي سوت الحلى يوم كنا في المزرعة اول يوم..
غادة:وش دراك؟؟
فيصل:لا بس حسيت..
ونزلوا من السيارة ودخلوا البيت وسحبت غادة اخوها فيصل..
فيصل:وطير وشفيك يابنت؟؟
غادة:يطرك..ترى لقيت لك عروسة..
فيصل"بقق عينه لاخر حد":وش..كييف؟؟
غادة"وهي تساسره":من مدة والله..
فيصل بحده:من قال لك اني ابي اتزوج..الله يصلحكم بس..
غادة:متخاف البنت مزيونه مررة...
فيصل:بس انا ماابي اتزوج.. ودخلت ام فيصل وسمعت كلامهم:لا راح تتزوج..
فيصل"التفت":يمه..
ام فيصل:أي امك..راح تتزوج غصبن عليك..سامع..
فيصل:بس...
قاطعته:إن ماتزوجتها لانت اولدي ولا انا اعرفك وراح ازعل عليك ليوم الدين..
فيصل بتنهديه:يمه انا حاليا مفكر بالزواج ومتى مستعديت لزواج ثاني راح ابلغك الله يصلحك بس..
ام فيصل:ياسلام..ومتى إن شاء الله راح تقرر انك تتزوج..لين البنت تروح من يدنا..
غادة:أي والله بعد"وهي تقلده"انا حاليا مفكربالزواج... كثر منها وبعدين البنت طق اعصي عليها...
فيصل"تنهد":يايمه أنا والله مو مستعد ارتبط بزواج فاشل مرة ثانية...
ام فيصل:والله ياحبيبي مو كل الاصابع زي بعض..وإذ ع قولتك ان زواجك فاشل فباذن الله مرااح يكون هذا الزواج زي ذه ولا وش رايك ياغادة..
غادة:أي صح.. وبعدين يااخوي ترى البنت قمرر..جمالها مو طبيعي..
فيصل باندفاع:ليكون الي تشبه ميساء مغربي..
غادة:أي...وش دراك انت انها هي؟؟
فيصل"لاني شفتها"وبمكر: لا بس حسيت لان وصفكم يدل ع كذا..وبعدين لاتنسي انك انتي كلاتكلميني عنها..
غادة بشك:أي معليه..
فيصل بجديه:يمه ان زوجتيني منها غصب والله ان اطين عيشتها..واخليها تطلب الشهادة..
ام فيصل:يسلاام...مراح تقدر..لانك راح تحبها زي محبيتها انا واكثر..
فيصل بتحدي:بنشوف..وابيك تخطبيها لي باسرع وقت ممكن.. والله ان اوريها نجوم الظهر..

...............

الصورة الرمزية مرهفه المحبه
11-03-2011, 04:48 مساءً
البارت السادس..
فيصل بجديه:يمه ان زوجتيني منها غصب والله ان اطين عيشتها..واخلي تطلب الشهادة..
ام فيصل:يسلاام...مراح تقدر..لانك راح تحبها زي محبيتها واكثر..
فيصل:بنشوف..وابيك تخطبيها لي باسرع وقت ممكن.. والله ا ناوريها نجوم الظهر..
وطلع..غادة"وهي خايفة":يمه شكله يتكلم من جد يمه..
ام فيصل:معليك منا..
غادة:كيف معلينا منا..ترى هو قد كلمته يمه..
ام فيصل"وهي تجلس":انا قلت ابي البنت ذي ابيه وماني مغير رايي..
غادة:بس...
قاطعته:يحسبني بعد هل الكلام راح اغير رايي..لا ياحبيبتي ماحزرتي انتي وياه..
غادة:طب..مفكرتي يمكن يضرها..
ام فيصل:وش بي سوي يعني..بيذبحها يعني..لا راح يزعل يوم يومين بعدين راح يرضخ للامر..ما
غادة:صح..
ام فيصل:اجل خلاص..."وهي تأشر"عطيني التلفون..ابي اكلم ام منصور...
وفي بيت ابو جمعان..
منيرة:هههههه..الله يقطع بليسك..
