• 1
  • 2

والحل مع زوجي جاب لي مرض نفسي !!

02-13-2018, 03:44 مساءً

يسعدلي مسائكم سيداتي الجميلات تزوجت واحد يكبرني ب 27 مطلق ونا مطلقه وهذا نصيب المهم تزوجنا وصار الي صار وبعد فتره من سكنت معه حقيقة بانت أسلوبه ومعاملة سيئة جدا متهمني اتهامات باطله يقول اتسوين فرد وتمليس حق شعرك وهذي من اول ليلة دخلتنا ونا كنت رايحه حق تجهيز العرائس بالصالون حتى عرس مأسوالي والي سويته بشعري سشواااررر فقط وليه اكذب يعني !؟ المهم سافر ثاني يوم دخلتي وأسبوع مارد علي ع أساس هذا الاتهام البااطل انا الكل يشهد بجمالي 


وجالس يعيب فيني وهو مافيه جمال وانا ماهمني الجمال الرجل بالمواقف قبلت فيه لاني كنت احسبه الرجال ونعم فيه ويهدد ان يقدر يجيب 10 مثلي  خدعني قال بيجيب لي غرفة نوم جديده ويوم لارحت لاشفت غرفة ولا شفت شي وقال متزوج فقط الي جابت له العيال طلع مطلق حرمتين قبلي وأخواته وورقة الطلاق الي فضحته المهم صار يحط فيني اتهامات غبيه ومضحكه مثلا اني خدعته بشكلي اني شعري فلافل واني سمرا واني عرجااء وفيني عيب خلقي طلع مريض نفسيا انا يوم كنت صغيره صغيره مثلي مثل غيري من الأطفال صابني تسوس واطريت أحط جسر كنت  بعمر ال 13 اطريت أحط جسر والحين انا بعمر أل 28 ونسيت أقوله السالفه قبل الزواج مو اني أخدعه وقال بسوي لك ابتسامة هوليود وربي اني ماطلبته يوم سؤالها لي جلس يقول اني طلبته واني خدعته أنكر كل شي واني اغازل عياله الشباب وانا اعتبرهم نفس اخواني وربي  ويقول صوري كلها خدعه منتي ب جميله سكتت وتتحملت على روحي 💔💔وعياله الكبار صارو يدخلون امهم بالبيت بحجة محتاجين تصلح لهم شي وانا ولاكاني موجوده وهو راضي وصارت ترسل


اكل عيالها وانا الي اطبخ ويوم قلت له ممنوع ترسل انا الحين موجوده قال انتي غريبه وهي بنت عمي وابنه الكبير يدخل عاهرات للبيت باللليل وبالصبح يطلعهم من الباب الاخر ويوم قلت له جلس يتهمني بشرفي ويطعن ب اهلي يسب وكم مره تعدا علي بالضرب ومخلي الخدامة تعتدي علي كم مره وطول لسانها وانا الي انظف واشتغل من قلب لذرجه جتني حساسيه ل يدي اليسار تعالجت منها ولدرجه الخدامه تعدت علي واذني اليسار فيها جرح للحين وووقف


بصف الخدامه قال مستحيل تتعدي على احد وطلعني انا الكذاابه 
المهم الحين قال روحي عند اهلك عشان كان عندي أوراق اخلصها ب مدينتي الاخرى 
ويوم رجعت عند اهلي لا صار يرد عليا واتصل ماايرد وكلمت اهله يكلموونه مايرد عليهم !! وجالس يتجاهل ومايرسلي مصروف وكله حاقرني لي كم شهور عند اهلي ويوم يتكلم يجلس يرد الاتهامات التافها شعر ماشعر يتهرررب !!شو الحل معه !!




الصورة الرمزية narven
02-13-2018, 05:00 مساءً

لا اله الا الله اختي زوجج فعلا مريييييض نفسيا 

خيتي اذذا مالج متحملة بلاها هل عيشة اثقلي ولااتتصلين فترة لعل وعسى يرجع واذا لا مالج غير الطلاق اختي المرة الي تتطلق معناه المرة القوية الختارت تعيش بكرامة عن الذلة ولاتنسين الدعاء بلهداية وقيام الليل الله يهدي حالكم ويوفقكم

تقبلي مروري ^_^




ربي ارزقني رضاك ورضا امي وابي^_^

وارزقني من احببت من عبادك

ولاتحرمنا النظر الى وجهك الكريم
02-13-2018, 07:29 مساءً

للأسف الشديد لا حل أمامك إلا طلب الطلاق وحفظ كرامتك .فرج الله همك ويسر أمرك.


كل عام وأنتن بخير .تقبل الله منا ومنكن صالح الأعمال
الصورة الرمزية أفنان الأمل
02-14-2018, 01:38 صباحاً

ومن يظن نفسه الله يفرج عليك وفارق السن يحدث الفجوة بينكم  الله يصلح الحال أدعي  ربي ينفس كربتك بقدرته سبحانه


<p></p>
الصورة الرمزية moooooodef
02-14-2018, 02:16 مساءً

اختي زوجك يمثل عليك بالتهامات عشان شكله ما يبيكي خلاص اخذ منك كل شئ نفسه شبعت منك خلاص يبغى يرجع لزوجتة السابقة وذا كله حجج عشان تطلبي الطلاق وترجعي مهره لانك انت اللي طلبتيه اما لو هو اللي طللقك ما ترجعي ولا شئ بل هو اللي يعطيك حقوقك انتبه


اللهم انتقم من يريد قهري وحسبي الله ونعم الوكيل

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
ابنائي وابناء زوجي مشكلتي
هل مرض نفسي مشكلتي
سلفاتي حاقدين علي ويهددوني .. مشكلتي
اهل زوجي رح يخربوا بيتي مشكلتي
مشكلتي مع زوجي لا يتقرب مني الحياة الزوجية

جميع الأوقات بتوقيت GMT +3. الوقت الآن 05:22 صباحاً.