07-22-2012, 12:48 مساءً

ههههههههههه وانتم ماصدقتوا تبريتوا مني على طول مالت بدال ماتساعدوني.

عبدالعزيز : فشله ههههههههههههههه في هذي الحالات لانعرف لا ام ولا اخت ولا شيء .

سارا: هههههههههههههههه ما ادري كيف طحت حوبتكم شكلها .

عبدالعزيز : هههههههههه.


********************************************

بيت ابو خالد

:السلام عليكم

:وعليكم السلام هلا ياخوي ليش معذب نفسك وجاي نحن الي نجي عندك

:كله واحد وبعدين عشاكم عندنا بس انا حبيت اسولف معاك لوحدنا اشوي

ابو خالد : اهاا تفضل شكله عندك موضوع شاغل بالك طمني

ابو الهيثم : خير ان شالله بس حبيت اسأل عن سارا كيف صارت؟

ابو خالد : تنهد تنهيدة وبحزن :والله موشايل هم كثر همها البنت انقلب حالها ساعات تحاول تبين

العكس وترجع زي اول وفجأة تنتكس علينا ااااه ياخوي يتقطع قلبي عليها وكل شوي تدخل

المستشفى دكتورها يقول محتاجة دكتور نفسي وانا لايمكن اخليها تتعالج عند دكتور نفسي .

ابو الهيثم :والله انا جاي ومعاي حل ان شالله يفيد وتوافق عليه

ابو خالد : بأمل قول وانا موافق.


***************************************

بيت ابو الهيثم

على المغرب كان البخور منتشر في البيت وكان الكل مجتمع في بيت ابو الهيثم وكان الضحك

والسوالف مالية البيت كان الكل جالس بالمجلس سوالف وتبادل الاخبار من بعض .

دخلوا البنات الي كانوا جالسين بالصالة بعد مانادت عليهم الجدة وجلسوا بزاوية بعيدة اشوي الا

سارا الي نادت عليها الجده تجلس جنبها كانوا كلهم لابسين عبايات ومتحجبات وماكان جلوسهم

هادي كان كله حركات وتغميزات وضحك بصوت واطئ .

ام محمد : زين ماسويت ياولدي وبترجع تعيش قريب منا وفي بيتك الي ماتشوفه الا شهرين .

ابو الهيثم : الحمدلله يمه وهذا الشيء كان غصب عني والحين الظروف سمحت اني انقل .

سارا انصدمت من الكلام لانها ماتعرف شيء عنه وناظرت فيهم كلهم وشافت الكل عادي يعني

الكل عارف غيرها ليش ماحد خبرها واستقرت نظرها بزياد الي نسى مايخبرها ومحلف الكل

مايخبرها عشان هو يبشرها

ولما شافها نسى مع السوالف زياد لما شاف نضراتها عرف صدمتها وانه لامفر منها في خاطره :

ياولي جاك الموت ياتارك الصلاة .

سارا ناظرت بشيماء الي ناظرت فيها باستفهام ومافهمت سر نظرتها بس اول مالفت وناظرت زياد

فهمت السالفة وبدون مقدمات ضحكت على شكلهم : ههههههههههههههههههه .


الكل ناظرها باستغراب وام هيثم عصبت عليها لانها فشلتها

ام محمد : ههههههه شيماء شكلها للحين مو مصدقة من الفرحة .

سارا مبوزة : بدون ضروس قولي امين .

زياد : شيماء سكتي مالت عليش .

ام محمد : عيب ايش فيكم على البنت

الكل كان مستغرب من اشكالهم الي انقلبت فجأة مع ان هذا الشيء عليهم عادي بس يكون

وراهم شيء.

شيماء : ههههههههههههههه .

خالد يهمس لزياد الي جنبه : خير ايش صار بينكم .

زياد بقهر: نسيت ماقولها والحين عرفت .

خالد ناظره واستوعب الموضوع وناظر سارا ثواني وضحك : ههههههههههههههههههههه.

شيماء الي حاولت تمسك ضحكتها بالقوة اول ماضحك خالد ضحكت : ههههههههههههههه.

عصبت سارا من ضحكهم وانهم كلهم عارفين واستغفلوها قامت من مكانها بتطلع قبل لاتبكي.

ابو الهيثم بصوته الجهوري: والله ماتطلعين لمكان تعالي جلسي عندي واشر على المكان الي بينه

وبين اخوه ابوخالد .

