• 1
  • 2
  • 3
الصورة الرمزية bulut

حامل أول مرة ....بدي مساعدة

06-01-2013, 11:48 صباحاً

السلام عليكم و رحمة الله و بركاته
.
.
.
.
أنا عمري 20 سنة و حامل بالشهر الثامن و الحمد لله و هاد اول حمل
تغلبت كتيييير في بداية الحمل يعني شفت كل اعراض الحمل و الله يستر من الباقي

مو عارفة شو صار لي لما دخلت بالشهر السابع ..صرت أبكي دائما و ما أعرف أنام
لاني خايفة من الولادة
و كل شوي بسمع بشغلة جديدة عن الولادة ..... و الله ارتعبت كتيير
صرت أقول خلص مابدي البيبي......
مرة بسمع بالخياطة و مرة بالكشف الداخلي يالللي ما بعرف من وين طلعلي
بالله ساعدوني مو عارفة شو اعمل ...
و كل ما احكي لزوجي عن خوفي من الولادة
بصير يحكي : انت بتكبري الامور مع إنها سهلة ...( شو بعرفه !!)

وأمي ما بترضى تحكيلي كل الأشياء لانها بتخاف علي
مو عارفة شو أعمل ؟؟؟؟؟
المهم باختصار ساعدوووني
بحبكم كتيرررر

الصورة الرمزية mnayr
06-01-2013, 11:59 صباحاً
ي قلبي لا تخافيين مراح يصير شئ دام ربك معك توكلي عليه
اهم شئ امشي كثيير واكلي تمر خاص باﻷشهور الاخيير
الله يسهلها عليك وتقوميين بسسلامه
06-01-2013, 01:24 مساءً
اختي ليكي معك حق تقلقي لانك مو مجربة
ليكي الولادة باختصار بتجيكي مغصات متل الم الدورة بس اقوى وبتروحي عالمشفى
حتى تعرف الطبيبة اذا ولادة ولا لاء ...بتلبس كف وبتحط كريم على ايدا وبتدخل ايدها بالمهبل لتعرف كم مفتوح الرحم ...طبعا هي بتحط كريم وبتنزلق ايدها بسهولة (او كم اصبع فقط)وبتكوني مسترخية ما بتحسي
المهم بس يصير الفتحة مناسبة بيفوتوكي على غرفة الولادة يلي بيكون فيها الالم الحقيقي بس هاد الالم مدتو قصيييييييرة انشالله المهم حاولي تسترخي
بيطلع راس الطفل خلص ما بيضل شي ابدا ابدا...
بالنسبة للخياطة ...فتحة المهبل صغيرة وكرمال ما يتعذب الطفل ..بيخدروكي بإبرة صغيرة وبتجرح الطبيبة قليلا ليكبر الفتحة ويخرج الطفل بسلام
انتي ما بتحسي لان بتكوني مخدرة
وبيقطبو

خلص العذاب
بعد الولادة بتحسي تقلصات متل الدورة بيكون الرحم عميرجع مكانو
وبالنسبة للخياطة..اهتمي بالنظافة ومغاطس ماء وملح ومعقمات انشالله ما بتحسي بشي
اما لو اهملتي بيصير وجع والتهاب


اما القيصرية...
بيجرحولك بطنك وبيشيلو الولد خلال خمس دقائق وبعدين بيصيرو يقطبو
في نوع قطب عادي ..وفي نوع قطب تجميلي بالليزر مابيكون في قطب ببطنك ما احلاها
بس اول اسبوع بالذات ممنوووووووع تتعبي او تحملي شي غير ابنك
في نسوان بتقول وجع ساعة احسن من وجع اسبوع
المهم امشي وكلي تمر
ولاتسمعي خرافات النسوان وتشربي اعشاب لان ممكن تأذي
تسمعي شي بيجيب الطلق اوعك تشربي لان اذا اجى تقلصات طلق وعنق الرحم مسكر بينفجر الرحم اوعك تخبصي بالاعشاب
اذا في شي تاني تفضلي اسألي
يارب تحميلي زوجي وبنتي...كريم يارب
الصورة الرمزية لطيفة بكلامي
06-01-2013, 07:06 مساءً
حبيبتي وكلي أمرك للرحمن

وتذكري طفلك اللي سيخرج من أحشائك كيف سيكون

لا تخلي وسوسات الشيطان تسيطر عليك

أكثري من الدعاء حبيبتي

ربي يسهل ولادتك يا رب



رب لا تذرني فردا وأنت خير الوارثين
الصورة الرمزية bulut
06-01-2013, 07:12 مساءً
اختي ليكي معك حق تقلقي لانك مو مجربة
ليكي الولادة باختصار بتجيكي مغصات متل الم الدورة بس اقوى وبتروحي عالمشفى
حتى تعرف الطبيبة اذا ولادة ولا لاء ...بتلبس كف وبتحط كريم على ايدا وبتدخل ايدها بالمهبل لتعرف كم مفتوح الرحم ...طبعا هي بتحط كريم وبتنزلق ايدها بسهولة (او كم اصبع فقط)وبتكوني مسترخية ما بتحسي
شكرا لك حبيبتي...بس أنا مو متخيلة هاد الموضوع
الله يستر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
ارجو مساعدة من صاحبات الخبرة هل انا حامل؟ أسئلة وإستفسارات الحمل والولادة
ارجو مساعدة انا حامل ابي مساعدة من لي لها خبرة الحمل والولادة
مساعدة أختي حامل بعد انتظار.... أمراض النساء وتأخر الحمل
مقسم الأدراج السدادسي - حامل الجوال - حامل معجون الأسنان - أكياس الفراوله عروض متنوعه
حامل الجوال* الدجاجه العجيبه*حامل الرول*منظم الجزم * قطاعه الموز * المقص عروض متنوعه

جميع الأوقات بتوقيت GMT +3. الوقت الآن 08:41 صباحاً.

 اتصل بنا - أعلن لدينا - سياسة الخصوصية -