ماجد:سمعي ثانية.. محشش يسأل محشش لو صحيت ولقيت نفسك ميت وش تسوي؟قال والله لأنهبل..
الكل:هههههههه
ماجد"وهو يعدل جلسته":وفيه وحده حلمت أن محشش يلحقها قالت له وش تبي؟ قال مدري عنك أنتي اللي تحلمين وفي أغبياء يبون يفجرون مبنى حطو القنابل في الدور الأول وطلعوا السطوح..
سارة"ماتت من الضحك":ههههههه صدق اغبياء هههههه
متعب:ههههههه الله يقطع بليسك مع نكتك ذي..
منيرة:ههههه احنا لازم نزوجة عشان زوجتة تعقله..
ماجد:لا انا ماابي اتزوج احين.."وهو يرفع يده اليمنه"انا لم اجد حب حياتي بعد..
نورة:هههههههه والله انت يبي لك حلم..
عبدالله:يمثل بعد..
منيرة:وانت متى"وهي تقلده"تجد حب حياتك...مالت عليك..
ماجد:وش علامكم انتوا..هههههه مستعجلين"ورن جواله"اسمحوا لي وطلع.. ماجد:هلا جاسم...ههههه أي جاي..اي اكيد...انا كل يوم احظرر..لا ماني مطول بإذن الله..ياابن الحلال دقايق وجاي..
نورة"وهي وراه":ع وووين؟؟
ماجد"التفت":بسم الله..من وين انتي جايه..شبح.
نورة:خلص.. وين بتروح؟؟
ماجد:رايح عند الشباب..تدرين كل يوم اروح هناك..
نورة:لازم يعني تروح..
ماجد:أي لازم انا رئيس النكت عندهم...
نورة:ههههههه امحق رئيس...يلا روح..
ماجد:يلاا سلام بلغي الوالد والوالده..
نورة:انزين..
بيت ابو منصور...
ام منصور:هه وش قلت؟؟
ابو منصور:أي اكيد..لازم تروحين..طالم راح تروح ام فيصل روحي..
ام منصور:يابعد قلبي"ام منصور صديقة ام فيصل من ايام المدرسة وهم ربع الروح بروح والكل يدري..
منصور:احم..احم نحن هنا..
ابو منصور:اقول منصور متبي تطلع..
منصور:ذي تصريفة هه...
ام منصور"استحت":............
منصور:عشان يخلى لكم الجو..
ابو منصور:منصوروه ويهد..قوم
منصور:ههههههه.."وهو يصفق" اخذ بعد ام منصور مستحية ههههه..
ام منصور:منصوروه ووجع..
منصور"وهو قايم":ههههه قايم متخافوون..بل كلوني بقشوري..
وطلع وشاف اخته هيام..منصور:لووين؟؟
هيام:ابي اقوول لامي شيء...وخرر
منصور: اصل امي وابوي يتغزلون في بعض..
هيام:هه..
منصور:أي والله وهم الي طردوني من المجلس..هههههه خليهم..
هيام:ههههههه الله يقطع بليسك..
بيت بو حمد..
وفي الصباح الساعة10:11 ورحت استحميت جسمي بس.. ولبست بجامة باللون السمواي وفيها رسمه حمار الوحشي وسروال مخطط باللون الابيض والاسود زي الحمار الوحشي وحطيت غلوس وكحل بس وماحطيت كريم اساس لاني بيضة فعادي إذ محطت...ورفعت كم خصله من وجهي وحطيت عضاض صغير..
ورحت الصاله ولقيت حنان مع امي قاعدين يشوفون تلفزيون..وقعدت معاهم"رن جوالي":هلاااا قلبي"وطلعت لتهويه:مصارت سفره كل ذه..
الاء:وش اسوي بعد والله توني راده ..
سارة: المهم اخبارك واخبار امك؟
الاء:زينه..تسلم عليك..
سارة:الله يسلمك ويسلمها..هاه استانستي..
الاء:حيييل..والله قلت في نفسي لو كنتي معاي بس..
سارة:اهم شيء اني طريت في بالك..
