• 1
  • 2

جوزي شتمني جوزي ضربني جوزي خاني ...... تستاهلي

04-17-2012, 11:34 صباحاً

بسم الله الرحمن الرحيم

انا النهارده مش بكتب الكلام ده عشان حد يغضب مني ويقولي انتي مش حاسة بحاجة
او مش فاهمة
انا واحدة عادية جدا
مثلكم تماما

بس كل الحكاية اني فكرت جيدا قبل ما اتزوج
وعملت لنفسي وضع محدد مع زوجى واهله
وفي نفس الوقت عملت لزوجى واهلي وضع جيد جدا
يعني حاولت ارضي جميع الاطراف من غير ما اضغط على اعصابي


انا ملاحظة كثرة الشكاوي من الازواج
(طبعا انا بتكلم هنا عن الازواج الصعبة )
الزوجة اللي بتشتكي ان زوجها بيضربها او بيهين كرامتها امام الناس وامام الاولاد او بيشتمها او بيخونها
انا عندى كذا تعليق علي هذه الزوجة..


اولا:- ازاي لم تكتشفى خطيبك ايام الخطوبة؟

لا... كتير من الاحوال بيكون باين لكن نحن المخطوبات كنا بنخلي المركب تمشي علشان نتجوز او لاننا بنحبه
والنتيجة بعد مانتزوج وننجب اطفال نشتكي

ثانيا ماكانش باين عليه لكنه بعد ذلك اتغير

لكن انتي سكتي ليه الفترة دي كلها

ثالثا :-انا متزوجة بقالي كام سنة وخلاص زهقت من معاملته وعايزة اطلق

يعني انتي عايزة اللي باظ في كام سنة يتصلح في اسبوع؟
طبعا ده درب من دروب المستحيل

رابعا كان بيعاملني بقسوة وبيهينى وبيضربني مع اني بموت فيه واحبه ومابتاخرش عنه في اي طلب وبراعي ربنا فيه

مش فاهمة يعني ايه يهينى وانا اعامله كويس
ومين قال ان مراعاة ربنا باني اخد على دماغي واسكت ده ربنا سبحانه وتعالى قال (ولهن مثل الذي عليهن)
فى الاية ربنا قدمك انتي الاول وقال ليكي وبعدين عليكي
ليه بقا بتتهاوني في حقك وتقولي اصلي براعي ربنا؟
راعي ربنا بانك توقفي بيتك على الحب والاحترام
واوعي تفتكري انك بسكوتك عن حقك بتراعي بيتك ..لا ابدا انتي بتدمري معنى الاسرة في عقول اولادك من حيث لا تدري
وبتضيعي كل معاني المودة والرحمة

بنتك هتطلع بتكره الرجالة بسببك وهترتبط بواحد عديم الشخصية عشان تنتقم ليكي من الرجالة

وابنك هيبهدل بنت ناس معاه عشان فاكر ان دي الرجولة الصح




طيب الحل ايه؟



اولا:- للانسات والمقبلين على الزواج

الخطوبة شئ مهم جدا
ومهما الراجل حاول في الخطوبة يخبفي طباعه هتبان هتبان
اياكي ثم اياكي تعدي مواقف فيها اي نوع من الاهانة ليكي او لاهلك
واياكي تقولي اصلي خايفة اعنس او بحبه
صدقينى اي حاجة حلوة بتروح مع اول قلم تاخديه على وجهك او اول اهانة حتى لفظية على اقل تقدير
واعرفي ان لو زوجك عرف انك دلوعة هيدلعك العمر كله
ولو حسستيه انك راجل وممكن يعتمد عليكي وهتقفي جنبه دايما وتساعديه هتاخدي فوق دماغك وهيدور على اللي تحسسه بدلعها

مش معنى كده انك تفهميه انك مش هتقفي جنبه لا انتي تقفي جنبه في الظروف اللي ليس له يد فيها ..
واعرفي انه من اول مرة اهانة لو عدتيها هتاخدي على كده طول العمر



ثانيا:-
اما اللي خلاص تزوجت وبتتهان وبتتبهدل
فاحب اقولها عقلك فين؟
فين كيد النساء؟
اعرفي ان الدعاء والصبر والتخطيط والتطبيق هما الحل
لكن تقعدي تدعي بس وتصبري من غير فعل انسي لان ده تواكل

