الصورة الرمزية دمي ولا دمعة هلي

حابة تكوني قمر 14 ومهتمة بنفسك على طول

12-02-2012, 06:09 صباحاً




كثير مننا مش بتعرف تهتم بنفسها يا ما معندهاش وقت او معندهاش فكره
تهتم ازاى طب تعمل ايه وتتصرف ازاى
عشان كده انا حبيبت اعمل الموضوع ده كاساسيات لكل واحده
تحب تهتم بنفسها و خليكوا فاكرين ان اهمالنا لحاجات بسيطه
بتكون لنا مشاكل كبيره ونرجع نشتكى منها

وطبعا هنتكلم عن الوجه والايد والرجل

ندخل فى المـــــــــــهم بقا

الـــــــــوجه
اولا تنضيف البشره


اعمليه فى بيتك بدل ما تروحى مراكز التجميل وتكلفى نفسك
ويحطولك جهاز بخار وكام ماسك صناعى وخلاص على كده
لكن فى بيتك اضمن واحسن

معظم الشعب المصري بشرتهم دهنية يعني مسام بشرته واسعة..
فاى ماده بتتحط على الوش او البشره بتحشي بها المسام وتسيبيها في التراب والشمس تتفاعل على
وجهك وتيجي آخر النهار تغسلي وشك بمياه وصابون وشكرا ولما جيتي تشليها
شلتي اللي على السطح فقط وسبتي الباقي يدخل جوه


وطريقته
حمام البخار


هتغلى مايه فيها بقدونس او نعناع وتقربيه لوشك وبعد كده تمسحى وشك بتلجه
لان المسام دلوقتى مفتوح





تانى خطوه
هيه ازاله الميكب واثاره


ممكن تستخدمى منتجات كلين اند كلير او جونسون
(او ممكن تشيلى الميك أب بقطنه مبلوله بلبن بارد أو زيت أطفال لو ما عندكيش مزيل)

تالت خطوه
الصابون الطبى

لان الصابون العادى للاستحمام بس
انا عن نفسى بستعمل صابونه داى لايت ب 10 ج وروعه
برغيها زى ماسك لمده دقيقتين بتبيض وبتنور وشى
جربوها وادعولى صابونه بجد
رابع خطوه

بعد كده بتجيبى قطنة وتبليها بالحليب وتبتدى تمسحى وشك بيها بحركات دائرية
بس بلاش على العين
او تجيبى زبادى وتسبيه على وشك شويه


معلومات اكتر عن ماسك الزبادى
وده عبارة عن زبادى فقط بتفرديها على وشك وتدلكيها 3 دقايق وتسبيها نصف ساعة
وبعدها تغسلى وشك بماء فاتر وتمررى ثلجة وبعدها كريم ترطيب خفيف

وده بتساعد على الترطيب والتنعيم وبتغذى البشرة كمان واثناء الماسك ده
ممكن تستغلى الوقت وتحطى شرايح خيار على عيونك

والتنظيف يا قمرات بيكون مرتين فى اليوم صباحا اول ما تصحى ومساءا قبل ما تنامى

وممكن نستخدام التونر المناسب لبشرتنا

البشرة الجافة التونر هيكون ماء الورد
والبشرة الدهنية هيكون مغلى البقدونس او النعناع
وعموما ماء الورد مفيد لكل انواع البشرة

خامس خطوه

بعد الصابون والتونر
هنحط كريم الترطيب المناسب مثلا ( ايفا او دوف )




ثانيــــــــــــا
الايــــــــد و الكوعين


نجى لادينا بقا اللى بنغسل بيها وناكل وننضف وكده يعنى متبهدله معانا

مبدئيا هطلب منكو كل واحدة تشترى جوانتى لحماية اليدين ب 5 جنيه من الصيدليات الكبيره ده عشان تستخدمه فى المطبخ والتنضيف

ويوميا هتدعكى كوعك وايدك بالجلسرين ومضاف عليه عصير ليمون



ثالثا
القدم والرجل


تدهنى رجليكى كلها فازلين وكعوبك وصوابعك وكل قدمك وتضعيها فى اناء به ماء ساخن قليلا
والماء ده هتكونى حاطة فيه عصير ليمونة وملح خشن وشوية شاور
طبعا تسيبى رجليكى حوالى من ربع الى ثلث ساعة وبعد كده تطلعى قدم وتركى الاخرى فى الماية
تنشفيها كويس وتجيبى مبرد القدمين وتشتغلى بيه على رجلك كلها من تحت وعلى كعوبك لازالة الجلد الميت او بالحجر الخفاف


-بعد ما تخلصى يا قمر هترطبى القدم بكريم ترطيب للقدمين اسمه carbamide
هتجبيه من اى صيدلية وبعدها تلبسى شراب قطن وتطلعى على السرير جرى
طبعا المتزوجات مش هينفع يناموا بشراب جمب ازواجهم مينفعش خالص احسن يطفشوا مننا مش نصلح حاجة
وتيجى على دماغنا فى الاخر ههههههه وبس بقا عشان انا لسه بنت ومش بتكلم فى السياسه



شويه نصايح على الماشى

1- شرب كل يوم 8 كوبايات مايه على الاقل بتنضف البشره من السموم اللى فى جسمنا

*****************
2- ابعدى عن التوتر العصبى والحالات النفسيه عشان شعرنا كمان

*********************
3-ابعدى عن الحوادق والمخلل والجبنه القديمه والحادقه والشطه والاكل اللى بره البيت
دول من اخطر الحاجات على البشره دول اللى بيولعوها حريقه وحبوب وبقع واحمرار

****************************
4- التقليل من السهر والنوم بدرى
بس اللى يعرف ينام بدرى ياخدنى معاه لانى بحاول كتير بس بفشل
***********************
5- ربنا اعطى كل واحده نعمة كبيرة قوي وغالية قوي
كفاية بودرة مائية .. ارحموا بشرتكم وسيبوها تتنفس
وبعدين نرجع نشتكي وشي نشف .. وشي بقع .. طلعلى حبوب .. بقى عندى بثور سودا ..
وعندى تجاعيد وانا لسه صغيره وكده


بس اهم نصيحة النظافة ثم النظافة ثم النظافة
ومتنسوش تغسلوا سنانكم قبل النوم

يارب موضوعى يعجبكم


بحبكم فى الله

منقول





الصورة الرمزية كلام من القلب
12-02-2012, 08:47 صباحاً
انتقاء رائع وطرح مميز

يعطيكي العافيه يا عسل

ماننحرم من جديدك

يقيم بالنجوم ويثبت للفائده

بانتظار القادم







12-02-2012, 02:37 مساءً
بشرتي ناشفة لاني بخرج بدري ايه الحل


الصورة الرمزية دمي ولا دمعة هلي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
حابة تكوني بيضاء وصافيه ومورده بمده قصيررره تفضلي. صالون العنايه بالبشره
جدد نفسك بنفسك من خلال هذه الجمل ؟؟؟؟تعال وشوف بنفسك لا تتردد تعال المواضيع المكررة والمخالفه
تنبيه للي حابة تعرف والي مو حابة عادي افتحي قلبك
اذا لم تكوني مطيعه لله فلا تكوني عاصية والعياذ بالله منتدى البيت الإسلامي
أأنت مفتخرة بنفسك ؟؟ اجزم بأنك ستفتخرين بنفسك بعد الضغط هنااا!! المواضيع المكررة والمخالفه

جميع الأوقات بتوقيت GMT +3. الوقت الآن 05:02 صباحاً.