الصورة الرمزية أحلى ملاك

للحفاظ على الموز مدة أطول

01-27-2008, 11:04

بسم الله الرحمن الرحيم


كثير منا يشتري كميه من الموز :

لكن تخزينه متعب بعض الشئ

يعني هو مو نفس الفواكه الثانيه

الي راح يتم لك اسبوع طازج بالثلاجه

بقول لك انا طريقتي وان شاء الله تستفيدون

بالصيف .....

تاخذين كل خمس او ست نفس الصوره تلفينها بالقصدير

وتحطينه بالثلاجه وكل ما تبين منه تاخذين كميه وحده وتفتحينها

وتخلينها براااااا علشان العائله كلها تاكل

خلص عندك كميه ثانيه افتحي وخليه برااا وهكذا

ملاحظه لا اللون بيتغير بهذي الطريقه حتى لو هو بالثلاجه

ولا طعمه ابدا ما يتغير كأنك توك شاريته

بس اهم شي ما تفتحين القصدير الا ان تاكلون الكميه كلها

يعني ما يصلح انك كل اشوي تفتحين القصدير تاخذين حبه وتسكرينه

علشان لو دخل له الهواء كأنك ما سويتي شي


بالبرد ................

نفس الطريقه ولكن بدل ما تحطينه بالثلاجه حطيه برااا

ولكن بدل القصدير لفيه فقط بورق النايلون الضاغط

اهم شي انك تختارين العدد المناسب من الموز للفه

علشان تكونين متأكده ان الموز لما تفتحينه راح ينوكل ما راح يتم كذا ويتغير لونه ...




عندك دفاتر مو مستخدمه

يعني ما فيها آثار للحبر والاقلام

تعالي اقول لك انا ايش اسوي فيه

انا كل ما اقلي بطاطس او اي شي مقلي

افرش عدد من اوراق الدفاتر على الصحن

وتعالي شوفي كيف يشفط الزيت من الاشياء المقليه

اما الدفاتر الي فيها حبر ومستخدمه

ارشه بعطر المفارش واخليه

كرمكم الله بالزباله واركب الكيس الاسود للنفايات

منها ان يعطر السله
ومها ان يشفط اي سائل ممكن ينزل من الكيس

ان شاء الله الفكره عجبتكم



ما تحبين تغسلين المواعين وانتي لابسه قفازات

تعالي اقول لك ايش تسوين ؟؟

اول شي اكيد لأنك ما تحبين تلبسين القفازات الخاصه للجلي

انك تعانين من تشقق اليد وجفافها و الحاله حاله ::



خلاص لا تشترين صابون السائل للغسيل

استغني عنه وانا عندي البديل الافضل لك

تعالي وراي وانتي مغمضه




هذا هو الحل الامثل

صابون السائل لليدين ما فيه كيماويات ومواد ضاره بالجلد كثر الصابون الخاص للجلي

بتقولين ان بيكلفك كثير

اقول لك سلامتك يا عمري

بالعكس

روحي لآقرب محل وتعالي شوفي العلب الكبيره


شوفي الجالون بذمتك ما راح توفرين

بتقولين ما ينظف الدهون ؟؟!!!

وانا اقول لك الااااااا ينظف ونص

والدليل تعالي اكلي اي شي مدهن بيدك ولما تغسلينه ينظف صح ؟؟

طيب وش المانع ان ما يغسل صحونك عدل !!

لاااااااااااااا وازيدك من الشعر بيت

انا استخدمه حتى للملابس السوده

للعبايه او لأي شي لونه اسود

ينظف ونفس الوقت ما يغير ابدا ابدا بلون

التجربه خير برهان

ولا تنسين ان يدينك من اليوم ورايح ما بتكون فيها تشققات

وان ما عجبتك الفكره هالله هالله بالقفازات والله يعينك هههههههه

إنتـــــــــــــــــــهى

01-30-2008, 22:37
يسلمو على الطرح الرائع والجميل

والله يعطيك العافيه ولا يحرمنا من جديدك

دمت بخير


قريبا
الصورة الرمزية أحلى ملاك

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
فوائد زيت اللوز الحلو وزيت اللوز المر صالون العنايه بالشعر
أطول اسم !!! التسلية والألعاب
الموز وما ادراك ما الموز للمواضيع الفكاهيه
أطول قصة حب الـتصميم والجرافـيكس

جميع الأوقات بتوقيت GMT +3. الوقت الآن 09:40.