انا قبيحة وانتهى .

[مشكلتي]

السلام عليكم
بدون مقدمات حقولكم كل اللي في خاطري ويمكن يكون طويل بس كلام كابتته في صدري من زمان
انا بالمختصر شينة وقبيحة وكل شى يعني ما اقدر اطالع نفسي بالمراية انا قبل ما ادخل الثانوية كنت احس نفسي جميلة ومافيني عيب الحمدلله ولكن بعد ما دخلت صحباتي يقولو لي شينة وينادوني شفيق صاحب سبونج بوب عشانه قبيح وانفه يقولو مثل انفي والله كانت عندي ثقة جدا كبيرة ولكن دحين صارت 0 من كلام البنات مع انوا لما اطالع في نفسي في المراية كنت اقول ليش يقولو اني مو حلوة يعني احس شكلي عادي وحتى يقارنوني مع اختي يقولو انها احلى مني حتى احيانا يستغربو اني اختها لانها بيضة وانا سمرا هيا طالعة على امي وانا طالعة ع ابوي للعلم اني جسمي يهبل و شعري كيرلي ناعم وحلو وسمرا والحمدلله راضية بنفسي واحس لوني كويس انا ماني معترضة ع خلقة ربي بس طفشت من الناس ومني خلاص اللي عنده ملاحظة مو لازم يقولها ترا تجرح ودحين انا خلاص احس نفسي صرت نفسية لو احد يقولي شينة ولا مو حلوة ازعل حتى لو كان عن طريق المزاح ماعاد اتحمل واللي يقولو انوا اهم شى الاخلاق والله اخلاقي مافي مثلها كل صديقاتي يحبوني و اجتماعية وفرفوشة ومهبولة وكل شى وما عمري جرحت احد حتى لو عند طريق المزاح لاني احس بالاحساس اللي يشعر فيه واللي يقولو انوا اهم شى الاخلاق شوفوني اخلاقي مافي زيها ولا فادتني احنا في زمان ما يقدرو الوحدة الا بجمالها ومن ناحية الاستايل انا ستايلي مرة حلو وكلهم يعجبهم وحتى لما نطلع انا وصحباتي بارتي واحط مكياج يقولو لي شكلك يهبل بس انا احسهم يجاملو او يستهبلو علي انا احيانا ابكي ع نفسي احس جاتني عقدة من شكككلي انا خلاص حاسة نفسي ولا شى احيانا اقعد ارفع من معنوياتي لكن ما يفيد للعلم والله اني اخلاق وجسم وشطارة وكلهم يقولو ذكية لكن ولا شى فادني الحين يقدرو الوحدة بجمالها حتى لو كانت اخلاقها زفففتتت حتى صحباتي لما نروح مثلا مولات ويجي واحد يعاكس او شى طبعا انا اطنش صحبتي تقولي كان اخذتي رقمه مين بيطالع في وجهك غيروو انا هنا كرهت نفسي وصحبتي وكل شى احيانا احس لو اروح مكان اجلس لحالي لحد يشوفني ولا اشوفه احسن لي والله صحباتي يقولو لي حطي مكياج ولما احط احس ما تغير شى نفس الوجه القبيح بس هم يقولو لي شكلك حلو انا احس انهم كذابين اشكر من كل قلبي اللي قرأ موضوعي للنهاية صح انه تافه بس هاذي مشكلة كبيرة بالنسبة لي واعذروني ع الكلام المخلبط بس هادا اللي في قلبي وشكرا

[مشكلتي]

حبيبتي
انتي مو عارفة لنفسك مرة تقول ماتحبي تطالعي روحك في المراية لأنك مو حلوه

ومرة ثانية تردي تقولي لما اطالع نفسي احس حلوووووه !!!