الاء:مشتاقة لك حيل بجيك اليوم..
سارة:امممم اليوم والله مقدر..
الاء:ليه؟؟
سارة:بروح السوق مع اخواني..عشان ملكة بنت خالي..
الاء"بحماس":أي وحدة..
سارة:نوف..
الاء:من صدقك..يحليها..
سارة:انتي معزومة تعالي في صاله الـ.......
الاء:طيب..اي يوم ومن ماخذه..
سارة:يوم الاثنين ذه..ع ولد خالي مبارك..عبدالله..
الاء:يحليل الله يوفقهم يارب..طمنيني عنك..
سارة:الحمدلله عايشين..
الاء:احكي...
سارة:معندي شيء..
الاء:يعني معندك..مواقف حلوة.محرجة..طحتي مثلا..
سارة:هههه وجع تبيني اطيح يعني"وطراء ع بالي فيصل مدري ليه"أي عندي مواقف مو موقف واحد..دقي علي التلفون الثابت مشان مصرف عليك..اصلي معندي رصيد
الاء"بحماس":اوك يلاا روحي بسررعة احين بدق..
سكرت منها ورحت الصاله..ملقيت امي ولا حنان شكلهم في المطبخ ودق التلفون الثابت ورديت:هلا
الاء:اهلين..يلااقوولي لي بسررعة حدي متشوقة..
سارة:هههه اسمعي وانا رايحة في مزرعة خالتي منيرة.....إلخ
وقلت لها الاحداث كلها..
الاء"بفاعليه كبيرة":كذاابة..
سارة:أي والله مكذبت..
الاء"تنعم صوتها":حلووو ولا..
سارة:..............
الاء:سويره...يلا قولي..


يتبع...

الصورة الرمزية مرهفه المحبه
11-03-2011, 04:50 مساءً
سارة:أي حلوو
الاء"وهي تصارخ":آآآآه..كيف شكله..
سارة"وانا ابعد السماعة عن اذوني":وجع صميتي اذاني...مدري مركزت عليه..
الاء:يلااا قولي مراح اقول شيء...
سارة:لا والله..
الاء:طيب هو طويل ولا..
سارة:أي طويل..وحيل بعد
الاء:عنده سكسوكة ولا عوارض ولا شنب خخخخ
سارة:يالخبلة هههه لاعنده سكسوكة..
الاء بحماس:الله..طيب وش لون عيونه..عسليه ولا سوده..
سارة:اممممم والله مدققت على عيونه..وبعدين انا فاضيه ادقق في عيونه اقول لك مرعوبة..
الاء:كل ذه وتقولين ماتدري ومادققتي هذه انتي تعرفين..
سارة"احمر وجهي":الوي اسكتي احسن لك..ويلا ضفي وجهك..
الاء:اخذ بعد تستحي..
سارة:ترى والله بسكر..
الاء:هههه..ودي اطول معك واغثك بس تدرين الوقفت ذه مو مناسب مره ثانيه
سارة:ههههه..سلام
وسكرت السماعة ورحت المطبخ..
حنان"وهي تقطع الطماطم":يمه يعني متى نروح السوق؟؟
الهنوف:بعد مترجع ريم من الكليه وتروحون..يعني العصر..عشان الوقت..
سارة:وش بطبخون اليوم؟؟
الهنوف:دجاج مشوي مع رز ابيض وشوربة ملوخية وتبولة..
سارة"وانا رايحة للبراد":اجل بسوي التبولة بسرعة لان حلاته وهي بارة..
حنان:اول متخلصينها حطيها في البراد..
سارة:أي وش اقوول انا من الصبح..
حنان"وهي تمسح الرخام":اجل يمه وش صار على الحريم الي جاو لريم..عدلين ولا..
الهنوف:ابوك يقول انهم زيون...إن شاء الله ريم توافق عليهم بس..
سارة"وانا اقطع": وليه متوافق طالمه هم زيون..
الهنوف:انا اقصد..يمكن هي مترتاح ..
سارة:اها..لا إن شاء الله ترتاح..
الهنوف:إن شاء الله..