راحت تجلس جمبه وسلمت عليه وتدلع: فديتك ياعم والله "وناظرت في اخوانها وشيماء يعني

ياويلكم مني"

ابو الهيثم : الحين خبريني ايش السالفة ؟

ابو خالد يضحك على دلع بنته : اكيد مجننيها .

خالد حاول يمسك نفسه لان شكل زياد المعصب يضحكه : تريدون تعرفون السالفة .

الكل : اكــيد

07-22-2012, 12:48 مساءً
زياد طالع فيه نظرة يعني شب .

خالد طنشه وبابتسامه حلوة : هذي الله يسلمكم واحد عنده بشارة لاخته هههه ويريد يسويلها

مفاجئة وجاء يوم عشان يبشرها بالمفاجئة بس جلس يسولف ونسى الموضوع وعلى العلم ان

الكل يعرف المفاجئه وكان اليوم العيلة مجتمعه وبالصدفة انفتح الموضوع وعرفت بالخبر وانصدمت

انه مافي احد خبرها وطالعة في اخوها نظره تقتل شيماء ترجع تضحك : هههههههه والله فاتكم

كانت نظرتها تخوف وهو هههههههه تحفة .

الكل فهم الموضوع ومين المقصود وضحكوا على خبالهم .

سارا تضم عمها و تتمسكن : يرضيك ياعمي يخبون عني انكم مو مسافرين ومستقرين واني

الحين دريت لولا امي فديتها كان للحين اني ما ادري وياغافليكم لله . الكل كان يناظر دلعها الرباني

واسلوبها في الملفت الي خلاهم كلهم يسكتون ويسمعون .

في الزاوية

جهاد يهمس للهيثم : ما اقدر على الدلع ههههههههههه والله انهم تحف مسويلها شعبيه

الهيثم : اسكت خلينا نسمع ابوي ايش يقولها .

ابو الهيثم : اكيد مايرضيني امري وتدللي وانا عمك وهم حسابهم عندي .

سارا بنظرة انتصار وقربت من عمها وهمست في اذنه " والكل عندهم فضول "

ابو الهيثم : ههههههههه خلاص تم الموضوع انتي تامرين .

شيماء لا بالله وانا البطة الصفرة.

عبدالعزيز: خلي الغيرة وانتي مو صفرة الا سودة هههههههههههههه.

سارا : ههههههه وتبوس عمها ابوالهيثم : فديتك والله الله لايحرمنا منك .

ابو خالد : والله شكل كرتي طاح .

سارا: افأاا لو الكروت كلها تطيح انت كرتك عالي من الذهب والالماس افديه بروحي وعمري وتضمه

وتبوسه.

ابوخالد : الله لايحرمني منش ولا من كلامك الحلو .

زياد : ياعمي والله اني شاك انها اذا تزوجت مانسمع منها شيء كل شيء لزوجها الدفش.

ابوخالد : ههههههههههههه الله يعينا هذاك الوقت.

سارا ساكتة ومتفشلة وتلعن في زياد لانه قاصد يفشلها .

ابو الهيثم : الحين كلكم بتحسدون الهيثم .

لحظة صمت في المكان كله من المفاجئة للبعض والصدمة للبعض الاخر حتى الهيثم انصدم.

زياد بعدم استيعاب: وليش نحسده.

ابو الهيثم وهو يناظر بوخالد الي يبتسم : لانه هو بياخذ سارا منكم صح ياخوي.

ابوخالد : والنعم في هيثم مافي احسن منه لبنتي .

ام محمد وتناظر الوجيه المصدومة : هو ايش فيكم كأنكم انصدمتوا سارا والهيثم مسمين لبعض

من هم صغار والكل عارف.

ابو جهاد : ايوة والحين انتوا كبرتوا ولازم تعرفون .

سارا ساكته من الصدمة مو مصدقة الي تسمعه حست بخنقة قامت ركض لبرا المجلس .

والكل من الرجال والحريم والبنات يضحكون عليها لانها استحت.

هيثم حس بصدمتها الي ماهي اكبر من صدمته كيف يقررون ويخططون من دون مايعرف كيف قام

بيطلع

ابوهيثم : اجلس ياهيثم ماتريدون تعرفون طلب سارا.

الكل بحماس وفضول: ايوة اكيد

ابوهيثم ويناظر خوانه : ههههههههههه انا موافق بس بعد موافقت اخواني اكيد يتنفذ الطلب.

ابو خالد + ابو جهاد : موافقين مافي كلام من بعدك

ابو هيثم : يسافر الشباب والبنات لدبي اسبوعين خر الشهر من الاجازة .

تعالت الاصوات الشباب بتذمر والبنات تصفير وتصفيق بفرح.

