الصورة الرمزية الجابريه

طريقة عمل محشي الكرنب .. كيفية عمل الملفوف بالمصريه .. كرنب محشي طعمه حناا

06-01-2012, 06:55 صباحاً

أزيكــم يـا أحلى بنات
أخباركم .. أيه
كويسين .. أيه مش سامعه
أيــــــوه كدا
هههههه
النهــارده هنعمل أكله مصريه جميله
معظم الشعب المــصري بيموت فيها
ويا سلام لمـا تكون في الشتاء وسخنه
موحوحه .. يووووو شكلي هتكلم عليها كتير
بصو بختصار .. محشي الكرنب
ايوه محشي الكرنب أو الملفوف
يـــــلا بينا نشوفه.. بيتعمل أزاي
أولاً المكونـات:
كرنبه _ شبت_ بقدونس _ كزبره حضراء _
بصل _ طماطم _ فلفل رمي وحامي _ ارز مصري لؤلؤي
_زيت دوار الشمس _ سمن بلدي
التوابل العاااامه يعني(( ملح _ فلفل أسود _ كمون _ كزبره ناشفه )) نضيف عليهم .. نعناع ناشف او أخضر .. ريحــان .. توابل المحشي من فاين فوز




طـريقة التحضير:
طبعاً هتشتري الكرنبه .. هتقطعي الرأس وتفكاكي الورق..أو تقطعي ورقه ورقه من عنقدها العلوي
ضعي حله بهـا مـاء للغليان.. ولمـا تغلي.. ضعي فيها الورق .. طبعاً مش هتنزليهم مع بعض
هتنزلي 3 أو 4 ورقات علشان تعرفي تقلبيه من غير ما يتقطع
أو يتهري ..طبعاً هتسويه نصف سواء
يعني غلوتين فقط ..أوعي يتهري منك
مش هتعرفي تلفيه .. أنا قولت وانت ِ حره
لمـا تطلعيه من الماء.. أقطعي عرقه أو عنقوده من الرأس
لحد ما ينتهي بس اوعي تقطعي الورق معه
بعدها قومي بتقطيع الورق لجزل أو مربعات حسب الرغبه
وطبعاً حجم الورقه حسب الرغبه



وأتركيه لحد مـا يبرد وتعالي نعمل الصلصه
طريقة تحضير الصلصه:
بصل مقطع كتتتتير + فلفل رمي وحامي (( حسب الرغبه))
ضعي الحله على النـار وقليل من الزيت
وبعدها ضعي فيه البصــل




قــومي بتقليبه حد مــا يحمـــر



بعدهـا ضيفي الطماطم المعصوره عليه
وقلبيها



بعــدهـا ضعي الملح والفلفل الاسود وتوابل المحشي لفاين فوز والكمون والنعناع و الريحان (ملحوظه النعناع والريحان كميات قليله .. الكمون كميه كبييييييييييره )
وأتـــــركيها تتسبك كويس جدا
لحد مــا تنشف خاااااااااااااااااااااالص
وبعد مـا تتسبك ضفيهـا علي الارز المغسـول في الطبق البلاستك أو حسب الرغبه






بعــدها ضيفي عليهم الخضره المقطعه (( الشبت _ البقدونس _ الكزبره الخضراء ))
وقلبيهــا جيداً




هـا قلبتيهــــا
طيب دا شكلها بعد ما تتقلب



خلاص كدا الخلطه جاهزه للحشو
تعالي نشوف بنلف الكرنب أزاي
طريقة الف الكرنب:
أول شيء أمسكي ورقه من ورق الكرنب
على صوابع يدك اليسري وضعي بها شوية الارز
وقومي بلفها باليدين معاً
أما الطريقة الاخرى .. أنك تضعي ورقة الكرنب على طبق .. وبعــدها تضعي شوية الارز





بعدها ابدأي بلفه على الطبق زي الجلاش الملفوف
ودا شكله بعــد اللف






جهزي حله بها قليل من زيت دوار الشمس وممكن وضع العروق اللي أنتِ شلتيها من الورق (( حسب الرغبه))
وابدأي في الرص بعد ذالك




حـاولي تكون الرصه منظمه


وياريت تحاولي تخلطي بين الورق الابيض والاخضر علشان كله يتأكل

حــاولي يكون مرصوص بدون لخبطه علشان كله يستوي مع بعضه ..




نظميه للنهــايه لكن أتركي في الحله
ارتفاع .. صابع يد أو أتنين




بعدها ضعي شربة الفراخ .. أو المـاجي
بكميه متساويه مع الكرنب أو أعلى شيء بسيط
علشان يطلع مفلفل
بعدهاضعي الغطاء بأحكام علشان البخار يفضل
داخل الحله
وطبعاً النــار بتكون مرتفعه كأنك هتسوي أرز عادي
يعني النـار مرتفعه ولمــا يتشرب الشربه
ويدخــل في الســواء أخفضي النــار خااااالص
مثل الشمعه
وأرفعي الغــطــاء وضعي
معلقة سمن بلدي من اللي قلبك يحبها




قومي بوضع الغطاء مره أخرى
وأتركيه لحد مــا يستوي خــالص
بعد ها أطفي النار عليه
وقدميه جنب الفراخ المحمره والملوخيه الخضراء
والسلطه أو حسب ما أنت ِ متعوده تأكليه جنبه
وأتفضلي الطبق




وبالهــنا والشفـــــا

الصورة الرمزية مزآجيه،
06-01-2012, 07:08 صباحاً
يعطيك العافيه افضل الكلات الا بحبها الكرنب بس بفضل يكون لونو احمر مش ابيض
ممكن اعمل الحشوه بتعتك بس بحب اضيف مع مرق الدجاج صلصه طماطم روعه
اللهم جمعة سبقت قد ادبرت ونسي عبدك ما عمل
فيها فأحصيته عليه
اللهم ما احصيته عليه من عيوب فأسدل عليها جلابيب سترك
وما احصيته عليه من ذنوب فاغسلها بفيض مغفرتك
وهذه جمعة قد اقبلت فأعنا جميعا يا ربي يا رحيم
(رضيت بالله ربا ، وبالسلام دين، وبمحمد صلى الله عليه وسلم نبينا ورسولا)
الصورة الرمزية رمش السهر..
06-05-2012, 10:38 صباحاً





وسام الفائزة بمسابقة الملف الشخصي
مميزة ملتقى سيدتي والمغتربات العرب

وسام العضوه المميزه
وسام الحضور الدائم قسم التسليه والألعاب


.. الحمدلله تم توجيهي في مدرسه في احد ضواحي مدينتي ..
..اللهم اكتب لنا التوفيق والإخلاص بالعمل ..♡
01-28-2013, 06:01 مساءً
الله يعطيك العافيه

عندي سؤال
بما انالطرفين مفتوحه مايطلع الحشو اثناء الطهي على النار؟
الصورة الرمزية حنين الايمان

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
محشي كرنب...تعليم اجمل احساس الأطباق الرئيسية
طريقة عمل محشى الملفوف خطوة خطوة أطباق منوعه
سر من اسرار محشى الكرنب او الملفوف افكار وخبرات المطبخ
محشي كرنب غير شكل أطباق منوعه
محشى الكرنب ( بالصور) أكلة مصرية أطباق منوعه

جميع الأوقات بتوقيت GMT +3. الوقت الآن 01:22 مساءً.