بيت ابو عبدالله...
عند الساعة12:15..عواطف في المطبخ"وهي تعلي صوتها":عفراء تعالي ساعديني..
سارة"وهي في المطبخ":يمه وانا مو تارسه عينك..
عواطف"مستغربة":سارة وش تسوين هنا..
سارة:ابي اساعدك في الطبخ..
عواطف:غريبة..
سارة:اخاف اتزوج وانا معرف اطبخ..
عواطف:زين فكرتي..طول عمري وانا اقول لك كذا زين فهمتي..
سارة:الحمدلله اني فهمت"كل ذه عشانك يافيصل..فديتك"...الا يمه كلمتك ام فيصل ولا..
عواطف بشك:لا والله..ليش كلا تسالين عنها..
سارة"ارتبكت":هه..لا بس اسال..
عواطف:قصي ع واحد غيري..بس مو انا..
سارة:تبين الصراحة احسن اني ارتحت لها تجنن والله..
عواطف:أي والله هل الحرمة طيبة حيل وعادية ماتتصنع رغم انها صاحبه عز..

بيت ابو حمد..
الساعة1:15 استوا الغداء وجات اختي رغد من المدرسة وجات ريم من الكليه..
جهزت المائدة وكبينا الغداء وجاء عبيد من كليته وحمد مع ابوي جاوا من الشغل..

اكلنا وشبعنا.. الهنوف:حمد..انت بتودي اخوانك اليوم السوق..
حمد:وش عندهم؟؟
الهنوف:عشان يشترون فساتين لملكة بنت خالهم..
حمد:أي..في أي وقت اوديهم..
الهنوف:بعد صلاة العصر مباشرة..عشان الوقت..
حمد:حصل خيرر..بس لاتأخروني..
رغد:إن شاء الله مانتأخر ونخلص في يوم واحد.. ساره(احنا كلا مستعجلين..كلا مستعجلين وبس)
وتسامرنا زي كل بعد غداء واذن العصر..غيرت لبسي لبست بنطلون جنز ازرق مع بلوزه نيلي روعة.. واكسسوارات نيلي ولبست صندال بلاك ومحطيت غير روج"لاني محب اتبرج لطلعت السوق اقصد يعني احط كحل ولا ظل"

واخواتي غيروا لبسهم.. وطلعنا ورحنا للمجمعات.. رغد شافت فستان عجبها وخذته أما ريم معجبها شيء هي وانا... وحنان بعد عجبها فستان وخذته..ورحنا سوق ثاني ..وانا ماشية شفت الاء في السوق هي مع امها عرفتها من اخوها عادل سلمت عليها..سارة:هلا خالتي اخبارك؟؟
ام الاء:زينه الله يرضي عليك..أخبار امك؟؟
سارة:الحمدلله زينه..تسلم عليك..
ام الاء:الله يسلمك ويسلمها..
الاء بفرحه:اخر شيء توقعته اني التقي معاك في السوق..
سارة:هههههه حتى انا..حمد"وهو جاي عندي":هه عجبك شيء في السوق ولا..
سارة:أي هذا انا ادور..
حمد:بس بسررعة..ترى مليت..
الاء"تساسرها يوم راح عني اخوي":من هذا الصروخ..
سارة:ههههه هذا اخوي حمد..
الاء:يجنن مرررة..
سارة:مو اخته سارة..
الاء:مالت..هه عجبك شيء ولا..
سارة: عجبني ذه وش رايك فيه؟؟
الاء:حلووو مرة خذي لون غامق..لانك بيضة وشعرك اسود فايناسبك الوان الغوامق..
سارة:والله يعني اخذه..
الاء:أي والله حلوو..وانتي بتحلين الملابس..
سارة:اسلمتي.. يلا عن اذنكم بروح عشان ادور له اكسسوارات وصندال..
ام الاء والاء:اذنك معك.. ورحت
ام الاء:هل البنت تجنن مرة حطيها ع الجرح تبرا..
الاء:أي والله..حيل يمه..رغم جمالها إلا انها متواضعة مررة وبسيطة..