استأذن الهيثم وطلع

وجلسوا البقية سوالف وضحك حتى العشاء.


**********************************************

طلعت متجهه لغرفة اخوها وهيا مو شايفة طريقها من الدموع واول مادخلت جناحة ارتمت على

فراشه وبدت نوبة بكاء قوية : ليش ليش

سمعت صوت جوالها الي بجيب بنطلونها وعرفت المتصل من النغمة وردة على طول تريد تتكلم

مع احد ببحة : الوووو

ملاك مو منتبها لصوت سارا : هااااااااااااااااااااي اخبارك عند عمامك فرحانة ها وروميو عندك

سارا ماسكة دموعها : ملــوكة طلعت مخطوبة

ملاك بصراخ : كذااااااااااااااااااااااابة ياي انخطبنا مع بعض وااااااااااااااو .

سارا نست نفسها اول ماسمعت كلمتها انقلب المزاج شوي: ايش قلتي انخطبتي مين والحين

تتكلمين بسرعة.
07-22-2012, 12:49 مساءً
ملاك : حزري؟

سارا : تكلمي ولا اجيش الحين واجر شعرك .

ملاك : ههههههههههه متوحشة باقولك مازن ولد عم ماكلمت كلمتها الا وتسمع صريخ سارا

سارا : كذاااااااااااااااااااااااااااااابة حلفي مبرووووووووووووك ياااااااااااااااي .

ملاك : يالفضيحة اسكتي مالت عليك راح يقولوا بنات اخر زمن مايستحون .

سارا: فرحااااانة كثير .

ملاك : اقول لاتغيرين الموضوع وانتي على مين ؟.

سارا بهمس وتوتر: هـ يـثـ ـم .

ملاك : مبروووك ياعسل احمد اخوي يمدحه كثير.

سارا تذكرت احمد : اهاا اشكريه على الي سواه مع فراس هههههههه والله كسرت راسه

ملاك : ههههههه ان شالله وادعيله ترانا خطبناله بنت عمي لمى.

سارا بغصة : اكيد بتوافق هيا بتلاقي زي احمد وين .

ملاك: تسلمين اقول بسكر الحين كأني اسمع احد جاي وانا لازم اسوي اني مستحية مو جالسة

ابشرك .

سارا : ههههههههههههههه ما اقدر على اللي يستحون اموت انا .

ملاك : مالت والله قلبي يدق ياسارونة والله خايفة

سارا: خلي الدلع يابنت وتوكلي على الله استخيري وربك كريم

ملاك : اوكي وادعيلي يالغلا يالله باي .

سارا: باي . سكرت وتنهدة من القلب وتذكرت الموضوع وصارت تجيها افكار تخوف وتسدحت ورجعت

تبكي لين دخلت عالم الاحلام.


********************************************
07-22-2012, 12:49 مساءً
بعد العشاء

الشباب طلعوا يسهرون برا

البنات والحريم والرجال تفرقوا

البنات عند المسبح في الحوش

شيموووو: يااااااااااااي سوسو لهيثم فللللة

البنات : هههههههههههه

ندى : صراحة مسكينة تفشلت قدام الكل الله يهديهم عيال عمي ههههههه.

ريماس: بس والله عليها افكار من وين طلعت بفكرة دبي.

رهف : ياااااااااااااي والله حماس واحلى شيء قهر الشباب.

رودينا: هههههههههههههه كل يوم تقهرهم بشيء .

ريم : الا متى عزومة الشباب.

شيماء بحماس : عزومة والله وااااااااااااااااااااااو متى؟

ندى : غريبة ماخبراتك سارونة عنها.

شيماء: لا .

ريم : اكيد نست لانها كانت قبل ماتمرض وهيا اجلاتها حتى توصلون انتي واخوش.

شيماء ايش السالفة ؟

وخبروها وضحكت على موت سارا بتحدي الشباب: والله انها تحفة اموت فيها والله .

رودينا : الا هي وينها لا تقولوا ماراح تطلع ومستحية وشهقت هـــي لاتكون رجعت للبيت والله

لوريها لو سوتها.

لميس الي من بداية الجلسة ساكتة: الحين انتي ليش معصبة البنت خلاص اخذت مرادها .

البنات بصدمة : لمـــــــــــيس

ريم: والله ماتستحين .

لميس: وايش قلت انا شايفينها ملاك ما ادري ليش لازم المدح وتذكرونها ومايمشي شيء بدونها

والله ماتستاهل.

