الصورة الرمزية ~ Asma ~

كيف تقتل النمل فى أقل من 10 دقائق ؟؟

06-06-2008, 03:52 مساءً




النمل جيوش مدربة .. ذكية وتتعلم .. لدرجة أنها بتحمى مخلوقات تانية! .. ومنهم النوع البلطجى الذى يطلب الإتاوة والدفع له مقابل خدماته .. يعنى باختصار عالم تانى وعالم محترم جدا .. وهو نعمة لصالح بلاد ونقمة فى بلاد! ففى الصين النمل الأحمر يفيدهم فى تقليب التربة الزراعية وتهويتها .. أما فى أمريكا فهو نقمة لأنه يأكل كل شئ حتى كابلات الكهرباء (بيستاهلوا )

الوقاية خير من العلاج .. لو أن البيت نظيف ولا يحتوى على فتات الطعام ففرصة انتشار النمل أقل .. ولكن للأسف النمل برضه لو البيت كان فل الفل لا يرحم.

نظريات كتير خرجت لمكافحة النمل والقضاء عليه .. ولم نستطع سوى قتل القليل من النمل! .. وهنا استعراض سريع لبعض النظريات:

نظرية الشريط اللاصق: بتثبيت شريط لاصق على الشقوق فى المنزل وحول الأبواب .. ولكن النمل الذكى كان يأخذ الطين ويضعه على اللاصق مما يعطل عمله!



نظرية سيب وأنا أسيب:أساس النظرية أنك تعطى النمل حقه وهو يسيبك فى حالك ..جيب كل يوم شوية أكل وحطه أمام البيت فياكل بره البيت ويسيب البيت فاضى .. نوع من التكافل والتوازن البيئى ..



نظرية أديله بالشبشب لحد ما يبان له صحاب: أفشل نظرية .. أيه الغباء ده هو الشبشب هيضرب مين ولا مين .. وبعدين جحر النمل هيفضل يطلع نمل!



نظرية طنش تعش: ودى للناس الكسلانين .. سيب النمل يعيش معاك فى البيت ولا تعمل له حاجة بس الخوف إنه فى يوم يطردك من الشقة (:



نظرية الرشة الجريئة: عن طريق رش المبيدات (خصوصا الباف باف فيليت الذى يستمر ويستمر ويتوغل وينتشر ويقتل - بس بيقتلك أنت (: ) وكما قلنا أنه الآثار الجانبية للحاجات دى أخطر من النمل بمراحل!



نظرية اسمها حط له السم فى الأكل: آه خياااانة .. أنك تشترى المنتجات السامة دى على شكل حبوب .. مشكلتها لو عيل صغير طفس أكلها .. تخسر عيل صغير علشان نملة؟ بلاش أحسن



نظرية المكنسة الكهربائية: نظريه فاشلة لأنك لن تقضى على المصدر!



نظرية لاقينى ولا تغدينى: ودى دليل على اليأس .. الفكرة أنك تخطف نملتين من وسط كل 10 نملات .. تقتل نملة وتضرب نملة .. وترجع النملة المعتقلة دى للجيش تانى علشان تروح وتحكى لملكة النمل عن وحشية البنى آدم اللى رايحين ياكلوا أكله .. بس المشكله أنه النمل ممكن يضحى ولا يهمه.



نظرية يكش تولع (وفى رواية اسمها: على وعلى أعدائى): ودى مصيبه لأنها فاشلة جدا .. إنك تجرى ورى النمل بالبلطة أو المنجنيق أى حاجة كبيرة كده علشان تكسر جحورهم .. بس النتيجة البيت يا إما هيتهد أو أنت تكسره كله .. وبرضه النمل هيعيش!



طيب والحل .. الحل أيه عقدتنا فى عيشيتنا؟؟ أيه طرق مكافحة النمل؟؟ ما هو العلاج؟

ببساطة شديدة وبعد عدة تجارب .. كالعادة، فالمكافحة البيولوجية هى أساس الحل الجذرى للمواضيع المتعثرة .. وهذه صورة العلاج:




اسمه آكل النمل Anteater ويتغذى على أكثر من 200 ألف نملة فى اليوم .. حظ سعيد ويا ريت الجيران يشتركوا معك فى الحل لأنه لو مأكلش النمل ده كله هيزعل أوى وباين من الصورة أن زعله وحش.



جربو اي طريقه وادعولي
(:
لـ حفظ الموضوع والإستفاده منه إستخدمى هذا الرابط :
كيف تقتل النمل فى أقل من 10 دقائق ؟؟
http://forum.sedty.com/t92425.html



06-06-2008, 08:13 مساءً
هههههههههههه

موضوع دمه خفيف وحلو كحلاوتك

تسلمين حبيبتي اسماء

عاشت ايدك يا عســــــــــــــــــل






\\حَآصِلـَه عَلـىآاٍ شَهَـآدة تَقديـر مِـن ـإدآرة ـألمُنتـَدىآاٍ ـألمَجمُـوعـَـه ـألثـَآنِـيـَ(2)ـه

الصورة الرمزية زي القمر
06-06-2008, 11:14 مساءً
ما قريته كله لاني عارفه انه استهبال
بس
مشكوووووووووره
((بلا منتديات بلا هم سيدتي هو الاهم))


الصورة الرمزية ~ Asma ~
06-07-2008, 02:59 مساءً
الدره الفريده

شكرا على مرورك الحلو

زي القمر

ما انتي داخله قسم المواضيع الفكاهيه يعني مواضيع كلها استهبال
ما بدك تقرأي استهبال ليش تفوتي (:
على كل مشكوره على المرور

الصورة الرمزية ~ Asma ~

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
معجزة النمل منتدى البيت الإسلامي
حتى النمل بينهم حسد نادي سيدتي
كيف يتحطم النمل منتدى البيت الإسلامي
فوائد النمل !! صحتك
كيس النمل التسلية والألعاب

جميع الأوقات بتوقيت GMT +3. الوقت الآن 04:28 مساءً.