ام الاء:أي ادري عنها هي زي امها الهنوف مشاء الله عليهم..
واخيرا لقت ريم ملابس عجبها مرة وخذته كان مرة خيال..تصميمه روعة..
وكلمت الوي..سارة:هه خلصتي من السوق ولا..
الوي"في السيارة":خلصت من زمان وانا برجع البيت احين..
سارة:مشاء الله..تقدرين اليوم تجيني ولا بكرة..
الوي:والله عادي..
سارة:أي تعالي..انتظرك..
الوي:متى تبيني اجيك؟؟
سارة:امممم الساعة 7:30 يناسبك ولا..
الوي:إلا يناسب..يمدي لي احرق شعر بسشوار..
سارة:هههههه يلا تامري بشيء..
الوي:أي تكفين سوي لي حلى الي سوتيه لي ذيك المرة..
سارة:اممممم..اي وحده مذكر..
الوي:يوم وكلتي اخوك يجيبها لنا..
سارة:أي حلى المــــارس..
الوي:ايوا حلى المارس..مو تنسين..
سارة:ابشري..سلام..
الوي:سلام.. ورحنا البيت تعبت من كثر الحواسه في السوق.. تكسر رجلي.. وقلت لامي ان خويتي بتجي.ووصلت سلامها لامي
ودخلت المطبخ وسويت الحلى.. وحطيت مكياج ناعم مرة مغيرت لبسي لان حلو وخلاص...ومشطت شعر..وعند الساعة7 ونصف رتبت شكلي وجات الاء عندنا..
سارة"وانا اسلم عليها":هلا حبيبة قلبي
الاء:هلا بيك..
سارة"وانا ااشر"حياك..
الاء"وهي تطالع فيني":جسمك خيال ياكلبه ضعفتي حيل..
سارة:ههههه والله نفسة..وش فيك
الاء:لا والله احنا من تخرجنا خمس شهور بس وانتي مكنتي كذا في المدرسة والله ضعفتي وحيل بعد وحلويتي جسمك خيال يالشينة..
سارة:قولي مشاء الله..
الوي:مشاء الله..بس كيف ضعفتي كذا..صرتي اضعف مني..وشكلك بالبنطلون خيال..
سارة:لهدرجة انا كنت متينه في المدرسة..
الوي:لا..بس كنتي متعافية.. بس احين غيرر صار جسمك روعة اسم الله عليك..
سارة:من الشغل والله..
الوي:اجل بشتغل كثير في البيت..عشان اصير زيك..
سارة:ههههههه يالخبلة.."ورحت المطبخ وجبت الحلى"
الوي:الله شكله حلو مرة..
سارة:هذه لك كلا سويتها لك انتي بس..
الوي:واهلك مايبون..
سارة: لا عادي اسوي لهم مرة ثانية ميعوق تراه..وسويت لك زيادة لامك زين..
الوي:لا بس ذه يكفي..
سارة:لا مايكفي..ولجيتي تطلعين ذكريني..
الوي:والله مخذه والله..
سارة:الوي ليه تحلفين..انا اجل وش اسوي بالباقي..
الوي:تصرفي..
ورن جوالي"مكتوب حماتي"تفاجئت سارة:الوي شووفي"وريتها الاسم"
الاء:يعني متدرين..هذا جوالك..
سارة"مستغربة مرة":والله مدري وانا معطي جوالي لأي احد."وهو مزال يرن"
الاء:طيب ردي وشوفي مين..
سارة"رديت بتردد:الوو
:هلااا..اخبارك ياشينة..
سارة بتوتر:مين معي؟؟.
:هههههه معرفتيني ياميساء؟؟
سارة:غادة..هلااا اخبارك؟؟وش هل المغلب هذه..
غادة:ههههه زينه..وانتي؟ هه عجبك؟؟
سارة:الحمدلله..فزعتي قلبي وانا قاعده اقول من هي حماتي؟؟
غادة:هههههه مشغولة؟؟
سارة:انا.."الاء تاشر علي مين"همست لها:ذي اخت فيصل..الاء تهمس:بذمتك.. هزيت راسي لها بنعم..