شيماء وهيا تقوم وتناظر لميس بنظرات : باشوف وينها ولا اقول تعالوا نطلع لغرفتي اكيد هيا هناك

على النت .

الكل: يالله

دخلوا الغرفة بتصفير وضحك وتعليقات على سارا تفاجئوا لما ماشافوها.

رودينا : مو اقولكم شكلها رجعت للبيت .

شيماء : اجلسوا باشوفها في غرفة زياد اكيد هيا هناك . وطلعت وهم كملوا سوالف .

دخلت غرفه شافاتها نايمة ابتسمت بحب يتكرر لها هذا المنظر كل سنة لاسباب مختلفة شغلت

المكيف وغطاتها وطفت الاضاءة وطلعت بهدوء, رجعت الغرفة وقالت انها نايمة .

لميس : لا بالله وتنام بغرفته ليش .

شيماء بحزم : اخوها وهيا حرة وهذا الشيء الكل متعود عليه من وهم صغار يالميس


******************************************

في نفس الوقت عند الشباب الي مجتمعين باستراحة على البحر

كان الجؤ فلة ووناسة الي يلعبون ورق والي يغنون ومسوينها جلسة سمر والي يلعبون بليستيشن

كان واقف لوحده عند البحر وسارح بخياله تنهد : ااااااااااااااااااااااااااااااه ياربي ارحمني برحمتك .

: خير يالحبيب ليش مهموم وانت توك خاطب حبيبة القلب هاا ياللي تقولي لا والله انت فكرك راح

لبعيد اثاريك مخطط بصمت .

لف عليه : جهاد الله يخليك والله مو ناقص.

جهاد : هيثم ايش فيك مو هذا الي تريده شكل البنت موافقة وعمي بعد والخطبة اعلنت وين

المشكلة ولاتقولي انها ماتحبك ولاتكرهك لا وتراكم مسمين لبعض من زمان ههههههههه.

الهيثم يتنهد : جهاد انت عارف مو انا الي باخبي عليك مثل هذا الموضوع بعدين انا زي زيكم .

جهاد بصدمة : ايش قصدك يعني مو انت طالبها .

الهيثم يتنهد : لا مثل متقول مسمين لبعض يعني من زمان مافكروا فينا مع انه المفروض ابوي

يسألني نحن مو من العصر الحجري ومادام ما سألوني اكيد هيا بعد من حالي.

جهاد : هيثم لو عمي ماشافها تناسبك ماكان تجرأ وسواها وبعدين شفت عمي بوخالد وابوك

وفرحتهم.
07-22-2012, 12:50 مساءً
الهيثم بغصة : جهاد انا ما اريد ارتبط باحد ما رايد اتعلق باحد ويروح بلحظة واتعذب انا مو مستعد

اخاف اكون جاف واظلم بنت عمي الي هيا من الحين انظلمت جهاد يوم طلعت رحت اجاب التلفون

سمعت صوتها في غرفة زياد تبكي من قلبها تدري ايش معناته .

جهاد : هيثم هونها واتهون بعدين انت معجب فيها لاتنكر وسارا امكن لانها انحرجت صراحة مالومها

احراج وبالنسبة للي تخاف منه هيثم كلامك غلط انت قلت ان لي لي ماكانت تعنيلك غير انها اخت

صغيرة ربيتهاوعلمتها مدة سنتين تعلقتوا ببعض وانت من اول تعرف انها مريضة وسارا غير عن لي

لي بعدين الحين يعني امك واخوانك مو متعلق فيهم مو مكن يموتوا باي لحظ ايش الكلام الي

تقوله.

الهيثم : سارا بعد مدري ايش فيها من يومها تمرض ومن يوم جيت ما اشوفها الا بالمستشفى

وكلهم بسببي اسبوع وطيحتها بالمستشفى مرتين كيف لو تزوجتها امكن انا منحوس.

جهاد : استغفر الله اقول خلي عنك وسوسة الشيطان وقول ايش صار على قريبة لي لي اتصلت .

الهيثم : مرة وكنت نايم واتصلت امس فيني الوليد يقول انه في وحدة سألت عني هيا يوم كلمتني

على بالها اني بالمانيا ولما جت قالها الوليد اني رجعت للبلاد ومايعرف العنوان وراحت.

جهاد : اها تعتقد ممكن تجي لهنا .

الهيثم :ااااااااااااه ما ستبعد .

جهاد : مفتقدها .