هتقولي اعمل ايه؟

هقولك غيري زوجك
هتقولي حاولت وما اقدرتش
هقولك سيدنا عمر بن الخطاب كان كافر واشد الناس عداوة للرسول صلى الله عليه وسلم واسلم واصبح من هو

انتي زوجك مهما عمل فهو مش كافر
واعرفي ان اللي تحطم في سنين مش هيتصلح غير في سنين
واوعي تياسي
وفهمي اولادك ان الجو اللي انتي فيه ده مش هو الجو الطبيعي للاسر وفهميهم انك بتحاولي تغيري ابوهم عشانهم وانك بتجاهدي



وفي الاخر هقولك كلمة تذكريها جيدا
لو انتي من داخلك بقيتي قوية هيظهر عليكي وكل ما قوتك تزيد كل ما جبروته هيقل

وطول ما انتي حاسة من داخلك انك جميلة غصب عنه هيشوفك جميلة

وطول ما انتي واثقة انك ست بيت وزوجة وام شاطرة هيتنقله الاحساس ده



كفاية اهانه


وفوقي يا حواااااااااااااااااااااااااااااااااااااااااااااااا اااء



احب اقول في الاخر ان ده رايي من تجاربي وتجارب من حولي
قد اكون مخطئة وقد اكون صائبة
بس انا بجتهد والله اعلم واكبر
لـ حفظ الموضوع والإستفاده منه إستخدمى هذا الرابط :
جوزي شتمني جوزي ضربني جوزي خاني ...... تستاهلي
http://forum.sedty.com/t584358.html



الصورة الرمزية سمراء الهند
04-17-2012, 01:16 مساءً
كلامك قمة بالروعة وكنت براعي قمة الحرص
ان لا تضيع علي ولا كلمة بدون فائدة
وبالنهاية بحب احكيلك الزواج فعلا حظ
ولكن حتى الانسان يستطيع ان يغير قدره فكيف
لا يستطيع ان يغير حظه .....
بوافك بكل كلمه
الخطأ خطأنا والذنب ذنبنا
احنا الي بنتغاظى ايام الخطبة عن صفاتهم السلبية
بس علشان ما يحكو عنا مطلقة قبل الزواج
والمشكلة التانية بالمجتمع الي ما بيرحم
يعطيكي العافية اختي موضوعك بقمة لروعة والفائدة
الصورة الرمزية برنسيسة ستار
04-17-2012, 01:21 مساءً
موضوعك مهم ويستحق القراءه والنقاش
يسلمووووو
غريبة هذي الدنيا متـاهه ومالها آخر
الصورة الرمزية عيونK
04-17-2012, 03:04 مساءً
السلام عليكم حااااااابه اقووولك ضربتي على الوتر الحساس وخصوصا اصبري وادعي وانتي جاااالللسه

اخ بس الكلام الي ابي اوصله ومعرفت كيف انتي ابدعتي فييييييه

الله يجعله بميزان حسناااااتك
لا اله الا الله سبحانك ان كنت من الظالمين
ان كنت ذا حسب زكا وذا نسب
فان الشريف بغض الطرف معروف
ان الزناة اناس لا خلاق لهم
فاعلم ان بيوم الحشر موقوف
واقطع لحاك قبحك الله من رجل
فان قلبي عن الفحشاء مصروف
الصورة الرمزية Pure Spirit
04-17-2012, 03:31 مساءً
موضوع في قمة الروووووعه... الى الامام هيااام... تستاهلي التقيييم



الح'ـياة ، مجرد كتاب
غير أننا مجبرينْ عَلى أن نَعيش صَفحاته بالتَرتيبْ
و لا يمكننا اختيار الصَفحة التي نَشآء
فارضى بكُل شيء . . فلربما يكونُ القادم أجمَل . .

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
البعض يخون لكي ينسى …والبعض ينسى لكي يخون.......!! خواطر وعذب الكلام
مهم جدا الى جوسي الحمية - الرشاقة - تجارب الرجيم
نوم جوزي افتحي قلبك
جوسي الحمية - الرشاقة - تجارب الرجيم

جميع الأوقات بتوقيت GMT +3. الوقت الآن 01:54 صباحاً.