غادة:انا اتكلم مشغوولة ولا..
سارة:عندي خويتي احين..
الاء "بهمس":خليها تجي..
غادة:يعني مشغوولة..
سارة:لا مو مشغولة حياك عندنا في البيت..
غادة:لا اخاف تتضايق خويتك..
سارة:لا هي الي قالت خليها تجي ونستانس جمعه احلى..
غادة:خلاص بقول لفهد..انتوا وين بيتكم..
سارة:في..........يم.......
غادة:أي عرفته..استنوني اوكي..
وسكرت منها..
الاء:ذي اخت فيصل حبيب قلبك..
سارة"وانا احط يدي في فمها":اسكتي لحد يسمعنا..وبعدين من قال لك ان هو حبيب قلبي ولا ع كيفك ترقعين..
الاء:أي ع كيفي...تصدقين خاطري اشوفها كيف شكلها..
سارة:امممم ناعمة وحلوة وهي متزوجة..
الوي:من صدقك..
سارة:أي والله..تصدقين مكنها متزوجة.. مو مبين عليها..
الوي:كم عمرها؟؟
سارة:والله مسألتها؟؟ بس مبين عليها كن عمرها 23 او 24 كذا يعني..
الوي"وهي تاكل":اها..وطالم هي راح تجي عطيها الحلى لها ولزوجها...
سارة:أي والله صدقتي..
وفي بيت فهد وغادة..
راحت غادة تحط لها مكياج ناعم وغيرت لبسها لبست تنوره ميدي جنز اسود وبلوزه موف ناعمه..وسيحت شعرها..ودخل عليها فهد"وهو متنح على شكلها"..
غادة"التفت":هلا فهودي..حبيبي"وهي تلبس حلقها"عادي اروح بيت خويتي؟؟
فهد"وهو خلاص ذاب من شكلها"
غادة"بدلع":فهودي وش قلت يلاا عادي اروح ولا..
فهد"وهو يبلع ريقه":هه..
غادة:فهودي وش فيك؟؟
فهد:بتروحين كذا"وهو يطالعها بتفحص"
غادة"استحت":ليه وش فيه لبسي ماهو خالع لابسه تنورة وبلوزة ولا بعد اكمامها موقصيرة حيل..
فهد"اقترب منها"وبهمس:لا مراح تروحين كذا..اغار عليك...
غادة بزعل:ليه؟؟
فهد"وهو يبوسها في خدها":اخاف ينظلونك..ومبي احد يشوفك غيري..
غادة"استحت من نظراته:فهد..يعني مروح..حرام هي تنتظرني؟؟
فهد:عيون فهد انتي..روحي بس ماتتأخرين حدك ساعة عندها..
غادة"فرحانه":صدق فهودي..
فهد"انسدح الرجال من قالت فهودي":هه..
غادة"وهي تهزه":فهد وش فيك..
فهد:شكلي ببطل..
غادة"فهمته واحمر وجهه"وبدلع":فهد وبعدين..
فهد"وهو يبوسها في جبينها":ولا ابلين..يلا بسرعة لغير رايي..
غادة:ثواني وانا جاهزه
فهد:يلاا بسرعة."احبها والله احبها وامووت فيها احمد ربي انها من نصيبي" وودها بيت سارة..
فهد:غادة..
غادة"التفتت":قلبها..
فهد"يغمز لها":احبك..
غادة"استحت حيل"ونزلت من السيارة بسرعة... بس كان اسرع منها ولمها في صدره بقوة في الشارع..
غادة"وجها صار طماطم من حركة فهد":فهد..الناس بيطلعون فينا..
فهد"وهو مزال يحضنها":عادي زوجتي وانا حر فيها..
غادة:والله بتفضحنا احين لو شافنا واحد من اهل البيت...
فهد واخير بعد عن غادة.. ودخلت ودقت الجرس..
سارة:جت..جت.."عليت صوتي":كريمة كريمة فتحي الباب.. راحت كريمة وفتحت الباب..
سلمت ع غادة والوي سلمت عليها..
غادة:وش هل الجمال تبارك الرحمن...