الهيثم اكتفى بهز راسه بنعم وسرح قبل سنتين

كان اول يوم يروح فيه المستشفى عشان يتدرب وياخذ خبرة واتفق مع مدير المستشفى الي

رحب فيه كان يمر بالممرات ويتعرف على الموظفين والدكاترة والممرضين كانت معه ممرضة تعرفه

على الكل وصل لقسمه وقف قدام غرفة دخل راسه بفضل لما سمع حماس من الاطفال.

" : هاااااااااااااااااي.

الاطفال بحماس: هااااااااااااي .

كانت توزع لهم هدايا وبالونات وتسمع سوالفهم بابتسامه حلوة وصارت تلعب معهم وتغني

ترا باترجم اللغة بالعربي الفصحى

جاوبته الممرضة باتسامة : هذا قسم الاطفال المصابين بالسرطان .

سأل بفضول: من تكون ؟

قالت : لي لي انها تأتي بشكل يومي لهم .

سأل : هل هيا مريضة ؟

قالت : نعم ولكن الى الان لم نعرف مرضها الذي اقامت فحوصاته قبل يومين .

يعني ممكن مرضها ليس خطيرا .

ابتسمت وقالت : نعم لانعلم .

ابتسم وشكرها وطلب منها تشوف عملها وتتركه لوحده رجع يناظرها مايدري ليش جذباته هذي

الطفلة المبتسمة امكن لانه شبه ابتسامتها بانسانة ,شافها تناظره بابتسامه ولوحت له بيدها وهيا

تقول هاااي .

نهضت ونهض الاطفال معها وهم يطلبون منها ان تلعب كانت تضحك وتقول لهم انها راح تكمل بس

في ضيف

ابتسم وهيا تقرب والاطفال يبتسمون وهيا تبعد عنه خطوتين اختل توازنها وداخت ركض لعندها

وشالها في وسط ذهول الاطفال الي بدأوا يصارخون بخوف ماكان يدري ايش يسوي يسكتهم ولا

ينادي على احد شاف ممرضة مارة نادها وهو خارج من الغرفة وشايلها دخلها على الدكتور الي بدأ

بفحصها .

طلع من سرحانه بعد ماحس بضربة على كتفة.

عبدالعزيز : يالاخو والله ماكنت اعرف ان بنت اخوي سوت فيك هيكا .

زياد كان ساكت يطالع باخوه الي يحسه مهموم كان مستغرب من الخطبة خاصة بعد نقاشهم الحاد

في البيت

فراس : بس صراحة خطيبته عليها افكار مالت.

خالد : اقول اسكت وهذا وهيا الي متوسطة لليسن مالك وانت للحين عليك عزيمة بعد التحدي

معاها وللحين مانفذت .

ليث : بخل الولد شكله

فراس : والله ماقصرت هههههههه بس والله هيا الي مأجلة الموضوع عشان شيماء وزياد وبعدين

لاتنسون اصلا العزيمة علينا كلنا انتم الي تحديتوها .

جهاد : اوكي لاتخاف ماراح تدفع لوحدك ايش رايك نخلي الحبيب يدفع لعزومة خطيبته .

كلهم صرخوا مؤيدين الفكرة وضحكوا على شكل الهيثم .

الهيثم : ههههههههه ايوة حطوها علي خلاص ماعليكم العزومة كلها علي.

عبدالعزيز : اكشخ يريد يظهر عند خطيبته ههههههههه.

الكل ضحك : ههههههههههههه

أياد : صراحة يافراس المفروض تنتحر بنت توسطة لك .

ريان : ايوة والله .

فراس: والله ادري فيكم غيرانين لان ابوكم رفض يتوسط.

ريان واياد بنفس الوقت : والله قهر .

الكل ضحك على اعترافهم .

زياد : ايش السالفة .

عبدالعزيز : افاااااااااا روميو للحين مايعرف .

ضحكوا على تعليقة : حلوة روميو ههههههههههههههههه

زياد : هاهاها مو حلوة يالله قولوا ايش السالفة .

خبروه بالسالفة وضحك عليهم ومدح سارا وجلسوا يعلقون عليه انه روميو.


***************************************

« الموضوع السابق | الموضوع التالي »
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
أسرار العيون!!!!!!! المواضيع المكررة والمخالفه
أسرار و لغة العيون صالون العنايه بالبشره
أسرار جمال العيون صالون التسريحات والمكياج
ألوان العيون أسرار.. ما هو لون عينك ؟ افتحي قلبك
أسرار العيون خواطر وعذب الكلام

جميع الأوقات بتوقيت GMT +3. الوقت الآن 05:53 مساءً.

 اتصل بنا - أعلن لدينا - سياسة الخصوصية -