طيب حبيبتي انتي واثقة انك حلوه وماوصغاتك ماشاء الله رائعة بس الغلط مو فيك في صاحباتك ،

ليش يقولوا انك شينة وقبيحة ومدري ايش ؟؟؟؟
ممكن تكون غيرة وقهر
لأن جسمك حلو وشعرك حلو وذكية وشاطرة مالقوا يحطوا العيب الا في خشمك خخخ جد ناس ماعندهم سالفة
ماحد كامل وانا اختك
اهم شي تكوني مرتبة ونظيفة وكشخة وعارفة تهتمي في نفسك وتبرزي جمالك هنااا ماحد يتجرأ يقط عليك كلمة

طيب انتي سمرا ؛

وربي البشرة السمرا اذا كانت صافية ومشدودة احلى من البيضا بمليون مرة
ماتشوفي بالأغاني دايما يالسمرا ويالسمرا ههههه ماعمرهم ذكروا البيضا

صاحباتك هذول الله يهديهم حطموا ثقتك في نفسك ، بس انتي ارجعي عززيها ولاتنتظري احد يجي يمدحك او يقول لك كلمة حلوة

انتي امدحي نفسك ايييييييه امدحي نفسك ودلعيهااا وماعليك من احد

اذا قالوا لك شي عن خشمك قولي لهم الحين انتوا تركتوا كل جمالي وماركزتوا غير على خشمي ؟؟!!

واصلا خشمي جميل وعاجبني بس الغيرة وماتسوي

وبعدها ماحد بيتجرأ يقط عليك كلمة

وياحبيبة قلبي اي كلمة احد يقولها لك سواء كانت مدح او ذم لاتاخذي عليهاااا

خلك واثقة من نفسك واذا شفتي نفسك حلوه صدقيني الكل بيشوفك حلوه

واذا شفتي نفسك قبيحة بيشوفوك كذا

يعني خلللللللللللك دوم جميلة ومهتمة بنفسك وماعليك من التفاهات ياغناتي


الله يوفقك يالغالية

[الـؤعـد بكـرهـ]

المشكلةة وآاضحةة ...

مآافي ثققةة بالنفسس !!

[عذيب الارواح]

قولي لهم انا حلوة غصبن عنكم وخليها زي القناعة في نفسك انك جميلة موانتي قبيحة زي مايزعمون صاحباتك وهذي فعلا كانت نظرتك لنفسك بس للاسف بدل ماتتمسكين فيها تخليتي عنها عشان كم وحدة مالهم هم ولاشغل الا الانتقاد والتعييب على الناس ليش شدعوة هم كلهم ملكات جمال يعني وصدقيني مافيه انسان يعيب على اشكال الناس الا وهو قد تعرض للسخرية على شكله في يوم من الايام وهذا يسمونه في علم النفس (الاسقاط) اهم شيء انتي خلي ثقتك بنفسك قوية ولاتصدقين الاشياء السلبية عن نفسك وانتي توك صغيرة ومعروف الانسان بشكل عام كلما كبر في العمر يزداد جماله بدليل ان اكثر الناس لما يشوفون صورهم وهم صغار او مراهقين يضحكون على اشكالهم مع انها كانت عاجبتهم في حينها

[أم كُلثوم]

واضحة وضوح الشمس شكلهم غيرانين منكك..

قولي لهم بكل ثقة اقول سكت لكم ومصختوها وبعدين من زينكم تتمصخرون وتتريقون روحو شوفو نفسكم بالمراية..(وطلعي لكل وحدة عيوبها) يعني انتي يافلانة على ايش تتمصخري علي شوفي وجهك وتسذا..

وقولي لهم لو موعاجبكم شكلي غيروه لو ماتقدرو تغيروه انطمو ولاتتكلمو عني روحو صلحو نفسكم وبعدين تكلمو ..

[روبي34]

اتعلمين كيف رد لقمان الحكيم الذي تحدث الرب عزوجل عنه في سورة كاملة؟؟؟؟
عندما قيل له ما اقبحك يالقمان؟؟؟
فأجاب بكل ثقة...اتعيب النقش ام النقاااااش؟؟؟
يكفيك على ما اظن هذا

[تراجي عراقية]

ارضي بشكلك هذه خلقة ربنا

[نهى نونه]

ارضى بخلقة الله حرام عليكى