سارة"انكسفت شوي ع قوله المصريين":اسلمتي انتي الي صايرة حلووة بالمرة أنتي كل يوم تحلوين..
غادة:اسلمتي..
سارة"اشرت لها"حياك..تفضلي البيت بيتك..
غادة:اسلمتي..
الاء:وش فيه وجهك احمرر..كل ذه خجل..
غادة تذكر حركة فهد في الشارع وزادد احمرار..
سارة:وي وش فيك انقلب وجهك طماطه..صار شيء..
غادة:هه لا مصار شيء..وخلكم من موضوعي اخباركم انتوا؟؟
سارة:الحمدلله زيون.. ومر الوقت بسرعة علينا..
غادة:يلا بروح احين..
سارة والاء:تو الناس حرام عليك..
غادة:لازم اعشي فهد..
الاء:اخذ يافهد..
غادة"استحت":يلا اشوفكم ع خيرر..
سارة"عليت صوتي":كريمة جيبي الحلى الي في الثلاجة..
غادة:أي حلى انتي ووجهك ماابي شيء..
سارة:والله تاخذينه ولا ازعل..
غادة:اخذه بس بشرط..
سارة:وش؟؟
غادة:تتزوجين اخوي؟؟
سارة:هه..
غادة:هههههه.. وش فيك..امزح وياك..
سارة:يووه انتي متجوزين عن حركاتك..ابد..
غادة"وهي تاخذ الحلى مني":يلا اشوفك ع خيرر..
الاء وسارة:سلاام..
وركبت غادة السيارة..غادة:وانت دقيق في مواعيدك..
فهد:إذ كنا الموضوع يخصك اكيد ا حاكون دقيق..
غادة:فديتك وفديت مواعيدك..وش تبي تاكل اليوم؟؟
فهد:امممم أي شيء..
غادة:تبي تاكل حلى..
فهد:أي حلى؟؟
غادة:الي سوته مرت اخوي..
فهد:ههههه خلاص خطتتي انتي وامك انها مرت خوك..انتي خليها توافق بالاول ويصير خير..
غادة:وليه متوافق إن شاء الله..اخوي مافيه شيء ينقص..
ووصلوا في البيت وذاقوا الحلى وماتوا عليه..
فهد:اقوول غادة..خلي البنت ذي تقبل بإخوك باي وسيله..
غادة:ههههه انت مايهمك إلا بطنك..
وفي بيت ابو حمد..
راحت الاء بيتها..ورحت الغرفة ولبست بجامتي النوم ومسحت مكياجي..ورن جوالي..سارة"وانا منسدحة في السرير" وبصوت كله تعب ونوم":الو..
:وقضتك من النوم صح؟
سارة"وانا اقوم واعدل جلستي":مين يتكلم؟؟
:افى معرفتي صوتي؟؟هذه انا؟؟
سارة:مين انتي؟؟
:هههههه هه احين عرفتيني..
سارة"من ضحكت عرفتها":هلااا ببنت عمي وداد..اخبارك؟؟
وداد:ههههه زينه والله ولك وحشه..والله وطلعتي تردين ع ارقام غريبة..
سارة:هههه لا والله رديت من غير مشوف الرقم..
وداد:حزري وين انا احين
سارة:وين؟؟
وداد:انا في بريطانيا..
سارةاستغربت:وين ؟؟
وداد:هههه وش فيك..انا قررت اني اكمل دراستي برا...
سارة:لحالك..
وداد:لاا مع اخوي..
سارة:اها..مع بندر؟؟
وداد:أي وفي غيره..
سارة:اخباره زين؟؟
وداد:أي الحمدلله..وش رايك تكملي دراستك في بريطانيا زيي..
سارة:والله معتقد اهلي بيرضون..
وداد:انتي ساليهم وشوفي..
سارة"هم بالموت يطالعونا":بشوف يلا قلبي اكلمك بعدين..اهتمي بحالك..
وداد:اوك..بس عطيني رد اوكي..
سارة:إن شاء الله..سلام.
وسكرت منها..ورحت كملت نوم لاني تعبانه حيل ولاحتى فكرت في كلامها لاني ماابي ادخل لا كليه ولا جامعة انا مو حول دراسه ابي افتك من المدرسه وخلاص




اليوم الموعود...يوم ملكة نوف...
صحيت بدري وعملت ماسك لوجهي وعنقي.. وغابت اختي رغد اما ريم مغابت من الكليه لانها امس غابت.. وجبنا الكوفيرا وسوت شعرنا وحطت لنا مكياج إلا انا محبيت يحطون لي مكياج حطيت لنفسي مكياج سموكي..روعة..يناسب عيوني..وعملت لي الكوفيرا تسريحة الشنيون.. صارت خيال علي..

فستاني كان مرة ناعم.. وطلع الفستان البنفسجي احلى لان شعري لونه اسود..توب بدون حمالات ضيق من الصدر ويوسع من تحت

رحنا الملكة ونوف شكلها مووت.. والحريم كانوا يطالعون فيني بقووة"زين اني محصنه نفسي ولا كان رحت فيها.."
ولتفت ع وحده
:صايره مووت..
سارة"بنظرات كلها تعجب":من انتي؟؟
:طالعي فيني زين..
تاملت في عيونها"كانت مبرقعة":هلااا"وأنا احضنها"الوي كيفك؟؟
الاء:زينه.. بصراحة معرفتك إلا يوم قالوا لي انك انتي سارة بنت سعد..
سارة:ههههههه لا تبالغيني..الفستان مرة سنبل..
الاء:مو قلت لك في السوق انك انتي راح تحلين الفستان..وع فكرة انتي احلى وحده في الملكة هذه..
سارة:لا تبالغين كثير الاء بالعكس انا اشوف ان نوف حلووة مرة واختي ريم ورغد..والله فيه واجد..
الاء:لا انتي احلى وشكلك كذا كنك فعلا ميساء مغربي..التوام حقها..
سارة:ههههههه أي قولي كذا..احين عرفت ليه يطلعوني..مشان اني اشبه ميساء..
جات حرمه ولمتني في صدرها بقووة وأنا معرفت مين بس باين عليها انها حرمة كبيرة في السن..
سارة"ابتسمت في وجه":هلا يمه "وانا ابوس راسها"..
الحرمة:صايرة قمرر مرة ياسارة..
سارة"يوم سمعت صوتها عرفت انها ام فيصل":اخبارك يمه؟؟
ام فيصل:زينه يابنتي..وين امك؟؟ ابي اسلم عليها..
سارة"اشرت لها":هي هناك قاعدة مع خالتي منيرة وحريم خوالي..
ام فيصل:الله يعطيك العافية..
سارة:إلا يمه وين غادة جات ولا..
ام فيصل:إلا جات بس مدري وين راحت..بروح اسلم ع امك..
سارة:بحفظ الله يمه...
إلا نسمع غنية ادواك عندي لعباس إبراهيم كان تسحبني الاء وتخليني ارقص معاها..
ورقصت وانا وبنات خالي.. انهبلوا الحريم ع رقصنا أنا وريم وفاطمة.. وسالوا من حنا ومن عياله...وبذات انا ظنوا اني ميساء...
ودخل عبدالله ولبس نوف الشبكة...نوف كانت بتموت من الخجل<<مسكينة..
وأنا مدري ان في حد في هذه الغرفة ودخلت وفي وجهي على طول............


...................


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
"""""""تفضلي شوفي كل ماهو جديد بديكور"""""""""" سيدتي ديكور فن وتصميم الديكور
فقط للرشيقات عفواً ممنوع اصحاب الاوزان الكبيره المواضيع المكررة والمخالفه
رومانسية "مهند" و"يحيى" تخطف قلوب السعوديات! المواضيع المكررة والمخالفه
رواية """عشقي بدوي يابنت ماتفهمينه """ الروايات
رواية "عندما اعلنت حبك" روايه رومنسيه جريئه القصة القصيرة

جميع الأوقات بتوقيت GMT +3. الوقت الآن 12:59 مساءً.